ས་མཱ་རོ་པ་ན་ཧཱ་ར་ཝ་ཎྞ་ནཱ

ཨཱ་གྷཱ་ཏཱ་དཱི་ན་མ་ཀ་ར་ཎཱི་ཡ་ཏཱ་ཝ་ཙ་ནེ་ན ཁ་ནྟི་ས་མྤ་དཱ ད་སྶི་ཏཱ ཧོ་ཏི. ‘‘ཨ་པྤ་མ་ཏྟ་ཀཾ ཁོ པ་ནེ་ཏ’’ནྟི་ཨཱ་དི་ནཱ སོ་ར་ཙྩ་ས་མྤ་དཱ. ‘‘ཨ་ཏྠི བྷི་ཀྑ་ཝེ’’ཏི་ཨཱ་དི་ནཱ ཉཱ་ཎ་ས་མྤ་དཱ. ‘‘ཨ་པ་རཱ་མ་ས་ཏོ ཙ་སྶ པ་ཙྩ་ཏྟ་ཉྙེ་ཝ ནི་བྦུ་ཏི ཝི་དི་ཏཱ’’ཏི, ‘‘ཝེ་ད་ནཱ་ནཾ…པེ… ཡ་ཐཱ་བྷཱུ་ཏཾ ཝི་དི་ཏྭཱ ཨ་ནུ་པཱ་དཱ་ཝི་མུ་ཏྟོ’’ཏི ཙ ཨེ་ཏེ་ཧི ས་མཱ་དྷི་ས་མྤ་དཱ་ཡ ས་དྡྷིཾ ཝི་ཛྫཱ་ཝི་མུ་ཏྟི་ཝ་སཱི་བྷཱ་ཝ་ས་མྤ་དཱ ད་སྶི་ཏཱ. ཏ་ཏྠ ཁ་ནྟི་ས་མྤ་དཱ པ་ཊི་ས་ངྑཱ་ན་བ་ལ་སི་དྡྷི་ཏོ སོ་ར་ཙྩ་ས་མྤ་དཱ་ཡ པ་ད་ཊྛཱ་ནཾ, སོ་ར་ཙྩ་ས་མྤ་དཱ པ་ན ཨ་ཏྠ་ཏོ སཱི་ལ་མེ་ཝ, སཱི་ལཾ ས་མཱ་དྷི་ས་མྤ་དཱ་ཡ པ་ད་ཊྛཱ་ནཾ. ས་མཱ་དྷི ཉཱ་ཎ་ས་མྤ་དཱ་ཡ པ་ད་ཊྛཱ་ན་ནྟི ཨ་ཡཾ པ་ད་ཊྛཱ་ན་ས་མཱ་རོ་པ་ནཱ.

པཱ་ཎཱ་ཏི་པཱ་ཏཱ་དཱི་ཧི པ་ཊི་ཝི་ར་ཏི་ཝ་ཙ་ནཾ སཱི་ལ་སྶ པ་རི་ཡཱ་ཡ་ཝི་བྷཱ་ག་ད་སྶ་ནཾ. ས་སྶ་ཏ་ཝཱ་དཱ་དི་ཝི་བྷཱ་ག་ད་སྶ་ནཾ པ་ན དི་ཊྛི་ཡཱ པ་རི་ཡཱ་ཡ་ཝ་ཙ་ན་ནྟི ཨ་ཡཾ ཝེ་ཝ་ཙ་ན་ས་མཱ་རོ་པ་ནཱ.

སཱི་ལེ་ན ཝཱི་ཏི་ཀྐ་མ་པྤ་ཧཱ་ནཾ, ཏ་ད་ངྒ་པྤ་ཧཱ་ནཾ, དུ་ཙྩ་རི་ཏ་སཾ་ཀི་ལེ་ས་པྤ་ཧཱ་ན་ཉྩ སི་ཛ྄ཛྷ་ཏི. ས་མཱ་དྷི་ནཱ པ་རི་ཡུ་ཊྛཱ་ན་པྤ་ཧཱ་ནཾ, ཝི་ཀྑ་མྦྷ་ན་པྤ་ཧཱ་ནཾ, ཏ་ཎྷཱ་སཾ་ཀི་ལེ་ས་པྤ་ཧཱ་ན་ཉྩ སི་ཛ྄ཛྷ་ཏི. པ་ཉྙཱ་ཡ དི་ཊྛི་སཾ་ཀི་ལེ་ས་པྤ་ཧཱ་ནཾ, ས་མུ་ཙྪེ་ད་པྤ་ཧཱ་ནཾ, ཨ་ནུ་ས་ཡ་པྤ་ཧཱ་ན་ཉྩ སི་ཛ྄ཛྷ་ཏཱི་ཏི ཨ་ཡཾ པ་ཧཱ་ན་ས་མཱ་རོ་པ་ནཱ.

སཱི་ལཱ་དི་དྷ་མྨ་ཀྑ་ནྡྷེ་ཧི ས་མ་ཐ་ཝི་པ་སྶ་ནཱ་བྷཱ་ཝ་ནཱ་པཱ་རི་པཱུ་རིཾ ག་ཙྪ་ཏི པ་ཧཱ་ན་ཏྟ་ཡ་སི་དྡྷི་ཏོ་ཏི ཨ་ཡཾ བྷཱ་ཝ་ནཱ་ས་མཱ་རོ་པ་ནཱ. ཨ་ཡཾ སུ་ཏྟེ ཨཱ་ག་ཏ་དྷ་མྨཱ་ནཾ པ་ད་ཊྛཱ་ན་ཝེ་ཝ་ཙ་ན་པ་ཧཱ་ན་བྷཱ་ཝ་ནཱ་ས་མཱ་རོ་པ་ན་ཝི་ཙཱ་ར་ཎ་ལ་ཀྑ་ཎོ ས་མཱ་རོ་པ་ན་ཧཱ་རོ ནཱ་མ. ཝུ་ཏྟ་ཉྷེ་ཏཾ ‘‘ཡེ དྷ་མྨཱ ཡཾ མཱུ་ལཱ, ཡེ ཙེ་ཀ་ཏྠཱ པ་ཀཱ་སི་ཏཱ མུ་ནི་ནཱ’’ཏི་ཨཱ་དི, (ནེ་ཏྟི. ༤.༡༦) ཨ་ཡཾ སོ་ལ༹་ས་ཧཱ་ར་ཡོ་ཛ་ནཱ.

སོ་ལ༹་ས་ཧཱ་ར་ཝ་ཎྞ་ནཱ ནི་ཊྛི་ཏཱ.