༤. ཙ་ཏུ་ཏྠ་སི་ཀྑཱ་པ་དཾ

༨༠༦. ཏེ་ན ས་མ་ཡེ་ན བུ་དྡྷོ བྷ་ག་ཝཱ སཱ་ཝ་ཏྠི་ཡཾ ཝི་ཧ་ར་ཏི ཛེ་ཏ་ཝ་ནེ ཨ་ནཱ་ཐ་པི་ཎྜི་ཀ་སྶ ཨཱ་རཱ་མེ. ཏེ་ན ཁོ པ་ན ས་མ་ཡེ་ན ཨ་ཉྙ་ཏ་རཱ པུ་རཱ་ཎ་རཱ་ཛོ་རོ་དྷཱ བྷི་ཀྑུ་ནཱི་སུ པ་བྦ་ཛི་ཏཱ [ཨ་ཉྙ་ཏ་རོ པུ་རཱ་ཎ་རཱ་ཛོ་རོ་དྷོ བྷི་ཀྑུ་ནཱི་སུ པ་བྦ་ཛི་ཏོ (སྱཱ.)] ཧོ་ཏི. ཨ་ཉྙ་ཏ་རཱ བྷི་ཀྑུ་ནཱི ཨ་ན་བྷི་ར་ཏི་ཡཱ པཱི་ལི༹་ཏཱ ཡེ་ན སཱ བྷི་ཀྑུ་ནཱི ཏེ་ནུ་པ་ས་ངྐ་མི; ཨུ་པ་ས་ངྐ་མི་ཏྭཱ ཏཾ བྷི་ཀྑུ་ནིཾ ཨེ་ཏ་ད་ཝོ་ཙ – ‘‘རཱ་ཛཱ ཁོ, ཨ་ཡྻེ, ཏུ་མྷེ ཙི་རཱ་ཙི་རཾ ག་ཙྪ་ཏི. ཀ་ཐཾ ཏུ་མྷེ དྷཱ་རེ་ཐཱ’’ཏི? ‘‘ཛ་ཏུ་མ་ཊྛ་ཀེ་ན, ཨ་ཡྻེ’’ཏི. ‘‘ཀིཾ ཨེ་ཏཾ, ཨ་ཡྻེ, ཛ་ཏུ་མ་ཊྛ་ཀ’’ནྟི? ཨ་ཐ ཁོ སཱ བྷི་ཀྑུ་ནཱི ཏ་སྶཱ བྷི་ཀྑུ་ནི་ཡཱ ཛ་ཏུ་མ་ཊྛ་ཀཾ ཨཱ་ཙི་ཀྑི. ཨ་ཐ ཁོ སཱ བྷི་ཀྑུ་ནཱི ཛ་ཏུ་མ་ཊྛ་ཀཾ ཨཱ་དི་ཡི་ཏྭཱ དྷོ་ཝི་ཏུཾ ཝི་སྶ་རི་ཏྭཱ ཨེ་ཀ་མ་ནྟཾ ཚ་ཌྜེ་སི. བྷི་ཀྑུ་ནི་ཡོ མ་ཀྑི་ཀཱ་ཧི ས་མྤ་རི་ཀི་ཎྞཾ པ་སྶི་ཏྭཱ ཨེ་ཝ་མཱ་ཧཾ་སུ – ‘‘ཀ་སྶི་དཾ ཀ་མྨ’’ནྟི? སཱ ཨེ་ཝ་མཱ་ཧ – ‘‘མ་ཡ྄ཧི་དཾ ཀ་མྨ’’ནྟི. ཡཱ ཏཱ བྷི་ཀྑུ་ནི་ཡོ ཨ་པྤི་ཙྪཱ…པེ… ཏཱ ཨུ་ཛ྄ཛྷཱ་ཡ་ནྟི ཁི་ཡྻ་ནྟི ཝི་པཱ་ཙེ་ནྟི – ‘‘ཀ་ཐ་ཉྷི ནཱ་མ བྷི་ཀྑུ་ནཱི ཛ་ཏུ་མ་ཊྛ་ཀཾ ཨཱ་དི་ཡི་སྶ་ཏཱི’’ཏི…པེ… ས་ཙྩཾ ཀི་ར, བྷི་ཀྑ་ཝེ, བྷི་ཀྑུ་ནཱི ཛ་ཏུ་མ་ཊྛ་ཀཾ ཨཱ་དི་ཡ་ཏཱི་ཏི [ཨཱ་དི་ཡཱི་ཏི (ཀ.)]? ‘‘ས་ཙྩཾ, བྷ་ག་ཝཱ’’ཏི. ཝི་ག་ར་ཧི བུ་དྡྷོ བྷ་ག་ཝཱ…པེ… ཀ་ཐ་ཉྷི ནཱ་མ, བྷི་ཀྑ་ཝེ, བྷི་ཀྑུ་ནཱི ཛ་ཏུ་མ་ཊྛ་ཀཾ ཨཱ་དི་ཡི་སྶ་ཏི! ནེ་ཏཾ, བྷི་ཀྑ་ཝེ, ཨ་པྤ་ས་ནྣཱ་ནཾ ཝཱ པ་སཱ་དཱ་ཡ…པེ… ཨེ་ཝ་ཉྩ པ་ན, བྷི་ཀྑ་ཝེ, བྷི་ཀྑུ་ནི་ཡོ ཨི་མཾ སི་ཀྑཱ་པ་དཾ ཨུ་དྡི་ས་ནྟུ –

༨༠༧. ‘‘ཛ་ཏུ་མ་ཊྛ་ཀེ [ཛ་ཏུ་མ་ཊྚ་ཀེ (སཱི.)] པཱ་ཙི་ཏྟི་ཡ’’ནྟི.

༨༠༨. ཛ་ཏུ་མ་ཊྛ་ཀཾ ནཱ་མ ཛ་ཏུ་མ་ཡཾ ཀ་ཊྛ་མ་ཡཾ པི་ཊྛ་མ་ཡཾ མ་ཏྟི་ཀཱ་མ་ཡཾ.

ཨཱ་དི་ཡེ་ཡྻཱཏི ས་མྥ་སྶཾ སཱ་དི་ཡ་ནྟཱི ཨ་ནྟ་མ་སོ ཨུ་པྤ་ལ་པ་ཏྟ་མྤི མུ་ཏྟ་ཀ་ར་ཎཾ པ་ཝེ་སེ་ཏི, ཨཱ་པ་ཏྟི པཱ་ཙི་ཏྟི་ཡ་སྶ.

༨༠༩. ཨ་ནཱ་པ་ཏྟི ཨཱ་བཱ་དྷ་པ་ཙྩ་ཡཱ, ཨུ་མྨ་ཏྟི་ཀཱ་ཡ, ཨཱ་དི་ཀ་མྨི་ཀཱ་ཡཱ་ཏི.

ཙ་ཏུ་ཏྠ་སི་ཀྑཱ་པ་དཾ ནི་ཊྛི་ཏཾ.