༧. ནི་ཀྐ་ཌྜྷ་ན་སི་ཀྑཱ་པ་དཾ

༡༢༤. ཏེ་ན ས་མ་ཡེ་ན བུ་དྡྷོ བྷ་ག་ཝཱ སཱ་ཝ་ཏྠི་ཡཾ ཝི་ཧ་ར་ཏི ཛེ་ཏ་ཝ་ནེ ཨ་ནཱ་ཐ་པི་ཎྜི་ཀ་སྶ ཨཱ་རཱ་མེ. ཏེ་ན ཁོ པ་ན ས་མ་ཡེ་ན ས་ཏྟ་ར་ས་ཝ་གྒི་ཡཱ བྷི་ཀྑཱུ ཨ་ཉྙ་ཏ་རཾ པ་ཙྩ་ནྟི་མཾ མ་ཧཱ་ཝི་ཧཱ་རཾ པ་ཊི་ས་ངྑ་རོ་ནྟི – ‘‘ཨི་དྷ མ་ཡཾ ཝ་སྶཾ ཝ་སི་སྶཱ་མཱ’’ཏི. ཨ་དྡ་སཾ་སུ ཁོ ཚ་བྦ་གྒི་ཡཱ བྷི་ཀྑཱུ ས་ཏྟ་ར་ས་ཝ་གྒི་ཡེ བྷི་ཀྑཱུ ཝི་ཧཱ་རཾ པ་ཊི་ས་ངྑ་རོ་ནྟེ. དི་སྭཱ་ན ཨེ་ཝ་མཱ་ཧཾ་སུ – ‘‘ཨི་མེ, ཨཱ་ཝུ་སོ, ས་ཏྟ་ར་ས་ཝ་གྒི་ཡཱ བྷི་ཀྑཱུ ཝི་ཧཱ་རཾ པ་ཊི་ས་ངྑ་རོ་ནྟི. ཧ་ནྡ ནེ ཝུ་ཊྛཱ་པེ་སྶཱ་མཱ’’ཏི! ཨེ་ཀ་ཙྩེ ཨེ་ཝ་མཱ་ཧཾ་སུ – ‘‘ཨཱ་ག་མེ་ཐཱ་ཝུ་སོ, ཡཱ་ཝ པ་ཊི་ས་ངྑ་རོ་ནྟི; པ་ཊི་ས་ངྑ་ཏེ ཝུ་ཊྛཱ་པེ་སྶཱ་མཱ’’ཏི.

ཨ་ཐ ཁོ ཚ་བྦ་གྒི་ཡཱ བྷི་ཀྑཱུ ས་ཏྟ་ར་ས་ཝ་གྒི་ཡེ བྷི་ཀྑཱུ ཨེ་ཏ་ད་ཝོ་ཙུཾ – ‘‘ཨུ་ཊྛེ་ཐཱ་ཝུ་སོ, ཨ་མྷཱ་ཀཾ ཝི་ཧཱ་རོ པཱ་པུ་ཎཱ་ཏཱི’’ཏི. ‘‘ན་ནུ, ཨཱ་ཝུ་སོ, པ་ཊི་ཀ་ཙྩེ་ཝ [པ་ཊི་ག་ཙྩེ་ཝ (སཱི.)] ཨཱ་ཙི་ཀྑི་ཏ་བྦཾ, མ་ཡ་ཉྩ་ཉྙཾ པ་ཊི་ས་ངྑ་རེ་ཡྻཱ་མཱ’’ཏི. ‘‘ན་ནུ, ཨཱ་ཝུ་སོ, ས་ངྒྷི་ཀོ ཝི་ཧཱ་རོ’’ཏི? ‘‘ཨཱ་མཱ་ཝུ་སོ, ས་ངྒྷི་ཀོ ཝི་ཧཱ་རོ’’ཏི. ‘‘ཨུ་ཊྛེ་ཐཱ་ཝུ་སོ, ཨ་མྷཱ་ཀཾ ཝི་ཧཱ་རོ པཱ་པུ་ཎཱ་ཏཱི’’ཏི. ‘‘མ་ཧ་ལླ་ཀོ, ཨཱ་ཝུ་སོ, ཝི་ཧཱ་རོ. ཏུ་མྷེ་པི ཝ་ས་ཐ, མ་ཡ་མྤི ཝ་སི་སྶཱ་མཱ’’ཏི. ‘‘ཨུ་ཊྛེ་ཐཱ་ཝུ་སོ, ཨ་མྷཱ་ཀཾ ཝི་ཧཱ་རོ པཱ་པུ་ཎཱ་ཏཱི’’ཏི ཀུ་པི་ཏཱ ཨ་ན་ཏྟ་མ་ནཱ གཱི་ཝཱ་ཡཾ ག་ཧེ་ཏྭཱ ནི་ཀྐ་ཌྜྷ་ནྟི. ཏེ ནི་ཀྐ་ཌྜྷཱི་ཡ་མཱ་ནཱ རོ་ད་ནྟི. བྷི་ཀྑཱུ ཨེ་ཝ་མཱ་ཧཾ་སུ – ‘‘ཀི་སྶ ཏུ་མྷེ, ཨཱ་ཝུ་སོ, རོ་ད་ཐཱ’’ཏི? ‘‘ཨི་མེ, ཨཱ་ཝུ་སོ, ཚ་བྦ་གྒི་ཡཱ བྷི་ཀྑཱུ ཀུ་པི་ཏཱ ཨ་ན་ཏྟ་མ་ནཱ ཨ་མྷེ ས་ངྒྷི་ཀཱ ཝི་ཧཱ་རཱ ནི་ཀྐ་ཌྜྷ་ནྟཱི’’ཏི. ཡེ ཏེ བྷི་ཀྑཱུ ཨ་པྤི་ཙྪཱ…པེ… ཏེ ཨུ་ཛ྄ཛྷཱ་ཡ་ནྟི ཁི་ཡྻ་ནྟི ཝི་པཱ་ཙེ་ནྟི – ‘‘ཀ་ཐ་ཉྷི ནཱ་མ ཚ་བྦ་གྒི་ཡཱ བྷི་ཀྑཱུ ཀུ་པི་ཏཱ ཨ་ན་ཏྟ་མ་ནཱ བྷི་ཀྑཱུ ས་ངྒྷི་ཀཱ ཝི་ཧཱ་རཱ ནི་ཀྐ་ཌྜྷི་སྶ་ནྟཱི’’ཏི! ཨ་ཐ ཁོ ཏེ བྷི་ཀྑཱུ ཚ་བྦ་གྒི་ཡེ བྷི་ཀྑཱུ ཨ་ནེ་ཀ་པ་རི་ཡཱ་ཡེ་ན ཝི་ག་ར་ཧི་ཏྭཱ བྷ་ག་ཝ་ཏོ ཨེ་ཏ་མ་ཏྠཾ ཨཱ་རོ་ཙེ་སུཾ…པེ… ‘‘ས་ཙྩཾ ཀི་ར ཏུ་མྷེ, བྷི་ཀྑ་ཝེ, ཀུ་པི་ཏཱ ཨ་ན་ཏྟ་མ་ནཱ བྷི་ཀྑཱུ ས་ངྒྷི་ཀཱ ཝི་ཧཱ་རཱ ནི་ཀྐ་ཌྜྷ་ཐཱ’’ཏི? ‘‘ས་ཙྩཾ, བྷ་ག་ཝཱ’’ཏི. ཝི་ག་ར་ཧི བུ་དྡྷོ བྷ་ག་ཝཱ…པེ… ཀ་ཐ་ཉྷི ནཱ་མ ཏུ་མྷེ, མོ་གྷ་པུ་རི་སཱ, ཀུ་པི་ཏཱ ཨ་ན་ཏྟ་མ་ནཱ བྷི་ཀྑཱུ ས་ངྒྷི་ཀཱ ཝི་ཧཱ་རཱ ནི་ཀྐ་ཌྜྷི་སྶ་ཐ? ནེ་ཏཾ, མོ་གྷ་པུ་རི་སཱ, ཨ་པྤ་ས་ནྣཱ་ནཾ ཝཱ པ་སཱ་དཱ་ཡ…པེ… ཨེ་ཝ་ཉྩ པ་ན, བྷི་ཀྑ་ཝེ, ཨི་མཾ སི་ཀྑཱ་པ་དཾ ཨུ་དྡི་སེ་ཡྻཱ་ཐ –

༡༢༥. ‘‘ཡོ པ་ན བྷི་ཀྑུ བྷི་ཀྑུཾ ཀུ་པི་ཏོ ཨ་ན་ཏྟ་མ་ནོ ས་ངྒྷི་ཀཱ ཝི་ཧཱ་རཱ ནི་ཀྐ་ཌྜྷེ་ཡྻ ཝཱ ནི་ཀྐ་ཌྜྷཱ་པེ་ཡྻ ཝཱ, པཱ་ཙི་ཏྟི་ཡ’’ནྟི.

༡༢༦. ཡོ པ་ནཱཏི ཡོ ཡཱ་དི་སོ…པེ… བྷི་ཀྑཱུཏི…པེ… ཨ་ཡཾ ཨི་མ་སྨིཾ ཨ་ཏྠེ ཨ་དྷི་པྤེ་ཏོ བྷི་ཀྑཱུ་ཏི.

བྷི་ཀྑུནྟི ཨ་ཉྙཾ བྷི་ཀྑུཾ.

ཀུ་པི་ཏོ ཨ་ན་ཏྟ་མ་ནོཏི ཨ་ན་བྷི་ར་དྡྷོ ཨཱ་ཧ་ཏ་ཙི་ཏྟོ ཁི་ལ་ཛཱ་ཏོ.

ས་ངྒྷི་ཀོ ནཱ་མ ཝི་ཧཱ་རོ ས་ངྒྷ་སྶ དི་ནྣོ ཧོ་ཏི པ་རི་ཙྩ་ཏྟོ.

ནི་ཀྐ་ཌྜྷེ་ཡྻཱཏི ག་བྦྷེ ག་ཧེ་ཏྭཱ པ་མུ་ཁཾ ནི་ཀྐ་ཌྜྷ་ཏི, ཨཱ་པ་ཏྟི པཱ་ཙི་ཏྟི་ཡ་སྶ. པ་མུ་ཁེ ག་ཧེ་ཏྭཱ བ་ཧི ནི་ཀྐ་ཌྜྷ་ཏི, ཨཱ་པ་ཏྟི པཱ་ཙི་ཏྟི་ཡ་སྶ. ཨེ་ཀེ་ན པ་ཡོ་གེ་ན བ་ཧུ་ཀེ་པི དྭཱ་རེ ཨ་ཏི་ཀྐཱ་མེ་ཏི, ཨཱ་པ་ཏྟི པཱ་ཙི་ཏྟི་ཡ་སྶ.

ནི་ཀྐ་ཌྜྷཱ་པེ་ཡྻཱཏི ཨ་ཉྙཾ ཨཱ་ཎཱ་པེ་ཏི, ཨཱ་པ་ཏྟི པཱ་ཙི་ཏྟི་ཡ་སྶ [དུ་ཀྐ་ཊ་སྶ (ཀ་ཏྠ་ཙི)]. ས་ཀིཾ ཨཱ་ཎ་ཏྟོ བ་ཧུ་ཀེ་པི དྭཱ་རེ ཨ་ཏི་ཀྐཱ་མེ་ཏི, ཨཱ་པ་ཏྟི པཱ་ཙི་ཏྟི་ཡ་སྶ.

༡༢༧. ས་ངྒྷི་ཀེ ས་ངྒྷི་ཀ་ས་ཉྙཱི ཀུ་པི་ཏོ ཨ་ན་ཏྟ་མ་ནོ ནི་ཀྐ་ཌྜྷ་ཏི ཝཱ ནི་ཀྐ་ཌྜྷཱ་པེ་ཏི ཝཱ, ཨཱ་པ་ཏྟི པཱ་ཙི་ཏྟི་ཡ་སྶ. ས་ངྒྷི་ཀེ ཝེ་མ་ཏི་ཀོ ཀུ་པི་ཏོ ཨ་ན་ཏྟ་མ་ནོ ནི་ཀྐ་ཌྜྷ་ཏི ཝཱ ནི་ཀྐ་ཌྜྷཱ་པེ་ཏི ཝཱ, ཨཱ་པ་ཏྟི པཱ་ཙི་ཏྟི་ཡ་སྶ. ས་ངྒྷི་ཀེ པུ་གྒ་ལི་ཀ་ས་ཉྙཱི ཀུ་པི་ཏོ ཨ་ན་ཏྟ་མ་ནོ ནི་ཀྐ་ཌྜྷ་ཏི ཝཱ ནི་ཀྐ་ཌྜྷཱ་པེ་ཏི ཝཱ, ཨཱ་པ་ཏྟི པཱ་ཙི་ཏྟི་ཡ་སྶ.

ཏ་སྶ པ་རི་ཀྑཱ་རཾ ནི་ཀྐ་ཌྜྷ་ཏི ཝཱ ནི་ཀྐ་ཌྜྷཱ་པེ་ཏི ཝཱ, ཨཱ་པ་ཏྟི དུ་ཀྐ་ཊ་སྶ. ཝི་ཧཱ་ར་སྶ ཨུ་པ་ཙཱ་རཱ ཝཱ ཨུ་པ་ཊྛཱ་ན་སཱ་ལཱ་ཡ ཝཱ མ་ཎྜ་པཱ ཝཱ རུ་ཀྑ་མཱུ་ལཱ ཝཱ ཨ་ཛ྄ཛྷོ་ཀཱ་སཱ ཝཱ ནི་ཀྐ་ཌྜྷ་ཏི ཝཱ ནི་ཀྐ་ཌྜྷཱ་པེ་ཏི ཝཱ, ཨཱ་པ་ཏྟི དུ་ཀྐ་ཊ་སྶ. ཏ་སྶ པ་རི་ཀྑཱ་རཾ ནི་ཀྐ་ཌྜྷ་ཏི ཝཱ ནི་ཀྐ་ཌྜྷཱ་པེ་ཏི ཝཱ, ཨཱ་པ་ཏྟི དུ་ཀྐ་ཊ་སྶ. ཨ་ནུ་པ་ས་མྤ་ནྣཾ ཝི་ཧཱ་རཱ ཝཱ ཝི་ཧཱ་ར་སྶ ཨུ་པ་ཙཱ་རཱ ཝཱ ཨུ་པ་ཊྛཱ་ན་སཱ་ལཱ་ཡ ཝཱ མ་ཎྜ་པཱ ཝཱ རུ་ཀྑ་མཱུ་ལཱ ཝཱ ཨ་ཛ྄ཛྷོ་ཀཱ་སཱ ཝཱ ནི་ཀྐ་ཌྜྷ་ཏི ཝཱ ནི་ཀྐ་ཌྜྷཱ་པེ་ཏི ཝཱ, ཨཱ་པ་ཏྟི དུ་ཀྐ་ཊ་སྶ. ཏ་སྶ པ་རི་ཀྑཱ་རཾ ནི་ཀྐ་ཌྜྷ་ཏི ཝཱ ནི་ཀྐ་ཌྜྷཱ་པེ་ཏི ཝཱ, ཨཱ་པ་ཏྟི དུ་ཀྐ་ཊ་སྶ.

པུ་གྒ་ལི་ཀེ ས་ངྒྷི་ཀ་ས་ཉྙཱི, ཨཱ་པ་ཏྟི དུ་ཀྐ་ཊ་སྶ. པུ་གྒ་ལི་ཀེ ཝེ་མ་ཏི་ཀོ, ཨཱ་པ་ཏྟི དུ་ཀྐ་ཊ་སྶ. པུ་གྒ་ལི་ཀེ པུ་གྒ་ལི་ཀ་ས་ཉྙཱི ཨ་ཉྙ་སྶ པུ་གྒ་ལི་ཀེ ཨཱ་པ་ཏྟི དུ་ཀྐ་ཊ་སྶ. ཨ་ཏྟ་ནོ པུ་གྒ་ལི་ཀེ ཨ་ནཱ་པ་ཏྟི.

༡༢༨. ཨ་ནཱ་པ་ཏྟི ཨ་ལ་ཛྫིཾ ནི་ཀྐ་ཌྜྷ་ཏི ཝཱ ནི་ཀྐ་ཌྜྷཱ་པེ་ཏི ཝཱ, ཏ་སྶ པ་རི་ཀྑཱ་རཾ ནི་ཀྐ་ཌྜྷ་ཏི ཝཱ ནི་ཀྐ་ཌྜྷཱ་པེ་ཏི ཝཱ, ཨུ་མྨ་ཏྟ་ཀཾ ནི་ཀྐ་ཌྜྷ་ཏི ཝཱ ནི་ཀྐ་ཌྜྷཱ་པེ་ཏི ཝཱ, ཏ་སྶ པ་རི་ཀྑཱ་རཾ ནི་ཀྐ་ཌྜྷ་ཏི ཝཱ ནི་ཀྐ་ཌྜྷཱ་པེ་ཏི ཝཱ, བྷ་ཎྜ་ན་ཀཱ་ར་ཀཾ ཀ་ལ་ཧ་ཀཱ་ར་ཀཾ ཝི་ཝཱ་ད་ཀཱ་ར་ཀཾ བྷ་སྶ་ཀཱ་ར་ཀཾ ས་ངྒྷེ ཨ་དྷི་ཀ་ར་ཎ་ཀཱ་ར་ཀཾ ནི་ཀྐ་ཌྜྷ་ཏི ཝཱ ནི་ཀྐ་ཌྜྷཱ་པེ་ཏི ཝཱ, ཏ་སྶ པ་རི་ཀྑཱ་རཾ ནི་ཀྐ་ཌྜྷ་ཏི ཝཱ ནི་ཀྐ་ཌྜྷཱ་པེ་ཏི ཝཱ, ཨ་ནྟེ་ཝཱ་སི་ཀཾ ཝཱ ས་དྡྷི་ཝི་ཧཱ་རི་ཀཾ ཝཱ ན ས་མྨཱ ཝ་ཏྟ་ནྟཾ ནི་ཀྐ་ཌྜྷ་ཏི ཝཱ ནི་ཀྐ་ཌྜྷཱ་པེ་ཏི ཝཱ, ཏ་སྶ པ་རི་ཀྑཱ་རཾ ནི་ཀྐ་ཌྜྷ་ཏི ཝཱ ནི་ཀྐ་ཌྜྷཱ་པེ་ཏི ཝཱ, ཨུ་མྨ་ཏྟ་ཀ་སྶ, ཨཱ་དི་ཀ་མྨི་ཀ་སྶཱ་ཏི.

ནི་ཀྐ་ཌྜྷ་ན་སི་ཀྑཱ་པ་དཾ ནི་ཊྛི་ཏཾ ས་ཏྟ་མཾ.