༢༧༧. ཨོ་སཱ་ར་ཎཱ་ནུ་ཛཱ་ན་ནཱ

༤༧༤. ཨ་ཐ ཁོ ཏ་སྶ ཨུ་ཀྑི་ཏྟ་ཀ་སྶ བྷི་ཀྑུ་ནོ དྷ་མྨ་ཉྩ ཝི་ན་ཡ་ཉྩ པ་ཙྩ་ཝེ་ཀྑ་ནྟ་སྶ ཨེ་ཏ་ད་ཧོ་སི – ‘‘ཨཱ་པ་ཏྟི ཨེ་སཱ, ནེ་སཱ ཨ་ནཱ་པ་ཏྟི. ཨཱ་པ་ནྣོ་མྷི, ན་མྷི ཨ་ནཱ་པ་ནྣོ. ཨུ་ཀྑི་ཏྟོ་མྷི, ན་མྷི ཨ་ནུ་ཀྑི་ཏྟོ. དྷ་མྨི་ཀེ་ན་མྷི ཀ་མྨེ་ན ཨུ་ཀྑི་ཏྟོ ཨ་ཀུ་པྤེ་ན ཋཱ་ནཱ་ར་ཧེ་ནཱ’’ཏི. ཨ་ཐ ཁོ སོ ཨུ་ཀྑི་ཏྟ་ཀོ བྷི་ཀྑུ ཡེ་ན ཨུ་ཀྑི་ཏྟཱ་ནུ་ཝ་ཏྟ་ཀཱ བྷི་ཀྑཱུ ཏེ་ནུ་པ་ས་ངྐ་མི, ཨུ་པ་ས་ངྐ་མི་ཏྭཱ ཨུ་ཀྑི་ཏྟཱ་ནུ་ཝ་ཏྟ་ཀེ བྷི་ཀྑཱུ ཨེ་ཏ་ད་ཝོ་ཙ – ‘‘ཨཱ་པ་ཏྟི ཨེ་སཱ, ཨཱ་ཝུ་སོ; ནེ་སཱ ཨ་ནཱ་པ་ཏྟི. ཨཱ་པ་ནྣོ་མྷི, ན་མྷི ཨ་ནཱ་པ་ནྣོ. ཨུ་ཀྑི་ཏྟོ་མྷི, ན་མྷི ཨ་ནུ་ཀྑི་ཏྟོ. དྷ་མྨི་ཀེ་ན་མྷི ཀ་མྨེ་ན ཨུ་ཀྑི་ཏྟོ ཨ་ཀུ་པྤེ་ན ཋཱ་ནཱ་ར་ཧེ་ན. ཨེ་ཐ མཾ ཨཱ་ཡ་སྨ་ནྟོ ཨོ་སཱ་རེ་ཐཱ’’ཏི. ཨ་ཐ ཁོ ཏེ ཨུ་ཀྑི་ཏྟཱ་ནུ་ཝ་ཏྟ་ཀཱ བྷི་ཀྑཱུ ཏཾ ཨུ་ཀྑི་ཏྟ་ཀཾ བྷི་ཀྑུཾ ཨཱ་དཱ་ཡ ཡེ་ན བྷ་ག་ཝཱ ཏེ་ནུ་པ་ས་ངྐ་མིཾ་སུ, ཨུ་པ་ས་ངྐ་མི་ཏྭཱ བྷ་ག་ཝ་ནྟཾ ཨ་བྷི་ཝཱ་དེ་ཏྭཱ ཨེ་ཀ་མ་ནྟཾ ནི་སཱི་དིཾ་སུ. ཨེ་ཀ་མ་ནྟཾ ནི་སི་ནྣཱ ཁོ ཏེ བྷི་ཀྑཱུ བྷ་ག་ཝ་ནྟཾ ཨེ་ཏ་ད་ཝོ་ཙུཾ – ‘‘ཨ་ཡཾ, བྷ་ནྟེ, ཨུ་ཀྑི་ཏྟ་ཀོ བྷི་ཀྑུ ཨེ་ཝ་མཱ་ཧ – ‘ཨཱ་པ་ཏྟི ཨེ་སཱ, ཨཱ་ཝུ་སོ; ནེ་སཱ ཨ་ནཱ་པ་ཏྟི. ཨཱ་པ་ནྣོ་མྷི, ན་མྷི ཨ་ནཱ་པ་ནྣོ. ཨུ་ཀྑི་ཏྟོ་མྷི, ན་མྷི ཨ་ནུ་ཀྑི་ཏྟོ. དྷ་མྨི་ཀེ་ན་མྷི ཀ་མྨེ་ན ཨུ་ཀྑི་ཏྟོ ཨ་ཀུ་པྤེ་ན ཋཱ་ནཱ་ར་ཧེ་ན. ཨེ་ཐ མཾ ཨཱ་ཡ་སྨ་ནྟོ ཨོ་སཱ་རེ་ཐཱ’ཏི. ཀ་ཐཾ ནུ ཁོ, བྷ་ནྟེ, པ་ཊི་པ་ཛྫི་ཏ་བྦ’’ནྟི? ‘‘ཨཱ་པ་ཏྟི ཨེ་སཱ, བྷི་ཀྑ་ཝེ; ནེ་སཱ ཨ་ནཱ་པ་ཏྟི. ཨཱ་པ་ནྣོ ཨེ་སོ བྷི་ཀྑུ, ནེ་སོ བྷི་ཀྑུ ཨ་ནཱ་པ་ནྣོ. ཨུ་ཀྑི་ཏྟོ ཨེ་སོ བྷི་ཀྑུ, ནེ་སོ བྷི་ཀྑུ ཨ་ནུ་ཀྑི་ཏྟོ. དྷ་མྨི་ཀེ་ན ཀ་མྨེ་ན ཨུ་ཀྑི་ཏྟོ ཨ་ཀུ་པྤེ་ན ཋཱ་ནཱ་ར་ཧེ་ན. ཡ་ཏོ ཙ ཁོ སོ, བྷི་ཀྑ་ཝེ, བྷི་ཀྑུ ཨཱ་པ་ནྣོ ཙ ཨུ་ཀྑི་ཏྟོ ཙ པ་སྶ་ཏི ཙ, ཏེ་ན ཧི, བྷི་ཀྑ་ཝེ, ཏཾ བྷི་ཀྑུཾ ཨོ་སཱ་རེ་ཐཱ’’ཏི.

ཨོ་སཱ་ར་ཎཱ་ནུ་ཛཱ་ན་ནཱ ནི་ཊྛི་ཏཱ.