১০. দিট্ঠধম্মনিব্বানসুত্তং

৫১. ‘‘‘দিট্ঠধম্মনিব্বানং দিট্ঠধম্মনিব্বান’ন্তি, আৱুসো, ৱুচ্চতি. কিত্তাৱতা নু খো, আৱুসো দিট্ঠধম্মনিব্বানং ৱুত্তং ভগৱতা’’তি?

‘‘ইধাৱুসো, ভিক্খু ৱিৱিচ্চেৱ কামেহি …পে… পঠমং ঝানং উপসম্পজ্জ ৱিহৰতি. এত্তাৱতাপি খো, আৱুসো, দিট্ঠধম্মনিব্বানং ৱুত্তং ভগৱতা পৰিযাযেন …পে….

‘‘পুন চপৰং, আৱুসো, ভিক্খু সব্বসো নেৱসঞ্ঞানাসঞ্ঞাযতনং সমতিক্কম্ম সঞ্ঞাৱেদযিতনিৰোধং উপসম্পজ্জ ৱিহৰতি, পঞ্ঞায চস্স দিস্ৱা আসৱা পৰিক্খীণা হোন্তি. এত্তাৱতাপি খো, আৱুসো, দিট্ঠধম্মনিব্বানং ৱুত্তং ভগৱতা নিপ্পৰিযাযেনা’’তি. দসমং.

সামঞ্ঞৱগ্গো পঞ্চমো.