༧. སཱི་ལཾ་ཨ་ཙེ་ཏ་སི་ཀ་ནྟི་ཀ་ཐཱ་ཝ་ཎྞ་ནཱ

༥༩༠-༥༩༤. ཋི་ཏེ་ན ཨ་ཝི་ན་ཊྛེ་ན. ཨུ་པ་ཙ་ཡེ་ནཱཏི སཱི་ལ་བྷཱུ་ཏེ་ན ཀ་མྨཱུ་པ་ཙ་ཡེ་ན. ‘‘དཱ་ནཾ ཨ་ཙེ་ཏ་སི་ཀ’’ནྟི ཀ་ཐཱ་ཡཾ ཝུ་ཏྟ་ན་ཡེ་ནཱཏི ཡ་ཐཱ ‘‘ན ཝ་ཏྟ་བྦཾ ཙེ་ཏ་སི་ཀོ དྷ་མྨོ དཱ་ན་ནྟི? ཨཱ་མ་ནྟཱ. དཱ་ནཾ ཨ་ནི་ཊྛ་ཕ་ལ་ནྟི…པེ… ཏེ་ན ཧི ཙེ་ཏ་སི་ཀོ དྷ་མྨོ དཱ་ན’’ནྟི པཱ་ལི༹ པ་ཝ་ཏྟཱ, ཨེ་ཝཾ ཏ་ད་ནུ་སཱ་རེ་ན ‘‘ན ཝ་ཏྟ་བྦཾ ཙེ་ཏ་སི་ཀཾ སཱི་ལ་ནྟི? ཨཱ་མ་ནྟཱ. སཱི་ལཾ ཨ་ནི་ཊྛ་ཕ་ལ’’ནྟི་ཨཱ་དི་ནཱ སཱི་ལ་སྶ ཙེ་ཏ་སི་ཀ་བྷཱ་ཝ་སཱ་དྷ་ཀཱ་ནི སུ་ཏྟ་པ་དཱ་ནི ཙ ཨཱ་ནེ་ཏྭཱ ཏ་ད་ཏྠ་ད་སྶ་ན་ཝ་སེ་ན ཨ་ཙེ་ཏ་སི་ཀོ རཱུ་པཱ་དི་དྷ་མྨོ ཨཱ་ཡ་ཏིཾ ཝི་པཱ་ཀཾ དེ་ཏི. ཡ་དི སོ སཱི་ལཾ བྷ་ཝེ་ཡྻ, ཝི་ནཱ སཾ་ཝ་ར་ས་མཱ་དཱ་ནེ་ན ཝི་ནཱ ཝི་ར་ཏི་ཡཱ སཱི་ལ་ཝཱ ནཱ་མ སི་ཡཱ. ཡ་སྨཱ པ་ན ས་མཱ་དཱ་ན་ཙེ་ཏ་ནཱ ཝི་ར་ཏི སཾ་ཝ་རོ སཱི་ལཾ, ཏ་སྨཱ ‘‘སཱི་ལཾ ཨི་ཊྛ་ཕ་ལཾ ཀ་ནྟ་ཕ་ལ’’ནྟི་ཨཱ་དི་ནཱ ཡོ་ཛ་ནཱ ཀཱ་ཏ་བྦཱ་ཏི ཨི་མ་མ་ཏྠཾ ས་ནྡྷཱ་ཡ ཝུ་ཏྟཾ ‘‘ཝུ་ཏྟ་ན་ཡེ་ནཱ’’ཏི, ཝུ་ཏྟ་ན་ཡཱ་ནུ་སཱ་རེ་ནཱ་ཏི ཨ་ཏྠོ. ཡ་སྨཱ པ་ན པཱ་ལི༹་ཡཾ ཡ་ཐཱ ‘‘སཱི་ལཾ ཨ་ཙེ་ཏ་སི་ཀ’’ནྟི ཀ་ཐཱ ཨཱ་ག་ཏཱ, ཏ་ཐཱ ‘‘དཱ་ནཾ ཨ་ཙེ་ཏ་སི་ཀ’’ནྟི ཝི་སུཾ ཨཱ་ག་ཏཱ ཀ་ཐཱ ན་ཏྠི, ཏ་སྨཱ ‘‘སཱ པ་ན ཀ་ཐཱ མ་གྒི་ཏ་བྦཱ’’ཏི ཝུ་ཏྟཾ.

སཱི་ལཾ་ཨ་ཙེ་ཏ་སི་ཀ་ནྟི་ཀ་ཐཱ་ཝ་ཎྞ་ནཱ ནི་ཊྛི་ཏཱ.