৫. অৰঞ্ঞৱগ্গ

৫৩৬. অৰঞ্ঞং কাননং দাযো, গহনং ৱিপিনং ৱনং;

অটৱী’ত্থী মহাৰঞ্ঞং, ত্ৱ, ৰঞ্ঞানীত্থিযং ভৱে.

৫৩৭. নগৰা নাতিদূৰস্মিং, সন্তেহি যো ভিৰোপিতো;

তৰুসণ্ডো স আৰামো, তথো পৱন মুচ্চতে.

৫৩৮. সব্বসাধাৰণা’ৰঞ্ঞং, ৰঞ্ঞ মুয্যান মুচ্চতে;

ঞেয্যং তদেৱ পমদ, ৱন মন্তেপুৰোচিতং.

৫৩৯. পন্তি ৱীথ্যা’ৱলি সেণী, পাড়ি লেখা তু ৰাজি চ;

পাদপো ৱিটপী ৰুক্খো, অগো সালো মহীৰুহো.

৫৪০. দুমো তৰু কুজো সাখী, গচ্ছো তু খুদ্দপাদপো;

ফলন্তি যে ৱিনা পুপ্ফং, তে ৱুচ্চন্তি ৱনপ্পতী.

৫৪১. ফলপাকাৱসানে যো,

মৰত্যো সধি সা ভৱে;

তীসু ৱঞ্চ্যা’ফলা চাথ, ফলিনো ফলৱা ফলী.

৫৪২. সম্ফুল্লিতো তু ৱিকচো, ফুল্লো ৱিকসিতো তিসু;

সিৰো’গ্গং সিখৰো নিত্থী, সাখা তু কথিতা লতা.

৫৪৩. দলং পলাসং ছদনং, পণ্ণং পত্তং ছদো প্যথ;

পল্লৱো ৱা কিসলযং, নৱুব্ভিন্নে তু অঙ্কুৰো.

৫৪৪. মকুলং ৱা কুটুমলো, খাৰকো তু চ জালকং;

কলিকা কোৰকো নিত্থী, ৱণ্টং পুপ্ফাদিবন্ধনং.

৫৪৫. পসৱো কুসুমং পুপ্ফং, পৰাগো পুপ্ফজো ৰজো;

মকৰন্দো মধু মতং, থৱকো তু চ গোচ্ছকো.

৫৪৬. ফলে ত্ৱা’মে সলাটু’ত্তো,

ফলং তু পক্ক মুচ্চতে;

চম্পক’ম্বাদিকুসুম, ফলনামং নপুংসকে.

৫৪৭. মল্লিকাদী তু কুসুমে, সলিঙ্গা ৱীহযো ফলে;

জম্বূ’ত্থী জম্বৱং জম্বূ, ৱিটপো ৱিটভী’ত্থিযং.

৫৪৮. মূল মাৰব্ভ সাখন্তো, খন্ধো ভাগো তৰুস্স থ;

কোটৰো নিত্থিযং ৰুক্খ, চ্ছিদ্দে কট্ঠং তু দাৰু চ.

৫৪৯. বুন্দো মূলঞ্চ পাদো থ, সঙ্কু’ত্তো খাণুনিত্থিযং;

কৰহাটং তু কন্দো থ, কড়ীৰো মত্থকো ভৱে.

৫৫০. ৱল্লৰী মঞ্জৰী নাৰী, ৱল্লী তু কথিতা লতা;

থম্ভো গুম্বো চ অক্খন্ধে, লতা ৱিৰূ পতানিনী.

৫৫১. অস্সত্থো বোধি চ দ্ৱীসু, নিগ্ৰোধো তু ৱটো ভৱে;

কবিট্ঠো চ কপিত্থো চ, যঞ্ঞঙ্গো তু উদুম্বৰো.

৫৫২. কোৱিড়াৰো যুগপত্তো, উদ্দালো ৱাতঘাতকো;

ৰাজৰুক্খো কতমালী, ন্দীৱৰো ব্যাধিঘাতকো.

৫৫৩. দন্তসঠো চ জম্ভীৰো, ৱৰণো তু কৰেৰি চ;

কিং সুকো পালিভদ্দোথ, ৱঞ্জুলো তু চ ৱেতসো.

৫৫৪. অম্বাটকোপীতনকো, মধুকো তু মধুদ্দুমো;

অথো গুড়ফলো পীলু, সোভঞ্জনো চ সিগ্গু চ.

৫৫৫. সত্তপণ্ণি ছত্তপণ্ণো, তিনিসো ত্ৱ তিমুত্তকো;

কিং সুকো তু পলাসো থ,

অৰিট্ঠো ফেনিলো ভৱে.

৫৫৬. মালূৰ বেলুৱাবিল্লো, পুন্নাগো তু চ কেসৰো;

সালৱো তু চ লোদ্দো থ, পিযালো সন্নকদ্দু চ.

৫৫৭. লিকোচকো তথা’ঙ্কোলো,

অথ গুগ্গুলু কোসিকো;

অম্বো চূতো সহো ত্ৱেসো,

সহকাৰো সুগন্ধৱা.

৫৫৮. পুণ্ডৰীকো চ সেতম্বো, সেলু তু বহুৱাৰকো;

সেপণ্ণী কাস্মিৰী চাথ, কোলী চ বদৰীত্থিযং.

৫৫৯. কোলং চানিত্থী বদৰো, পিলক্খো পিপ্পলী’ত্থিযং;

পাটলী কণ্হৱন্তা চ, সাদুকণ্টো ৱিকঙ্কতো.

৫৬০. তিন্দুকো কাড়ক্খন্ধো চ, তিম্বৰূসক তিম্বৰূ;

এৰাৱতো তু নাৰঙ্গো, কুলকো কাকতিন্দুকো.

৫৬১. কদম্বো পিযকো নীপো, ভল্লী ভল্লাতকো তিসু;

ঝাৱুকো পিচুলো চাথ, তিলকো খুৰকো ভৱে.

৫৬২. চিঞ্চা চ তিন্তিণী চাথ, গদ্দভণ্ডো কপীতনো;

সালো’স্সকণ্ণো সজ্জো থ,

অজ্জুনো ককুধো ভৱে.

৫৬৩. নিচুলো মুচলিন্দো চ, নীপো থ পিযকো তথা;

অসনো পীতসালো থ,

গোলীসো ঝাটলো ভৱে.

৫৬৪. খীৰিকা ৰাজাযতনং, কুম্ভী কুমুদিকা ভৱে;

যূপো [পূগো (ক.)] তু কমুকো চাথ, পট্টি লাখাপসাদনো.

৫৬৫. ইঙ্গুদী তাপসতৰু, ভুজপত্তো তু আভুজী;

পিচ্ছিলা সিম্বলী দ্ৱীসু, ৰোচনো কোটসিম্বলী.

৫৬৬. পকিৰিযো পূতিকো থ, ৰোহী ৰোহিতকো ভৱে;

এৰণ্ডো তু চ আমণ্ডো, অথ সত্তুফলা সমী.

৫৬৭. নত্তমালো কৰঞ্জো থ, খদিৰো দন্তধাৱনো;

সোমৱক্কো তু কদৰো, সল্লোতু মদনো ভৱে.

৫৬৮. অথাপি ইন্দসালো চ, সল্লকী খাৰকো সিযা;

দেৱদাৰু ভদ্দদাৰু, চম্পেয্যো তু চ চম্পকো.

৫৬৯. পনসো কণ্টকিফলো, অভযা তু হৰীতকী;

অক্খো ৱিভীতকো তীসু, অমতা’মলকী তিসু.

৫৭০. লবুজো লিকুচো চাথ, কণিকাৰো দুমুপ্পলো;

নিম্বো’ৰিট্ঠো পুচিমন্দো, কৰকো তু চ দাড়িমো.

৫৭১. সৰলো পূতিকট্ঠঞ্চ, কপিলা তু চ সিংসপা;

সামা পিযঙ্গু কঙ্গুপি, সিৰীসো তু চ ভণ্ডিলো.

৫৭২. সোণকো দীঘৱন্তো চ,

ৱকুলো তু চ কেসৰো;

কাকোদুম্বৰিকা ফেগ্গু, নাগো তু নাগমালিকা.

৫৭৩. অসোকো ৱঞ্জুলো চাথ, তক্কাৰী ৱেজযন্তিকা;

তাপিঞ্ছো চ তমালো থ, কুটজো গিৰিমল্লিকা.

৫৭৪. ইন্দযৱো ফলে তস্সা, গ্গিমন্থো কণিকা ভৱে;

নিগুণ্ঠি’ত্থী সিন্দুৱাৰো, তিণসুঞ্ঞং [তিণসূলং (টী.)] তু মল্লিকা.

৫৭৫. সেফালিকা নীলিকা থ, অপ্ফোটা ৱনমল্লিকা;

বন্ধুকো জযসুমনং, ভণ্ডিকো বন্ধুজীৱকো.

৫৭৬. সুমনা জাতিসুমনা, মালতী জাতি ৱস্সিকী;

যূথিকা মাগধী চাথ, সত্তলা নৱমল্লিকা.

৫৭৭. ৱাসন্তী,ত্থী অতিমুত্তো, কৰৱীৰো’স্সমাৰকো;

মাতুলুঙ্গো বীজপূৰো, উম্মত্তো তু চ মাতুলো.

৫৭৮. কৰমন্দো সুসেনো চ, কুন্দং তু মাঘ্য মুচ্চতে;

দেৱতাসো [দেৱতাডো (সী. অমৰকোস)] তু জীমূতো,

থা’মিলাতো মহাসহা.

৫৭৯. অথো সেৰেয্যকো দাসী,

কিং কিৰাতো কুৰণ্টকো;

অজ্জুকো সিতপণ্ণাসো, সমীৰণো ফণিজ্জকো.

৫৮০. জপা তু জযসুমনং, কৰীৰো ককচো ভৱে;

ৰুক্খাদনী চ ৱন্দাকা, চিত্তকো ত্ৱ’গ্গিসঞ্ঞিতো.

৫৮১. অক্কো ৱিকীৰণো তস্মিং,

ত্ৱ’ ড়ক্কো সেতপুপ্ফকে;

পূতিলতা গড়োচী চ, মুব্বা মধুৰসা প্যথ.

৫৮২. কপিকচ্ছু দুফস্সো থ, মঞ্জিট্ঠা ৱিকসা ভৱে;

অম্বট্ঠা চ তথা পাঠা, কটুকা কটুৰোহিণী.

৫৮৩. অপামগ্গো সেখৰিকো, পিপ্পলী মাগধী মতা;

গোকণ্টকো চ সিঙ্ঘাটো, কোলৱল্লী’ভপিপ্পলী.

৫৮৪. গোলোমী তু ৱচা চাথ, গিৰিকণ্য’পৰাজিতা;

সীহপুচ্ছী পঞ্হিপণ্ণী, সালপণ্ণী তু চ’ত্থিৰা; (চথিৰা).

৫৮৫. নিদিদ্ধিকা তু ব্যগ্ঘী চ, অথ নীলী চ নীলিনী;

জিঞ্জুকো [জিঞ্জুকা (ক.)] চেৱ গুঞ্জা থ, সতমূলী সতাৱৰী.

৫৮৬. মহোসধং ত্ৱ’তিৱিসা, বাকুচী সোমৱল্লিকা;

দাব্বী দাৰুহলিদ্দা থ, বিড়ঙ্গং চিত্ৰতণ্ডুলা.

৫৮৭. নুহী চেৱ মহানামো, মুদ্দিকা তু মধুৰসা;

অথাপি মধুকং যট্ঠি, মধুকামধুযট্ঠিকা [মধুলট্ঠিকা (সী. টী.)].

৫৮৮. ৱাতিঙ্গণো চ ভণ্ডাকী, ৱাত্তাকী ব্ৰহতী প্যথ;

নাগবলা চেৱ ঝসা, লাঙ্গলী তু চ সাৰদী.

৫৮৯. ৰম্ভা চ কদলী মোচো, কপ্পাসী বদৰা ভৱে;

নাগলতা তু তম্বূলী, অগ্গিজালা তু ধাতকী.

৫৯০. তিৱুতা তিপুটা চাথ, সামা কাড়া চ কথ্যতে;

অথো সিঙ্গী চ উসভো, ৰেণুকা কপিড়া ভৱে.

৫৯১. হিৰিৱেৰঞ্চ ৱালঞ্চ, ৰত্তফলা তু বিম্বিকা;

সেলেয্য’ মস্মপুপ্ফঞ্চ, এলা তু বহুলা ভৱে.

৫৯২. কুট্ঠঞ্চ ব্যাধি কথিতো, ৱানেয্যং তু কুটন্নটং;

ওসধি জাতিমত্তম্হি, ওসধং সব্ব’ মজাতিযং.

৫৯৩. মূলং পত্তং কড়ীৰ’গ্গং, কন্দং মিঞ্জা ফলং তথা;

তচো পুপ্ফঞ্চ ছত্তন্তি, সাকং দসৱিধং মতং.

৫৯৪. পপুন্নাটো এড়গলো,

তণ্ডুলেয্যো’প্পমাৰিসো;

জীৱন্তি জীৱনী চাথ, মধুৰকো চ জীৱকো.

৫৯৫. মহাকন্দো চ লসুণং, পলণ্ডু তু সুকন্দকো;

পটোলো তিত্তকো চাথ, ভিঙ্গৰাজো চ মক্কৱো.

৫৯৬. পুনন্নৱা সোথঘাতী, ৱিতুন্নং সুনিসণ্ণকং;

কাৰৱেল্লো তু সুসৱী, তুম্ব্যা’লাবু চ লাবু সা.

৫৯৭. এড়ালুকঞ্চ কক্কাৰী, কুম্ভণ্ডো তু চ ৱল্লিভো;

ইন্দৱাৰুণী ৱিসালা, ৱত্থুকং ৱত্থুলেয্যকো.

৫৯৮. মূলকো নিত্থিযং চুচ্চু, তম্বকো চ কলম্বকো;

সাকভেদা কাসমদ্দ, ঝজ্ঝৰী ফগ্গৱা’দযো.

৫৯৯. সদ্দলো চেৱ দুব্বা চ, গোলোমী সা সিতা ভৱে;

গুন্দা চ ভদ্দমুত্তঞ্চ, ৰসালো তু’চ্ছু ৱেড়ু তু.

৬০০. তচসাৰো ৱেণু ৱংসো, পব্বং তু ফলু গণ্ঠিসো;

কীচকা তে সিযুং ৱেণূ, যে নদন্ত্যা’নিলদ্ধুতা.

৬০১. নড়ো চ ধমনো পোট, গলো তু কাস মিত্থি ন;

তেজনো তু সৰো, মূলং, তূ’ সীৰং বীৰণস্স হি.

৬০২. কুসো ৱৰহিসং দব্বো, ভূতিণকং তু ভূতিণং;

ঘাসো তু যৱসো চাথ,

পূগো তু কমুকো ভৱে.

৬০৩. তালো ৱিভেদিকা চাথ, খজ্জুৰী সিন্দি ৱুচ্চতি;

৬০৪. হিন্তাল, তাল, খজ্জূৰী, নালিকেৰা তথেৱ চ;