༦. ཚ་ཊྛ་སི་ཀྑཱ་པ་དཾ

༡༠༤༦. ཏེ་ན ས་མ་ཡེ་ན བུ་དྡྷོ བྷ་ག་ཝཱ སཱ་ཝ་ཏྠི་ཡཾ ཝི་ཧ་ར་ཏི ཛེ་ཏ་ཝ་ནེ ཨ་ནཱ་ཐ་པི་ཎྜི་ཀ་སྶ ཨཱ་རཱ་མེ. ཏེ་ན ཁོ པ་ན ས་མ་ཡེ་ན ས་མྦ་ཧུ་ལཱ བྷི་ཀྑུ་ནི་ཡོ གཱ་མ་ཀཱ་ཝཱ་སེ ཝ་སྶཾ་ཝུ་ཊྛཱ སཱ་ཝ་ཏྠིཾ ཨ་ག་མཾ་སུ. བྷི་ཀྑུ་ནི་ཡོ ཏཱ བྷི་ཀྑུ་ནི་ཡོ ཨེ་ཏ་ད་ཝོ་ཙུཾ – ‘‘ཀ་ཏྠཱ་ཡྻཱ་ཡོ ཝ་སྶཾ་ཝུ་ཊྛཱ? ཀ་ཙྩི ཨོ་ཝཱ་དོ ཨི་དྡྷོ ཨ་ཧོ་སཱི’’ཏི? ‘‘ན་ཏྠ་ཡྻེ, ཏ་ཏྠ བྷི་ཀྑཱུ; ཀུ་ཏོ ཨོ་ཝཱ་དོ ཨི་དྡྷོ བྷ་ཝི་སྶ་ཏཱི’’ཏི! ཡཱ ཏཱ བྷི་ཀྑུ་ནི་ཡོ ཨ་པྤི་ཙྪཱ…པེ… ཏཱ ཨུ་ཛ྄ཛྷཱ་ཡ་ནྟི ཁི་ཡྻ་ནྟི ཝི་པཱ་ཙེ་ནྟི – ‘‘ཀ་ཐ་ཉྷི ནཱ་མ བྷི་ཀྑུ་ནི་ཡོ ཨ་བྷི་ཀྑུ་ཀེ ཨཱ་ཝཱ་སེ ཝ་སྶཾ ཝ་སི་སྶ་ནྟཱི’’ཏི…པེ… ས་ཙྩཾ ཀི་ར, བྷི་ཀྑ་ཝེ, བྷི་ཀྑུ་ནི་ཡོ ཨ་བྷི་ཀྑུ་ཀེ ཨཱ་ཝཱ་སེ ཝ་སྶཾ ཝ་ས་ནྟཱི་ཏི? ‘‘ས་ཙྩཾ, བྷ་ག་ཝཱ’’ཏི. ཝི་ག་ར་ཧི བུ་དྡྷོ བྷ་ག་ཝཱ…པེ… ཀ་ཐ་ཉྷི ནཱ་མ, བྷི་ཀྑ་ཝེ, བྷི་ཀྑུ་ནི་ཡོ ཨ་བྷི་ཀྑུ་ཀེ ཨཱ་ཝཱ་སེ ཝ་སྶཾ ཝ་སི་སྶ་ནྟི! ནེ་ཏཾ, བྷི་ཀྑ་ཝེ, ཨ་པྤ་ས་ནྣཱ་ནཾ ཝཱ པ་སཱ་དཱ་ཡ…པེ… ཨེ་ཝ་ཉྩ པ་ན, བྷི་ཀྑ་ཝེ, བྷི་ཀྑུ་ནི་ཡོ ཨི་མཾ སི་ཀྑཱ་པ་དཾ ཨུ་དྡི་ས་ནྟུ –

༡༠༤༧. ‘‘ཡཱ པ་ན བྷི་ཀྑུ་ནཱི ཨ་བྷི་ཀྑུ་ཀེ ཨཱ་ཝཱ་སེ ཝ་སྶཾ ཝ་སེ་ཡྻ, པཱ་ཙི་ཏྟི་ཡ’’ནྟི.

༡༠༤༨. ཡཱ པ་ནཱཏི ཡཱ ཡཱ་དི་སཱ…པེ… བྷི་ཀྑུ་ནཱིཏི…པེ… ཨ་ཡཾ ཨི་མ་སྨིཾ ཨ་ཏྠེ ཨ་དྷི་པྤེ་ཏཱ བྷི་ཀྑུ་ནཱི་ཏི.

ཨ་བྷི་ཀྑུ་ཀོ ནཱ་མ ཨཱ་ཝཱ་སོ ན ས་ཀྐཱ ཧོ་ཏི ཨོ་ཝཱ་དཱ་ཡ ཝཱ སཾ་ཝཱ་སཱ་ཡ ཝཱ ག་ནྟུཾ. ‘‘ཝ་སྶཾ ཝ་སི་སྶཱ་མཱི’’ཏི སེ་ནཱ་ས་ནཾ པ་ཉྙ་པེ་ཏི པཱ་ནཱི་ཡཾ པ་རི་བྷོ་ཛ་ནཱི་ཡཾ ཨུ་པ་ཊྛ་པེ་ཏི པ་རི་ཝེ་ཎཾ ས་མྨ་ཛྫ་ཏི, ཨཱ་པ་ཏྟི དུ་ཀྐ་ཊ་སྶ. ས་ཧ ཨ་རུ་ཎུ་གྒ་མ་ནཱ ཨཱ་པ་ཏྟི པཱ་ཙི་ཏྟི་ཡ་སྶ.

༡༠༤༩. ཨ་ནཱ་པ་ཏྟི ཝ་སྶུ་པ་ག་ཏཱ བྷི་ཀྑཱུ པ་ཀྐ་ནྟཱ ཝཱ ཧོ་ནྟི ཝི་བྦྷ་ནྟཱ ཝཱ ཀཱ་ལ་ངྐ་ཏཱ ཝཱ པ་ཀྑ་ས་ངྐ་ནྟཱ ཝཱ, ཨཱ་པ་དཱ་སུ, ཨུ་མྨ་ཏྟི་ཀཱ་ཡ, ཨཱ་དི་ཀ་མྨི་ཀཱ་ཡཱ་ཏི.

ཚ་ཊྛ་སི་ཀྑཱ་པ་དཾ ནི་ཊྛི་ཏཾ.