༤༦. ཀ་ཎྚ་ཀ་སཱ་མ་ཎེ་ར་ཝ་ཏྠུ

ཏེ་ན ཁོ པ་ན ས་མ་ཡེ་ན ཨཱ་ཡ་སྨ་ཏོ ཨུ་པ་ན་ནྡ་སྶ ས་ཀྱ་པུ་ཏྟ་སྶ ཀ་ཎྚ་ཀོ ནཱ་མ སཱ་མ་ཎེ་རོ ཀ་ཎྚ་ཀིཾ ནཱ་མ བྷི་ཀྑུ་ནིཾ དཱུ་སེ་སི. བྷི་ཀྑཱུ ཨུ་ཛ྄ཛྷཱ་ཡ་ནྟི ཁི་ཡྻ་ནྟི ཝི་པཱ་ཙེ་ནྟི – ‘‘ཀ་ཐ་ཉྷི ནཱ་མ སཱ་མ་ཎེ་རོ ཨེ་ཝ་རཱུ་པཾ ཨ་ནཱ་ཙཱ་རཾ ཨཱ་ཙ་རི་སྶ་ཏཱི’’ཏི. བྷ་ག་ཝ་ཏོ ཨེ་ཏ་མ་ཏྠཾ ཨཱ་རོ་ཙེ་སུཾ. ཨ་ནུ་ཛཱ་ནཱ་མི, བྷི་ཀྑ་ཝེ, ད་ས་ཧ་ངྒེ་ཧི ས་མ་ནྣཱ་ག་ཏཾ སཱ་མ་ཎེ་རཾ ནཱ་སེ་ཏུཾ. པཱ་ཎཱ་ཏི་པཱ་ཏཱི ཧོ་ཏི, ཨ་དི་ནྣཱ་དཱ་ཡཱི ཧོ་ཏི, ཨ་བྲ་ཧྨ་ཙཱ་རཱི ཧོ་ཏི, མུ་སཱ་ཝཱ་དཱི ཧོ་ཏི, མ་ཛྫ་པཱ་ཡཱི ཧོ་ཏི, བུ་དྡྷ་སྶ ཨ་ཝ་ཎྞཾ བྷཱ་ས་ཏི, དྷ་མྨ་སྶ ཨ་ཝ་ཎྞཾ བྷཱ་ས་ཏི, ས་ངྒྷ་སྶ ཨ་ཝ་ཎྞཾ བྷཱ་ས་ཏི, མི་ཙྪཱ་དི་ཊྛི་ཀོ ཧོ་ཏི, བྷི་ཀྑུ་ནི་དཱུ་ས་ཀོ ཧོ་ཏི – ཨ་ནུ་ཛཱ་ནཱ་མི, བྷི་ཀྑ་ཝེ, ཨི་མེ་ཧི ད་ས་ཧ་ངྒེ་ཧི ས་མ་ནྣཱ་ག་ཏཾ སཱ་མ་ཎེ་རཾ ནཱ་སེ་ཏུ་ནྟི.