༤. ནི་ཡ་ཏ་སྶ་ནི་ཡཱ་མ་ཀ་ཐཱ་ཝ་ཎྞ་ནཱ

༦༦༣-༦༦༤. ཨ་པྤ་ཏྟ་ནི་ཡཱ་མཱ་ནནྟི ཡེ ཨ་ནུ་པྤ་ནྣ་མི་ཙྪ་ཏྟ་ས་མྨ་ཏྟ་ནི་ཡ་ཏ་དྷ་མྨཱ པུ་གྒ་ལཱ, ཏེ་སཾ དྷ་མྨེ. ཀེ པ་ན ཏེ? ཡ་ཐཱ་ཝུ་ཏྟ་པུ་གྒ་ལ་ས་ནྟཱ་ན་པ་རི་ཡཱ་པ་ནྣཱ དྷ་མྨཱ. ཏེ ཧི བྷཱུ་མི་ཏྟ་ཡ་པ་རི་ཡཱ་པ་ནྣ་ཏཱ་ཡ ‘‘ཏེ་བྷཱུ་མ་ཀཱ’’ཏི ཝུ་ཏྟཱ. ཡེ པ་ན པ་ཏྟ་ནི་ཡཱ་མཱ་ནཾ ས་ནྟཱ་ནེ པ་ཝ་ཏྟཱ ཨ་ནི་ཡ་ཏ་དྷ་མྨཱ, ན ཏེ་ས་མེ་ཏྠ ས་ངྒ་ཧོ ཀ་ཏོ. ན ཧི ཏེ་ཧི ས་མ་ནྣཱ་ག་མེ་ན ཨ་ནི་ཡ་ཏ་ཏཱ ཨ་ཏྠི. ཏེ་ནེ་ཝཱ་ཧ ‘‘ཏེ་ཧི ས་མ་ནྣཱ་ག་ཏོ་པི ཨ་ནི་ཡ་ཏོ་ཡེ་ཝཱ’’ཏི. ཨི་མཾ ཝོ་ཧཱ་ར་མ་ཏྟནྟི ཨི་མི་ནཱ ནི་ཡཱ་མོ ནཱ་མ ཀོ་ཙི དྷ་མྨོ ན་ཏྠི, ཨུ་པ་ཙི་ཏ་ས་མྦྷཱ་ར་ཏཱ་ཡ ཨ་བྷི་ས་མྦུ་ཛ྄ཛྷི་ཏུཾ བྷ་བྦ་ཏཱ་ཝ ཏ་ཐཱ ཝུ་ཙྩ་ཏཱི་ཏི ད་སྶེ་ཏི. ནི་ཡ་ཏོ་ཏི ཝ་ཙ་ན་སྶ ཀཱ་ར་ཎ་བྷཱ་ཝེ་ན ཝུ་ཏྟོ་ཏི ཡོ་ཛ་ནཱ. ཨུ་བྷ་ཡ་སྶ་པཱིཏི ནི་ཡ་ཏོ ནི་ཡཱ་མཾ ཨོ་ཀྐ་མ་ཏཱི་ཏི ཝ་ཙ་ན་དྭ་ཡ་སྶ.

ནི་ཡ་ཏ་སྶ་ནི་ཡཱ་མ་ཀ་ཐཱ་ཝ་ཎྞ་ནཱ ནི་ཊྛི་ཏཱ.