༩. ཡ་ཐཱ་ཀ་མྨཱུ་པ་ག་ཏ་ཉཱ་ཎ་ཀ་ཐཱ་ཝ་ཎྞ་ནཱ

༣༧༧. དི་བྦ་ཙ་ཀྑུ་པཱ་ད་ཀ་ཏྟཱ ‘‘ཡ་ཐཱ་ཀ་མྨཱུ་པ་ག་ཏ་ཉཱ་ཎ་སྶ ཨུ་པ་ནི་སྶ་ཡེ དི་བྦ་ཙ་ཀྑུ་མྷཱི’’ཏི ཝུ་ཏྟཾ, ན ཡ་ཐཱ་ཀ་མྨཱུ་པ་ག་ཏ་ཛཱ་ན་ན་ཀི་ཙྩ་ཀེ དི་བྦ་ཙ་ཀྑུ་མྷི ཏ་སྶ ཏཾ་ཀི་ཙྩ་ཀ་ཏཱ་བྷཱ་ཝ་ཏོ. ཡ་ཏོ ཡཾ ཨ་ན་ཉྙཾ, ཏ་མྤི ཏ་ཏོ ཨ་ན་ཉྙ་མེ་ཝཱ་ཏི ཨཱ་ཧ ‘‘ཨི་མི་ནཱ…པེ… བྷ་ཝི་ཏ་བྦ’’ནྟི. ཏ་ཏྠ ཨ་ཏྠ་ནྟ་ར་བྷཱ་ཝཾ ནི་ཝཱ་རེ་ཏཱིཏི དི་བྦ་ཙ་ཀྑུ་ཉཱ་ཎ་སྶ པ་ཀྑི་ཀ་ཏྟཱ ཡ་ཐཱ་ཀ་མྨཱུ་པ་ག་ཏ་ཉཱ་ཎ་སྶ ཏ་ཏོ ཨ་ཏྠ་ནྟ་ར་བྷཱ་ཝཾ ནི་ཝཱ་རེ་ཏི. ཏ་སྶ ཧི ཏཾ པ་རི་བྷ་ཎྜ་ཉཱ་ཎཾ. དི་བྦ་ཙ་ཀྑུ་སྶ ཡ་ཐཱ་ཀ་མྨཱུ་པ་ག་ཏ་ཉཱ་ཎ་ཏོ ཨ་ཏྠ་ནྟ་ར་བྷཱ་ཝཾ ན ནི་ཝཱ་རེ་ཏི ཨ་ཏ་པྤ་ཀྑི་ཀ་ཏྟཱ་ཏི ཨ་དྷི་པྤཱ་ཡོ. དི་བྦ་ཙ་ཀྑུ་སྶ ཡ་ཐཱ་ཀ་མྨཱུ་པ་ག་ཏ་ཉཱ་ཎ་ཀི་ཙྩ་ཏཱ པ་ར་ཝཱ་དི་ནཱ ཨི་ཙྪི་ཏཱ, ན ཡ་ཐཱ་ཀ་མྨཱུ་པ་ག་ཏ་ཉཱ་ཎ་སྶ དི་བྦ་ཙ་ཀྑུ་ཀི་ཙྩ་ཏཱ་ཏི ཏ་མ་ཏྠཾ ‘‘ཡ་ཐཱ་ཀ་མྨཱུ་པ་ག་ཏ་ཉཱ་ཎ་མེ་ཝ དི་བྦ་ཙ་ཀྑུ’’ནྟི ཨེ་ཏྠ ཡོ་ཛེ་ཏྭཱ ད་སྶེ་ནྟོ ‘‘ཨེ་ཝ-ས་དྡོ ཙཱ’’ཏི་ཨཱ་དི་མཱ་ཧ.

ཡ་ཐཱ་ཀ་མྨཱུ་པ་ག་ཏ་ཉཱ་ཎ་ཀ་ཐཱ་ཝ་ཎྞ་ནཱ ནི་ཊྛི་ཏཱ.