༥. ཝ་ཙཱི་བྷེ་ད་ཀ་ཐཱ་ཝ་ཎྞ་ནཱ

༣༢༦. སོཏི པ་ཋ་མ་མ་གྒ་ཊྛོ. ཏ་སྨཱཏི ཡ་སྨཱ ‘‘ཝི་ར་ཛཾ ཝཱི་ཏ་མ་ལཾ དྷ་མྨ་ཙ་ཀྑུཾ ཨུ་ད་པཱ་དི ‘ཡཾ ཀི་ཉྩི ས་མུ་ད་ཡ་དྷ་མྨཾ, ས་བྦཾ ཏཾ ནི་རོ་དྷ་དྷ་མྨ’’’ནྟི སུ་ཏྟ་སྶ ཨ་ཏྠཾ ཨ་ཉྙ་ཐཱ ག་ཧེ་ཏྭཱ ཨུ་ད་ཡ་བྦ་ཡཱ་ནུ་པ་སྶ་ནཱ་ནི་སྶ་ནྡེ་ན མ་གྒ་ཀྑ་ཎེ་པི དུ་ཀྑ་ནྟི ཝི་པ་སྶ་ནཱ ཨུ་པ་ཊྛཱ་ཏི, ཏ་སྨཱ ‘‘སོ དུ་ཀྑ་མི་ཙྩེ་ཝ ཝཱ་ཙཾ བྷཱ་ས་ཏཱི’’ཏི ཝ་ད་ནྟི.

༣༢༨. ཨི་ཙྪི་ཏེཏི པ་ར་ཝཱ་དི་ནཱ ས་མྤ་ཊི་ཙྪི་ཏེ. ཨཱ་རོ་པི་ཏེཏི ཡུ་ཏྟི་ནི་དྡྷཱ་ར་ཎེ་ན ཏ་སྨིཾ ཨ་ཏྠེ པ་ཏི་ཊྛཱ་པི་ཏེ ཡུ་ཛྫ་ཏི, ཝ་ཙཱི་ས་མུ་ཊྛཱ་པ་ན་ཀྑ་ཎ་ཏོ པ་ན པ་ཙྪཱ ཏཾ ས་དྡཾ སུ་ཎཱ་ཏཱི་ཏི ཨི་ཙྪི་ཏེ ན ཡུ་ཛྫ་ཏི སོ་ཏ་ཝི་ཉྙཱ་ཎ་སྶ པ་ཙྩུ་པྤ་ནྣཱ་ར་མྨ་ཎ་ཏྟཱ་ཏི ཨ་དྷི་པྤཱ་ཡོ. ཡ་སྨཱ པ་ན ཨ་ཏྟ་ནཱ ནི་ཙྪཱ་རི་ཏཾ ས་དྡཾ ཨ་ཏྟ་ནཱ་པི སུ་ཎཱ་ཏི, ཏ་སྨཱ སོ་ཏ་ཝི་ཉྙཱ་ཎཾ ‘‘ཡེ་ན ཏཾ ས་དྡཾ སུ་ཎཱ་ཏཱི’’ཏི ཨ་ཊྛ་ཀ་ཐཱ་ཡཾ ཝུ་ཏྟ་ནྟི ད་ཊྛ་བྦཾ.

༣༣༢. ལོ་ཀུ་ཏྟ་ར་མ་གྒ་ཀྑ་ཎེཏི པ་ཋ་མ་ཛ྄ཛྷཱ་ནི་ཀ་སྶ པ་ཋ་མ་མ་གྒ་སྶ ཁ་ཎེ. ཨ་བྷི་བྷཱུ་སུ་ཏྟཱ་ཧ་ར་ཎེ ཨ་དྷི་པྤཱ་ཡོ ཝ་ཏྟ་བྦོཏི ཨེ་ཏེ་ན ཏ་དཱ་ཧ་ར་ཎ་སྶ ཨ་ས་མྦ་ནྡྷ་ཏཾ ད་སྶེ་ཏི. ཏེ་ནཱ་ཧ ‘‘ཏ་སྨཱ ཨ་སཱ་དྷ་ཀ’’ནྟི.

ཝ་ཙཱི་བྷེ་ད་ཀ་ཐཱ་ཝ་ཎྞ་ནཱ ནི་ཊྛི་ཏཱ.