༤༧. པ་ཎྜ་ཀ་ཝ་ཏྠུ

༡༠༩. ཏེ་ན ཁོ པ་ན ས་མ་ཡེ་ན ཨ་ཉྙ་ཏ་རོ པ་ཎྜ་ཀོ བྷི་ཀྑཱུ་སུ པ་བྦ་ཛི་ཏོ ཧོ་ཏི. སོ ད་ཧ་རེ ད་ཧ་རེ བྷི་ཀྑཱུ ཨུ་པ་ས་ངྐ་མི་ཏྭཱ ཨེ་ཝཾ ཝ་དེ་ཏི – ‘‘ཨེ་ཐ, མཾ ཨཱ་ཡ་སྨ་ནྟོ དཱུ་སེ་ཐཱ’’ཏི. བྷི་ཀྑཱུ ཨ་པ་སཱ་དེ་ནྟི – ‘‘ན་སྶ, པ་ཎྜ་ཀ, ཝི་ན་སྶ, པ་ཎྜ་ཀ, ཀོ ཏ་ཡཱ ཨ་ཏྠོ’’ཏི. སོ བྷི་ཀྑཱུ་ཧི ཨ་པ་སཱ་དི་ཏོ མ་ཧ་ནྟེ མ་ཧ་ནྟེ མོ་ལི༹་ག་ལླེ སཱ་མ་ཎེ་རེ ཨུ་པ་ས་ངྐ་མི་ཏྭཱ ཨེ་ཝཾ ཝ་དེ་ཏི – ‘‘ཨེ་ཐ, མཾ ཨཱ་ཝུ་སོ དཱུ་སེ་ཐཱ’’ཏི. སཱ་མ་ཎེ་རཱ ཨ་པ་སཱ་དེ་ནྟི – ‘‘ན་སྶ, པ་ཎྜ་ཀ, ཝི་ན་སྶ, པ་ཎྜ་ཀ, ཀོ ཏ་ཡཱ ཨ་ཏྠོ’’ཏི. སོ སཱ་མ་ཎེ་རེ་ཧི ཨ་པ་སཱ་དི་ཏོ ཧ་ཏྠི་བྷ་ཎྜེ ཨ་སྶ་བྷ་ཎྜེ ཨུ་པ་ས་ངྐ་མི་ཏྭཱ ཨེ་ཝཾ ཝ་དེ་ཏི – ‘‘ཨེ་ཐ, མཾ, ཨཱ་ཝུ་སོ, དཱུ་སེ་ཐཱ’’ཏི. ཧ་ཏྠི་བྷ་ཎྜཱ ཨ་སྶ་བྷ་ཎྜཱ དཱུ་སེ་སུཾ. ཏེ ཨུ་ཛ྄ཛྷཱ་ཡ་ནྟི ཁི་ཡྻ་ནྟི ཝི་པཱ་ཙེ་ནྟི – ‘‘པ་ཎྜ་ཀཱ ཨི་མེ ས་མ་ཎཱ ས་ཀྱ་པུ་ཏྟི་ཡཱ. ཡེ་པི ཨི་མེ་སཾ ན པ་ཎྜ་ཀཱ, ཏེ་པི ཨི་མེ པ་ཎྜ་ཀེ དཱུ་སེ་ནྟི. ཨེ་ཝཾ ཨི་མེ ས་བྦེ་ཝ ཨ་བྲ་ཧྨ་ཙཱ་རི་ནོ’’ཏི. ཨ་སྶོ་སུཾ ཁོ བྷི་ཀྑཱུ ཏེ་སཾ ཧ་ཏྠི་བྷ་ཎྜཱ་ནཾ ཨ་སྶ་བྷ་ཎྜཱ་ནཾ ཨུ་ཛ྄ཛྷཱ་ཡ་ནྟཱ་ནཾ ཁི་ཡྻ་ནྟཱ་ནཾ ཝི་པཱ་ཙེ་ནྟཱ་ནཾ. ཨ་ཐ ཁོ ཏེ བྷི་ཀྑཱུ བྷ་ག་ཝ་ཏོ ཨེ་ཏ་མ་ཏྠཾ ཨཱ་རོ་ཙེ་སུཾ. པ་ཎྜ་ཀོ, བྷི་ཀྑ་ཝེ, ཨ་ནུ་པ་ས་མྤ་ནྣོ ན ཨུ་པ་ས་མྤཱ་དེ་ཏ་བྦོ, ཨུ་པ་ས་མྤ་ནྣོ ནཱ་སེ་ཏ་བྦོ་ཏི.