༢. ཨ་ནྡྷ་ཀཱ་ར་ཝ་གྒོ
༡. པ་ཋ་མ་སི་ཀྑཱ་པ་དཾ
༨༣༨. ཏེ་ན ས་མ་ཡེ་ན བུ་དྡྷོ བྷ་ག་ཝཱ སཱ་ཝ་ཏྠི་ཡཾ ཝི་ཧ་ར་ཏི ཛེ་ཏ་ཝ་ནེ ཨ་ནཱ་ཐ་པི་ཎྜི་ཀ་སྶ ཨཱ་རཱ་མེ. ཏེ་ན ཁོ པ་ན ས་མ་ཡེ་ན བྷ་དྡཱ་ཡ ཀཱ་པི་ལཱ་ནི་ཡཱ ཨ་ནྟེ་ཝཱ་སི་ནི་ཡཱ བྷི་ཀྑུ་ནི་ཡཱ ཉཱ་ཏ་ཀོ པུ་རི་སོ གཱ་མ་ཀཱ སཱ་ཝ་ཏྠིཾ ཨ་ག་མཱ་སི ཀེ་ན་ཙི་དེ་ཝ ཀ་ར་ཎཱི་ཡེ་ན. ཨ་ཐ ཁོ སཱ བྷི་ཀྑུ་ནཱི ཏེ་ན པུ་རི་སེ་ན ས་དྡྷིཾ ར་ཏྟ་ནྡྷ་ཀཱ་རེ ཨ་པྤ་དཱི་པེ ཨེ་ཀེ་ནེ་ཀཱ ས་ནྟི་ཊྛ་ཏི་པི ས་ལླ་པ་ཏི་པི. ཡཱ ཏཱ བྷི་ཀྑུ་ནི་ཡོ ཨ་པྤི་ཙྪཱ…པེ… ཏཱ ཨུ་ཛ྄ཛྷཱ་ཡ་ནྟི ཁི་ཡྻ་ནྟི ཝི་པཱ་ཙེ་ནྟི – ‘‘ཀ་ཐ་ཉྷི ནཱ་མ བྷི་ཀྑུ་ནཱི ར་ཏྟ་ནྡྷ་ཀཱ་རེ ཨ་པྤ་དཱི་པེ པུ་རི་སེ་ན ས་དྡྷིཾ ཨེ་ཀེ་ནེ་ཀཱ ས་ནྟི་ཊྛི་སྶ་ཏི་པི ས་ལླ་པི་སྶ་ཏི་པཱི’’ཏི…པེ… ས་ཙྩཾ ཀི་ར, བྷི་ཀྑ་ཝེ, བྷི་ཀྑུ་ནཱི ར་ཏྟ་ནྡྷ་ཀཱ་རེ ཨ་པྤ་དཱི་པེ པུ་རི་སེ་ན ས་དྡྷིཾ ཨེ་ཀེ་ནེ་ཀཱ ས་ནྟི་ཊྛ་ཏི་པི ས་ལླ་པ་ཏི་པཱི་ཏི? ‘‘ས་ཙྩཾ, བྷ་ག་ཝཱ’’ཏི. ཝི་ག་ར་ཧི བུ་དྡྷོ བྷ་ག་ཝཱ…པེ… ཀ་ཐ་ཉྷི ནཱ་མ, བྷི་ཀྑ་ཝེ, བྷི་ཀྑུ་ནཱི ར་ཏྟ་ནྡྷ་ཀཱ་རེ ཨ་པྤ་དཱི་པེ པུ་རི་སེ་ན ས་དྡྷིཾ ཨེ་ཀེ་ནེ་ཀཱ ས་ནྟི་ཊྛི་སྶ་ཏི་པི ས་ལླ་པི་སྶ་ཏི་པི! ནེ་ཏཾ, བྷི་ཀྑ་ཝེ, ཨ་པྤ་ས་ནྣཱ་ནཾ ཝཱ པ་སཱ་དཱ་ཡ…པེ… ཨེ་ཝ་ཉྩ པ་ན, བྷི་ཀྑ་ཝེ, བྷི་ཀྑུ་ནི་ཡོ ཨི་མཾ སི་ཀྑཱ་པ་དཾ ཨུ་དྡི་ས་ནྟུ –
༨༣༩. ‘‘ཡཱ པ་ན བྷི་ཀྑུ་ནཱི ར་ཏྟ་ནྡྷ་ཀཱ་རེ ཨ་པྤ་དཱི་པེ པུ་རི་སེ་ན ས་དྡྷིཾ ཨེ་ཀེ་ནེ་ཀཱ ས་ནྟི་ཊྛེ་ཡྻ ཝཱ ས་ལླ་པེ་ཡྻ ཝཱ, པཱ་ཙི་ཏྟི་ཡ’’ནྟི.
༨༤༠. ཡཱ པ་ནཱཏི ཡཱ ཡཱ་དི་སཱ…པེ… བྷི་ཀྑུ་ནཱིཏི…པེ… ཨ་ཡཾ ཨི་མ་སྨིཾ ཨ་ཏྠེ ཨ་དྷི་པྤེ་ཏཱ བྷི་ཀྑུ་ནཱི་ཏི.
ར་ཏྟ་ནྡྷ་ཀཱ་རེཏི ཨོ་གྒ་ཏེ སཱུ་རི་ཡེ. ཨ་པྤ་དཱི་པེ་ཏི ཨ་ནཱ་ལོ་ཀེ.
པུ་རི་སོ ནཱ་མ མ་ནུ་སྶ་པུ་རི་སོ ན ཡ་ཀྑོ ན པེ་ཏོ ན ཏི་ར་ཙྪཱ་ན་ག་ཏོ ཝི་ཉྙཱུ པ་ཊི་བ་ལོ ས་ནྟི་ཊྛི་ཏུཾ ས་ལླ་པི་ཏུཾ.
ས་དྡྷིནྟི ཨེ་ཀ་ཏོ. ཨེ་ཀེ་ནེ་ཀཱཏི པུ་རི་སོ ཙེ་ཝ ཧོ་ཏི བྷི་ཀྑུ་ནཱི ཙ.
ས་ནྟི་ཊྛེ་ཡྻ ཝཱཏི པུ་རི་ས་སྶ ཧ་ཏྠ་པཱ་སེ ཏི་ཊྛ་ཏི, ཨཱ་པ་ཏྟི པཱ་ཙི་ཏྟི་ཡ་སྶ.
ས་ལླ་པེ་ཡྻ ཝཱཏི པུ་རི་ས་སྶ ཧ་ཏྠ་པཱ་སེ ཋི་ཏཱ ས་ལླ་པ་ཏི, ཨཱ་པ་ཏྟི པཱ་ཙི་ཏྟི་ཡ་སྶ.
ཧ་ཏྠ་པཱ་སཾ ཝི་ཛ་ཧི་ཏྭཱ ས་ནྟི་ཊྛ་ཏི ཝཱ ས་ལླ་པ་ཏི ཝཱ, ཨཱ་པ་ཏྟི དུ་ཀྐ་ཊ་སྶ. ཡ་ཀྑེ་ན ཝཱ པེ་ཏེ་ན ཝཱ པ་ཎྜ་ཀེ་ན ཝཱ ཏི་ར་ཙྪཱ་ན་ག་ཏ་མ་ནུ་སྶ་ཝི་གྒ་ཧེ་ན ཝཱ ས་དྡྷིཾ ས་ནྟི་ཊྛ་ཏི ཝཱ ས་ལླ་པ་ཏི ཝཱ, ཨཱ་པ་ཏྟི དུ་ཀྐ་ཊ་སྶ.
༨༤༡. ཨ་ནཱ་པ་ཏྟི ཡོ ཀོ་ཙི ཝི་ཉྙཱུ དུ་ཏི་ཡོ [ཡཱ ཀཱ་ཙི ཝི་ཉྙཱུ དུ་ཏི་ཡཱ (སྱཱ.)] ཧོ་ཏི, ཨ་ར་ཧོ་པེ་ཀྑཱ, ཨ་ཉྙ་ཝི་ཧི་ཏཱ ས་ནྟི་ཊྛ་ཏི ཝཱ ས་ལླ་པ་ཏི ཝཱ, ཨུ་མྨ་ཏྟི་ཀཱ་ཡ, ཨཱ་དི་ཀ་མྨི་ཀཱ་ཡཱ་ཏི.
པ་ཋ་མ་སི་ཀྑཱ་པ་དཾ ནི་ཊྛི་ཏཾ.
༢. དུ་ཏི་ཡ་སི་ཀྑཱ་པ་དཾ
༨༤༢. ཏེ་ན ས་མ་ཡེ་ན བུ་དྡྷོ བྷ་ག་ཝཱ སཱ་ཝ་ཏྠི་ཡཾ ཝི་ཧ་ར་ཏི ཛེ་ཏ་ཝ་ནེ ཨ་ནཱ་ཐ་པི་ཎྜི་ཀ་སྶ ཨཱ་རཱ་མེ. ཏེ་ན ཁོ པ་ན ས་མ་ཡེ་ན བྷ་དྡཱ་ཡ ཀཱ་པི་ལཱ་ནི་ཡཱ ཨ་ནྟེ་ཝཱ་སི་ནི་ཡཱ བྷི་ཀྑུ་ནི་ཡཱ ཉཱ་ཏ་ཀོ པུ་རི་སོ གཱ་མ་ཀཱ སཱ་ཝ་ཏྠིཾ ཨ་ག་མཱ་སི ཀེ་ན་ཙི་དེ་ཝ ཀ་ར་ཎཱི་ཡེ་ན. ཨ་ཐ ཁོ སཱ བྷི་ཀྑུ་ནཱི – ‘‘བྷ་ག་ཝ་ཏཱ པ་ཊི་ཀྑི་ཏྟཾ ར་ཏྟ་ནྡྷ་ཀཱ་རེ ཨ་པྤ་དཱི་པེ པུ་རི་སེ་ན ས་དྡྷིཾ ཨེ་ཀེ་ནེ་ཀཱ ས་ནྟི་ཊྛི་ཏུཾ ས་ལླ་པི་ཏུ’’ནྟི ཏེ་ནེ་ཝ པུ་རི་སེ་ན ས་དྡྷིཾ པ་ཊི་ཙྪ་ནྣེ ཨོ་ཀཱ་སེ ཨེ་ཀེ་ནེ་ཀཱ ས་ནྟི་ཊྛ་ཏི་པི ས་ལླ་པ་ཏི་པི. ཡཱ ཏཱ བྷི་ཀྑུ་ནི་ཡོ ཨ་པྤི་ཙྪཱ…པེ… ཏཱ ཨུ་ཛ྄ཛྷཱ་ཡ་ནྟི ཁི་ཡྻ་ནྟི ཝི་པཱ་ཙེ་ནྟི – ‘‘ཀ་ཐ་ཉྷི ནཱ་མ བྷི་ཀྑུ་ནཱི པ་ཊི་ཙྪ་ནྣེ ཨོ་ཀཱ་སེ པུ་རི་སེ་ན ས་དྡྷིཾ ཨེ་ཀེ་ནེ་ཀཱ ས་ནྟི་ཊྛི་སྶ་ཏི་པི ས་ལླ་པི་སྶ་ཏི་པཱི’’ཏི…པེ… ས་ཙྩཾ ཀི་ར, བྷི་ཀྑ་ཝེ, བྷི་ཀྑུ་ནཱི པ་ཊི་ཙྪ་ནྣེ ཨོ་ཀཱ་སེ པུ་རི་སེ་ན ས་དྡྷིཾ ཨེ་ཀེ་ནེ་ཀཱ ས་ནྟི་ཊྛ་ཏི་པི ས་ལླ་པ་ཏི་པཱི་ཏི? ‘‘ས་ཙྩཾ, བྷ་ག་ཝཱ’’ཏི. ཝི་ག་ར་ཧི བུ་དྡྷོ བྷ་ག་ཝཱ…པེ… ཀ་ཐ་ཉྷི ནཱ་མ, བྷི་ཀྑ་ཝེ, བྷི་ཀྑུ་ནཱི པ་ཊི་ཙྪ་ནྣེ ཨོ་ཀཱ་སེ པུ་རི་སེ་ན ས་དྡྷིཾ ཨེ་ཀེ་ནེ་ཀཱ ས་ནྟི་ཊྛི་སྶ་ཏི་པི ས་ལླ་པི་སྶ་ཏི་པི! ནེ་ཏཾ, བྷི་ཀྑ་ཝེ, ཨ་པྤ་ས་ནྣཱ་ནཾ ཝཱ པ་སཱ་དཱ་ཡ…པེ… ཨེ་ཝ་ཉྩ པ་ན, བྷི་ཀྑ་ཝེ, བྷི་ཀྑུ་ནི་ཡོ ཨི་མཾ སི་ཀྑཱ་པ་དཾ ཨུ་དྡི་ས་ནྟུ –
༨༤༣. ‘‘ཡཱ པ་ན བྷི་ཀྑུ་ནཱི པ་ཊི་ཙྪ་ནྣེ ཨོ་ཀཱ་སེ པུ་རི་སེ་ན ས་དྡྷིཾ ཨེ་ཀེ་ནེ་ཀཱ ས་ནྟི་ཊྛེ་ཡྻ ཝཱ ས་ལླ་པེ་ཡྻ ཝཱ, པཱ་ཙི་ཏྟི་ཡ’’ནྟི.
༨༤༤. ཡཱ པ་ནཱཏི ཡཱ ཡཱ་དི་སཱ…པེ… བྷི་ཀྑུ་ནཱིཏི…པེ… ཨ་ཡཾ ཨི་མ་སྨིཾ ཨ་ཏྠེ ཨ་དྷི་པྤེ་ཏཱ བྷི་ཀྑུ་ནཱི་ཏི.
པ་ཊི་ཙྪ་ནྣོ ནཱ་མ ཨོ་ཀཱ་སོ ཀུ་ཊྚེ་ན ཝཱ ཀ་ཝཱ་ཊེ་ན ཝཱ ཀི་ལ་ཉྫེ་ན ཝཱ སཱ་ཎི་པཱ་ཀཱ་རེ་ན ཝཱ རུ་ཀྑེ་ན ཝཱ ཐ་མྦྷེ་ན ཝཱ ཀོ་ཏྠ་ལི༹་ཡཱ ཝཱ ཡེ་ན ཀེ་ན་ཙི པ་ཊི་ཙྪ་ནྣོ ཧོ་ཏི.
པུ་རི་སོ ནཱ་མ མ་ནུ་སྶ་པུ་རི་སོ ན ཡ་ཀྑོ ན པེ་ཏོ ན ཏི་ར་ཙྪཱ་ན་ག་ཏོ ཝི་ཉྙཱུ པ་ཊི་བ་ལོ ས་ནྟི་ཊྛི་ཏུཾ ས་ལླ་པི་ཏུཾ.
ས་དྡྷིནྟི ཨེ་ཀ་ཏོ. ཨེ་ཀེ་ནེ་ཀཱཏི པུ་རི་སོ ཙེ་ཝ ཧོ་ཏི བྷི་ཀྑུ་ནཱི ཙ.
ས་ནྟི་ཊྛེ་ཡྻ ཝཱཏི པུ་རི་ས་སྶ ཧ་ཏྠ་པཱ་སེ ཏི་ཊྛ་ཏི, ཨཱ་པ་ཏྟི པཱ་ཙི་ཏྟི་ཡ་སྶ.
ས་ལླ་པེ་ཡྻ ཝཱཏི པུ་རི་ས་སྶ ཧ་ཏྠ་པཱ་སེ ཋི་ཏཱ ས་ལླ་པ་ཏི, ཨཱ་པ་ཏྟི པཱ་ཙི་ཏྟི་ཡ་སྶ.
ཧ་ཏྠ་པཱ་སཾ ཝི་ཛ་ཧི་ཏྭཱ ས་ནྟི་ཊྛ་ཏི ཝཱ ས་ལླ་པ་ཏི ཝཱ, ཨཱ་པ་ཏྟི དུ་ཀྐ་ཊ་སྶ. ཡ་ཀྑེ་ན ཝཱ པེ་ཏེ་ན ཝཱ པ་ཎྜ་ཀེ་ན ཝཱ ཏི་ར་ཙྪཱ་ན་ག་ཏ་མ་ནུ་སྶ་ཝི་གྒ་ཧེ་ན ཝཱ ས་དྡྷིཾ ས་ནྟི་ཊྛ་ཏི ཝཱ ས་ལླ་པ་ཏི ཝཱ, ཨཱ་པ་ཏྟི དུ་ཀྐ་ཊ་སྶ.
༨༤༥. ཨ་ནཱ་པ་ཏྟི ཡོ ཀོ་ཙི ཝི་ཉྙཱུ དུ་ཏི་ཡོ ཧོ་ཏི, ཨ་ར་ཧོ་པེ་ཀྑཱ, ཨ་ཉྙ་ཝི་ཧི་ཏཱ ས་ནྟི་ཊྛ་ཏི ཝཱ ས་ལླ་པ་ཏི ཝཱ, ཨུ་མྨ་ཏྟི་ཀཱ་ཡ, ཨཱ་དི་ཀ་མྨི་ཀཱ་ཡཱ་ཏི.
དུ་ཏི་ཡ་སི་ཀྑཱ་པ་དཾ ནི་ཊྛི་ཏཾ.
༣. ཏ་ཏི་ཡ་སི་ཀྑཱ་པ་དཾ
༨༤༦. ཏེ་ན ས་མ་ཡེ་ན བུ་དྡྷོ བྷ་ག་ཝཱ སཱ་ཝ་ཏྠི་ཡཾ ཝི་ཧ་ར་ཏི ཛེ་ཏ་ཝ་ནེ ཨ་ནཱ་ཐ་པི་ཎྜི་ཀ་སྶ ཨཱ་རཱ་མེ. ཏེ་ན ཁོ པ་ན ས་མ་ཡེ་ན བྷ་དྡཱ་ཡ ཀཱ་པི་ལཱ་ནི་ཡཱ ཨ་ནྟེ་ཝཱ་སི་ནི་ཡཱ བྷི་ཀྑུ་ནི་ཡཱ ཉཱ་ཏ་ཀོ པུ་རི་སོ གཱ་མ་ཀཱ སཱ་ཝ་ཏྠིཾ ཨ་ག་མཱ་སི ཀེ་ན་ཙི་དེ་ཝ ཀ་ར་ཎཱི་ཡེ་ན. ཨ་ཐ ཁོ སཱ བྷི་ཀྑུ་ནཱི – ‘‘བྷ་ག་ཝ་ཏཱ པ་ཊི་ཀྑི་ཏྟཾ པ་ཊི་ཙྪ་ནྣེ ཨོ་ཀཱ་སེ པུ་རི་སེ་ན ས་དྡྷིཾ ཨེ་ཀེ་ནེ་ཀཱ ས་ནྟི་ཊྛི་ཏུཾ ས་ལླ་པི་ཏུ’’ནྟི ཏེ་ནེ་ཝ པུ་རི་སེ་ན ས་དྡྷིཾ ཨ་ཛ྄ཛྷོ་ཀཱ་སེ ཨེ་ཀེ་ནེ་ཀཱ ས་ནྟི་ཊྛ་ཏི་པི ས་ལླ་པ་ཏི་པི. ཡཱ ཏཱ བྷི་ཀྑུ་ནི་ཡོ ཨ་པྤི་ཙྪཱ…པེ… ཏཱ ཨུ་ཛ྄ཛྷཱ་ཡ་ནྟི ཁི་ཡྻ་ནྟི ཝི་པཱ་ཙེ་ནྟི – ‘‘ཀ་ཐ་ཉྷི ནཱ་མ བྷི་ཀྑུ་ནཱི ཨ་ཛ྄ཛྷོ་ཀཱ་སེ པུ་རི་སེ་ན ས་དྡྷིཾ ཨེ་ཀེ་ནེ་ཀཱ ས་ནྟི་ཊྛི་སྶ་ཏི་པི ས་ལླ་པི་སྶ་ཏི་པཱི’’ཏི…པེ… ས་ཙྩཾ ཀི་ར, བྷི་ཀྑ་ཝེ, བྷི་ཀྑུ་ནཱི ཨ་ཛ྄ཛྷོ་ཀཱ་སེ པུ་རི་སེ་ན ས་དྡྷིཾ ཨེ་ཀེ་ནེ་ཀཱ ས་ནྟི་ཊྛ་ཏི་པི ས་ལླ་པ་ཏི་པཱི་ཏི? ‘‘ས་ཙྩཾ, བྷ་ག་ཝཱ’’ཏི. ཝི་ག་ར་ཧི བུ་དྡྷོ བྷ་ག་ཝཱ…པེ… ཀ་ཐ་ཉྷི ནཱ་མ, བྷི་ཀྑ་ཝེ, བྷི་ཀྑུ་ནཱི ཨ་ཛ྄ཛྷོ་ཀཱ་སེ པུ་རི་སེ་ན ས་དྡྷིཾ ཨེ་ཀེ་ནེ་ཀཱ ས་ནྟི་ཊྛི་སྶ་ཏི་པི ས་ལླ་པི་སྶ་ཏི་པི! ནེ་ཏཾ, བྷི་ཀྑ་ཝེ, ཨ་པྤ་ས་ནྣཱ་ནཾ ཝཱ པ་སཱ་དཱ་ཡ…པེ… ཨེ་ཝ་ཉྩ པ་ན, བྷི་ཀྑ་ཝེ, བྷི་ཀྑུ་ནི་ཡོ ཨི་མཾ སི་ཀྑཱ་པ་དཾ ཨུ་དྡི་ས་ནྟུ –
༨༤༧. ‘‘ཡཱ པ་ན བྷི་ཀྑུ་ནཱི ཨ་ཛ྄ཛྷོ་ཀཱ་སེ པུ་རི་སེ་ན ས་དྡྷིཾ ཨེ་ཀེ་ནེ་ཀཱ ས་ནྟི་ཊྛེ་ཡྻ ཝཱ ས་ལླ་པེ་ཡྻ ཝཱ, པཱ་ཙི་ཏྟི་ཡ’’ནྟི.
༨༤༨. ཡཱ པ་ནཱཏི ཡཱ ཡཱ་དི་སཱ…པེ… བྷི་ཀྑུ་ནཱིཏི…པེ… ཨ་ཡཾ ཨི་མ་སྨིཾ ཨ་ཏྠེ ཨ་དྷི་པྤེ་ཏཱ བྷི་ཀྑུ་ནཱི་ཏི.
ཨ་ཛ྄ཛྷོ་ཀཱ་སོ ནཱ་མ ཨ་པྤ་ཊི་ཙྪ་ནྣོ ཧོ་ཏི ཀུ་ཊྚེ་ན ཝཱ ཀ་ཝཱ་ཊེ་ན ཝཱ ཀི་ལ་ཉྫེ་ན ཝཱ སཱ་ཎི་པཱ་ཀཱ་རེ་ན ཝཱ རུ་ཀྑེ་ན ཝཱ ཐ་མྦྷེ་ན ཝཱ ཀོ་ཏྠ་ལི༹་ཡཱ ཝཱ, ཡེ་ན ཀེ་ན་ཙི ཨ་པྤ་ཊི་ཙྪ་ནྣོ ཧོ་ཏི.
པུ་རི་སོ ནཱ་མ མ་ནུ་སྶ་པུ་རི་སོ, ན ཡ་ཀྑོ ན པེ་ཏོ ན ཏི་ར་ཙྪཱ་ན་ག་ཏོ, ཝི་ཉྙཱུ པ་ཊི་བ་ལོ ས་ནྟི་ཊྛི་ཏུཾ ས་ལླ་པི་ཏུཾ.
ས་དྡྷིནྟི ཨེ་ཀ་ཏོ. ཨེ་ཀེ་ནེ་ཀཱཏི པུ་རི་སོ ཙེ་ཝ ཧོ་ཏི བྷི་ཀྑུ་ནཱི ཙ.
ས་ནྟི་ཊྛེ་ཡྻ ཝཱཏི པུ་རི་ས་སྶ ཧ་ཏྠ་པཱ་སེ ཏི་ཊྛ་ཏི, ཨཱ་པ་ཏྟི པཱ་ཙི་ཏྟི་ཡ་སྶ.
ས་ལླ་པེ་ཡྻ ཝཱཏི པུ་རི་ས་སྶ ཧ་ཏྠ་པཱ་སེ ཋི་ཏཱ ས་ལླ་པ་ཏི, ཨཱ་པ་ཏྟི པཱ་ཙི་ཏྟི་ཡ་སྶ.
ཧ་ཏྠ་པཱ་སཾ ཝི་ཛ་ཧི་ཏྭཱ ས་ནྟི་ཊྛ་ཏི ཝཱ ས་ལླ་པ་ཏི ཝཱ, ཨཱ་པ་ཏྟི དུ་ཀྐ་ཊ་སྶ. ཡ་ཀྑེ་ན ཝཱ པེ་ཏེ་ན ཝཱ པ་ཎྜ་ཀེ་ན ཝཱ ཏི་ར་ཙྪཱ་ག་ཏ་མ་ནུ་སྶ་ཝི་གྒ་ཧེ་ན ཝཱ ས་དྡྷིཾ ས་ནྟི་ཊྛ་ཏི ཝཱ ས་ལླ་པ་ཏི ཝཱ, ཨཱ་པ་ཏྟི དུ་ཀྐ་ཊ་སྶ.
༨༤༩. ཨ་ནཱ་པ་ཏྟི ཡོ ཀོ་ཙི ཝི་ཉྙཱུ དུ་ཏི་ཡོ ཧོ་ཏི, ཨ་ར་ཧོ་པེ་ཀྑཱ, ཨ་ཉྙ་ཝི་ཧི་ཏཱ ས་ནྟི་ཊྛ་ཏི ཝཱ ས་ལླ་པ་ཏི ཝཱ, ཨུ་མྨ་ཏྟི་ཀཱ་ཡ, ཨཱ་དི་ཀ་མྨི་ཀཱ་ཡཱ་ཏི.
ཏ་ཏི་ཡ་སི་ཀྑཱ་པ་དཾ ནི་ཊྛི་ཏཾ.
༤. ཙ་ཏུ་ཏྠ་སི་ཀྑཱ་པ་དཾ
༨༥༠. ཏེ་ན ས་མ་ཡེ་ན བུ་དྡྷོ བྷ་ག་ཝཱ སཱ་ཝ་ཏྠི་ཡཾ ཝི་ཧ་ར་ཏི ཛེ་ཏ་ཝ་ནེ ཨ་ནཱ་ཐ་པི་ཎྜི་ཀ་སྶ ཨཱ་རཱ་མེ. ཏེ་ན ཁོ པ་ན ས་མ་ཡེ་ན ཐུ་ལླ་ན་ནྡཱ བྷི་ཀྑུ་ནཱི ར་ཐི་ཀཱ་ཡ་པི བྱཱུ་ཧེ་པི སི་ངྒྷཱ་ཊ་ཀེ་པི པུ་རི་སེ་ན ས་དྡྷིཾ ཨེ་ཀེ་ནེ་ཀཱ ས་ནྟི་ཊྛ་ཏི་པི ས་ལླ་པ་ཏི་པི ནི་ཀ་ཎྞི་ཀ་མྤི ཛ་པྤེ་ཏི དུ་ཏི་ཡི་ཀ་མྤི བྷི་ཀྑུ་ནིཾ ཨུ་ཡྻོ་ཛེ་ཏི. ཡཱ ཏཱ བྷི་ཀྑུ་ནི་ཡོ ཨ་པྤི་ཙྪཱ…པེ… ཏཱ ཨུ་ཛ྄ཛྷཱ་ཡ་ནྟི ཁི་ཡྻ་ནྟི ཝི་པཱ་ཙེ་ནྟི – ‘‘ཀ་ཐ་ཉྷི ནཱ་མ ཨ་ཡྻཱ ཐུ་ལླ་ན་ནྡཱ ར་ཐི་ཀཱ་ཡ་པི བྱཱུ་ཧེ་པི སི་ངྒྷཱ་ཊ་ཀེ་པི པུ་རི་སེ་ན ས་དྡྷིཾ ཨེ་ཀེ་ནེ་ཀཱ ས་ནྟི་ཊྛི་སྶ་ཏི་པི ས་ལླ་པི་སྶ་ཏི་པི ནི་ཀ་ཎྞི་ཀ་མྤི ཛ་པྤི་སྶ་ཏི དུ་ཏི་ཡི་ཀ་མྤི བྷི་ཀྑུ་ནིཾ ཨུ་ཡྻོ་ཛེ་སྶ་ཏཱི’’ཏི…པེ… ས་ཙྩཾ ཀི་ར, བྷི་ཀྑ་ཝེ, ཐུ་ལླ་ན་ནྡཱ བྷི་ཀྑུ་ནཱི ར་ཐི་ཀཱ་ཡ་པི བྱཱུ་ཧེ་པི སི་ངྒྷཱ་ཊ་ཀེ་པི པུ་རི་སེ་ན ས་དྡྷིཾ ཨེ་ཀེ་ནེ་ཀཱ ས་ནྟི་ཊྛ་ཏི་པི ས་ལླ་པ་ཏི་པི ནི་ཀ་ཎྞི་ཀ་མྤི ཛ་པྤེ་ཏི དུ་ཏི་ཡི་ཀ་མྤི བྷི་ཀྑུ་ནིཾ ཨུ་ཡྻོ་ཛེ་ཏཱི་ཏི? ‘‘ས་ཙྩཾ, བྷ་ག་ཝཱ’’ཏི. ཝི་ག་ར་ཧི བུ་དྡྷོ བྷ་ག་ཝཱ…པེ… ཀ་ཐ་ཉྷི ནཱ་མ, བྷི་ཀྑ་ཝེ, ཐུ་ལླ་ན་ནྡཱ བྷི་ཀྑུ་ནཱི ར་ཐི་ཀཱ་ཡ་པི བྱཱུ་ཧེ་པི སི་ངྒྷཱ་ཊ་ཀེ་པི པུ་རི་སེ་ན ས་དྡྷིཾ ཨེ་ཀེ་ནེ་ཀཱ ས་ནྟི་ཊྛི་སྶ་ཏི་པི ས་ལླ་པི་སྶ་ཏི་པི ནི་ཀ་ཎྞི་ཀ་མྤི ཛ་པྤི་སྶ་ཏི དུ་ཏི་ཡི་ཀ་མྤི བྷི་ཀྑུ་ནིཾ ཨུ་ཡྻོ་ཛེ་སྶ་ཏི! ནེ་ཏཾ, བྷི་ཀྑ་ཝེ, ཨ་པྤ་ས་ནྣཱ་ནཾ ཝཱ པ་སཱ་དཱ་ཡ…པེ… ཨེ་ཝ་ཉྩ པ་ན, བྷི་ཀྑ་ཝེ, བྷི་ཀྑུ་ནི་ཡོ ཨི་མཾ སི་ཀྑཱ་པ་དཾ ཨུ་དྡི་ས་ནྟུ –
༨༥༡. ‘‘ཡཱ པ་ན བྷི་ཀྑུ་ནཱི ར་ཐི་ཀཱ་ཡ ཝཱ བྱཱུ་ཧེ ཝཱ སི་ངྒྷཱ་ཊ་ཀེ ཝཱ པུ་རི་སེ་ན ས་དྡྷིཾ ཨེ་ཀེ་ནེ་ཀཱ ས་ནྟི་ཊྛེ་ཡྻ ཝཱ ས་ལླ་པེ་ཡྻ ཝཱ ནི་ཀ་ཎྞི་ཀཾ ཝཱ ཛ་པྤེ་ཡྻ དུ་ཏི་ཡི་ཀཾ ཝཱ བྷི་ཀྑུ་ནིཾ ཨུ་ཡྻོ་ཛེ་ཡྻ, པཱ་ཙི་ཏྟི་ཡ’’ནྟི.
༨༥༢. ཡཱ པ་ནཱཏི ཡཱ ཡཱ་དི་སཱ…པེ… བྷི་ཀྑུ་ནཱིཏི…པེ… ཨ་ཡཾ ཨི་མ་སྨིཾ ཨ་ཏྠེ ཨ་དྷི་པྤེ་ཏཱ བྷི་ཀྑུ་ནཱི་ཏི.
ར་ཐི་ཀཱ ནཱ་མ ར་ཙྪཱ ཝུ་ཙྩ་ཏི. བྱཱུ་ཧཾ ནཱ་མ ཡེ་ནེ་ཝ པ་ཝི་ས་ནྟི ཏེ་ནེ་ཝ ནི་ཀྑ་མ་ནྟི. སི་ངྒྷཱ་ཊ་ཀོ ནཱ་མ ཙ་ཙྩ་རཾ ཝུ་ཙྩ་ཏི.
པུ་རི་སོ ནཱ་མ མ་ནུ་སྶ་པུ་རི་སོ ན ཡ་ཀྑོ ན པེ་ཏོ ན ཏི་ར་ཙྪཱ་ན་ག་ཏོ ཝི་ཉྙཱུ པ་ཊི་བ་ལོ ས་ནྟི་ཊྛི་ཏུཾ ས་ལླ་པི་ཏུཾ.
ས་དྡྷིནྟི ཨེ་ཀ་ཏོ. ཨེ་ཀེ་ནེ་ཀཱཏི པུ་རི་སོ ཙེ་ཝ ཧོ་ཏི བྷི་ཀྑུ་ནཱི ཙ.
ས་ནྟི་ཊྛེ་ཡྻ ཝཱཏི པུ་རི་ས་སྶ ཧ་ཏྠ་པཱ་སེ ཏི་ཊྛ་ཏི, ཨཱ་པ་ཏྟི པཱ་ཙི་ཏྟི་ཡ་སྶ.
ས་ལླ་པེ་ཡྻ ཝཱཏི པུ་རི་ས་སྶ ཧ་ཏྠ་པཱ་སེ ཋི་ཏཱ ས་ལླ་པ་ཏི, ཨཱ་པ་ཏྟི པཱ་ཙི་ཏྟི་ཡ་སྶ.
ནི་ཀ་ཎྞི་ཀཾ ཝཱ ཛ་པྤེ་ཡྻཱཏི པུ་རི་ས་སྶ ཨུ་པ་ཀ་ཎྞ་ཀེ ཨཱ་རོ་ཙེ་ཏི, ཨཱ་པ་ཏྟི པཱ་ཙི་ཏྟི་ཡ་སྶ.
དུ་ཏི་ཡི་ཀཾ ཝཱ བྷི་ཀྑུ་ནིཾ ཨུ་ཡྻོ་ཛེ་ཡྻཱཏི ཨ་ནཱ་ཙཱ་རཾ ཨཱ་ཙ་རི་ཏུ་ཀཱ་མཱ དུ་ཏི་ཡི་ཀ་མྤི བྷི་ཀྑུ་ནིཾ ཨུ་ཡྻོ་ཛེ་ཏི, ཨཱ་པ་ཏྟི དུ་ཀྐ་ཊ་སྶ. ད་སྶ་ནཱུ་པ་ཙཱ་རཾ ཝཱ ས་ཝ་ནཱུ་པ་ཙཱ་རཾ ཝཱ ཝི་ཛ་ཧ་ནྟི་ཡཱ ཨཱ་པ་ཏྟི དུ་ཀྐ་ཊ་སྶ. ཝི་ཛ་ཧི་ཏེ ཨཱ་པ་ཏྟི པཱ་ཙི་ཏྟི་ཡ་སྶ.
ཧ་ཏྠ་པཱ་སཾ ཝི་ཛ་ཧི་ཏྭཱ ས་ནྟི་ཊྛ་ཏི ཝཱ ས་ལླ་པ་ཏི ཝཱ ཨཱ་པ་ཏྟི དུ་ཀྐ་ཊ་སྶ. ཡ་ཀྑེ་ན ཝཱ པེ་ཏེ་ན ཝཱ པ་ཎྜ་ཀེ་ན ཝཱ ཏི་ར་ཙྪཱ་ན་ག་ཏ་མ་ནུ་སྶ་ཝི་གྒ་ཧེ་ན ཝཱ ས་དྡྷིཾ ས་ནྟི་ཊྛ་ཏི ཝཱ ས་ལླ་པ་ཏི ཝཱ, ཨཱ་པ་ཏྟི དུ་ཀྐ་ཊ་སྶ.
༨༥༣. ཨ་ནཱ་པ་ཏྟི ཡོ ཀོ་ཙི ཝི་ཉྙཱུ དུ་ཏི་ཡོ ཧོ་ཏི, ཨ་ར་ཧོ་པེ་ཀྑཱ, ཨ་ཉྙ་ཝི་ཧི་ཏཱ ས་ནྟི་ཊྛ་ཏི ཝཱ ས་ལླ་པ་ཏི ཝཱ, ན ཨ་ནཱ་ཙཱ་རཾ ཨཱ་ཙ་རི་ཏུ་ཀཱ་མཱ, ས་ཏི ཀ་ར་ཎཱི་ཡེ དུ་ཏི་ཡི་ཀཾ བྷི་ཀྑུ་ནིཾ ཨུ་ཡྻོ་ཛེ་ཏི, ཨུ་མྨ་ཏྟི་ཀཱ་ཡ, ཨཱ་དི་ཀ་མྨི་ཀཱ་ཡཱ་ཏི.
ཙ་ཏུ་ཏྠ་སི་ཀྑཱ་པ་དཾ ནི་ཊྛི་ཏཾ.
༥. པ་ཉྩ་མ་སི་ཀྑཱ་པ་དཾ
༨༥༤. ཏེ་ན ས་མ་ཡེ་ན བུ་དྡྷོ བྷ་ག་ཝཱ སཱ་ཝ་ཏྠི་ཡཾ ཝི་ཧ་ར་ཏི ཛེ་ཏ་ཝ་ནེ ཨ་ནཱ་ཐ་པི་ཎྜི་ཀ་སྶ ཨཱ་རཱ་མེ. ཏེ་ན ཁོ པ་ན ས་མ་ཡེ་ན ཨ་ཉྙ་ཏ་རཱ བྷི་ཀྑུ་ནཱི ཨ་ཉྙ་ཏ་ར་སྶ ཀུ་ལ་སྶ ཀུ་ལཱུ་པི་ཀཱ ཧོ་ཏི ནི་ཙྩ་བྷ་ཏྟི་ཀཱ. ཨ་ཐ ཁོ སཱ བྷི་ཀྑུ་ནཱི པུ་བྦ་ཎྷ་ས་མ་ཡཾ ནི་ཝཱ་སེ་ཏྭཱ པ་ཏྟ་ཙཱི་ཝ་ར་མཱ་དཱ་ཡ ཡེ་ན ཏཾ ཀུ་ལཾ ཏེ་ནུ་པ་ས་ངྐ་མི; ཨུ་པ་ས་ངྐ་མི་ཏྭཱ ཨཱ་ས་ནེ ནི་སཱི་དི་ཏྭཱ སཱ་མི་ཀེ ཨ་ནཱ་པུ་ཙྪཱ པ་ཀྐཱ་མི. ཏ་སྶ ཀུ་ལ་སྶ དཱ་སཱི གྷ་རཾ ས་མྨ་ཛྫ་ནྟཱི ཏཾ ཨཱ་ས་ནཾ བྷཱ་ཛ་ན་ནྟ་རི་ཀཱ་ཡ པ་ཀྑི་པི. མ་ནུ་སྶཱ ཏཾ ཨཱ་ས་ནཾ ཨ་པ་སྶ་ནྟཱ ཏཾ བྷི་ཀྑུ་ནིཾ ཨེ་ཏ་ད་ཝོ་ཙུཾ – ‘‘ཀ་ཧཾ ཏཾ, ཨ་ཡྻེ, ཨཱ་ས་ན’’ནྟི? ‘‘ནཱ་ཧཾ ཏཾ, ཨཱ་ཝུ་སོ, ཨཱ་ས་ནཾ པ་སྶཱ་མཱི’’ཏི. ‘‘དེ་ཐཱ་ཡྻེ, ཏཾ ཨཱ་ས་ན’’ནྟི པ་རི་བྷཱ་སི་ཏྭཱ ནི་ཙྩ་བྷ་ཏྟཾ པ་ཙྪི་ནྡིཾ་སུ. ཨ་ཐ ཁོ ཏེ མ་ནུ་སྶཱ གྷ་རཾ སོ་དྷེ་ནྟཱ ཏཾ ཨཱ་ས་ནཾ བྷཱ་ཛ་ན་ནྟ་རི་ཀཱ་ཡ པ་སྶི་ཏྭཱ ཏཾ བྷི་ཀྑུ་ནིཾ ཁ་མཱ་པེ་ཏྭཱ ནི་ཙྩ་བྷ་ཏྟཾ པ་ཊྛ་པེ་སུཾ. ཨ་ཐ ཁོ སཱ བྷི་ཀྑུ་ནཱི བྷི་ཀྑུ་ནཱི་ནཾ ཨེ་ཏ་མ་ཏྠཾ ཨཱ་རོ་ཙེ་སི. ཡཱ ཏཱ བྷི་ཀྑུ་ནི་ཡོ ཨ་པྤི་ཙྪཱ…པེ… ཏཱ ཨུ་ཛ྄ཛྷཱ་ཡ་ནྟི ཁི་ཡྻ་ནྟི ཝི་པཱ་ཙེ་ནྟི – ‘‘ཀ་ཐ་ཉྷི ནཱ་མ བྷི་ཀྑུ་ནཱི པུ་རེ་བྷ་ཏྟཾ ཀུ་ལཱ་ནི ཨུ་པ་ས་ངྐ་མི་ཏྭཱ ཨཱ་ས་ནེ ནི་སཱི་དི་ཏྭཱ སཱ་མི་ཀེ ཨ་ནཱ་པུ་ཙྪཱ པ་ཀྐ་མི་སྶ་ཏཱི’’ཏི…པེ… ས་ཙྩཾ ཀི་ར, བྷི་ཀྑ་ཝེ, བྷི་ཀྑུ་ནཱི པུ་རེ་བྷ་ཏྟཾ ཀུ་ལཱ་ནི ཨུ་པ་ས་ངྐ་མི་ཏྭཱ ཨཱ་ས་ནེ ནི་སཱི་དི་ཏྭཱ སཱ་མི་ཀེ ཨ་ནཱ་པུ་ཙྪཱ པ་ཀྐ་མ་ཏཱི་ཏི [པ་ཀྐ་མཱི་ཏི (ཀ.)]? ‘‘ས་ཙྩཾ, བྷ་ག་ཝཱ’’ཏི. ཝི་ག་ར་ཧི བུ་དྡྷོ བྷ་ག་ཝཱ…པེ… ཀ་ཐ་ཉྷི ནཱ་མ, བྷི་ཀྑ་ཝེ བྷི་ཀྑུ་ནཱི པུ་རེ་བྷ་ཏྟཾ ཀུ་ལཱ་ནི ཨུ་པ་ས་ངྐ་མི་ཏྭཱ ཨཱ་ས་ནེ ནི་སཱི་དི་ཏྭཱ སཱ་མི་ཀེ ཨ་ནཱ་པུ་ཙྪཱ པ་ཀྐ་མི་སྶ་ཏི! ནེ་ཏཾ, བྷི་ཀྑ་ཝེ, ཨ་པྤ་ས་ནྣཱ་ནཾ ཝཱ པ་སཱ་དཱ་ཡ…པེ… ཨེ་ཝ་ཉྩ པ་ན, བྷི་ཀྑ་ཝེ, བྷི་ཀྑུ་ནི་ཡོ ཨི་མཾ སི་ཀྑཱ་པ་དཾ ཨུ་དྡི་ས་ནྟུ –
༨༥༥. ‘‘ཡཱ པ་ན བྷི་ཀྑུ་ནཱི པུ་རེ་བྷ་ཏྟཾ ཀུ་ལཱ་ནི ཨུ་པ་ས་ངྐ་མི་ཏྭཱ ཨཱ་ས་ནེ ནི་སཱི་དི་ཏྭཱ སཱ་མི་ཀེ ཨ་ནཱ་པུ་ཙྪཱ པ་ཀྐ་མེ་ཡྻ, པཱ་ཙི་ཏྟི་ཡ’’ནྟི.
༨༥༦. ཡཱ པ་ནཱཏི ཡཱ ཡཱ་དི་སཱ…པེ… བྷི་ཀྑུ་ནཱིཏི…པེ… ཨ་ཡཾ ཨི་མ་སྨིཾ ཨ་ཏྠེ ཨ་དྷི་པྤེ་ཏཱ བྷི་ཀྑུ་ནཱི་ཏི.
པུ་རེ་བྷ་ཏྟཾ ནཱ་མ ཨ་རུ་ཎུ་གྒ་མ་ནཾ ཨུ་པཱ་དཱ་ཡ ཡཱ་ཝ མ་ཛ྄ཛྷ་ནྷི་ཀཱ.
ཀུ་ལཾ ནཱ་མ ཙ་ཏྟཱ་རི ཀུ་ལཱ་ནི – ཁ་ཏྟི་ཡ་ཀུ་ལཾ, བྲཱ་ཧྨ་ཎ་ཀུ་ལཾ, ཝེ་སྶ་ཀུ་ལཾ, སུ་དྡ་ཀུ་ལཾ. ཨུ་པ་ས་ངྐ་མི་ཏྭཱཏི ཏ་ཏྠ ག་ནྟྭཱ.
ཨཱ་ས་ནཾ ནཱ་མ པ་ལླ་ངྐ་སྶ ཨོ་ཀཱ་སོ ཝུ་ཙྩ་ཏི. ནི་སཱི་དི་ཏྭཱཏི ཏ་སྨིཾ ནི་སཱི་དི་ཏྭཱ.
སཱ་མི་ཀེ ཨ་ནཱ་པུ་ཙྪཱ པ་ཀྐ་མེ་ཡྻཱཏི ཡོ ཏ་སྨིཾ ཀུ་ལེ མ་ནུ་སྶོ ཝི་ཉྙཱུ ཏཾ ཨ་ནཱ་པུ་ཙྪཱ ཨ་ནོ་ཝ་སྶ་ཀཾ ཨ་ཏི་ཀྐཱ་མེ་ནྟི་ཡཱ ཨཱ་པ་ཏྟི པཱ་ཙི་ཏྟི་ཡ་སྶ. ཨ་ཛ྄ཛྷོ་ཀཱ་སེ ཨུ་པ་ཙཱ་རཾ ཨ་ཏི་ཀྐཱ་མེ་ནྟི་ཡཱ ཨཱ་པ་ཏྟི པཱ་ཙི་ཏྟི་ཡ་སྶ.
༨༥༧. ཨ་ནཱ་པུ་ཙྪི་ཏེ ཨ་ནཱ་པུ་ཙྪི་ཏ་ས་ཉྙཱ པ་ཀྐ་མ་ཏི, ཨཱ་པ་ཏྟི པཱ་ཙི་ཏྟི་ཡ་སྶ. ཨ་ནཱ་པུ་ཙྪི་ཏེ ཝེ་མ་ཏི་ཀཱ པ་ཀྐ་མ་ཏི, ཨཱ་པ་ཏྟི པཱ་ཙི་ཏྟི་ཡ་སྶ. ཨ་ནཱ་པུ་ཙྪི་ཏེ ཨཱ་པུ་ཙྪི་ཏ་ས་ཉྙཱ པ་ཀྐ་མ་ཏི, ཨཱ་པ་ཏྟི པཱ་ཙི་ཏྟི་ཡ་སྶ.
པ་ལླ་ངྐ་སྶ ཨ་ནོ་ཀཱ་སེ ཨཱ་པ་ཏྟི དུ་ཀྐ་ཊ་སྶ. ཨཱ་པུ་ཙྪི་ཏེ ཨ་ནཱ་པུ་ཙྪི་ཏ་ས་ཉྙཱ, ཨཱ་པ་ཏྟི དུ་ཀྐ་ཊ་སྶ. ཨཱ་པུ་ཙྪི་ཏེ ཝེ་མ་ཏི་ཀཱ, ཨཱ་པ་ཏྟི དུ་ཀྐ་ཊ་སྶ. ཨཱ་པུ་ཙྪི་ཏེ ཨཱ་པུ་ཙྪི་ཏ་ས་ཉྙཱ, ཨ་ནཱ་པ་ཏྟི.
༨༥༨. ཨ་ནཱ་པ་ཏྟི ཨཱ་པུ་ཙྪཱ ག་ཙྪ་ཏི, ཨ་སཾ་ཧཱ་རི་མེ, གི་ལཱ་ནཱ་ཡ, ཨཱ་པ་དཱ་སུ, ཨུ་མྨ་ཏྟི་ཀཱ་ཡ, ཨཱ་དི་ཀ་མྨི་ཀཱ་ཡཱ་ཏི.
པ་ཉྩ་མ་སི་ཀྑཱ་པ་དཾ ནི་ཊྛི་ཏཾ.
༦. ཚ་ཊྛ་སི་ཀྑཱ་པ་དཾ
༨༥༩. ཏེ་ན ས་མ་ཡེ་ན བུ་དྡྷོ བྷ་ག་ཝཱ སཱ་ཝ་ཏྠི་ཡཾ ཝི་ཧ་ར་ཏི ཛེ་ཏ་ཝ་ནེ ཨ་ནཱ་ཐ་པི་ཎྜི་ཀ་སྶ ཨཱ་རཱ་མེ. ཏེ་ན ཁོ པ་ན ས་མ་ཡེ་ན ཐུ་ལླ་ན་ནྡཱ བྷི་ཀྑུ་ནཱི པ་ཙྪཱ་བྷ་ཏྟཾ ཀུ་ལཱ་ནི ཨུ་པ་ས་ངྐ་མི་ཏྭཱ སཱ་མི་ཀེ ཨ་ནཱ་པུ་ཙྪཱ ཨཱ་ས་ནེ ཨ་བྷི་ནི་སཱི་ད་ཏི་པི ཨ་བྷི་ནི་པ་ཛྫ་ཏི་པི. མ་ནུ་སྶཱ ཐུ་ལླ་ན་ནྡཾ བྷི་ཀྑུ་ནིཾ ཧི་རཱི་ཡ་མཱ་ནཱ ཨཱ་ས་ནེ ནེ་ཝ ཨ་བྷི་ནི་སཱི་ད་ནྟི ན ཨ་བྷི་ནི་པ་ཛྫ་ནྟི. མ་ནུ་སྶཱ ཨུ་ཛ྄ཛྷཱ་ཡ་ནྟི ཁི་ཡྻ་ནྟི ཝི་པཱ་ཙེ་ནྟི – ‘‘ཀ་ཐ་ཉྷི ནཱ་མ ཨ་ཡྻཱ ཐུ་ལླ་ན་ནྡཱ པ་ཙྪཱ་བྷ་ཏྟཾ ཀུ་ལཱ་ནི ཨུ་པ་ས་ངྐ་མི་ཏྭཱ སཱ་མི་ཀེ ཨ་ནཱ་པུ་ཙྪཱ ཨཱ་ས་ནེ ཨ་བྷི་ནི་སཱི་དི་སྶ་ཏི་པི ཨ་བྷི་ནི་པ་ཛྫི་སྶ་ཏི་པཱི’’ཏི! ཨ་སྶོ་སུཾ ཁོ བྷི་ཀྑུ་ནི་ཡོ ཏེ་སཾ མ་ནུ་སྶཱ་ནཾ ཨུ་ཛ྄ཛྷཱ་ཡ་ནྟཱ་ནཾ ཁི་ཡྻ་ནྟཱ་ནཾ ཝི་པཱ་ཙེ་ནྟཱ་ནཾ. ཡཱ ཏཱ བྷི་ཀྑུ་ནི་ཡོ ཨ་པྤི་ཙྪཱ…པེ… ཏཱ ཨུ་ཛ྄ཛྷཱ་ཡ་ནྟི ཁི་ཡྻ་ནྟི ཝི་པཱ་ཙེ་ནྟི – ‘‘ཀ་ཐ་ཉྷི ནཱ་མ ཨ་ཡྻཱ ཐུ་ལླ་ན་ནྡཱ པ་ཙྪཱ་བྷ་ཏྟཾ ཀུ་ལཱ་ནི ཨུ་པ་ས་ངྐ་མི་ཏྭཱ སཱ་མི་ཀེ ཨ་ནཱ་པུ་ཙྪཱ ཨཱ་ས་ནེ ཨ་བྷི་ནི་སཱི་དི་སྶ་ཏི་པི ཨ་བྷི་ནི་པ་ཛྫི་སྶ་ཏི་པཱི’’ཏི…པེ… ས་ཙྩཾ ཀི་ར, བྷི་ཀྑ་ཝེ, ཐུ་ལླ་ན་ནྡཱ བྷི་ཀྑུ་ནཱི པ་ཙྪཱ་བྷ་ཏྟཾ ཀུ་ལཱ་ནི ཨུ་པ་ས་ངྐ་མི་ཏྭཱ སཱ་མི་ཀེ ཨ་ནཱ་པུ་ཙྪཱ ཨཱ་ས་ནེ ཨ་བྷི་ནི་སཱི་ད་ཏི་པི ཨ་བྷི་ནི་པ་ཛྫ་ཏི་པཱི་ཏི? ‘‘ས་ཙྩཾ, བྷ་ག་ཝཱ’’ཏི. ཝི་ག་ར་ཧི བུ་དྡྷོ བྷ་ག་ཝཱ…པེ… ཀ་ཐ་ཉྷི ནཱ་མ, བྷི་ཀྑ་ཝེ, ཐུ་ལླ་ན་ནྡཱ བྷི་ཀྑུ་ནཱི པ་ཙྪཱ་བྷ་ཏྟཾ ཀུ་ལཱ་ནི ཨུ་པ་ས་ངྐ་མི་ཏྭཱ སཱ་མི་ཀེ ཨ་ནཱ་པུ་ཙྪཱ ཨཱ་ས་ནེ ཨ་བྷི་ནི་སཱི་དི་སྶ་ཏི་པི ཨ་བྷི་ནི་པ་ཛྫི་སྶ་ཏི་པི! ནེ་ཏཾ, བྷི་ཀྑ་ཝེ, ཨ་པྤ་ས་ནྣཱ་ནཾ ཝཱ པ་སཱ་དཱ་ཡ…པེ… ཨེ་ཝ་ཉྩ པ་ན, བྷི་ཀྑ་ཝེ, བྷི་ཀྑུ་ནི་ཡོ ཨི་མཾ སི་ཀྑཱ་པ་དཾ ཨུ་དྡི་ས་ནྟུ –
༨༦༠. ‘‘ཡཱ པ་ན བྷི་ཀྑུ་ནཱི པ་ཙྪཱ་བྷ་ཏྟཾ ཀུ་ལཱ་ནི ཨུ་པ་ས་ངྐ་མི་ཏྭཱ སཱ་མི་ཀེ ཨ་ནཱ་པུ་ཙྪཱ ཨཱ་ས་ནེ ཨ་བྷི་ནི་སཱི་དེ་ཡྻ ཝཱ ཨ་བྷི་ནི་པ་ཛྫེ་ཡྻ ཝཱ, པཱ་ཙི་ཏྟི་ཡ’’ནྟི.
༨༦༡. ཡཱ པ་ནཱཏི ཡཱ ཡཱ་དི་སཱ…པེ… བྷི་ཀྑུ་ནཱིཏི…པེ… ཨ་ཡཾ ཨི་མ་སྨིཾ ཨ་ཏྠེ ཨ་དྷི་པྤེ་ཏཱ བྷི་ཀྑུ་ནཱི་ཏི.
པ་ཙྪཱ་བྷ་ཏྟཾ ནཱ་མ མ་ཛ྄ཛྷ་ནྷི་ཀེ ཝཱི་ཏི་ཝ་ཏྟེ ཡཱ་ཝ ཨ་ཏྠ་ངྒ་ཏེ སཱུ་རི་ཡེ.
ཀུ་ལཾ ནཱ་མ ཙ་ཏྟཱ་རི ཀུ་ལཱ་ནི – ཁ་ཏྟི་ཡ་ཀུ་ལཾ, བྲཱ་ཧྨ་ཎ་ཀུ་ལཾ, ཝེ་སྶ་ཀུ་ལཾ, སུ་དྡ་ཀུ་ལཾ. ཨུ་པ་ས་ངྐ་མི་ཏྭཱཏི ཏ་ཏྠ ག་ནྟྭཱ.
སཱ་མི་ཀེ ཨ་ནཱ་པུ་ཙྪཱཏི ཡོ ཏ་སྨིཾ ཀུ་ལེ མ་ནུ་སྶོ སཱ་མི་ཀོ དཱ་ཏུཾ, ཏཾ ཨ་ནཱ་པུ་ཙྪཱ.
ཨཱ་ས་ནཾ ནཱ་མ པ་ལླ་ངྐ་སྶ ཨོ་ཀཱ་སོ ཝུ་ཙྩ་ཏི.
ཨ་བྷི་ནི་སཱི་དེ་ཡྻཱཏི ཏ་སྨིཾ ཨ་བྷི་ནི་སཱི་ད་ཏི, ཨཱ་པ་ཏྟི པཱ་ཙི་ཏྟི་ཡ་སྶ.
ཨ་བྷི་ནི་པ་ཛྫེ་ཡྻཱཏི ཏ་སྨིཾ ཨ་བྷི་ནི་པ་ཛྫ་ཏི, ཨཱ་པ་ཏྟི པཱ་ཙི་ཏྟི་ཡ་སྶ.
༨༦༢. ཨ་ནཱ་པུ་ཙྪི་ཏེ ཨ་ནཱ་པུ་ཙྪི་ཏ་ས་ཉྙཱ ཨཱ་ས་ནེ ཨ་བྷི་ནི་སཱི་ད་ཏི ཝཱ ཨ་བྷི་ནི་པ་ཛྫ་ཏི ཝཱ, ཨཱ་པ་ཏྟི པཱ་ཙི་ཏྟི་ཡ་སྶ. ཨ་ནཱ་པུ་ཙྪི་ཏེ ཝེ་མ་ཏི་ཀཱ ཨཱ་ས་ནེ ཨ་བྷི་ནི་སཱི་ད་ཏི ཝཱ ཨ་བྷི་ནི་པ་ཛྫ་ཏི ཝཱ, ཨཱ་པ་ཏྟི པཱ་ཙི་ཏྟི་ཡ་སྶ. ཨ་ནཱ་པུ་ཙྪི་ཏེ ཨཱ་པུ་ཙྪི་ཏ་ས་ཉྙཱ ཨཱ་ས་ནེ ཨ་བྷི་ནི་སཱི་ད་ཏི ཝཱ ཨ་བྷི་ནི་པ་ཛྫ་ཏི ཝཱ, ཨཱ་པ་ཏྟི པཱ་ཙི་ཏྟི་ཡ་སྶ.
པ་ལླ་ངྐ་སྶ ཨ་ནོ་ཀཱ་སེ ཨཱ་པ་ཏྟི དུ་ཀྐ་ཊ་སྶ. ཨཱ་པུ་ཙྪི་ཏེ ཨ་ནཱ་པུ་ཙྪི་ཏ་ས་ཉྙཱ, ཨཱ་པ་ཏྟི དུ་ཀྐ་ཊ་སྶ. ཨཱ་པུ་ཙྪི་ཏེ ཝེ་མ་ཏི་ཀཱ, ཨཱ་པ་ཏྟི དུ་ཀྐ་ཊ་སྶ. ཨཱ་པུ་ཙྪི་ཏེ ཨཱ་པུ་ཙྪི་ཏ་ས་ཉྙཱ, ཨ་ནཱ་པ་ཏྟི.
༨༦༣. ཨ་ནཱ་པ་ཏྟི ཨཱ་པུ་ཙྪཱ ཨཱ་ས་ནེ ཨ་བྷི་ནི་སཱི་ད་ཏི ཝཱ ཨ་བྷི་ནི་པ་ཛྫ་ཏི ཝཱ, དྷུ་ཝ་པ་ཉྙ་ཏྟེ, གི་ལཱ་ནཱ་ཡ, ཨཱ་པ་དཱ་སུ, ཨུ་མྨ་ཏྟི་ཀཱ་ཡ, ཨཱ་དི་ཀ་མྨི་ཀཱ་ཡཱ་ཏི.
ཚ་ཊྛ་སི་ཀྑཱ་པ་དཾ ནི་ཊྛི་ཏཾ.
༧. ས་ཏྟ་མ་སི་ཀྑཱ་པ་དཾ
༨༦༤. ཏེ་ན ས་མ་ཡེ་ན བུ་དྡྷོ བྷ་ག་ཝཱ སཱ་ཝ་ཏྠི་ཡཾ ཝི་ཧ་ར་ཏི ཛེ་ཏ་ཝ་ནེ ཨ་ནཱ་ཐ་པི་ཎྜི་ཀ་སྶ ཨཱ་རཱ་མེ. ཏེ་ན ཁོ པ་ན ས་མ་ཡེ་ན ས་མྦ་ཧུ་ལཱ བྷི་ཀྑུ་ནི་ཡོ ཀོ་ས་ལེ་སུ ཛ་ན་པ་དེ སཱ་ཝ་ཏྠིཾ ག་ཙྪ་ནྟི་ཡོ སཱ་ཡཾ ཨ་ཉྙ་ཏ་རཾ གཱ་མཾ ཨུ་པ་ག་ནྟྭཱ ཨ་ཉྙ་ཏ་རཾ བྲཱ་ཧྨ་ཎ་ཀུ་ལཾ ཨུ་པ་ས་ངྐ་མི་ཏྭཱ ཨོ་ཀཱ་སཾ ཡཱ་ཙིཾ་སུ. ཨ་ཐ ཁོ སཱ བྲཱ་ཧྨ་ཎཱི ཏཱ བྷི་ཀྑུ་ནི་ཡོ ཨེ་ཏ་ད་ཝོ་ཙ – ‘‘ཨཱ་ག་མེ་ཐ, ཨ་ཡྻེ, ཡཱ་ཝ བྲཱ་ཧྨ་ཎོ ཨཱ་ག་ཙྪ་ཏཱི’’ཏི. བྷི་ཀྑུ་ནི་ཡོ – ‘‘ཡཱ་ཝ བྲཱ་ཧྨ་ཎོ ཨཱ་ག་ཙྪ་ཏཱི’’ཏི སེ་ཡྻཾ ས་ནྠ་རི་ཏྭཱ ཨེ་ཀ་ཙྩཱ ནི་སཱི་དིཾ་སུ ཨེ་ཀ་ཙྩཱ ནི་པ་ཛྫིཾ་སུ. ཨ་ཐ ཁོ སོ བྲཱ་ཧྨ་ཎོ ར་ཏྟིཾ ཨཱ་ག་ནྟྭཱ ཏཾ བྲཱ་ཧྨ་ཎིཾ ཨེ་ཏ་ད་ཝོ་ཙ – ‘‘ཀཱ ཨི་མཱ’’ཏི? ‘‘བྷི་ཀྑུ་ནི་ཡོ, ཨ་ཡྻཱ’’ཏི. ‘‘ནི་ཀྐ་ཌྜྷ་ཐ ཨི་མཱ མུ་ཎྜཱ བ་ནྡྷ་ཀི་ནི་ཡོ’’ཏི, གྷ་ར་ཏོ ནི་ཀྐ་ཌྜྷཱ་པེ་སི. ཨ་ཐ ཁོ ཏཱ བྷི་ཀྑུ་ནི་ཡོ སཱ་ཝ་ཏྠིཾ ག་ནྟྭཱ བྷི་ཀྑུ་ནཱི་ནཾ ཨེ་ཏ་མ་ཏྠཾ ཨཱ་རོ་ཙེ་སུཾ. ཡཱ ཏཱ བྷི་ཀྑུ་ནི་ཡོ ཨ་པྤི་ཙྪཱ…པེ… ཏཱ ཨུ་ཛ྄ཛྷཱ་ཡ་ནྟི ཁི་ཡྻ་ནྟི ཝི་པཱ་ཙེ་ནྟི – ‘‘ཀ་ཐ་ཉྷི ནཱ་མ བྷི་ཀྑུ་ནི་ཡོ ཝི་ཀཱ་ལེ ཀུ་ལཱ་ནི ཨུ་པ་ས་ངྐ་མི་ཏྭཱ སཱ་མི་ཀེ ཨ་ནཱ་པུ་ཙྪཱ སེ་ཡྻཾ ས་ནྠ་རི་ཏྭཱ ཨ་བྷི་ནི་སཱི་དི་སྶ་ནྟི་པི ཨ་བྷི་ནི་པ་ཛྫི་སྶ་ནྟི་པཱི’’ཏི…པེ… ས་ཙྩཾ ཀི་ར, བྷི་ཀྑ་ཝེ, བྷི་ཀྑུ་ནི་ཡོ ཝི་ཀཱ་ལེ ཀུ་ལཱ་ནི ཨུ་པ་ས་ངྐ་མི་ཏྭཱ སཱ་མི་ཀེ ཨ་ནཱ་པུ་ཙྪཱ སེ་ཡྻཾ ས་ནྠ་རི་ཏྭཱ ཨ་བྷི་ནི་སཱི་ད་ནྟི་པི ཨ་བྷི་ནི་པ་ཛྫ་ནྟི་པཱི་ཏི? ‘‘ས་ཙྩཾ, བྷ་ག་ཝཱ’’ཏི. ཝི་ག་ར་ཧི བུ་དྡྷོ བྷ་ག་ཝཱ…པེ… ཀ་ཐ་ཉྷི ནཱ་མ, བྷི་ཀྑ་ཝེ, བྷི་ཀྑུ་ནི་ཡོ ཝི་ཀཱ་ལེ ཀུ་ལཱ་ནི ཨུ་པ་ས་ངྐ་མི་ཏྭཱ སཱ་མི་ཀེ ཨ་ནཱ་པུ་ཙྪཱ སེ་ཡྻཾ ས་ནྠ་རི་ཏྭཱ ཨ་བྷི་ནི་སཱི་དི་སྶ་ནྟི་པི ཨ་བྷི་ནི་པ་ཛྫི་སྶ་ནྟི་པི! ནེ་ཏཾ, བྷི་ཀྑ་ཝེ, ཨ་པྤ་ས་ནྣཱ་ནཾ ཝཱ པ་སཱ་དཱ་ཡ…པེ… ཨེ་ཝ་ཉྩ པ་ན, བྷི་ཀྑ་ཝེ, བྷི་ཀྑུ་ནི་ཡོ ཨི་མཾ སི་ཀྑཱ་པ་དཾ ཨུ་དྡི་ས་ནྟུ –
༨༦༥. ‘‘ཡཱ པ་ན བྷི་ཀྑུ་ནཱི ཝི་ཀཱ་ལེ ཀུ་ལཱ་ནི ཨུ་པ་ས་ངྐ་མི་ཏྭཱ སཱ་མི་ཀེ ཨ་ནཱ་པུ་ཙྪཱ སེ་ཡྻཾ ས་ནྠ་རི་ཏྭཱ ཝཱ ས་ནྠ་རཱ་པེ་ཏྭཱ ཝཱ ཨ་བྷི་ནི་སཱི་དེ་ཡྻ ཝཱ ཨ་བྷི་ནི་པ་ཛྫེ་ཡྻ ཝཱ, པཱ་ཙི་ཏྟི་ཡ’’ནྟི.
༨༦༦. ཡཱ པ་ནཱཏི ཡཱ ཡཱ་དི་སཱ…པེ… བྷི་ཀྑུ་ནཱིཏི…པེ… ཨ་ཡཾ ཨི་མ་སྨིཾ ཨ་ཏྠེ ཨ་དྷི་པྤེ་ཏཱ བྷི་ཀྑུ་ནཱི་ཏི.
ཝི་ཀཱ་ལོ ནཱ་མ ཨ་ཏྠ་ངྒ་ཏེ སཱུ་རི་ཡེ ཡཱ་ཝ ཨ་རུ་ཎུ་གྒ་མ་ནཱ.
ཀུ་ལཾ ནཱ་མ ཙ་ཏྟཱ་རི ཀུ་ལཱ་ནི – ཁ་ཏྟི་ཡ་ཀུ་ལཾ, བྲཱ་ཧྨ་ཎ་ཀུ་ལཾ, ཝེ་སྶ་ཀུ་ལཾ སུ་དྡ་ཀུ་ལཾ. ཨུ་པ་ས་ངྐ་མི་ཏྭཱཏི ཏ་ཏྠ ག་ནྟྭཱ.
སཱ་མི་ཀེ ཨ་ནཱ་པུ་ཙྪཱཏི ཡོ ཏ་སྨིཾ ཀུ་ལེ མ་ནུ་སྶོ སཱ་མི་ཀོ དཱ་ཏུཾ, ཏཾ ཨ་ནཱ་པུ་ཙྪཱ.
སེ་ཡྻཾ ནཱ་མ ཨ་ནྟ་མ་སོ པ་ཎྞ་ས་ནྠཱ་རོ་པི. ས་ནྠ་རི་ཏྭཱཏི ས་ཡཾ ས་ནྠ་རི་ཏྭཱ. ས་ནྠ་རཱ་པེ་ཏྭཱཏི ཨ་ཉྙཾ ས་ནྠ་རཱ་པེ་ཏྭཱ. ཨ་བྷི་ནི་སཱི་དེ་ཡྻཱཏི ཏ་སྨིཾ ཨ་བྷི་ནི་སཱི་ད་ཏི, ཨཱ་པ་ཏྟི པཱ་ཙི་ཏྟི་ཡ་སྶ. ཨ་བྷི་ནི་པ་ཛྫེ་ཡྻཱཏི ཏ་སྨིཾ ཨ་བྷི་ནི་པ་ཛྫ་ཏི, ཨཱ་པ་ཏྟི པཱ་ཙི་ཏྟི་ཡ་སྶ.
༨༦༧. ཨ་ནཱ་པུ་ཙྪི་ཏེ ཨ་ནཱ་པུ་ཙྪི་ཏ་ས་ཉྙཱ སེ་ཡྻཾ ས་ནྠ་རི་ཏྭཱ ཝཱ ས་ནྠ་རཱ་པེ་ཏྭཱ ཝཱ ཨ་བྷི་ནི་སཱི་ད་ཏི ཝཱ ཨ་བྷི་ནི་པ་ཛྫ་ཏི ཝཱ, ཨཱ་པ་ཏྟི པཱ་ཙི་ཏྟི་ཡ་སྶ. ཨ་ནཱ་པུ་ཙྪི་ཏེ ཝེ་མ་ཏི་ཀཱ སེ་ཡྻཾ ས་ནྠ་རི་ཏྭཱ ཝཱ ས་ནྠ་རཱ་པེ་ཏྭཱ ཝཱ ཨ་བྷི་ནི་སཱི་ད་ཏི ཝཱ ཨ་བྷི་ནི་པ་ཛྫ་ཏི ཝཱ, ཨཱ་པ་ཏྟི པཱ་ཙི་ཏྟི་ཡ་སྶ. ཨ་ནཱ་པུ་ཙྪི་ཏེ ཨཱ་པུ་ཙྪི་ཏ་ས་ཉྙཱ སེ་ཡྻཾ ས་ནྠ་རི་ཏྭཱ ཝཱ ས་ནྠ་རཱ་པེ་ཏྭཱ ཝཱ ཨ་བྷི་ནི་སཱི་ད་ཏི ཝཱ ཨ་བྷི་ནི་པ་ཛྫ་ཏི ཝཱ, ཨཱ་པ་ཏྟི པཱ་ཙི་ཏྟི་ཡ་སྶ.
ཨཱ་པུ་ཙྪི་ཏེ ཨ་ནཱ་པུ་ཙྪི་ཏ་ས་ཉྙཱ, ཨཱ་པ་ཏྟི དུ་ཀྐ་ཊ་སྶ. ཨཱ་པུ་ཙྪི་ཏེ ཝེ་མ་ཏི་ཀཱ, ཨཱ་པ་ཏྟི དུ་ཀྐ་ཊ་སྶ. ཨཱ་པུ་ཙྪི་ཏེ ཨཱ་པུ་ཙྪི་ཏ་ས་ཉྙཱ, ཨ་ནཱ་པ་ཏྟི.
༨༦༨. ཨ་ནཱ་པ་ཏྟི ཨཱ་པུ་ཙྪཱ སེ་ཡྻཾ ས་ནྠ་རི་ཏྭཱ ཝཱ ས་ནྠ་རཱ་པེ་ཏྭཱ ཝཱ ཨ་བྷི་ནི་སཱི་ད་ཏི ཝཱ ཨ་བྷི་ནི་པ་ཛྫ་ཏི ཝཱ, གི་ལཱ་ནཱ་ཡ, ཨཱ་པ་དཱ་སུ, ཨུ་མྨ་ཏྟི་ཀཱ་ཡ, ཨཱ་དི་ཀ་མྨི་ཀཱ་ཡཱ་ཏི.
ས་ཏྟ་མ་སི་ཀྑཱ་པ་དཾ ནི་ཊྛི་ཏཾ.
༨. ཨ་ཊྛ་མ་སི་ཀྑཱ་པ་དཾ
༨༦༩. ཏེ་ན ས་མ་ཡེ་ན བུ་དྡྷོ བྷ་ག་ཝཱ སཱ་ཝ་ཏྠི་ཡཾ ཝི་ཧ་ར་ཏི ཛེ་ཏ་ཝ་ནེ ཨ་ནཱ་ཐ་པི་ཎྜི་ཀ་སྶ ཨཱ་རཱ་མེ. ཏེ་ན ཁོ པ་ན ས་མ་ཡེ་ན བྷ་དྡཱ་ཡ ཀཱ་པི་ལཱ་ནི་ཡཱ ཨ་ནྟེ་ཝཱ་སི་ནཱི བྷི་ཀྑུ་ནཱི བྷ་དྡཾ ཀཱ་པི་ལཱ་ནིཾ ས་ཀྐ་ཙྩཾ ཨུ་པ་ཊྛེ་ཏི. བྷ་དྡཱ ཀཱ་པི་ལཱ་ནཱི བྷི་ཀྑུ་ནི་ཡོ ཨེ་ཏ་ད་ཝོ་ཙ – ‘‘ཨ་ཡཾ མཾ, ཨ་ཡྻེ, བྷི་ཀྑུ་ནཱི ས་ཀྐ་ཙཾ ཨུ་པ་ཊྛེ་ཏི, ཨི་མི་སྶཱ་ཧཾ ཙཱི་ཝ་རཾ ད་སྶཱ་མཱི’’ཏི. ཨ་ཐ ཁོ སཱ བྷི་ཀྑུ་ནཱི དུ་གྒ་ཧི་ཏེ་ན དཱུ་པ་དྷཱ་རི་ཏེ་ན པ་རཾ ཨུ་ཛ྄ཛྷཱ་པེ་སི – ‘‘ཨ་ཧཾ ཀི་རཱ་ཡྻེ, ཨ་ཡྻཾ ན ས་ཀྐ་ཙྩཾ ཨུ་པ་ཊྛེ་མི, ན ཀི་ར མེ ཨ་ཡྻཱ ཙཱི་ཝ་རཾ ད་སྶ་ཏཱི’’ཏི. ཡཱ ཏཱ བྷི་ཀྑུ་ནི་ཡོ ཨ་པྤི་ཙྪཱ…པེ… ཏཱ ཨུ་ཛ྄ཛྷཱ་ཡ་ནྟི ཁི་ཡྻ་ནྟི ཝི་པཱ་ཙེ་ནྟི – ‘‘ཀ་ཐ་ཉྷི ནཱ་མ བྷི་ཀྑུ་ནཱི དུ་གྒ་ཧི་ཏེ་ན དཱུ་པ་དྷཱ་རི་ཏེ་ན པ་རཾ ཨུ་ཛ྄ཛྷཱ་པེ་སྶ་ཏཱི’’ཏི…པེ… ས་ཙྩཾ ཀི་ར, བྷི་ཀྑ་ཝེ, བྷི་ཀྑུ་ནཱི དུ་གྒ་ཧི་ཏེ་ན དཱུ་པ་དྷཱ་རི་ཏེ་ན པ་རཾ ཨུ་ཛ྄ཛྷཱ་པེ་ཏཱི་ཏི [ཨུ་ཛ྄ཛྷཱ་པེ་སཱི་ཏི (ཀ.)]? ‘‘ས་ཙྩཾ, བྷ་ག་ཝཱ’’ཏི. ཝི་ག་ར་ཧི བུ་དྡྷོ བྷ་ག་ཝཱ…པེ… ཀ་ཐ་ཉྷི ནཱ་མ, བྷི་ཀྑ་ཝེ, བྷི་ཀྑུ་ནཱི དུ་གྒ་ཧི་ཏེ་ན དཱུ་པ་དྷཱ་རི་ཏེ་ན པ་རཾ ཨུ་ཛ྄ཛྷཱ་པེ་སྶ་ཏི! ནེ་ཏཾ, བྷི་ཀྑ་ཝེ, ཨ་པྤ་ས་ནྣཱ་ནཾ ཝཱ པ་སཱ་དཱ་ཡ…པེ… ཨེ་ཝ་ཉྩ པ་ན, བྷི་ཀྑ་ཝེ, བྷི་ཀྑུ་ནི་ཡོ ཨི་མཾ སི་ཀྑཱ་པ་དཾ ཨུ་དྡི་ས་ནྟུ –
༨༧༠. ‘‘ཡཱ པ་ན བྷི་ཀྑུ་ནཱི དུ་གྒ་ཧི་ཏེ་ན དཱུ་པ་དྷཱ་རི་ཏེ་ན པ་རཾ ཨུ་ཛ྄ཛྷཱ་པེ་ཡྻ, པཱ་ཙི་ཏྟི་ཡ’’ནྟི.
༨༧༡. ཡཱ པ་ནཱཏི ཡཱ ཡཱ་དི་སཱ…པེ… བྷི་ཀྑུ་ནཱིཏི…པེ… ཨ་ཡཾ ཨི་མ་སྨིཾ ཨ་ཏྠེ ཨ་དྷི་པྤེ་ཏཱ བྷི་ཀྑུ་ནཱི་ཏི.
དུ་གྒ་ཧི་ཏེ་ནཱཏི ཨ་ཉྙ་ཐཱ ག་ཧི་ཏེ་ན [ཨུ་གྒ་ཧི་ཏེ་ན (ཀ.)].
དཱུ་པ་དྷཱ་རི་ཏེ་ནཱཏི ཨ་ཉྙ་ཐཱ ཨུ་པ་དྷཱ་རི་ཏེ་ན.
པ་རནྟི ཨུ་པ་ས་མྤ་ནྣཾ ཨུ་ཛ྄ཛྷཱ་པེ་ཏི, ཨཱ་པ་ཏྟི པཱ་ཙི་ཏྟི་ཡ་སྶ.
༨༧༢. ཨུ་པ་ས་མྤ་ནྣཱ་ཡ ཨུ་པ་ས་མྤ་ནྣ་ས་ཉྙཱ ཨུ་ཛ྄ཛྷཱ་པེ་ཏི, ཨཱ་པ་ཏྟི པཱ་ཙི་ཏྟི་ཡ་སྶ. ཨུ་པ་ས་མྤ་ནྣཱ་ཡ ཝེ་མ་ཏི་ཀཱ ཨུ་ཛ྄ཛྷཱ་པེ་ཏི, ཨཱ་པ་ཏྟི པཱ་ཙི་ཏྟི་ཡ་སྶ. ཨུ་པ་ས་མྤ་ནྣཱ་ཡ ཨ་ནུ་པ་ས་མྤ་ནྣ་ས་ཉྙཱ ཨུ་ཛ྄ཛྷཱ་པེ་ཏི, ཨཱ་པ་ཏྟི པཱ་ཙི་ཏྟི་ཡ་སྶ.
ཨ་ནུ་པ་ས་མྤ་ནྣཾ ཨུ་ཛ྄ཛྷཱ་པེ་ཏི, ཨཱ་པ་ཏྟི དུ་ཀྐ་ཊ་སྶ. ཨ་ནུ་པ་ས་མྤ་ནྣཱ་ཡ ཨུ་པ་ས་མྤ་ནྣ་ས་ཉྙཱ, ཨཱ་པ་ཏྟི དུ་ཀྐ་ཊ་སྶ. ཨ་ནུ་པ་ས་མྤ་ནྣཱ་ཡ ཝེ་མ་ཏི་ཀཱ, ཨཱ་པ་ཏྟི དུ་ཀྐ་ཊ་སྶ. ཨ་ནུ་པ་ས་མྤ་ནྣཱ་ཡ ཨ་ནུ་པ་ས་མྤ་ནྣ་ས་ཉྙཱ, ཨཱ་པ་ཏྟི དུ་ཀྐ་ཊ་སྶ.
༨༧༣. ཨ་ནཱ་པ་ཏྟི ཨུ་མྨ་ཏྟི་ཀཱ་ཡ, ཨཱ་དི་ཀ་མྨི་ཀཱ་ཡཱ་ཏི.
ཨ་ཊྛ་མ་སི་ཀྑཱ་པ་དཾ ནི་ཊྛི་ཏཾ.
༩. ན་ཝ་མ་སི་ཀྑཱ་པ་དཾ
༨༧༤. ཏེ་ན ས་མ་ཡེ་ན བུ་དྡྷོ བྷ་ག་ཝཱ སཱ་ཝ་ཏྠི་ཡཾ ཝི་ཧ་ར་ཏི ཛེ་ཏ་ཝ་ནེ ཨ་ནཱ་ཐ་པི་ཎྜི་ཀ་སྶ ཨཱ་རཱ་མེ. ཏེ་ན ཁོ པ་ན ས་མ་ཡེ་ན བྷི་ཀྑུ་ནི་ཡོ ཨ་ཏྟ་ནོ བྷ་ཎྜ་ཀཾ ཨ་པ་སྶ་ནྟི་ཡོ ཙ་ཎྜ་ཀཱ་ལི༹ཾ བྷི་ཀྑུ་ནིཾ ཨེ་ཏ་ད་ཝོ་ཙུཾ – ‘‘ཨ་པཱ་ཡྻེ, ཨ་མྷཱ་ཀཾ, བྷ་ཎྜ་ཀཾ པ་སྶེ་ཡྻཱ་སཱི’’ཏི? ཙ་ཎྜ་ཀཱ་ལཱི༹ བྷི་ཀྑུ་ནཱི ཨུ་ཛ྄ཛྷཱ་ཡ་ཏི ཁི་ཡྻ་ཏི ཝི་པཱ་ཙེ་ཏི – ‘‘ཨ་ཧ་མེ་ཝ ནཱུ་ན ཙོ་རཱི, ཨ་ཧ་མེ་ཝ ནཱུ་ན ཨ་ལ་ཛྫི་ནཱི, ཡཱ ཨ་ཡྻཱ་ཡོ ཨ་ཏྟ་ནོ བྷ་ཎྜ་ཀཾ ཨ་པ་སྶ་ནྟི་ཡོ ཏཱ མཾ ཨེ་ཝ་མཱ་ཧཾ་སུ – ‘ཨ་པཱ་ཡྻེ, ཨ་མྷཱ་ཀཾ བྷ་ཎྜ་ཀཾ པ་སྶེ་ཡྻཱ་སཱི’ཏི? ས་ཙཱ་ཧཾ, ཨ་ཡྻེ, ཏུ་མྷཱ་ཀཾ བྷ་ཎྜ་ཀཾ ག་ཎྷཱ་མི, ཨ་སྶ་མ་ཎཱི ཧོ་མི, བྲ་ཧྨ་ཙ་རི་ཡཱ ཙ་ཝཱ་མི, ནི་ར་ཡཾ ཨུ་པ་པ་ཛྫཱ་མི; ཡཱ པ་ན མཾ ཨ་བྷཱུ་ཏེ་ན ཨེ་ཝ་མཱ་ཧ སཱ་པི ཨ་སྶ་མ་ཎཱི ཧོ་ཏུ, བྲ་ཧྨ་ཙ་རི་ཡཱ ཙ་ཝ་ཏུ, ནི་ར་ཡཾ ཨུ་པ་པ་ཛྫ་ཏཱུ’’ཏི. ཡཱ ཏཱ བྷི་ཀྑུ་ནི་ཡོ ཨ་པྤི་ཙྪཱ…པེ… ཏཱ ཨུ་ཛ྄ཛྷཱ་ཡ་ནྟི ཁི་ཡྻ་ནྟི ཝི་པཱ་ཙེ་ནྟི – ‘‘ཀ་ཐ་ཉྷི ནཱ་མ ཨ་ཡྻཱ ཙ་ཎྜ་ཀཱ་ལཱི༹ ཨ་ཏྟཱ་ན་མྤི པ་ར་མྤི ནི་ར་ཡེ་ན་པི བྲ་ཧྨ་ཙ་རི་ཡེ་ན་པི ཨ་བྷི་ས་པི་སྶ་ཏཱི’’ཏི…པེ… ས་ཙྩཾ ཀི་ར, བྷི་ཀྑ་ཝེ, ཙ་ཎྜ་ཀཱ་ལཱི༹ བྷི་ཀྑུ་ནཱི ཨ་ཏྟཱ་ན་མྤི པ་ར་མྤི ནི་ར་ཡེ་ན་པི བྲ་ཧྨ་ཙ་རི་ཡེ་ན་པི ཨ་བྷི་ས་པ་ཏཱི་ཏི? ‘‘ས་ཙྩཾ, བྷ་ག་ཝཱ’’ཏི. ཝི་ག་ར་ཧི བུ་དྡྷོ བྷ་ག་ཝཱ…པེ… ཀ་ཐ་ཉྷི ནཱ་མ, བྷི་ཀྑ་ཝེ, ཙ་ཎྜ་ཀཱ་ལཱི༹ བྷི་ཀྑུ་ནཱི ཨ་ཏྟཱ་ན་མྤི པ་ར་མྤི ནི་ར་ཡེ་ན་པི བྲ་ཧྨ་ཙ་རི་ཡེ་ན་པི ཨ་བྷི་ས་པི་སྶ་ཏི! ནེ་ཏཾ, བྷི་ཀྑ་ཝེ, ཨ་པྤ་ས་ནྣཱ་ནཾ ཝཱ པ་སཱ་དཱ་ཡ…པེ… ཨེ་ཝ་ཉྩ པ་ན, བྷི་ཀྑ་ཝེ, བྷི་ཀྑུ་ནི་ཡོ ཨི་མཾ སི་ཀྑཱ་པ་དཾ ཨུ་དྡི་ས་ནྟུ –
༨༧༥. ‘‘ཡཱ པ་ན བྷི་ཀྑུ་ནཱི ཨ་ཏྟཱ་ནཾ ཝཱ པ་རཾ ཝཱ ནི་ར་ཡེ་ན ཝཱ བྲ་ཧྨ་ཙ་རི་ཡེ་ན ཝཱ ཨ་བྷི་ས་པེ་ཡྻ, པཱ་ཙི་ཏྟི་ཡྻ’’ནྟི.
༨༧༦. ཡཱ པ་ནཱཏི ཡཱ ཡཱ་དི་སཱ…པེ… བྷི་ཀྑུ་ནཱིཏི…པེ… ཨ་ཡཾ ཨི་མ་སྨིཾ ཨ་ཏྠེ ཨ་དྷི་པྤེ་ཏཱ བྷི་ཀྑུ་ནཱི་ཏི.
ཨ་ཏྟཱ་ནནྟི པ་ཙྩ་ཏྟཾ. པ་རནྟི ཨུ་པ་ས་མྤ་ནྣཾ. ནི་ར་ཡེ་ན ཝཱ བྲ་ཧྨ་ཙ་རི་ཡེ་ན ཝཱ ཨ་བྷི་ས་པ་ཏི, ཨཱ་པ་ཏྟི པཱ་ཙི་ཏྟི་ཡ་སྶ.
༨༧༧. ཨུ་པ་ས་མྤ་ནྣཱ་ཡ ཨུ་པ་ས་མྤ་ནྣ་ས་ཉྙཱ ནི་ར་ཡེ་ན ཝཱ བྲ་ཧྨ་ཙ་རི་ཡེ་ན ཝཱ ཨ་བྷི་ས་པ་ཏི, ཨཱ་པ་ཏྟི པཱ་ཙི་ཏྟི་ཡ་སྶ. ཨུ་པ་ས་མྤ་ནྣཱ་ཡ ཝེ་མ་ཏི་ཀཱ ནི་ར་ཡེ་ན ཝཱ བྲ་ཧྨ་ཙ་རི་ཡེ་ན ཝཱ ཨ་བྷི་ས་པ་ཏི, ཨཱ་པ་ཏྟི པཱ་ཙི་ཏྟི་ཡ་སྶ. ཨུ་པ་ས་མྤ་ནྣཱ་ཡ ཨ་ནུ་པ་ས་མྤ་ནྣ་ས་ཉྙཱ ནི་ར་ཡེ་ན ཝཱ བྲ་ཧྨ་ཙ་རི་ཡེ་ན ཝཱ ཨ་བྷི་ས་པ་ཏི, ཨཱ་པ་ཏྟི པཱ་ཙི་ཏྟི་ཡ་སྶ.
ཏི་ར་ཙྪཱ་ན་ཡོ་ནི་ཡཱ ཝཱ པེ་ཏྟི་ཝི་ས་ཡེ་ན ཝཱ མ་ནུ་སྶ་དོ་བྷ་གྒེ་ན ཝཱ ཨ་བྷི་ས་པ་ཏི, ཨཱ་པ་ཏྟི དུ་ཀྐ་ཊ་སྶ. ཨ་ནུ་པ་ས་མྤ་ནྣཾ ཨ་བྷི་ས་པ་ཏི, ཨཱ་པ་ཏྟི དུ་ཀྐ་ཊ་སྶ. ཨ་ནུ་པ་ས་མྤ་ནྣཱ་ཡ ཨུ་པ་ས་མྤ་ནྣ་ས་ཉྙཱ, ཨཱ་པ་ཏྟི དུ་ཀྐ་ཊ་སྶ. ཨ་ནུ་པ་ས་མྤ་ནྣཱ་ཡ ཝེ་མ་ཏི་ཀཱ, ཨཱ་པ་ཏྟི དུ་ཀྐ་ཊ་སྶ. ཨ་ནུ་པ་ས་མྤ་ནྣཱ་ཡ ཨ་ནུ་པ་ས་མྤ་ནྣ་ས་ཉྙཱ, ཨཱ་པ་ཏྟི དུ་ཀྐ་ཊ་སྶ.
༨༧༨. ཨ་ནཱ་པ་ཏྟི ཨ་ཏྠ་པུ་རེ་ཀྑཱ་རཱ་ཡ, དྷ་མྨ་པུ་རེ་ཀྑཱ་རཱ་ཡ, ཨ་ནུ་སཱ་ས་ནི་པུ་རེ་ཀྑཱ་རཱ་ཡ, ཨུ་མྨ་ཏྟི་ཀཱ་ཡ, ཨཱ་དི་ཀ་མྨི་ཀཱ་ཡཱ་ཏི.
ན་ཝ་མ་སི་ཀྑཱ་པ་དཾ ནི་ཊྛི་ཏཾ.
༡༠. ད་ས་མ་སི་ཀྑཱ་པ་དཾ
༨༧༩. ཏེ་ན ས་མ་ཡེ་ན བུ་དྡྷོ བྷ་ག་ཝཱ སཱ་ཝ་ཏྠི་ཡཾ ཝི་ཧ་ར་ཏི ཛེ་ཏ་ཝ་ནེ ཨ་ནཱ་ཐ་པི་ཎྜི་ཀ་སྶ ཨཱ་རཱ་མེ. ཏེ་ན ཁོ པ་ན ས་མ་ཡེ་ན ཙ་ཎྜ་ཀཱ་ལཱི༹ བྷི་ཀྑུ་ནཱི བྷི་ཀྑུ་ནཱི་ཧི ས་དྡྷིཾ བྷ་ཎྜི་ཏྭཱ ཨ་ཏྟཱ་ནཾ ཝ་དྷི་ཏྭཱ ཝ་དྷི་ཏྭཱ རོ་ད་ཏི. ཡཱ ཏཱ བྷི་ཀྑུ་ནི་ཡོ ཨ་པྤི་ཙྪཱ…པེ… ཏཱ ཨུ་ཛ྄ཛྷཱ་ཡ་ནྟི ཁི་ཡྻ་ནྟི ཝི་པཱ་ཙེ་ནྟི – ‘‘ཀ་ཐ་ཉྷི ནཱ་མ ཨ་ཡྻཱ ཙ་ཎྜ་ཀཱ་ལཱི༹ ཨ་ཏྟཱ་ནཾ ཝ་དྷི་ཏྭཱ ཝ་དྷི་ཏྭཱ རོ་དི་སྶ་ཏཱི’’ཏི…པེ… ས་ཙྩཾ ཀི་ར, བྷི་ཀྑ་ཝེ, ཙ་ཎྜ་ཀཱ་ལཱི༹ བྷི་ཀྑུ་ནཱི ཨ་ཏྟཱ་ནཾ ཝ་དྷི་ཏྭཱ ཝ་དྷི་ཏྭཱ རོ་ད་ཏཱི་ཏི? ‘‘ས་ཙྩཾ, བྷ་ག་ཝཱ’’ཏི. ཝི་ག་ར་ཧི བུ་དྡྷོ བྷ་ག་ཝཱ…པེ… ཀ་ཐ་ཉྷི ནཱ་མ, བྷི་ཀྑ་ཝེ, ཙ་ཎྜ་ཀཱ་ལཱི༹ བྷི་ཀྑུ་ནཱི ཨ་ཏྟཱ་ནཾ ཝ་དྷི་ཏྭཱ ཝ་དྷི་ཏྭཱ རོ་དི་སྶ་ཏི! ནེ་ཏཾ, བྷི་ཀྑ་ཝེ, ཨ་པྤ་ས་ནྣཱ་ནཾ ཝཱ པ་སཱ་དཱ་ཡ…པེ… ཨེ་ཝ་ཉྩ པ་ན, བྷི་ཀྑ་ཝེ, བྷི་ཀྑུ་ནི་ཡོ ཨི་མཾ སི་ཀྑཱ་པ་དཾ ཨུ་དྡི་ས་ནྟུ –
༨༨༠. ‘‘ཡཱ པ་ན བྷི་ཀྑུ་ནཱི ཨ་ཏྟཱ་ནཾ ཝ་དྷི་ཏྭཱ ཝ་དྷི་ཏྭཱ རོ་དེ་ཡྻ, པཱ་ཙི་ཏྟི་ཡ’’ནྟི.
༨༨༡. ཡཱ པ་ནཱཏི ཡཱ ཡཱ་དི་སཱ…པེ… བྷི་ཀྑུ་ནཱིཏི…པེ… ཨ་ཡཾ ཨི་མ་སྨིཾ ཨ་ཏྠེ ཨ་དྷི་པྤེ་ཏཱ བྷི་ཀྑུ་ནཱི་ཏི.
ཨ་ཏྟཱ་ནནྟི པ་ཙྩ་ཏྟཾ. ཝ་དྷི་ཏྭཱ ཝ་དྷི་ཏྭཱ རོ་ད་ཏི, ཨཱ་པ་ཏྟི པཱ་ཙི་ཏྟི་ཡ་སྶ. ཝ་དྷ་ཏི ན རོ་ད་ཏི, ཨཱ་པ་ཏྟི དུ་ཀྐ་ཊ་སྶ. རོ་ད་ཏི ན ཝ་དྷ་ཏི, ཨཱ་པ་ཏྟི དུ་ཀྐ་ཊ་སྶ.
༨༨༢. ཨ་ནཱ་པ་ཏྟི ཉཱ་ཏི་བྱ་ས་ནེ་ན ཝཱ བྷོ་ག་བྱ་ས་ནེ་ན ཝཱ རོ་ག་བྱ་ས་ནེ་ན ཝཱ ཕུ་ཊྛཱ རོ་ད་ཏི ན ཝ་དྷ་ཏི, ཨུ་མྨ་ཏྟི་ཀཱ་ཡ, ཨཱ་དི་ཀ་མྨི་ཀཱ་ཡཱ་ཏི.
ད་ས་མ་སི་ཀྑཱ་པ་དཾ ནི་ཊྛི་ཏཾ.
ཨ་ནྡྷ་ཀཱ་ར་ཝ་གྒོ དུ་ཏི་ཡོ.