༡༠. ཨ་ནི་ཙྩ་ཏཱ་ཀ་ཐཱ་ཝ་ཎྞ་ནཱ

༦༢༨. རཱུ་པཱ་དཱི་ནཾ ཨ་ནི་ཙྩ་ཏཱ རཱུ་པཱ་དི་ཀེ ས་ཏི ཧོ་ཏི, ཨ་ས་ཏི ན ཧོ་ཏཱི་ཏི ཨི་མི་ནཱ པ་རི་ཡཱ་ཡེ་ན ཏ་སྶཱ ཏེ་ཧི ས་ཧ ཨུ་པྤཱ་ད་ནི་རོ་དྷོ ཝུ་ཏྟོ, ཨུ་པྤཱ་དཱ་དཱི་སུ ཏཱི་སུ ལ་ཀྑ་ཎེ་སུ ཨ་ནི་ཙྩ་ཏཱ་ཝོ་ཧཱ་རོ ཧོ་ཏཱི་ཏི ཡ་ཐཱ ཏ་ཡོ ད་ཎྜེ ཨུ་པཱ་དཱ་ཡ པ་ཝ་ཏྟོ ཏི་ད་ཎྜ་ཝོ་ཧཱ་རོ ཏེ་སུ ས་བྦེ་སུ ཧོ་ཏི, ཨེ་ཝཾ ཛཱ་ཏི་ཛ་རཱ་མ་ར་ཎ་དྷ་མྨོ ན ནི་ཙྩོ ཨ་ནི་ཙྩོ, ཏ་སྶ ཛཱ་ཏི་ཨཱ་དི་པ་ཀ་ཏི་ཏཱ ཨ་ནི་ཙྩ་ཏཱ་ས་དྡེ་ན ཝུ་ཙྩ་ཏཱི་ཏི ཨུ་པྤཱ་དཱ་དཱི་སུ ལ་ཀྑ་ཎེ་སུ ཨ་ནི་ཙྩ་ཏཱ་ཝོ་ཧཱ་རོ ས་མྦྷ་ཝ་ཏཱི་ཏི ཝུ་ཏྟཾ ‘‘ཏཱི་སུ…པེ… ཧོ་ཏཱི’’ཏི. ཝི་བྷཱ་གཱ་ནུ་ཡུ་ཉྫ་ན་ཝ་སེ་ནཱཏི པ་བྷེ་དཱ་ནུ་ཡུ་ཉྫ་ན་ཝ་སེ་ན. ཏ་ཏྠ ཡ་ཐཱ ཛ་རཱ་བྷ་ངྒ་ཝ་སེ་ན ཨ་ནི་ཙྩ་ཏཱ པཱ་ཀ་ཊཱ ཧོ་ཏི, ན ཏ་ཐཱ ཛཱ་ཏི་ཝ་སེ་ནཱ་ཏི པཱ་ལི༹་ཡཾ ཛ་རཱ་མ་ར་ཎ་ཝ་སེ་ནེ་ཝ ཨ་ནི་ཙྩ་ཏཱ་ཝི་བྷཱ་གོ ད་སྶི་ཏོ་ཏི ད་ཊྛ་བྦཾ.

ཨ་ནི་ཙྩ་ཏཱ་ཀ་ཐཱ་ཝ་ཎྞ་ནཱ ནི་ཊྛི་ཏཱ.

ཨེ་ཀཱ་ད་ས་མ་ཝ་གྒ་ཝ་ཎྞ་ནཱ ནི་ཊྛི་ཏཱ.