༢༧༣. བཱ་ལ་ཀ་ལོ་ཎ་ཀ་ག་མ་ན་ཀ་ཐཱ

༤༦༥. ཨ་ཐ ཁོ བྷ་ག་ཝཱ ས་ངྒྷ་མ་ཛ྄ཛྷེ ཋི་ཏ་ཀོ་ཝ ཨི་མཱ གཱ་ཐཱ་ཡོ བྷཱ་སི་ཏྭཱ ཡེ་ན བཱ་ལ་ཀ་ལོ་ཎ་ཀ་གཱ་མོ [བཱ་ལ་ཀ་ལོ་ཎ་ཀཱ་ར་གཱ་མོ (སཱི. སྱཱ.)] ཏེ་ནུ་པ་ས་ངྐ་མི. ཏེ་ན ཁོ པ་ན ས་མ་ཡེ་ན ཨཱ་ཡ་སྨཱ བྷ་གུ བཱ་ལ་ཀ་ལོ་ཎ་ཀ་གཱ་མེ ཝི་ཧ་ར་ཏི. ཨ་དྡ་སཱ ཁོ ཨཱ་ཡ་སྨཱ བྷ་གུ བྷ་ག་ཝ་ནྟཾ དཱུ་ར་ཏོ་ཝ ཨཱ་ག་ཙྪ་ནྟཾ, དི་སྭཱ་ན ཨཱ་ས་ནཾ པ་ཉྙ་པེ་སི, པཱ་དོ་ད་ཀཾ པཱ་ད་པཱི་ཋཾ པཱ་ད་ཀ་ཐ་ལི་ཀཾ ཨུ་པ་ནི་ཀྑི་པི, པ་ཙྩུ་གྒ་ནྟྭཱ པ་ཏྟ་ཙཱི་ཝ་རཾ པ་ཊི་གྒ་ཧེ་སི. ནི་སཱི་དི བྷ་ག་ཝཱ པ་ཉྙ་ཏྟེ ཨཱ་ས་ནེ, ནི་ས་ཛྫ ཁོ བྷ་ག་ཝཱ པཱ་དེ པ་ཀྑཱ་ལེ་སི. ཨཱ་ཡ་སྨཱ་པི ཁོ བྷ་གུ བྷ་ག་ཝ་ནྟཾ ཨ་བྷི་ཝཱ་དེ་ཏྭཱ ཨེ་ཀ་མ་ནྟཾ ནི་སཱི་དི. ཨེ་ཀ་མ་ནྟཾ ནི་སི་ནྣཾ ཁོ ཨཱ་ཡ་སྨ་ནྟཾ བྷ་གུཾ བྷ་ག་ཝཱ ཨེ་ཏ་ད་ཝོ་ཙ – ‘‘ཀ་ཙྩི, བྷི་ཀྑུ, ཁ་མ་ནཱི་ཡཾ; ཀ་ཙྩི ཡཱ་པ་ནཱི་ཡཾ, ཀ་ཙྩི པི་ཎྜ་ཀེ་ན ན ཀི་ལ་མ་སཱི’’ཏི? ‘‘ཁ་མ་ནཱི་ཡཾ, བྷ་ག་ཝཱ, ཡཱ་པ་ནཱི་ཡཾ, བྷ་ག་ཝཱ; ན ཙཱ་ཧཾ, བྷ་ནྟེ, པི་ཎྜ་ཀེ་ན ཀི་ལ་མཱ་མཱི’’ཏི. ཨ་ཐ ཁོ བྷ་ག་ཝཱ ཨཱ་ཡ་སྨ་ནྟཾ བྷ་གུཾ དྷ་མྨི་ཡཱ ཀ་ཐཱ་ཡ ས་ནྡ་སྶེ་ཏྭཱ ས་མཱ་ད་པེ་ཏྭཱ ས་མུ་ཏྟེ་ཛེ་ཏྭཱ ས་མྤ་ཧཾ་སེ་ཏྭཱ ཨུ་ཊྛཱ་ཡཱ་ས་ནཱ ཡེ་ན པཱ་ཙཱི་ན་ཝཾ་ས་དཱ་ཡོ ཏེ་ནུ་པ་ས་ངྐ་མི.

བཱ་ལ་ཀ་ལོ་ཎ་ཀ་ག་མ་ན་ཀ་ཐཱ ནི་ཊྛི་ཏཱ.