༢. དུ་ཏི་ཡཱ་དི་པཱ་ཊི་དེ་ས་ནཱི་ཡ་སི་ཀྑཱ་པ་དཱ་ནི
༡༢༣༤. ཏེ་ན ས་མ་ཡེ་ན བུ་དྡྷོ བྷ་ག་ཝཱ སཱ་ཝ་ཏྠི་ཡཾ ཝི་ཧ་ར་ཏི ཛེ་ཏ་ཝ་ནེ ཨ་ནཱ་ཐ་པི་ཎྜི་ཀ་སྶ ཨཱ་རཱ་མེ. ཏེ་ན ཁོ པ་ན ས་མ་ཡེ་ན ཚ་བྦ་གྒི་ཡཱ བྷི་ཀྑུ་ནི་ཡོ ཏེ་ལཾ ཝི་ཉྙཱ་པེ་ཏྭཱ བྷུ་ཉྫ་ནྟི…པེ… མ་དྷུཾ ཝི་ཉྙཱ་པེ་ཏྭཱ བྷུ་ཉྫ་ནྟི…པེ… ཕཱ་ཎི་ཏཾ ཝི་ཉྙཱ་པེ་ཏྭཱ བྷུ་ཉྫ་ནྟི…པེ… མ་ཙྪཾ ཝི་ཉྙཱ་པེ་ཏྭཱ བྷུ་ཉྫ་ནྟི…པེ… མཾ་སཾ ཝི་ཉྙཱ་པེ་ཏྭཱ བྷུ་ཉྫ་ནྟི…པེ… ཁཱི་རཾ ཝི་ཉྙཱ་པེ་ཏྭཱ བྷུ་ཉྫ་ནྟི…པེ… ད་དྷིཾ ཝི་ཉྙཱ་པེ་ཏྭཱ བྷུ་ཉྫ་ནྟི. མ་ནུ་སྶཱ ཨུ་ཛ྄ཛྷཱ་ཡ་ནྟི ཁི་ཡྻ་ནྟི ཝི་པཱ་ཙེ་ནྟི – ‘‘ཀ་ཐ་ཉྷི ནཱ་མ བྷི་ཀྑུ་ནི་ཡོ ད་དྷིཾ ཝི་ཉྙཱ་པེ་ཏྭཱ བྷུ་ཉྫི་སྶ་ནྟི! ཀ་སྶ ས་མྤ་ནྣཾ ན མ་ནཱ་པཾ, ཀ་སྶ སཱ་དུཾ ན རུ་ཙྩ་ཏཱི’’ཏི! ཨ་སྶོ་སུཾ ཁོ བྷི་ཀྑུ་ནི་ཡོ ཏེ་སཾ མ་ནུ་སྶཱ་ནཾ ཨུ་ཛ྄ཛྷཱ་ཡ་ནྟཱ་ནཾ ཁི་ཡྻ་ནྟཱ་ནཾ ཝི་པཱ་ཙེ་ནྟཱ་ནཾ. ཡཱ ཏཱ བྷི་ཀྑུ་ནི་ཡོ ཨ་པྤི་ཙྪཱ…པེ… ཏཱ ཨུ་ཛ྄ཛྷཱ་ཡ་ནྟི ཁི་ཡྻ་ནྟི ཝི་པཱ་ཙེ་ནྟི – ‘‘ཀ་ཐ་ཉྷི ནཱ་མ ཚ་བྦ་གྒི་ཡཱ བྷི་ཀྑུ་ནི་ཡོ ད་དྷིཾ ཝི་ཉྙཱ་པེ་ཏྭཱ བྷུ་ཉྫི་སྶ་ནྟཱི’’ཏི…པེ… ས་ཙྩཾ ཀི་ར, བྷི་ཀྑ་ཝེ, ཚ་བྦ་གྒི་ཡཱ བྷི་ཀྑུ་ནི་ཡོ ད་དྷིཾ ཝི་ཉྙཱ་པེ་ཏྭཱ བྷུ་ཉྫ་ནྟཱི་ཏི? ‘‘ས་ཙྩཾ, བྷ་ག་ཝཱ’’ཏི. ཝི་ག་ར་ཧི བུ་དྡྷོ བྷ་ག་ཝཱ…པེ… ཀ་ཐ་ཉྷི ནཱ་མ, བྷི་ཀྑ་ཝེ, ཚ་བྦ་གྒི་ཡཱ བྷི་ཀྑུ་ནི་ཡོ ད་དྷིཾ ཝི་ཉྙཱ་པེ་ཏྭཱ བྷུ་ཉྫི་སྶ་ནྟི! ནེ་ཏཾ, བྷི་ཀྑ་ཝེ, ཨ་པྤ་ས་ནྣཱ་ནཾ ཝཱ པ་སཱ་དཱ་ཡ…པེ… ཨེ་ཝ་ཉྩ པ་ན བྷི་ཀྑ་ཝེ, བྷི་ཀྑུ་ནི་ཡོ ཨི་མཾ སི་ཀྑཱ་པ་དཾ ཨུ་དྡི་ས་ནྟུ –
‘‘ཡཱ པ་ན བྷི་ཀྑུ་ནཱི ད་དྷིཾ ཝི་ཉྙཱ་པེ་ཏྭཱ བྷུ་ཉྫེ་ཡྻ, པ་ཊི་དེ་སེ་ཏ་བྦཾ ཏཱ་ཡ བྷི་ཀྑུ་ནི་ཡཱ – ‘གཱ་ར་ཡ྄ཧཾ, ཨ་ཡྻེ, དྷ་མྨཾ ཨཱ་པ་ཛྫིཾ ཨ་ས་པྤཱ་ཡཾ པཱ་ཊི་དེ་ས་ནཱི་ཡཾ, ཏཾ པ་ཊི་དེ་སེ་མཱི’’’ཏི.
ཨེ་ཝ་ཉྩི་དཾ བྷ་ག་ཝ་ཏཱ བྷི་ཀྑུ་ནཱི་ནཾ སི་ཀྑཱ་པ་དཾ པ་ཉྙ་ཏྟཾ ཧོ་ཏི.
༡༢༣༥. ཏེ་ན ཁོ པ་ན ས་མ་ཡེ་ན བྷི་ཀྑུ་ནི་ཡོ གི་ལཱ་ནཱ ཧོ་ནྟི. གི་ལཱ་ན་པུ་ཙྪི་ཀཱ བྷི་ཀྑུ་ནི་ཡོ གི་ལཱ་ནཱ བྷི་ཀྑུ་ནི་ཡོ ཨེ་ཏ་ད་ཝོ་ཙུཾ – ‘‘ཀ་ཙྩི, ཨ་ཡྻེ, ཁ་མ་ནཱི་ཡཾ, ཀ་ཙྩི ཡཱ་པ་ནཱི་ཡ’’ནྟི? ‘‘པུ་བྦེ མ་ཡཾ, ཨ་ཡྻེ, ད་དྷིཾ ཝི་ཉྙཱ་པེ་ཏྭཱ བྷུ་ཉྫི་མྷཱ, ཏེ་ན ནོ ཕཱ་སུ ཧོ་ཏི, ཨི་དཱ་ནི པ་ན ‘‘བྷ་ག་ཝ་ཏཱ པ་ཊི་ཀྑི་ཏྟ’’ནྟི ཀུ་ཀྐུ་ཙྩཱ་ཡ་ནྟཱ ན ཝི་ཉྙཱ་པེ་མ, ཏེ་ན ནོ ན ཕཱ་སུ ཧོ་ཏཱི’’ཏི…པེ… བྷ་ག་ཝ་ཏོ ཨེ་ཏ་མ་ཏྠཾ ཨཱ་རོ་ཙེ་སུཾ…པེ… ཨ་ནུ་ཛཱ་ནཱ་མི, བྷི་ཀྑ་ཝེ, གི་ལཱ་ནཱ་ཡ བྷི་ཀྑུ་ནི་ཡཱ ད་དྷིཾ ཝི་ཉྙཱ་པེ་ཏྭཱ བྷུ་ཉྫི་ཏུཾ. ཨེ་ཝ་ཉྩ པ་ན, བྷི་ཀྑ་ཝེ, བྷི་ཀྑུ་ནི་ཡོ ཨི་མཾ སི་ཀྑཱ་པ་དཾ ཨུ་དྡི་ས་ནྟུ –
༡༢༣༦. ‘‘ཡཱ པ་ན བྷི་ཀྑུ་ནཱི ཨ་གི་ལཱ་ནཱ (ཏེ་ལཾ…པེ… མ་དྷུཾ…པེ… ཕཱ་ཎི་ཏཾ…པེ… མ་ཙྪཾ…པེ… མཾ་སཾ…པེ… ཁཱི་རཾ…པེ…) ད་དྷིཾ ཝི་ཉྙཱ་པེ་ཏྭཱ བྷུ་ཉྫེ་ཡྻ , པ་ཊི་དེ་སེ་ཏ་བྦཾ ཏཱ་ཡ བྷི་ཀྑུ་ནི་ཡཱ – ‘གཱ་ར་ཡ྄ཧཾ, ཨ་ཡྻེ, དྷ་མྨཾ ཨཱ་པ་ཛྫིཾ ཨ་ས་པྤཱ་ཡཾ པཱ་ཊི་དེ་ས་ནཱི་ཡཾ, ཏཾ པ་ཊི་དེ་སེ་མཱི’’’ཏི.
༡༢༣༧. ཡཱ པ་ནཱཏི ཡཱ ཡཱ་དི་སཱ…པེ… བྷི་ཀྑུ་ནཱིཏི…པེ… ཨ་ཡཾ ཨི་མ་སྨིཾ ཨ་ཏྠེ ཨ་དྷི་པྤེ་ཏཱ བྷི་ཀྑུ་ནཱི་ཏི.
ཨ་གི་ལཱ་ནཱ ནཱ་མ ཡ་སྶཱ ཝི་ནཱ ད་དྷི་ནཱ ཕཱ་སུ ཧོ་ཏི.
གི་ལཱ་ནཱ ནཱ་མ ཡ་སྶཱ ཝི་ནཱ ད་དྷི་ནཱ ན ཕཱ་སུ ཧོ་ཏི.
ཏེ་ལཾ ནཱ་མ ཏི་ལ་ཏེ་ལཾ སཱ་ས་པ་ཏེ་ལཾ མ་དྷུ་ཀ་ཏེ་ལཾ ཨེ་ར་ཎྜ་ཏེ་ལཾ ཝ་སཱ་ཏེ་ལཾ.
མ་དྷུ ནཱ་མ མ་ཀྑི་ཀཱ་མ་དྷུ. ཕཱ་ཎི་ཏཾ ནཱ་མ ཨུ་ཙྪུ་མྷཱ ནི་བྦ་ཏྟཾ. མ་ཙྪོ ནཱ་མ ཨོ་ད་ཀོ ཝུ་ཙྩ་ཏི. མཾ་སཾ ནཱ་མ ཡེ་སཾ མཾ་སཾ ཀ་པྤ་ཏི ཏེ་སཾ མཾ་སཾ. ཁཱི་རཾ ནཱ་མ གོ་ཁཱི་རཾ ཝཱ ཨ་ཛི་ཀཱ་ཁཱི་རཾ ཝཱ མ་ཧིཾ་ས་ཁཱི་རཾ ཝཱ ཡེ་སཾ མཾ་སཾ ཀ་པྤ་ཏི ཏེ་སཾ ཁཱི་རཾ. ད་དྷི ནཱ་མ ཏེ་ས་ཉྙེ་ཝ ད་དྷི.
ཨ་གི་ལཱ་ནཱ ཨ་ཏྟ་ནོ ཨ་ཏྠཱ་ཡ ཝི་ཉྙཱ་པེ་ཏི, པ་ཡོ་གེ དུ་ཀྐ་ཊཾ. པ་ཊི་ལཱ་བྷེ་ན བྷུ་ཉྫི་སྶཱ་མཱི་ཏི པ་ཊི་གྒ་ཎྷཱ་ཏི, ཨཱ་པ་ཏྟི དུ་ཀྐ་ཊ་སྶ. ཨ་ཛ྄ཛྷོ་ཧཱ་རེ ཨ་ཛ྄ཛྷོ་ཧཱ་རེ ཨཱ་པ་ཏྟི པཱ་ཊི་དེ་ས་ནཱི་ཡ་སྶ.
༡༢༣༨. ཨ་གི་ལཱ་ནཱ ཨ་གི་ལཱ་ན་ས་ཉྙཱ ད་དྷིཾ ཝི་ཉྙཱ་པེ་ཏྭཱ བྷུ་ཉྫ་ཏི, ཨཱ་པ་ཏྟི པཱ་ཊི་དེ་ས་ནཱི་ཡ་སྶ. ཨ་གི་ལཱ་ནཱ ཝེ་མ་ཏི་ཀཱ ད་དྷིཾ ཝི་ཉྙཱ་པེ་ཏྭཱ བྷུ་ཉྫ་ཏི, ཨཱ་པ་ཏྟི པཱ་ཊི་དེ་ས་ནཱི་ཡ་སྶ. ཨ་གི་ལཱ་ནཱ གི་ལཱ་ན་ས་ཉྙཱ ད་དྷིཾ ཝི་ཉྙཱ་པེ་ཏྭཱ བྷུ་ཉྫ་ཏི, ཨཱ་པ་ཏྟི པཱ་ཊི་དེ་ས་ནཱི་ཡ་སྶ.
གི་ལཱ་ནཱ ཨ་གི་ལཱ་ན་ས་ཉྙཱ, ཨཱ་པ་ཏྟི དུ་ཀྐ་ཊ་སྶ. གི་ལཱ་ནཱ ཝེ་མ་ཏི་ཀཱ, ཨཱ་པ་ཏྟི དུ་ཀྐ་ཊ་སྶ. གི་ལཱ་ནཱ གི་ལཱ་ན་ས་ཉྙཱ ཨ་ནཱ་པ་ཏྟི.
༡༢༣༩. ཨ་ནཱ་པ་ཏྟི གི་ལཱ་ནཱ་ཡ, གི་ལཱ་ནཱ ཧུ་ཏྭཱ ཝི་ཉྙཱ་པེ་ཏྭཱ ཨ་གི་ལཱ་ནཱ བྷུ་ཉྫ་ཏི, གི་ལཱ་ནཱ་ཡ སེ་ས་ཀཾ བྷུ་ཉྫ་ཏི, ཉཱ་ཏ་ཀཱ་ནཾ པ་ཝཱ་རི་ཏཱ་ནཾ, ཨ་ཉྙ་སྶ་ཏྠཱ་ཡ, ཨ་ཏྟ་ནོ དྷ་ནེ་ན, ཨུ་མྨ་ཏྟི་ཀཱ་ཡ, ཨཱ་དི་ཀ་མྨི་ཀཱ་ཡཱ་ཏི.
ཨ་ཊྛ་མ་པཱ་ཊི་དེ་ས་ནཱི་ཡ་སི་ཀྑཱ་པ་དཾ ནི་ཊྛི་ཏཾ.
ཨུ་དྡི་ཊྛཱ ཁོ, ཨ་ཡྻཱ་ཡོ, ཨ་ཊྛ པཱ་ཊི་དེ་ས་ནཱི་ཡཱ དྷ་མྨཱ. ཏ་ཏྠཱ་ཡྻཱ་ཡོ པུ་ཙྪཱ་མི – ‘‘ཀ་ཙྩི་ཏྠ པ་རི་སུ་དྡྷཱ’’? དུ་ཏི་ཡ་མྤི པུ་ཙྪཱ་མི – ‘‘ཀ་ཙྩི་ཏྠ པ་རི་སུ་དྡྷཱ’’? ཏ་ཏི་ཡ་མྤི པུ་ཙྪཱ་མི – ‘‘ཀ་ཙྩི་ཏྠ པ་རི་སུ་དྡྷཱ’’? པ་རི་སུ་དྡྷེ་ཏྠཱ་ཡྻཱ་ཡོ, ཏ་སྨཱ ཏུ་ཎྷཱི, ཨེ་ཝ་མེ་ཏཾ དྷཱ་ར་ཡཱ་མཱི་ཏི.
བྷི་ཀྑུ་ནི་ཝི་བྷ་ངྒེ པཱ་ཊི་དེ་ས་ནཱི་ཡ་ཀ་ཎྜཾ ནི་ཊྛི་ཏཾ.