༥. ཙི་ཏྟཱ་གཱ་ར་ཝ་གྒོ
༡. པ་ཋ་མ་སི་ཀྑཱ་པ་དཾ
༩༧༧. ཏེ་ན ས་མ་ཡེ་ན བུ་དྡྷོ བྷ་ག་ཝཱ སཱ་ཝ་ཏྠི་ཡཾ ཝི་ཧ་ར་ཏི ཛེ་ཏ་ཝ་ནེ ཨ་ནཱ་ཐ་པི་ཎྜི་ཀ་སྶ ཨཱ་རཱ་མེ. ཏེ་ན ཁོ པ་ན ས་མ་ཡེ་ན ར་ཉྙོ པ་སེ་ན་དི་སྶ ཀོ་ས་ལ་སྶ ཨུ་ཡྻཱ་ནེ ཙི་ཏྟཱ་གཱ་རེ པ་ཊི་བྷཱ་ན་ཙི་ཏྟཾ ཀ་ཏཾ ཧོ་ཏི. བ་ཧཱུ མ་ནུ་སྶཱ ཙི་ཏྟཱ་གཱ་རཾ ད་སྶ་ནཱ་ཡ ག་ཙྪ་ནྟི. ཚ་བྦ་གྒི་ཡཱ་པི བྷི་ཀྑུ་ནི་ཡོ ཙི་ཏྟཱ་གཱ་རཾ ད་སྶ་ནཱ་ཡ ཨ་ག་མཾ་སུ. མ་ནུ་སྶཱ ཨུ་ཛ྄ཛྷཱ་ཡ་ནྟི ཁི་ཡྻ་ནྟི ཝི་པཱ་ཙེ་ནྟི – ‘‘ཀ་ཐ་ཉྷི ནཱ་མ བྷི་ཀྑུ་ནི་ཡོ ཙི་ཏྟཱ་གཱ་རཾ ད་སྶ་ནཱ་ཡ ག་ཙྪི་སྶ་ནྟི, སེ་ཡྻ་ཐཱ་པི གི་ཧི་ནི་ཡོ ཀཱ་མ་བྷོ་གི་ནི་ཡོ’’ཏི! ཨ་སྶོ་སུཾ ཁོ བྷི་ཀྑུ་ནི་ཡོ ཏེ་སཾ མ་ནུ་སྶཱ་ནཾ ཨུ་ཛ྄ཛྷཱ་ཡ་ནྟཱ་ནཾ ཁི་ཡྻ་ནྟཱ་ནཾ ཝི་པཱ་ཙེ་ནྟཱ་ནཾ. ཡཱ ཏཱ བྷི་ཀྑུ་ནི་ཡོ ཨ་པྤི་ཙྪཱ…པེ… ཏཱ ཨུ་ཛ྄ཛྷཱ་ཡ་ནྟི ཁི་ཡྻ་ནྟི ཝི་པཱ་ཙེ་ནྟི – ‘‘ཀ་ཐ་ཉྷི ནཱ་མ ཚ་བྦ་གྒི་ཡཱ བྷི་ཀྑུ་ནི་ཡོ ཙི་ཏྟཱ་གཱ་རཾ ད་སྶ་ནཱ་ཡ ག་ཙྪི་སྶ་ནྟཱི’’ཏི…པེ… ས་ཙྩཾ ཀི་ར, བྷི་ཀྑ་ཝེ, ཚ་བྦ་གྒི་ཡཱ བྷི་ཀྑུ་ནི་ཡོ ཙི་ཏྟཱ་གཱ་རཾ ད་སྶ་ནཱ་ཡ ག་ཙྪ་ནྟཱི་ཏི? ‘‘ས་ཙྩཾ, བྷ་ག་ཝཱ’’ཏི. ཝི་ག་ར་ཧི བུ་དྡྷོ བྷ་ག་ཝཱ…པེ… ཀ་ཐ་ཉྷི ནཱ་མ, བྷི་ཀྑ་ཝེ, ཚ་བྦ་གྒི་ཡཱ བྷི་ཀྑུ་ནི་ཡོ ཙི་ཏྟཱ་གཱ་རཾ ད་སྶ་ནཱ་ཡ ག་ཙྪི་སྶ་ནྟི! ནེ་ཏཾ, བྷི་ཀྑ་ཝེ, ཨ་པྤ་ས་ནྣཱ་ནཾ ཝཱ པ་སཱ་དཱ་ཡ…པེ… ཨེ་ཝ་ཉྩ པ་ན, བྷི་ཀྑ་ཝེ, བྷི་ཀྑུ་ནི་ཡོ ཨི་མཾ སི་ཀྑཱ་པ་དཾ ཨུ་དྡི་ས་ནྟུ –
༩༧༨. ‘‘ཡཱ པ་ན བྷི་ཀྑུ་ནཱི རཱ་ཛཱ་གཱ་རཾ ཝཱ ཙི་ཏྟཱ་གཱ་རཾ ཝཱ ཨཱ་རཱ་མཾ ཝཱ ཨུ་ཡྻཱ་ནཾ ཝཱ པོ་ཀྑ་ར་ཎིཾ ཝཱ ད་སྶ་ནཱ་ཡ ག་ཙྪེ་ཡྻ, པཱ་ཙི་ཏྟི་ཡ’’ནྟི.
༩༧༩. ཡཱ པ་ནཱཏི ཡཱ ཡཱ་དི་སཱ…པེ… བྷི་ཀྑུ་ནཱིཏི…པེ… ཨ་ཡཾ ཨི་མ་སྨིཾ ཨ་ཏྠེ ཨ་དྷི་པྤེ་ཏཱ བྷི་ཀྑུ་ནཱི་ཏི.
རཱ་ཛཱ་གཱ་རཾ ནཱ་མ ཡ་ཏྠ ཀ་ཏྠ་ཙི ར་ཉྙོ ཀཱི་ལི༹་ཏུཾ ར་མི་ཏུཾ ཀ་ཏཾ ཧོ་ཏི.
ཙི་ཏྟཱ་གཱ་རཾ ནཱ་མ ཡ་ཏྠ ཀ་ཏྠ་ཙི མ་ནུ་སྶཱ་ནཾ ཀཱི་ལི༹་ཏུཾ ར་མི་ཏུཾ ཀ་ཏཾ ཧོ་ཏི.
ཨཱ་རཱ་མོ ནཱ་མ ཡ་ཏྠ ཀ་ཏྠ་ཙི མ་ནུ་སྶཱ་ནཾ ཀཱི་ལི༹་ཏུཾ ར་མི་ཏུཾ ཀ་ཏོ ཧོ་ཏི.
ཨུ་ཡྻཱ་ནཾ ནཱ་མ ཡ་ཏྠ ཀ་ཏྠ་ཙི མ་ནུ་སྶཱ་ནཾ ཀཱི་ལི༹་ཏུཾ ར་མི་ཏུཾ ཀ་ཏཾ ཧོ་ཏི.
པོ་ཀྑ་ར་ཎཱི ནཱ་མ ཡ་ཏྠ ཀ་ཏྠ་ཙི མ་ནུ་སྶཱ་ནཾ ཀཱི་ལི༹་ཏུཾ ར་མི་ཏུཾ ཀ་ཏཱ ཧོ་ཏི.
༩༨༠. ད་སྶ་ནཱ་ཡ ག་ཙྪ་ཏི, ཨཱ་པ་ཏྟི དུ་ཀྐ་ཊ་སྶ. ཡ་ཏྠ ཋི་ཏཱ པ་སྶ་ཏི, ཨཱ་པ་ཏྟི པཱ་ཙི་ཏྟི་ཡ་སྶ. ད་སྶ་ནཱུ་པ་ཙཱ་རཾ ཝི་ཛ་ཧི་ཏྭཱ པུ་ན་པྤུ་ནཾ པ་སྶ་ཏི, ཨཱ་པ་ཏྟི པཱ་ཙི་ཏྟི་ཡ་སྶ. ཨེ་ཀ་མེ་ཀཾ ད་སྶ་ནཱ་ཡ ག་ཙྪ་ཏི, ཨཱ་པ་ཏྟི དུ་ཀྐ་ཊ་སྶ. ཡ་ཏྠ ཋི་ཏཱ པ་སྶ་ཏི, ཨཱ་པ་ཏྟི པ་ཙི་ཏྟི་ཡ་སྶ. ད་སྶ་ནཱུ་པ་ཙཱ་རཾ ཝི་ཛ་ཧི་ཏྭཱ པུ་ན་པྤུ་ནཾ པ་སྶ་ཏི, ཨཱ་པ་ཏྟི པཱ་ཙི་ཏྟི་ཡ་སྶ.
༩༨༡. ཨ་ནཱ་པ་ཏྟི ཨཱ་རཱ་མེ ཋི་ཏཱ པ་སྶ་ཏི, ག་ཙྪ་ནྟཱི ཝཱ ཨཱ་ག་ཙྪ་ནྟཱི ཝཱ པ་སྶ་ཏི, ས་ཏི ཀ་ར་ཎཱི་ཡེ ག་ནྟྭཱ པ་སྶ་ཏི, ཨཱ་པ་དཱ་སུ, ཨུ་མྨ་ཏྟི་ཀཱ་ཡ, ཨཱ་དི་ཀ་མྨི་ཀཱ་ཡཱ་ཏི.
པ་ཋ་མ་སི་ཀྑཱ་པ་དཾ ནི་ཊྛི་ཏཾ.
༢. དུ་ཏི་ཡ་སི་ཀྑཱ་པ་དཾ
༩༨༢. ཏེ་ན ས་མ་ཡེ་ན བུ་དྡྷོ བྷ་ག་ཝཱ སཱ་ཝ་ཏྠི་ཡཾ ཝི་ཧ་ར་ཏི ཛེ་ཏ་ཝ་ནེ ཨ་ནཱ་ཐ་པི་ཎྜི་ཀ་སྶ ཨཱ་རཱ་མེ. ཏེ་ན ཁོ པ་ན ས་མ་ཡེ་ན བྷི་ཀྑུ་ནི་ཡོ ཨཱ་ས་ནྡི་མྤི པ་ལླ་ངྐ་མྤི པ་རི་བྷུ་ཉྫ་ནྟི. མ་ནུ་སྶཱ ཝི་ཧཱ་ར་ཙཱ་རི་ཀཾ ཨཱ་ཧི་ཎྜ་ནྟཱ པ་སྶི་ཏྭཱ ཨུ་ཛ྄ཛྷཱ་ཡ་ནྟི ཁི་ཡྻ་ནྟི ཝི་པཱ་ཙེ་ནྟི – ‘‘ཀ་ཐ་ཉྷི ནཱ་མ བྷི་ཀྑུ་ནི་ཡོ ཨཱ་ས་ནྡི་མྤི པ་ལླ་ངྐ་མྤི པ་རི་བྷུ་ཉྫི་སྶ་ནྟི, སེ་ཡྻ་ཐཱ་པི གི་ཧི་ནི་ཡོ ཀཱ་མ་བྷོ་གི་ནི་ཡོ’’ཏི! ཨ་སྶོ་སུཾ ཁོ བྷི་ཀྑུ་ནི་ཡོ ཏེ་སཾ མ་ནུ་སྶཱ་ནཾ ཨུ་ཛ྄ཛྷཱ་ཡ་ནྟཱ་ནཾ ཁི་ཡྻ་ནྟཱ་ནཾ ཝི་པཱ་ཙེ་ནྟཱ་ནཾ. ཡཱ ཏཱ བྷི་ཀྑུ་ནི་ཡོ ཨ་པྤི་ཙྪཱ…པེ… ཏཱ ཨུ་ཛ྄ཛྷཱ་ཡ་ནྟི ཁི་ཡྻ་ནྟི ཝི་པཱ་ཙེ་ནྟི – ‘‘ཀ་ཐ་ཉྷི ནཱ་མ བྷི་ཀྑུ་ནི་ཡོ ཨཱ་ས་ནྡི་མྤི པ་ལླ་ངྐ་མྤི པ་རི་བྷུ་ཉྫི་སྶ་ནྟཱི’’ཏི…པེ… ས་ཙྩཾ ཀི་ར, བྷི་ཀྑ་ཝེ, བྷི་ཀྑུ་ནི་ཡོ ཨཱ་ས་ནྡི་མྤི པ་ལླ་ངྐ་མྤི པ་རི་བྷུ་ཉྫ་ནྟཱི་ཏི? ‘‘ས་ཙྩཾ, བྷ་ག་ཝཱ’’ཏི. ཝི་ག་ར་ཧི བུ་དྡྷོ བྷ་ག་ཝཱ…པེ… ཀ་ཐ་ཉྷི ནཱ་མ, བྷི་ཀྑ་ཝེ, བྷི་ཀྑུ་ནི་ཡོ ཨཱ་ས་ནྡི་མྤི པ་ལླ་ངྐ་མྤི པ་རི་བྷུ་ཉྫི་སྶ་ནྟི! ནེ་ཏཾ, བྷི་ཀྑ་ཝེ, ཨ་པྤ་ས་ནྣཱ་ནཾ ཝཱ པ་སཱ་དཱ་ཡ…པེ… ཨེ་ཝ་ཉྩ པ་ན, བྷི་ཀྑ་ཝེ, བྷི་ཀྑུ་ནི་ཡོ ཨི་མཾ སི་ཀྑཱ་པ་དཾ ཨུ་དྡི་ས་ནྟུ –
༩༨༣. ‘‘ཡཱ པ་ན བྷི་ཀྑུ་ནཱི ཨཱ་ས་ནྡིཾ ཝཱ པ་ལླ་ངྐཾ ཝཱ པ་རི་བྷུ་ཉྫེ་ཡྻ, པཱ་ཙི་ཏྟི་ཡ’’ནྟི.
༩༨༤. ཡཱ པ་ནཱཏི ཡཱ ཡཱ་དི་སཱ…པེ… བྷི་ཀྑུ་ནཱིཏི…པེ… ཨ་ཡཾ ཨི་མ་སྨིཾ ཨ་ཏྠེ ཨ་དྷི་པྤེ་ཏཱ བྷི་ཀྑུ་ནཱི་ཏི.
ཨཱ་ས་ནྡཱི ནཱ་མ ཨ་ཏི་ཀྐ་ནྟ་པྤ་མཱ་ཎཱ ཝུ་ཙྩ་ཏི.
པ་ལླ་ངྐོ ནཱ་མ ཨཱ་ཧ་རི་མེ་ཧི [‘‘ཨ་སཾ་ཧཱ་རི་མེ་ཧི’’ ཨི་ཏི ཀ་ངྑཱ་ཝི་ཏ་ར་ཎི་ཡཱ ས་མེ་ཏི] ཝཱ་ལེ༹་ཧི ཀ་ཏོ ཧོ་ཏི.
པ་རི་བྷུ་ཉྫེ་ཡྻཱཏི ཏ་སྨིཾ ཨ་བྷི་ནི་སཱི་ད་ཏི ཝཱ ཨ་བྷི་ནི་པ་ཛྫ་ཏི ཝཱ, ཨཱ་པ་ཏྟི པཱ་ཙི་ཏྟི་ཡ་སྶ.
༩༨༥. ཨ་ནཱ་པ་ཏྟི ཨཱ་ས་ནྡི་ཡཱ པཱ་དེ ཚི་ནྡི་ཏྭཱ པ་རི་བྷུ་ཉྫ་ཏི, པ་ལླ་ངྐ་སྶ ཝཱ་ལེ༹ བྷི་ནྡི་ཏྭཱ པ་རི་བྷུ་ཉྫ་ཏི, ཨུ་མྨ་ཏྟི་ཀཱ་ཡ, ཨཱ་དི་ཀ་མྨི་ཀཱ་ཡཱ་ཏི.
དུ་ཏི་ཡ་སི་ཀྑཱ་པ་དཾ ནི་ཊྛི་ཏཾ.
༣. ཏ་ཏི་ཡ་སི་ཀྑཱ་པ་དཾ
༩༨༦. ཏེ་ན ས་མ་ཡེ་ན བུ་དྡྷོ བྷ་ག་ཝཱ སཱ་ཝ་ཏྠི་ཡཾ ཝི་ཧ་ར་ཏི ཛེ་ཏ་ཝ་ནེ ཨ་ནཱ་ཐ་པི་ཎྜི་ཀ་སྶ ཨཱ་རཱ་མེ. ཏེ་ན ཁོ པ་ན ས་མ་ཡེ་ན ཚ་བྦ་གྒི་ཡཱ བྷི་ཀྑུ་ནི་ཡོ སུ་ཏྟཾ ཀ་ནྟ་ནྟི. མ་ནུ་སྶཱ ཝི་ཧཱ་ར་ཙཱ་རི་ཀཾ ཨཱ་ཧི་ཎྜ་ནྟཱ པ་སྶི་ཏྭཱ ཨུ་ཛ྄ཛྷཱ་ཡ་ནྟི ཁི་ཡྻ་ནྟི ཝི་པཱ་ཙེ་ནྟི – ‘‘ཀ་ཐ་ཉྷི ནཱ་མ བྷི་ཀྑུ་ནི་ཡོ སུ་ཏྟཾ ཀ་ནྟི་སྶ་ནྟི, སེ་ཡྻ་ཐཱ་པི གི་ཧི་ནི་ཡོ ཀཱ་མ་བྷོ་གི་ནི་ཡོ’’ཏི! ཨ་སྶོ་སུཾ ཁོ བྷི་ཀྑུ་ནི་ཡོ ཏེ་སཾ མ་ནུ་སྶཱ་ནཾ ཨུ་ཛ྄ཛྷཱ་ཡ་ནྟཱ་ནཾ ཁི་ཡྻ་ནྟཱ་ནཾ ཝི་པཱ་ཙེ་ནྟཱ་ནཾ. ཡཱ ཏཱ བྷི་ཀྑུ་ནི་ཡོ ཨ་པྤི་ཙྪཱ …པེ… ཏཱ ཨུ་ཛ྄ཛྷཱ་ཡ་ནྟི ཁི་ཡྻ་ནྟི ཝི་པཱ་ཙེ་ནྟི – ‘‘ཀ་ཐ་ཉྷི ནཱ་མ ཚ་བྦ་གྒི་ཡཱ བྷི་ཀྑུ་ནི་ཡོ སུ་ཏྟཾ ཀ་ནྟི་སྶ་ནྟཱི’’ཏི…པེ… ས་ཙྩཾ ཀི་ར, བྷི་ཀྑ་ཝེ, ཚ་བྦ་གྒི་ཡཱ བྷི་ཀྑུ་ནི་ཡོ སུ་ཏྟཾ ཀ་ནྟ་ནྟཱི་ཏི? ‘‘ས་ཙྩཾ, བྷ་ག་ཝཱ’’ཏི. ཝི་ག་ར་ཧི བུ་དྡྷོ བྷ་ག་ཝཱ…པེ… ཀ་ཐ་ཉྷི ནཱ་མ, བྷི་ཀྑ་ཝེ, ཚ་བྦ་གྒི་ཡཱ བྷི་ཀྑུ་ནི་ཡོ སུ་ཏྟཾ ཀ་ནྟི་སྶ་ནྟི! ནེ་ཏཾ, བྷི་ཀྑ་ཝེ, ཨ་པྤ་ས་ནྣཱ་ནཾ ཝཱ པ་སཱ་དཱ་ཡ…པེ… ཨེ་ཝ་ཉྩ པ་ན, བྷི་ཀྑ་ཝེ, བྷི་ཀྑུ་ནི་ཡོ ཨི་མཾ སི་ཀྑཱ་པ་དཾ ཨུ་དྡི་ས་ནྟུ –
༩༨༧. ‘‘ཡཱ པ་ན བྷི་ཀྑུ་ནཱི སུ་ཏྟཾ ཀ་ནྟེ་ཡྻ, པཱ་ཙི་ཏྟི་ཡ’’ནྟི.
༩༨༨. ཡཱ པ་ནཱཏི ཡཱ ཡཱ་དི་སཱ…པེ… བྷི་ཀྑུ་ནཱིཏི…པེ… ཨ་ཡཾ ཨི་མ་སྨིཾ ཨ་ཏྠེ ཨ་དྷི་པྤེ་ཏཱ བྷི་ཀྑུ་ནཱི་ཏི.
སུ་ཏྟཾ ནཱ་མ ཚ སུ་ཏྟཱ་ནི – ཁོ་མཾ, ཀ་པྤཱ་སི་ཀཾ, ཀོ་སེ་ཡྻཾ, ཀ་མྦ་ལཾ, སཱ་ཎཾ, བྷ་ངྒཾ.
ཀ་ནྟེ་ཡྻཱཏི ས་ཡཾ ཀ་ནྟ་ཏི, པ་ཡོ་གེ དུ་ཀྐ་ཊཾ. ཨུ་ཛྫ་ཝུ་ཛྫ་ཝེ ཨཱ་པ་ཏྟི པཱ་ཙི་ཏྟི་ཡ་སྶ.
༩༨༩. ཨ་ནཱ་པ་ཏྟི ཀ་ནྟི་ཏ་སུ་ཏྟཾ ཀ་ནྟ་ཏི, ཨུ་མྨ་ཏྟི་ཀཱ་ཡ, ཨཱ་དི་ཀ་མྨི་ཀཱ་ཡཱ་ཏི.
ཏ་ཏི་ཡ་སི་ཀྑཱ་པ་དཾ ནི་ཊྛི་ཏཾ.
༤. ཙ་ཏུ་ཏྠ་སི་ཀྑཱ་པ་དཾ
༩༩༠. ཏེ་ན ས་མ་ཡེ་ན བུ་དྡྷོ བྷ་ག་ཝཱ སཱ་ཝ་ཏྠི་ཡཾ ཝི་ཧ་ར་ཏི ཛེ་ཏ་ཝ་ནེ ཨ་ནཱ་ཐ་པི་ཎྜི་ཀ་སྶ ཨཱ་རཱ་མེ. ཏེ་ན ཁོ པ་ན ས་མ་ཡེ་ན བྷི་ཀྑུ་ནི་ཡོ གི་ཧི་ཝེ་ཡྻཱ་ཝ་ཙྩཾ ཀ་རོ་ནྟི. ཡཱ ཏཱ བྷི་ཀྑུ་ནི་ཡོ ཨ་པྤི་ཙྪཱ…པེ… ཏཱ ཨུ་ཛ྄ཛྷཱ་ཡ་ནྟི ཁི་ཡྻ་ནྟི ཝི་པཱ་ཙེ་ནྟི – ‘‘ཀ་ཐ་ཉྷི ནཱ་མ བྷི་ཀྑུ་ནི་ཡོ གི་ཧི་ཝེ་ཡྻཱ་ཝ་ཙྩཾ ཀ་རི་སྶ་ནྟཱི’’ཏི…པེ… ས་ཙྩཾ ཀི་ར, བྷི་ཀྑ་ཝེ, བྷི་ཀྑུ་ནི་ཡོ གི་ཧི་ཝེ་ཡྻཱ་ཝ་ཙྩཾ ཀ་རོ་ནྟཱི་ཏི? ‘‘ས་ཙྩཾ, བྷ་ག་ཝཱ’’ཏི. ཝི་ག་ར་ཧི བུ་དྡྷོ བྷ་ག་ཝཱ…པེ… ཀ་ཐ་ཉྷི ནཱ་མ, བྷི་ཀྑ་ཝེ, བྷི་ཀྑུ་ནི་ཡོ གི་ཧི་ཝེ་ཡྻཱ་ཝ་ཙྩཾ ཀ་རི་སྶ་ནྟི! ནེ་ཏཾ, བྷི་ཀྑ་ཝེ, ཨ་པྤ་ས་ནྣཱ་ནཾ ཝཱ པ་སཱ་དཱ་ཡ…པེ… ཨེ་ཝ་ཉྩ པ་ན, བྷི་ཀྑ་ཝེ, བྷི་ཀྑུ་ནི་ཡོ ཨི་མཾ སི་ཀྑཱ་པ་དཾ ཨུ་དྡི་ས་ནྟུ –
༩༩༡. ‘‘ཡཱ པ་ན བྷི་ཀྑུ་ནཱི གི་ཧི་ཝེ་ཡྻཱ་ཝ་ཙྩཾ ཀ་རེ་ཡྻ, པཱ་ཙི་ཏྟི་ཡ’’ནྟི.
༩༩༢. ཡཱ པ་ནཱཏི ཡཱ ཡཱ་དི་སཱ…པེ… བྷི་ཀྑུ་ནཱིཏི…པེ… ཨ་ཡཾ ཨི་མ་སྨིཾ ཨ་ཏྠེ ཨ་དྷི་པྤེ་ཏཱ བྷི་ཀྑུ་ནཱི་ཏི.
གི་ཧི་ཝེ་ཡྻཱ་ཝ་ཙྩཾ ནཱ་མ ཨ་གཱ་རི་ཀ་སྶ ཡཱ་གུཾ ཝཱ བྷ་ཏྟཾ ཝཱ ཁཱ་ད་ནཱི་ཡཾ ཝཱ པ་ཙ་ཏི, སཱ་ཊ་ཀཾ ཝཱ ཝེ་ཋ་ནཾ ཝཱ དྷོ་ཝ་ཏི, ཨཱ་པ་ཏྟི པཱ་ཙི་ཏྟི་ཡ་སྶ.
༩༩༣. ཨ་ནཱ་པ་ཏྟི ཡཱ་གུ་པཱ་ནེ, ས་ངྒྷ་བྷ་ཏྟེ, ཙེ་ཏི་ཡ་པཱུ་ཛཱ་ཡ, ཨ་ཏྟ་ནོ ཝེ་ཡྻཱ་ཝ་ཙྩ་ཀ་ར་སྶ ཡཱ་གུཾ ཝཱ བྷ་ཏྟཾ ཝཱ ཁཱ་ད་ནཱི་ཡཾ ཝཱ པ་ཙ་ཏི, སཱ་ཊ་ཀཾ ཝཱ ཝེ་ཋ་ནཾ ཝཱ དྷོ་ཝ་ཏི, ཨུ་མྨ་ཏྟི་ཀཱ་ཡ, ཨཱ་དི་ཀ་མྨི་ཀཱ་ཡཱ་ཏི.
ཙ་ཏུ་ཏྠ་སི་ཀྑཱ་པ་དཾ ནི་ཊྛི་ཏཾ.
༥. པ་ཉྩ་མ་སི་ཀྑཱ་པ་དཾ
༩༩༤. ཏེ་ན ས་མ་ཡེ་ན བུ་དྡྷོ བྷ་ག་ཝཱ སཱ་ཝ་ཏྠི་ཡཾ ཝི་ཧ་ར་ཏི ཛེ་ཏ་ཝ་ནེ ཨ་ནཱ་ཐ་པི་ཎྜི་ཀ་སྶ ཨཱ་རཱ་མེ. ཏེ་ན ཁོ པ་ན ས་མ་ཡེ་ན ཨ་ཉྙ་ཏ་རཱ བྷི་ཀྑུ་ནཱི ཐུ་ལླ་ན་ནྡཾ བྷི་ཀྑུ་ནིཾ ཨུ་པ་ས་ངྐ་མི་ཏྭཱ ཨེ་ཏ་ད་ཝོ་ཙ – ‘‘ཨེ་ཧཱ་ཡྻེ, ཨི་མཾ ཨ་དྷི་ཀ་ར་ཎཾ ཝཱུ་པ་ས་མེ་ཧཱི’’ཏི. ཐུ་ལླ་ན་ནྡཱ བྷི་ཀྑུ་ནཱི ‘སཱ་དྷཱུ’ཏི པ་ཊི་སྶུ་ཎི་ཏྭཱ ནེ་ཝ ཝཱུ་པ་ས་མེ་ཏི ན ཝཱུ་པ་ས་མཱ་ཡ ཨུ་སྶུ་ཀྐཾ ཀ་རོ་ཏི. ཨ་ཐ ཁོ སཱ བྷི་ཀྑུ་ནཱི བྷི་ཀྑུ་ནཱི་ནཾ ཨེ་ཏ་མ་ཏྠཾ ཨཱ་རོ་ཙེ་སི. ཡཱ ཏཱ བྷི་ཀྑུ་ནི་ཡོ ཨ་པྤི་ཙྪཱ…པེ… ཏཱ ཨུ་ཛ྄ཛྷཱ་ཡ་ནྟི ཁི་ཡྻ་ནྟི ཝི་པཱ་ཙེ་ནྟི – ‘‘ཀ་ཐ་ཉྷི ནཱ་མ ཨ་ཡྻཱ ཐུ་ལླ་ན་ནྡཱ བྷི་ཀྑུ་ནི་ཡཱ – ‘ཨེ་ཧཱ་ཡྻེ’, ཨི་མཾ ཨ་དྷི་ཀ་ར་ཎཾ ཝཱུ་པ་ས་མེ་ཧཱི’ཏི ཝུ་ཙྩ་མཱ་ནཱ – ‘སཱ་དྷཱུ’ཏི པ་ཊི་སྶུ་ཎི་ཏྭཱ, ནེ་ཝ ཝཱུ་པ་ས་མེ་སྶ་ཏི ན ཝཱུ་པ་ས་མཱ་ཡ ཨུ་སྶུ་ཀྐཾ ཀ་རི་སྶ་ཏཱི’’ཏི…པེ… ས་ཙྩཾ ཀི་ར, བྷི་ཀྑ་ཝེ, ཐུ་ལླ་ན་ནྡཱ བྷི་ཀྑུ་ནཱི བྷི་ཀྑུ་ནི་ཡཱ – ‘‘ཨེ་ཧཱ་ཡྻེ, ཨི་མཾ ཨ་དྷི་ཀ་ར་ཎཾ ཝཱུ་པ་ས་མེ་ཧཱི’’ཏི ཝུ་ཙྩ་མཱ་ནཱ – ‘‘སཱ་དྷཱུ’’ཏི པ་ཊི་སྶུ་ཎི་ཏྭཱ, ནེ་ཝ ཝཱུ་པ་ས་མེ་ཏི ན ཝཱུ་པ་ས་མཱ་ཡ ཨུ་སྶུ་ཀྐཾ ཀ་རོ་ཏཱི་ཏི? ‘‘ས་ཙྩཾ, བྷ་ག་ཝཱ’’ཏི. ཝི་ག་ར་ཧི བུ་དྡྷོ བྷ་ག་ཝཱ…པེ… ཀ་ཐ་ཉྷི ནཱ་མ, བྷི་ཀྑ་ཝེ, ཐུ་ལླ་ན་ནྡཱ བྷི་ཀྑུ་ནཱི བྷི་ཀྑུ་ནི་ཡཱ – ‘‘ཨེ་ཧཱ་ཡྻེ, ཨི་མཾ ཨ་དྷི་ཀ་ར་ཎཾ ཝཱུ་པ་ས་མེ་ཧཱི’’ཏི ཝུ་ཙྩ་མཱ་ནཱ – ‘‘སཱ་དྷཱུ’’ཏི པ་ཊི་སྶུ་ཎི་ཏྭཱ, ནེ་ཝ ཝཱུ་པ་ས་མེ་སྶ་ཏི ན ཝཱུ་པ་ས་མཱ་ཡ ཨུ་སྶུ་ཀྐཾ ཀ་རི་སྶ་ཏི! ནེ་ཏཾ, བྷི་ཀྑ་ཝེ, ཨ་པྤ་ས་ནྣཱ་ནཾ ཝཱ པ་སཱ་དཱ་ཡ…པེ… ཨེ་ཝ་ཉྩ པ་ན, བྷི་ཀྑ་ཝེ, བྷི་ཀྑུ་ནི་ཡོ ཨི་མཾ སི་ཀྑཱ་པ་དཾ ཨུ་དྡི་ས་ནྟུ –
༩༩༥. ‘‘ཡཱ པ་ན བྷི་ཀྑུ་ནཱི བྷི་ཀྑུ་ནི་ཡཱ – ‘ཨེ་ཧཱ་ཡྻེ, ཨི་མཾ ཨ་དྷི་ཀ་ར་ཎཾ ཝཱུ་པ་ས་མེ་ཧཱི’ཏི ཝུ་ཙྩ་མཱ་ནཱ – ‘སཱ་དྷཱུ’ཏི པ་ཊི་སྶུ་ཎི་ཏྭཱ སཱ པ་ཙྪཱ ཨ་ན་ནྟ་རཱ་ཡི་ཀི་ནཱི ནེ་ཝ ཝཱུ་པ་ས་མེ་ཡྻ ན ཝཱུ་པ་ས་མཱ་ཡ ཨུ་སྶུ་ཀྐཾ ཀ་རེ་ཡྻ, པཱ་ཙི་ཏྟི་ཡ’’ནྟི.
༩༩༦. ཡཱ པ་ནཱཏི ཡཱ ཡཱ་དི་སཱ…པེ… བྷི་ཀྑུ་ནཱིཏི…པེ… ཨ་ཡཾ ཨི་མ་སྨིཾ ཨ་ཏྠེ ཨ་དྷི་པྤེ་ཏཱ བྷི་ཀྑུ་ནཱི་ཏི.
བྷི་ཀྑུ་ནི་ཡཱཏི ཨ་ཉྙཱ་ཡ བྷི་ཀྑུ་ནི་ཡཱ.
ཨ་དྷི་ཀ་ར་ཎཾ ནཱ་མ ཙ་ཏྟཱ་རི ཨ་དྷི་ཀ་ར་ཎཱ་ནི – ཝི་ཝཱ་དཱ་དྷི་ཀ་ར་ཎཾ, ཨ་ནུ་ཝཱ་དཱ་དྷི་ཀ་ར་ཎཾ, ཨཱ་པ་ཏྟཱ་དྷི་ཀ་ར་ཎཾ, ཀི་ཙྩཱ་དྷི་ཀ་ར་ཎཾ.
ཨེ་ཧཱ་ཡྻེ ཨི་མཾ ཨ་དྷི་ཀ་ར་ཎཾ ཝཱུ་པ་ས་མེ་ཧཱིཏི ཨེ་ཧཱ་ཡྻེ ཨི་མཾ ཨ་དྷི་ཀ་ར་ཎཾ ཝི་ནི་ཙྪེ་ཧི.
སཱ པ་ཙྪཱ ཨ་ན་ནྟ་རཱ་ཡི་ཀི་ནཱིཏི ཨ་ས་ཏི ཨ་ནྟ་རཱ་ཡེ.
ནེ་ཝ ཝཱུ་པ་ས་མེ་ཡྻཱཏི ན ས་ཡཾ ཝཱུ་པ་ས་མེ་ཡྻ.
ན ཝཱུ་པ་ས་མཱ་ཡ ཨུ་སྶུ་ཀྐཾ ཀ་རེ་ཡྻཱཏི ན ཨ་ཉྙཾ ཨཱ་ཎཱ་པེ་ཡྻ. ‘‘ནེ་ཝ ཝཱུ་པ་ས་མེ་སྶཱ་མི ན ཝཱུ་པ་ས་མཱ་ཡ ཨུ་སྶུ་ཀྐཾ ཀ་རི་སྶཱ་མཱི’’ཏི དྷུ་རཾ ནི་ཀྑི་ཏྟ་མ་ཏྟེ, ཨཱ་པ་ཏྟི པཱ་ཙི་ཏྟི་ཡ་སྶ.
༩༩༧. ཨུ་པ་ས་མྤ་ནྣཱ་ཡ ཨུ་པ་ས་མྤ་ནྣ་ས་ཉྙཱ ཨ་དྷི་ཀ་ར་ཎཾ ནེ་ཝ ཝཱུ་པ་ས་མེ་ཏི ན ཝཱུ་པ་ས་མཱ་ཡ ཨུ་སྶུ་ཀྐཾ ཀ་རོ་ཏི, ཨཱ་པ་ཏྟི པཱ་ཙི་ཏྟི་ཡ་སྶ. ཨུ་པ་ས་མྤ་ནྣཱ་ཡ ཝེ་མ་ཏི་ཀཱ ཨ་དྷི་ཀ་ར་ཎཾ ནེ་ཝ ཝཱུ་པ་ས་མེ་ཏི, ན ཝཱུ་པ་ས་མཱ་ཡ ཨུ་སྶུ་ཀྐཾ ཀ་རོ་ཏི, ཨཱ་པ་ཏྟི པཱ་ཙི་ཏྟི་ཡ་སྶ. ཨུ་པ་ས་མྤ་ནྣཱ་ཡ ཨ་ནུ་པ་ས་མྤ་ནྣ་ས་ཉྙཱ ཨ་དྷི་ཀ་ར་ཎཾ ནེ་ཝ ཝཱུ་པ་ས་མེ་ཏི, ན ཝཱུ་པ་ས་མཱ་ཡ ཨུ་སྶུ་ཀྐཾ ཀ་རོ་ཏི, ཨཱ་པ་ཏྟི པཱ་ཙི་ཏྟི་ཡ་སྶ.
ཨ་ནུ་པ་ས་མྤ་ནྣཱ་ཡ ཨ་དྷི་ཀ་ར་ཎཾ ནེ་ཝ ཝཱུ་པ་ས་མེ་ཏི, ན ཝཱུ་པ་ས་མཱ་ཡ ཨུ་སྶུ་ཀྐཾ ཀ་རོ་ཏི, ཨཱ་པ་ཏྟི དུ་ཀྐ་ཊ་སྶ. ཨ་ནུ་པ་ས་མྤ་ནྣཱ་ཡ ཨུ་པ་ས་མྤ་ནྣ་ས་ཉྙཱ, ཨཱ་པ་ཏྟི དུ་ཀྐ་ཊ་སྶ. ཨ་ནུ་པ་ས་མྤ་ནྣཱ་ཡ ཝེ་མ་ཏི་ཀཱ, ཨཱ་པ་ཏྟི དུ་ཀྐ་ཊ་སྶ. ཨ་ནུ་པ་ས་མྤ་ནྣཱ་ཡ ཨ་ནུ་པ་ས་མྤ་ནྣ་ས་ཉྙཱ, ཨཱ་པ་ཏྟི དུ་ཀྐ་ཊ་སྶ.
༩༩༨. ཨ་ནཱ་པ་ཏྟི ས་ཏི ཨ་ནྟ་རཱ་ཡེ, པ་རི་ཡེ་སི་ཏྭཱ ན ལ་བྷ་ཏི, གི་ལཱ་ནཱ་ཡ, ཨཱ་པ་དཱ་སུ, ཨུ་མྨ་ཏྟི་ཀཱ་ཡ, ཨཱ་དི་ཀ་མྨི་ཀཱ་ཡཱ་ཏི.
པ་ཉྩ་མ་སི་ཀྑཱ་པ་དཾ ནི་ཊྛི་ཏཾ.
༦. ཚ་ཊྛ་སི་ཀྑཱ་པ་དཾ
༩༩༩. ཏེ་ན ས་མ་ཡེ་ན བུ་དྡྷོ བྷ་ག་ཝཱ སཱ་ཝ་ཏྠི་ཡཾ ཝི་ཧ་ར་ཏི ཛེ་ཏ་ཝ་ནེ ཨ་ནཱ་ཐ་པི་ཎྜི་ཀ་སྶ ཨཱ་རཱ་མེ. ཏེ་ན ཁོ པ་ན ས་མ་ཡེ་ན ཐུ་ལླ་ན་ནྡཱ བྷི་ཀྑུ་ནཱི ན་ཊཱ་ན་མྤི ན་ཊ་ཀཱ་ན་མྤི ལ་ངྒྷ་ཀཱ་ན་མྤི སོ་ཀ་ཛ྄ཛྷཱ་ཡི་ཀཱ་ན་མྤི ཀུ་མྦྷ་ཐཱུ་ཎི་ཀཱ་ན་མྤི ས་ཧ་ཏྠཱ ཁཱ་ད་ནཱི་ཡཾ བྷོ་ཛ་ནཱི་ཡཾ དེ་ཏི – ‘‘མ་ཡ྄ཧཾ པ་རི་ས་ཏི ཝ་ཎྞཾ བྷཱ་ས་ཐཱ’’ཏི. ན་ཊཱ་པི ན་ཊ་ཀཱ་པི ལ་ངྒྷ་ཀཱ་པི སོ་ཀ་ཛ྄ཛྷཱ་ཡི་ཀཱ་པི ཀུ་མྦྷ་ཐཱུ་ཎི་ཀཱ་པི ཐུ་ལླ་ན་ནྡཱ་ཡ བྷི་ཀྑུ་ནི་ཡཱ པ་རི་ས་ཏི ཝ་ཎྞཾ བྷཱ་ས་ནྟི – ‘‘ཨ་ཡྻཱ ཐུ་ལླ་ན་ནྡཱ བ་ཧུ་སྶུ་ཏཱ བྷཱ་ཎི་ཀཱ ཝི་སཱ་ར་དཱ པ་ཊྚཱ དྷ་མྨིཾ ཀ་ཐཾ ཀཱ་ཏུཾ; དེ་ཐ ཨ་ཡྻཱ་ཡ, ཀ་རོ་ཐ ཨ་ཡྻཱ་ཡཱ’’ཏི. ཡཱ ཏཱ བྷི་ཀྑུ་ནི་ཡོ ཨ་པྤི་ཙྪཱ…པེ… ཏཱ ཨུ་ཛ྄ཛྷཱ་ཡ་ནྟི ཁི་ཡྻ་ནྟི ཝི་པཱ་ཙེ་ནྟི – ཀ་ཐ་ཉྷི ནཱ་མ ཨ་ཡྻཱ ཐུ་ལླ་ན་ནྡཱ ཨ་གཱ་རི་ཀ་སྶ ས་ཧ་ཏྠཱ ཁཱ་ད་ནཱི་ཡཾ བྷོ་ཛ་ནཱི་ཡཾ ད་སྶ་ཏཱི་ཏི…པེ… ས་ཙྩཾ ཀི་ར, བྷི་ཀྑ་ཝེ, ཐུ་ལླ་ན་ནྡཱ བྷི་ཀྑུ་ནཱི ཨ་གཱ་རི་ཀ་སྶ ས་ཧ་ཏྠཱ ཁཱ་ད་ནཱི་ཡཾ བྷོ་ཛ་ནཱི་ཡཾ དེ་ཏཱི་ཏི? ‘‘ས་ཙྩཾ, བྷ་ག་ཝཱ’’ཏི. ཝི་ག་ར་ཧི བུ་དྡྷོ བྷ་ག་ཝཱ…པེ… ཀ་ཐ་ཉྷི ནཱ་མ, བྷི་ཀྑ་ཝེ, ཐུ་ལླ་ན་ནྡཱ བྷི་ཀྑུ་ནཱི ཨ་གཱ་རི་ཀ་སྶ ས་ཧ་ཏྠཱ ཁཱ་ད་ནཱི་ཡཾ བྷོ་ཛ་ནཱི་ཡཾ ད་སྶ་ཏི! ནེ་ཏཾ, བྷི་ཀྑ་ཝེ, ཨ་པྤ་ས་ནྣཱ་ནཾ ཝཱ པ་སཱ་དཱ་ཡ…པེ… ཨེ་ཝ་ཉྩ པ་ན, བྷི་ཀྑ་ཝེ, བྷི་ཀྑུ་ནི་ཡོ ཨི་མཾ སི་ཀྑཱ་པ་དཾ ཨུ་དྡི་ས་ནྟུ –
༡༠༠༠. ‘‘ཡཱ པ་ན བྷི་ཀྑུ་ནཱི ཨ་གཱ་རི་ཀ་སྶ ཝཱ པ་རི་བྦཱ་ཛ་ཀ་སྶ ཝཱ པ་རི་བྦཱ་ཛི་ཀཱ་ཡ ཝཱ ས་ཧ་ཏྠཱ ཁཱ་ད་ནཱི་ཡཾ ཝཱ བྷོ་ཛ་ནཱི་ཡཾ ཝཱ ད་དེ་ཡྻ, པཱ་ཙི་ཏྟི་ཡ’’ནྟི.
༡༠༠༡. ཡཱ པ་ནཱཏི ཡཱ ཡཱ་དི་སཱ…པེ… བྷི་ཀྑུ་ནཱིཏི…པེ… ཨ་ཡཾ ཨི་མ་སྨིཾ ཨ་ཏྠེ ཨ་དྷི་པྤེ་ཏཱ བྷི་ཀྑུ་ནཱི་ཏི.
ཨ་གཱ་རི་ཀོ ནཱ་མ ཡོ ཀོ་ཙི ཨ་གཱ་རཾ ཨ་ཛ྄ཛྷཱ་ཝ་ས་ཏི.
པ་རི་བྦཱ་ཛ་ཀོ ནཱ་མ བྷི་ཀྑུ་ཉྩ སཱ་མ་ཎེ་ར་ཉྩ ཋ་པེ་ཏྭཱ ཡོ ཀོ་ཙི པ་རི་བྦཱ་ཛ་ཀ་ས་མཱ་པ་ནྣོ.
པ་རི་བྦཱ་ཛི་ཀཱ ནཱ་མ བྷི་ཀྑུ་ནི་ཉྩ སི་ཀྑ་མཱ་ན་ཉྩ སཱ་མ་ཎེ་རི་ཉྩ ཋ་པེ་ཏྭཱ ཡཱ ཀཱ་ཙི པ་རི་བྦཱ་ཛི་ཀ་ས་མཱ་པ་ནྣཱ.
ཁཱ་ད་ནཱི་ཡཾ ནཱ་མ པ་ཉྩ བྷོ་ཛ་ནཱ་ནི – ཨུ་ད་ཀ་ད་ནྟ་པོ་ནཾ ཋ་པེ་ཏྭཱ ཨ་ཝ་སེ་སཾ ཁཱ་ད་ནཱི་ཡཾ ནཱ་མ.
བྷོ་ཛ་ནཱི་ཡཾ ནཱ་མ པ་ཉྩ བྷོ་ཛ་ནཱ་ནི – ཨོ་ད་ནོ, ཀུ་མྨཱ་སོ, ས་ཏྟུ, མ་ཙྪོ, མཾ་སཾ.
ད་དེ་ཡྻཱཏི ཀཱ་ཡེ་ན ཝཱ ཀཱ་ཡ་པ་ཊི་བ་དྡྷེ་ན ཝཱ ནི་སྶ་གྒི་ཡེ་ན ཝཱ དེ་ཏི, ཨཱ་པ་ཏྟི པཱ་ཙི་ཏྟི་ཡ་སྶ. ཨུ་ད་ཀ་ད་ནྟ་པོ་ནཾ དེ་ཏི, ཨཱ་པ་ཏྟི དུ་ཀྐ་ཊ་སྶ.
༡༠༠༢. ཨ་ནཱ་པ་ཏྟི དཱ་པེ་ཏི ན དེ་ཏི, ཨུ་པ་ནི་ཀྑི་པི་ཏྭཱ དེ་ཏི, བཱ་ཧི་རཱ་ལེ་པཾ དེ་ཏི, ཨུ་མྨ་ཏྟི་ཀཱ་ཡ, ཨཱ་དི་ཀ་མྨི་ཀཱ་ཡཱ་ཏི.
ཚ་ཊྛ་སི་ཀྑཱ་པ་དཾ ནི་ཊྛི་ཏཾ.
༧. ས་ཏྟ་མ་སི་ཀྑཱ་པ་དཾ
༡༠༠༣. ཏེ་ན ས་མ་ཡེ་ན བུ་དྡྷོ བྷ་ག་ཝཱ སཱ་ཝ་ཏྠི་ཡཾ ཝི་ཧ་ར་ཏི ཛེ་ཏ་ཝ་ནེ ཨ་ནཱ་ཐ་པི་ཎྜི་ཀ་སྶ ཨཱ་རཱ་མེ. ཏེ་ན ཁོ པ་ན ས་མ་ཡེ་ན ཐུ་ལླ་ན་ནྡཱ བྷི་ཀྑུ་ནཱི ཨཱ་ཝ་ས་ཐ་ཙཱི་ཝ་རཾ ཨ་ནི་སྶ་ཛྫི་ཏྭཱ པ་རི་བྷུ་ཉྫ་ཏི. ཨ་ཉྙཱ ཨུ་ཏུ་ནི་ཡོ བྷི་ཀྑུ་ནི་ཡོ ན ལ་བྷ་ནྟི. ཡཱ ཏཱ བྷི་ཀྑུ་ནི་ཡོ ཨ་པྤི་ཙྪཱ…པེ… ཏཱ ཨུ་ཛ྄ཛྷཱ་ཡ་ནྟི ཁི་ཡྻ་ནྟི ཝི་པཱ་ཙེ་ནྟི – ‘‘ཀ་ཐ་ཉྷི ནཱ་མ ཨ་ཡྻཱ ཐུ་ལླ་ན་ནྡཱ ཨཱ་ཝ་ས་ཐ་ཙཱི་ཝ་རཾ ཨ་ནི་སྶ་ཛྫི་ཏྭཱ པ་རི་བྷུ་ཉྫི་སྶ་ཏཱི’’ཏི…པེ… ས་ཙྩཾ ཀི་ར, བྷི་ཀྑ་ཝེ, ཐུ་ལླ་ན་ནྡཱ བྷི་ཀྑུ་ནཱི ཨཱ་ཝ་ས་ཐ་ཙཱི་ཝ་རཾ ཨ་ནི་སྶ་ཛྫི་ཏྭཱ པ་རི་བྷུ་ཉྫ་ཏཱི་ཏི? ‘‘ས་ཙྩཾ, བྷ་ག་ཝཱ’’ཏི. ཝི་ག་ར་ཧི བུ་དྡྷོ བྷ་ག་ཝཱ…པེ… ཀ་ཐ་ཉྷི ནཱ་མ, བྷི་ཀྑ་ཝེ, ཐུ་ལླ་ན་ནྡཱ བྷི་ཀྑུ་ནཱི ཨཱ་ཝ་ས་ཐ་ཙཱི་ཝ་རཾ ཨ་ནི་སྶ་ཛྫི་ཏྭཱ པ་རི་བྷུ་ཉྫི་སྶ་ཏི! ནེ་ཏཾ, བྷི་ཀྑ་ཝེ, ཨ་པྤ་ས་ནྣཱ་ནཾ ཝཱ པ་སཱ་དཱ་ཡ…པེ… ཨེ་ཝ་ཉྩ པ་ན, བྷི་ཀྑ་ཝེ, བྷི་ཀྑུ་ནི་ཡོ ཨི་མཾ སི་ཀྑཱ་པ་དཾ ཨུ་དྡི་ས་ནྟུ –
༡༠༠༤. ‘‘ཡཱ པ་ན བྷི་ཀྑུ་ནཱི ཨཱ་ཝ་ས་ཐ་ཙཱི་ཝ་རཾ ཨ་ནི་སྶ་ཛྫི་ཏྭཱ པ་རི་བྷུ་ཉྫེ་ཡྻ, པཱ་ཙི་ཏྟི་ཡ’’ནྟི.
༡༠༠༥. ཡཱ པ་ནཱཏི ཡཱ ཡཱ་དི་སཱ…པེ… བྷི་ཀྑུ་ནཱིཏི…པེ… ཨ་ཡཾ ཨི་མ་སྨིཾ ཨ་ཏྠེ ཨ་དྷི་པྤེ་ཏཱ བྷི་ཀྑུ་ནཱི་ཏི.
ཨཱ་ཝ་ས་ཐ་ཙཱི་ཝ་རཾ ནཱ་མ ‘‘ཨུ་ཏུ་ནི་ཡོ བྷི་ཀྑུ་ནི་ཡོ པ་རི་བྷུ་ཉྫ་ནྟཱུ’’ཏི དི་ནྣཾ ཧོ་ཏི.
ཨ་ནི་སྶ་ཛྫི་ཏྭཱ པ་རི་བྷུ་ཉྫེ་ཡྻཱཏི དྭེ་ཏི་སྶོ ར་ཏྟི་ཡོ པ་རི་བྷུ་ཉྫི་ཏྭཱ ཙ་ཏུ་ཏྠ་དི་ཝ་སེ དྷོ་ཝི་ཏྭཱ བྷི་ཀྑུ་ནི་ཡཱ ཝཱ སི་ཀྑ་མཱ་ནཱ་ཡ ཝཱ སཱ་མ་ཎེ་རི་ཡཱ ཝཱ ཨ་ནི་སྶ་ཛྫི་ཏྭཱ པ་རི་བྷུ་ཉྫ་ཏི, ཨཱ་པ་ཏྟི པཱ་ཙི་ཏྟི་ཡ་སྶ.
༡༠༠༦. ཨ་ནི་སྶ་ཛྫི་ཏེ ཨ་ནི་སྶ་ཛྫི་ཏ་ས་ཉྙཱ པ་རི་བྷུ་ཉྫ་ཏི, ཨཱ་པ་ཏྟི པཱ་ཙི་ཏྟི་ཡ་སྶ. ཨ་ནི་སྶ་ཛྫི་ཏེ ཝེ་མ་ཏི་ཀཱ པ་རི་བྷུ་ཉྫ་ཏི, ཨཱ་པ་ཏྟི པཱ་ཙི་ཏྟི་ཡ་སྶ. ཨ་ནི་སྶ་ཛྫི་ཏེ ནི་སྶ་ཛྫི་ཏ་ས་ཉྙཱ པ་རི་བྷུ་ཉྫ་ཏི, ཨཱ་པ་ཏྟི པཱ་ཙི་ཏྟི་ཡ་སྶ.
ནི་སྶ་ཛྫི་ཏེ ཨ་ནི་སྶ་ཛྫི་ཏ་ས་ཉྙཱ, ཨཱ་པ་ཏྟི དུ་ཀྐ་ཊ་སྶ. ནི་སྶ་ཛྫི་ཏེ ཝེ་མ་ཏི་ཀཱ, ཨཱ་པ་ཏྟི དུ་ཀྐ་ཊ་སྶ. ནི་སྶ་ཛྫི་ཏེ ནི་སྶ་ཛྫི་ཏ་ས་ཉྙཱ ཨ་ནཱ་པ་ཏྟི.
༡༠༠༧. ཨ་ནཱ་པ་ཏྟི ནི་སྶ་ཛྫི་ཏྭཱ པ་རི་བྷུ་ཉྫ་ཏི, པུ་ན པ་རི་ཡཱ་ཡེ་ན པ་རི་བྷུ་ཉྫ་ཏི, ཨ་ཉྙཱ ཨུ་ཏུ་ནི་ཡོ བྷི་ཀྑུ་ནི་ཡོ ན ཧོ་ནྟི, ཨ་ཙྪི་ནྣ་ཙཱི་ཝ་རི་ཀཱ་ཡ, ན་ཊྛ་ཙཱི་ཝ་རི་ཀཱ་ཡ, ཨཱ་པ་དཱ་སུ, ཨུ་མྨ་ཏྟི་ཀཱ་ཡ, ཨཱ་དི་ཀ་མྨི་ཀཱ་ཡཱ་ཏི.
ས་ཏྟ་མ་སི་ཀྑཱ་པ་དཾ ནི་ཊྛི་ཏཾ.
༨. ཨ་ཊྛ་མ་སི་ཀྑཱ་པ་དཾ
༡༠༠༨. ཏེ་ན ས་མ་ཡེ་ན བུ་དྡྷོ བྷ་ག་ཝཱ སཱ་ཝ་ཏྠི་ཡཾ ཝི་ཧ་ར་ཏི ཛེ་ཏ་ཝ་ནེ ཨ་ནཱ་ཐ་པི་ཎྜི་ཀ་སྶ ཨཱ་རཱ་མེ. ཏེ་ན ཁོ པ་ན ས་མ་ཡེ་ན ཐུ་ལླ་ན་ནྡཱ བྷི་ཀྑུ་ནཱི ཨཱ་ཝ་ས་ཐཾ ཨ་ནི་སྶ་ཛྫི་ཏྭཱ ཙཱ་རི་ཀཾ པ་ཀྐཱ་མི. ཏེ་ན ཁོ པ་ན ས་མ་ཡེ་ན ཐུ་ལླ་ན་ནྡཱ་ཡ བྷི་ཀྑུ་ནི་ཡཱ ཨཱ་ཝ་ས་ཐོ ཌ་ཡ྄ཧ་ཏི. བྷི་ཀྑུ་ནི་ཡོ ཨེ་ཝ་མཱ་ཧཾ་སུ – ‘‘ཧ་ནྡཱ་ཡྻེ, བྷ་ཎྜ་ཀཾ ནཱི་ཧ་རཱ་མཱ’’ཏི. ཨེ་ཀ་ཙྩཱ ཨེ་ཝ་མཱ་ཧཾ་སུ – ‘‘ན མ་ཡཾ, ཨ་ཡྻེ, ནཱི་ཧ་རི་སྶཱ་མ. ཡཾ ཀི་ཉྩི ན་ཊྛཾ ས་བྦཾ ཨ་མྷེ ཨ་བྷི་ཡུ་ཉྫི་སྶ་ཏཱི’’ཏི. ཐུ་ལླ་ན་ནྡཱ བྷི་ཀྑུ་ནཱི པུ་ན་དེ་ཝ ཏཾ ཨཱ་ཝ་ས་ཐཾ པ་ཙྩཱ་ག་ནྟྭཱ བྷི་ཀྑུ་ནི་ཡོ པུ་ཙྪི – ‘‘ཨ་པཱ་ཡྻེ, བྷ་ཎྜ་ཀཾ ནཱི་ཧ་རི་ཏྠཱ’’ཏི? ‘‘ན མ་ཡཾ, ཨ་ཡྻེ, ནཱི་ཧ་རི་མྷཱ’’ཏི. ཐུ་ལླ་ན་ནྡཱ བྷི་ཀྑུ་ནཱི ཨུ་ཛ྄ཛྷཱ་ཡ་ཏི ཁི་ཡྻ་ཏི ཝི་པཱ་ཙེ་ཏི – ‘‘ཀ་ཐ་ཉྷི ནཱ་མ བྷི་ཀྑུ་ནི་ཡོ ཨཱ་ཝ་ས་ཐེ ཌ་ཡ྄ཧ་མཱ་ནེ བྷ་ཎྜ་ཀཾ ན ནཱི་ཧ་རི་སྶ་ནྟཱི’’ཏི! ཡཱ ཏཱ བྷི་ཀྑུ་ནི་ཡོ ཨ་པྤི་ཙྪཱ…པེ… ཏཱ ཨུ་ཛ྄ཛྷཱ་ཡ་ནྟི ཁི་ཡྻ་ནྟི ཝི་པཱ་ཙེ་ནྟི – ‘‘ཀ་ཐ་ཉྷི ནཱ་མ ཨ་ཡྻཱ ཐུ་ལླ་ན་ནྡཱ ཨཱ་ཝ་ས་ཐཾ ཨ་ནི་སྶ་ཛྫི་ཏྭཱ ཙཱ་རི་ཀཾ པ་ཀྐ་མི་སྶ་ཏཱི’’ཏི…པེ… ས་ཙྩཾ ཀི་ར, བྷི་ཀྑ་ཝེ, ཐུ་ལླ་ན་ནྡཱ བྷི་ཀྑུ་ནཱི ཨཱ་ཝ་ས་ཐཾ ཨ་ནི་སྶ་ཛྫི་ཏྭཱ ཙཱ་རི་ཀཾ པ་ཀྐ་མ་ཏཱི་ཏི [པ་ཀྐ་མཱི་ཏི (ཀ.)]? ‘‘ས་ཙྩཾ, བྷ་ག་ཝཱ’’ཏི. ཝི་ག་ར་ཧི བུ་དྡྷོ བྷ་ག་ཝཱ…པེ… ཀ་ཐ་ཉྷི ནཱ་མ, བྷི་ཀྑ་ཝེ, ཐུ་ལླ་ན་ནྡཱ བྷི་ཀྑུ་ནཱི ཨཱ་ཝ་ས་ཐཾ ཨ་ནི་སྶ་ཛྫི་ཏྭཱ ཙཱ་རི་ཀཾ པ་ཀྐ་མི་སྶ་ཏི! ནེ་ཏཾ, བྷི་ཀྑ་ཝེ, ཨ་པྤ་ས་ནྣཱ་ནཾ ཝཱ པ་སཱ་དཱ་ཡ…པེ… ཨེ་ཝ་ཉྩ པ་ན, བྷི་ཀྑ་ཝེ, བྷི་ཀྑུ་ནི་ཡོ ཨི་མཾ སི་ཀྑཱ་པ་དཾ ཨུ་དྡི་ས་ནྟུ –
༡༠༠༩. ‘‘ཡཱ པ་ན བྷི་ཀྑུ་ནཱི ཨཱ་ཝ་ས་ཐཾ ཨ་ནི་སྶ་ཛྫི་ཏྭཱ ཙཱ་རི་ཀཾ པ་ཀྐ་མེ་ཡྻ, པཱ་ཙི་ཏྟི་ཡ’’ནྟི.
༡༠༡༠. ཡཱ པ་ནཱཏི ཡཱ ཡཱ་དི་སཱ…པེ… བྷི་ཀྑུ་ནཱིཏི…པེ… ཨ་ཡཾ ཨི་མ་སྨིཾ ཨ་ཏྠེ ཨ་དྷི་པྤེ་ཏཱ བྷི་ཀྑུ་ནཱི་ཏི.
ཨཱ་ཝ་ས་ཐོ ནཱ་མ ཀ་ཝཱ་ཊ་བ་དྡྷོ ཝུ་ཙྩ་ཏི.
ཨ་ནི་སྶ་ཛྫི་ཏྭཱ ཙཱ་རི་ཀཾ པ་ཀྐ་མེ་ཡྻཱཏི བྷི་ཀྑུ་ནི་ཡཱ ཝཱ སི་ཀྑ་མཱ་ནཱ་ཡ ཝཱ སཱ་མ་ཎེ་རི་ཡཱ ཝཱ ཨ་ནི་སྶ་ཛྫི་ཏྭཱ པ་རི་ཀྑི་ཏྟ་སྶ ཨཱ་ཝ་ས་ཐ་སྶ པ་རི་ཀྑེ་པཾ ཨ་ཏི་ཀྐཱ་མེ་ནྟི་ཡཱ ཨཱ་པ་ཏྟི པཱ་ཙི་ཏྟི་ཡ་སྶ. ཨ་པ་རི་ཀྑི་ཏྟ་སྶ ཨཱ་ཝ་ས་ཐ་སྶ ཨུ་པ་ཙཱ་རཾ ཨ་ཏི་ཀྐཱ་མེ་ནྟི་ཡཱ ཨཱ་པ་ཏྟི པཱ་ཙི་ཏྟི་ཡ་སྶ.
༡༠༡༡. ཨ་ནི་སྶ་ཛྫི་ཏེ ཨ་ནི་སྶ་ཛྫི་ཏ་ས་ཉྙཱ པ་ཀྐ་མ་ཏི, ཨཱ་པ་ཏྟི པཱ་ཙི་ཏྟི་ཡ་སྶ. ཨ་ནི་སྶ་ཛྫི་ཏེ ཝེ་མ་ཏི་ཀཱ པ་ཀྐ་མ་ཏི, ཨཱ་པ་ཏྟི པཱ་ཙི་ཏྟི་ཡ་སྶ. ཨ་ནི་སྶ་ཛྫི་ཏེ ནི་སྶ་ཛྫི་ཏ་ས་ཉྙཱ པ་ཀྐ་མ་ཏི, ཨཱ་པ་ཏྟི པཱ་ཙི་ཏྟི་ཡ་སྶ.
ཨ་ཀ་ཝཱ་ཊ་བ་དྡྷཾ ཨ་ནི་སྶ་ཛྫི་ཏྭཱ པ་ཀྐ་མ་ཏི, ཨཱ་པ་ཏྟི དུ་ཀྐ་ཊ་སྶ. ནི་སྶ་ཛྫི་ཏེ ཨ་ནི་སྶ་ཛྫི་ཏ་ས་ཉྙཱ, ཨཱ་པ་ཏྟི དུ་ཀྐ་ཊ་སྶ. ནི་སྶ་ཛྫི་ཏེ ཝེ་མ་ཏི་ཀཱ, ཨཱ་པ་ཏྟི དུ་ཀྐ་ཊ་སྶ. ནི་སྶ་ཛྫི་ཏེ ནི་སྶ་ཛྫི་ཏ་ས་ཉྙཱ, ཨ་ནཱ་པ་ཏྟི.
༡༠༡༢. ཨ་ནཱ་པ་ཏྟི ནི་སྶ་ཛྫི་ཏྭཱ པ་ཀྐ་མ་ཏི, ས་ཏི ཨ་ནྟ་རཱ་ཡེ, པ་རི་ཡེ་སི་ཏྭཱ ན ལ་བྷ་ཏི, གི་ལཱ་ནཱ་ཡ, ཨཱ་པ་དཱ་སུ, ཨུ་མྨ་ཏྟི་ཀཱ་ཡ, ཨཱ་དི་ཀ་མྨི་ཀཱ་ཡཱ་ཏི.
ཨ་ཊྛ་མ་སི་ཀྑཱ་པ་དཾ ནི་ཊྛི་ཏཾ.
༩. ན་ཝ་མ་སི་ཀྑཱ་པ་དཾ
༡༠༡༣. ཏེ་ན ས་མ་ཡེ་ན བུ་དྡྷོ བྷ་ག་ཝཱ སཱ་ཝ་ཏྠི་ཡཾ ཝི་ཧ་ར་ཏི ཛེ་ཏ་ཝ་ནེ ཨ་ནཱ་ཐ་པི་ཎྜི་ཀ་སྶ ཨཱ་རཱ་མེ. ཏེ་ན ཁོ པ་ན ས་མ་ཡེ་ན ཚ་བྦ་གྒི་ཡཱ བྷི་ཀྑུ་ནི་ཡོ ཏི་ར་ཙྪཱ་ན་ཝི་ཛྫཾ པ་རི་ཡཱ་པུ་ཎ་ནྟི. མ་ནུ་སྶཱ ཨུ་ཛ྄ཛྷཱ་ཡ་ནྟི ཁི་ཡྻ་ནྟི ཝི་པཱ་ཙེ་ནྟི – ‘‘ཀ་ཐ་ཉྷི ནཱ་མ བྷི་ཀྑུ་ནི་ཡོ ཏི་ར་ཙྪཱ་ན་ཝི་ཛྫཾ པ་རི་ཡཱ་པུ་ཎི་སྶ་ནྟི, སེ་ཡྻ་ཐཱ་པི གི་ཧི་ནི་ཡོ ཀཱ་མ་བྷོ་གི་ནི་ཡོ’’ཏི! ཨ་སྶོ་སུཾ ཁོ བྷི་ཀྑུ་ནི་ཡོ ཏེ་སཾ མ་ནུ་སྶཱ་ནཾ ཨུ་ཛ྄ཛྷཱ་ཡ་ནྟཱ་ནཾ ཁི་ཡྻ་ནྟཱ་ནཾ ཝི་པཱ་ཙེ་ནྟཱ་ནཾ. ཡཱ ཏཱ བྷི་ཀྑུ་ནི་ཡོ ཨ་པྤི་ཙྪཱ…པེ… ཏཱ ཨུ་ཛ྄ཛྷཱ་ཡ་ནྟི ཁི་ཡྻ་ནྟི ཝི་པཱ་ཙེ་ནྟི – ‘‘ཀ་ཐ་ཉྷི ནཱ་མ ཚ་བྦ་གྒི་ཡཱ བྷི་ཀྑུ་ནི་ཡོ ཏི་ར་ཙྪཱ་ན་ཝི་ཛྫཾ པ་རི་ཡཱ་པུ་ཎི་སྶ་ནྟཱི’’ཏི…པེ… ས་ཙྩཾ ཀི་ར, བྷི་ཀྑ་ཝེ, ཚ་བྦ་གྒི་ཡཱ བྷི་ཀྑུ་ནི་ཡོ ཏི་ར་ཙྪཱ་ན་ཝི་ཛྫཾ པ་རི་ཡཱ་པུ་ཎ་ནྟཱི་ཏི? ‘‘ས་ཙྩཾ, བྷ་ག་ཝཱ’’ཏི. ཝི་ག་ར་ཧི བུ་དྡྷོ བྷ་ག་ཝཱ…པེ… ཀ་ཐ་ཉྷི ནཱ་མ, བྷི་ཀྑ་ཝེ, ཚ་བྦ་གྒི་ཡཱ བྷི་ཀྑུ་ནི་ཡོ ཏི་ར་ཙྪཱ་ན་ཝི་ཛྫཾ པ་རི་ཡཱ་པུ་ཎི་སྶ་ནྟི! ནེ་ཏཾ, བྷི་ཀྑ་ཝེ, ཨ་པྤ་ས་ནྣཱ་ནཾ ཝཱ པ་སཱ་དཱ་ཡ…པེ… ཨེ་ཝ་ཉྩ པ་ན, བྷི་ཀྑ་ཝེ, བྷི་ཀྑུ་ནི་ཡོ ཨི་མཾ སི་ཀྑཱ་པ་དཾ ཨུ་དྡི་ས་ནྟུ –
༡༠༡༤. ‘‘ཡཱ པ་ན བྷི་ཀྑུ་ནཱི ཏི་ར་ཙྪཱ་ན་ཝི་ཛྫཾ པ་རི་ཡཱ་པུ་ཎེ་ཡྻ, པཱ་ཙི་ཏྟི་ཡ’’ནྟི.
༡༠༡༥. ཡཱ པ་ནཱཏི ཡཱ ཡཱ་དི་སཱ…པེ… བྷི་ཀྑུ་ནཱིཏི…པེ… ཨ་ཡཾ ཨི་མ་སྨིཾ ཨ་ཏྠེ ཨ་དྷི་པྤེ་ཏཱ བྷི་ཀྑུ་ནཱི་ཏི.
ཏི་ར་ཙྪཱ་ན་ཝི་ཛྫཱ [ཏི་ར་ཙྪཱ་ན་ཝི་ཛྫཾ (ཀ.)] ནཱ་མ ཡཾ ཀི་ཉྩི བཱ་ཧི་ར་ཀཾ ཨ་ན་ཏྠ་སཾ་ཧི་ཏཾ.
པ་རི་ཡཱ་པུ་ཎེ་ཡྻཱཏི པ་དེ་ན པ་རི་ཡཱ་པུ་ཎཱ་ཏི, པ་དེ པ་དེ ཨཱ་པ་ཏྟི པཱ་ཙི་ཏྟི་ཡ་སྶ. ཨ་ཀྑ་རཱ་ཡ པ་རི་ཡཱ་པུ་ཎཱ་ཏི, ཨ་ཀྑ་ར་ཀྑ་རཱ་ཡ ཨཱ་པ་ཏྟི པཱ་ཙི་ཏྟི་ཡ་སྶ.
༡༠༡༦. ཨ་ནཱ་པ་ཏྟི ལེ་ཁཾ པ་རི་ཡཱ་པུ་ཎཱ་ཏི, དྷཱ་ར་ཎཾ པ་རི་ཡཱ་པུ་ཎཱ་ཏི, གུ་ཏྟ་ཏྠཱ་ཡ པ་རི་ཏྟཾ པ་རི་ཡཱ་པུ་ཎཱ་ཏི, ཨུ་མྨ་ཏྟི་ཀཱ་ཡ, ཨཱ་དི་ཀ་མྨི་ཀཱ་ཡཱ་ཏི.
ན་ཝ་མ་སི་ཀྑཱ་པ་དཾ ནི་ཊྛི་ཏཾ.
༡༠. ད་ས་མ་སི་ཀྑཱ་པ་དཾ
༡༠༡༧. ཏེ་ན ས་མ་ཡེ་ན བུ་དྡྷོ བྷ་ག་ཝཱ སཱ་ཝ་ཏྠི་ཡཾ ཝི་ཧ་ར་ཏི ཛེ་ཏ་ཝ་ནེ ཨ་ནཱ་ཐ་པི་ཎྜི་ཀ་སྶ ཨཱ་རཱ་མེ. ཏེ་ན ཁོ པ་ན ས་མ་ཡེ་ན ཚ་བྦ་གྒི་ཡཱ བྷི་ཀྑུ་ནི་ཡོ ཏི་ར་ཙྪཱ་ན་ཝི་ཛྫཾ ཝཱ་ཙེ་ནྟི. མ་ནུ་སྶཱ ཨུ་ཛ྄ཛྷཱ་ཡ་ནྟི ཁི་ཡྻ་ནྟི ཝི་པཱ་ཙེ་ནྟི – ‘‘ཀ་ཐ་ཉྷི ནཱ་མ བྷི་ཀྑུ་ནི་ཡོ ཏི་ར་ཙྪཱ་ན་ཝི་ཛྫཾ ཝཱ་ཙེ་སྶ་ནྟི, སེ་ཡྻ་ཐཱ་པི གི་ཧི་ནི་ཡོ ཀཱ་མ་བྷོ་གི་ནི་ཡོ’’ཏི! ཨ་སྶོ་སུཾ ཁོ བྷི་ཀྑུ་ནི་ཡོ ཏེ་སཾ མ་ནུ་སྶཱ་ནཾ ཨུ་ཛ྄ཛྷཱ་ཡ་ནྟཱ་ནཾ ཁི་ཡྻ་ནྟཱ་ནཾ ཝི་པཱ་ཙེ་ནྟཱ་ནཾ. ཡཱ ཏཱ བྷི་ཀྑུ་ནི་ཡོ ཨ་པྤི་ཙྪཱ…པེ… ཏཱ ཨུ་ཛ྄ཛྷཱ་ཡ་ནྟི ཁི་ཡྻ་ནྟི ཝི་པཱ་ཙེ་ནྟི – ‘‘ཀ་ཐ་ཉྷི ནཱ་མ ཚ་བྦ་གྒི་ཡཱ བྷི་ཀྑུ་ནི་ཡོ ཏི་ར་ཙྪཱ་ན་ཝི་ཛྫཾ ཝཱ་ཙེ་སྶ་ནྟཱི’’ཏི…པེ… ས་ཙྩཾ ཀི་ར, བྷི་ཀྑ་ཝེ, ཚ་བྦ་གྒི་ཡཱ བྷི་ཀྑུ་ནི་ཡོ ཏི་ར་ཙྪཱ་ན་ཝི་ཛྫཾ ཝཱ་ཙེ་ནྟཱི་ཏི? ‘‘ས་ཙྩཾ, བྷ་ག་ཝཱ’’ཏི. ཝི་ག་ར་ཧི བུ་དྡྷོ བྷ་ག་ཝཱ…པེ… ཀ་ཐ་ཉྷི ནཱ་མ, བྷི་ཀྑ་ཝེ, ཚ་བྦ་གྒི་ཡཱ བྷི་ཀྑུ་ནི་ཡོ ཏི་ར་ཙྪཱ་ན་ཝི་ཛྫཾ ཝཱ་ཙེ་སྶ་ནྟི! ནེ་ཏཾ, བྷི་ཀྑ་ཝེ, ཨ་པྤ་ས་ནྣཱ་ནཾ ཝཱ པ་སཱ་དཱ་ཡ…པེ… ཨེ་ཝ་ཉྩ པ་ན, བྷི་ཀྑ་ཝེ, བྷི་ཀྑུ་ནི་ཡོ ཨི་མཾ སི་ཀྑཱ་པ་དཾ ཨུ་དྡི་ས་ནྟུ –
༡༠༡༨. ‘‘ཡཱ པ་ན བྷི་ཀྑུ་ནཱི ཏི་ར་ཙྪཱ་ན་ཝི་ཛྫཾ ཝཱ་ཙེ་ཡྻ, པཱ་ཙི་ཏྟི་ཡ’’ནྟི.
༡༠༡༩. ཡཱ པ་ནཱཏི ཡཱ ཡཱ་དི་སཱ…པེ… བྷི་ཀྑུ་ནཱིཏི…པེ… ཨ་ཡཾ ཨི་མ་སྨིཾ ཨ་ཏྠེ ཨ་དྷི་པྤེ་ཏཱ བྷི་ཀྑུ་ནཱི་ཏི.
ཏི་ར་ཙྪཱ་ན་ཝི་ཛྫཱ [ཏི་ར་ཙྪཱ་ན་ཝི་ཛྫཾ (ཀ.)] ནཱ་མ ཡཾ ཀི་ཉྩི བཱ་ཧི་ར་ཀཾ ཨ་ན་ཏྠ་སཾ་ཧི་ཏཾ.
ཝཱ་ཙེ་ཡྻཱཏི པ་དེ་ན ཝཱ་ཙེ་ཏི, པ་དེ པ་དེ ཨཱ་པ་ཏྟི པཱ་ཙི་ཏྟི་ཡ་སྶ. ཨ་ཀྑ་རཱ་ཡ ཝཱ་ཙེ་ཏི, ཨ་ཀྑ་ར་ཀྑ་རཱ་ཡ ཨཱ་པ་ཏྟི པཱ་ཙི་ཏྟི་ཡ་སྶ.
༡༠༢༠. ཨ་ནཱ་པ་ཏྟི ལེ་ཁཾ ཝཱ་ཙེ་ཏི, དྷཱ་ར་ཎཾ ཝཱ་ཙེ་ཏི, གུ་ཏྟ་ཏྠཱ་ཡ པ་རི་ཏྟཾ ཝཱ་ཙེ་ཏི, ཨུ་མྨ་ཏྟི་ཀཱ་ཡ, ཨཱ་དི་ཀ་མྨི་ཀཱ་ཡཱ་ཏི.
ད་ས་མ་སི་ཀྑཱ་པ་དཾ ནི་ཊྛི་ཏཾ.
ཙི་ཏྟཱ་གཱ་ར་ཝ་གྒོ པ་ཉྩ་མོ.