༡༡. ནི་རོ་དྷ་ཀ་ཐཱ་ཝ་ཎྞ་ནཱ

༣༥༣. ཡེ་སཾ དྭི་ནྣནྟི ཡེ་སཾ དྭི་ནྣཾ དུ་ཀྑ་ས་ཙྩཱ་ནཾ. དྭཱི་ཧི ནི་རོ་དྷེ་ཧཱིཏི ཨ་པྤ་ཊི་ས་ངྑཱ་པ་ཊི་ས་ངྑཱ་ས་ངྑཱ་ཏེ་ཧི དྭཱི་ཧི ནི་རོ་དྷེ་ཧི. ཏ་ཏྠ དུ་ཀྑཱ་དཱི་ནཾ པ་ཊི་ས་ངྑཱ་ཏི པ་ཊི་ས་ངྑཱ, པ་ཉྙཱ་ཝི་སེ་སོ. ཏེ་ན ཝ་ཏྟ་བྦོ ནི་རོ་དྷོ པ་ཊི་ས་ངྑཱ་ནི་རོ་དྷོ. ཡོ སཱ་ས་ཝེ་ཧི དྷ་མྨེ་ཧི ཝི་སཾ་ཡོ་གོ་ཏི ཝུ་ཙྩ་ཏི, ཡོ པ་ཙྩ་ཡ་ཝེ་ཀ་ལླེ་ན དྷ་མྨཱ་ནཾ ཨུ་པྤཱ་ད་སྶ ཨ་ཙྩ་ནྟ་ཝི་བ་ནྡྷ་བྷཱུ་ཏོ ནི་རོ་དྷོ, སོ པ་ཊི་ས་ངྑཱ་ཡ ན་ཝ་ཏྟ་བྦ་ཏོ ཨ་པྤ་ཊི་ས་ངྑཱ་ནི་རོ་དྷོ ནཱ་མཱ་ཏི པ་ར་ཝཱ་དི་ནོ ལ་དྡྷི. པ་ཊི་ས་ངྑཱ་ཡ ཝི་ནཱ ནི་རུ་དྡྷཱཏི པ་ཙྩ་ཡ་ཝེ་ཀ་ལླེ་ན ཨ་ནུ་པྤ་ཏྟིཾ ས་ནྡྷཱ་ཡ ཝུ་ཏྟཾ. ཏེ་ནཱ་ཧ ‘‘ན ཨུ་པྤ་ཛྫི་ཏྭཱ བྷ་ངྒཱ’’ཏི. ཨ་ནུ་པྤཱ་དོ་པི ཧི ནི་རོ་དྷོ་ཏི ཝུ་ཙྩ་ཏི ཡ་ཏོ ‘‘ཨི་མ་སྶུ་པྤཱ་དཱ ཨི་དཾ ཨུ་པྤ་ཛྫ་ཏཱི’’ཏི ལ་ཀྑ་ཎུ་དྡེ་ས་སྶ པ་ཊི་ལོ་མེ ‘‘ཨི་མ་སྶ ནི་རོ་དྷཱ ཨི་དཾ ནི་རུ་ཛ྄ཛྷ་ཏཱི’’ཏི ད་སྶི་ཏོ. ཏེ་ནཱཏི པ་ཊི་ས་ངྑཱ་ཡ ནི་རོ་དྷ་སྶ ཁ་ཎི་ཀ་ནི་རོ་དྷ་སྶ ཙ ཨི་དྷ ནཱ་དྷི་པྤེ་ཏ་ཏྟཱ.

ནི་རོ་དྷ་ཀ་ཐཱ་ཝ་ཎྞ་ནཱ ནི་ཊྛི་ཏཱ.

དུ་ཏི་ཡ་ཝ་གྒ་ཝ་ཎྞ་ནཱ ནི་ཊྛི་ཏཱ.