༣. ཏི་ཀ་ནི་དྡེ་ས་ཝ་ཎྞ་ནཱ

༩༡. སེ་ས་སཾ་ཝ་ར་བྷེ་དེ་ནཱཏི ཀཱ་ཡི་ཀ་ཝཱ་ཙ་སི་ཀ་ཝཱི་ཏི་ཀྐ་མ་ཏོ སེ་སེ་ན སཾ་ཝ་ར་ཝི་ནཱ་སེ་ན. སོ པ་ན དྭཱ་ར་ཝ་སེ་ན ཝུ་ཙྩ་མཱ་ནོ མ་ནོ་དྭཱ་རི་ཀོ ཧོ་ཏཱི་ཏི ཨཱ་ཧ ‘‘མ་ནོ་སཾ་ཝ་ར་བྷེ་དེ་ནཱ’’ཏི. ཨི་དཱ་ནི ཏཾ པ་ཀཱ་ར་བྷེ་དེ་ན ད་སྶེ་ནྟོ ‘‘ས་ཏི་སཾ་ཝ་རཱ་དི་བྷེ་དེ་ན ཝཱ’’ཏི ཨཱ་ཧ, མུ་ཊྛ་ས་ཙྩཱ་དི་པྤ་ཝ་ཏྟི་ཡཱ་ཏི ཨ་ཏྠོ. ཡཾ ཀི་ཉྩི ས་བྷཱ་ཝ་བྷཱུ་ཏཾ ཙ་རི་ཏ་མྤི ‘‘སཱི་ལ’’ནྟི ཝུ་ཙྩ་ཏཱི་ཏི ཨ་ཀུ་ས་ལ་སྶ་པི སཱི་ལ་པ་རི་ཡཱ་ཡོ ཝུ་ཏྟོ.

༩༤. ས་མཱ་ན་ཝི་ས་ཡཱ་ནནྟི པ་ཋ་མ་ཕ་ལཱ་དི་ཀོ ས་མཱ་ནོ ཨེ་ཝ་རཱུ་པོ ཝི་ས་ཡོ ཨེ་ཏེ་ས་ནྟི ས་མཱ་ན་ཝི་ས་ཡཱ, ཏེ་སཾ.

༡༠༧. ཏ་ད་ཏྠོ ཏ་པྤ་ཡོ་ཛ་ནོ ལོ་ཀུ་ཏྟ་ར་སཱ་དྷ་ཀོ་ཏི ཨ་ཏྠོ. ཏ་སྶ པ་ར་མ་ཏྠ་སཱ་ས་ན་སྶ. མཱུ་ལེ་ཀ་དེ་ས་ཏྟཱཏི མཱུ་ལ་བྷཱ་ཝེ་ན ཨེ་ཀ་དེ་ས་ཏྟཱ.

༡༡༨. ཨུ་ནྣ་ལོ༹ ཨུ་གྒ་ཏ་ཏུ་ཙྪ་མཱ་ནོ.

༡༢༣. སཱི་ལ་སྶ ཨ་ནུ་གྒ་ཎྷ་ནཾ ཨ་པ་རི་སུ་དྡྷི་ཡཾ སོ་དྷ་ནཾ ཨ་པཱ་རི་པཱུ་རི་ཡཾ པཱུ་ར་ཎ་ཉྩཱ་ཏི ཨཱ་ཧ ‘‘སོ་དྷེ་ཏ་བྦེ ཙ ཝ་ཌྜྷེ་ཏ་བྦེ ཙཱ’’ཏི. ཨ་དྷི་སཱི་ལཾ ནི་སྶཱ་ཡཱཏི ཨ་དྷི་སཱི་ལཾ ནི་སྶ་ཡཾ ཀ་ཏྭཱ ཨུ་པྤ་ནྣ་པ་ཉྙཱ་ཡ.

༡༢༤. གཱུ་ཐ་ས་དི་ས་ཏྟ་མེ་ཝ ད་སྶེ་ཏི, ན གཱུ་ཐ་ཀཱུ་པ་ས་དི་ས་ཏྟ་ནྟི ཨ་དྷི་པྤཱ་ཡོ. གཱུ་ཐ་ཝ་སེ་ནེ་ཝ ཧི ཀཱུ་པ་སྶ་པི ཛི་གུ་ཙྪ་ནཱི་ཡ་ཏཱ་ཏི. ཨ་ཡ་ཉྩ ཨ་ཏྠོ གཱུ་ཐ་རཱ་སི་ཡེ་ཝ གཱུ་ཐ་ཀཱུ་པོ་ཏི ཨི་མ་སྨིཾ པ་ཀྑེ ན་ཝ་ཏྟ་བྦོ སི་ཡཱ.

༡༣༠. ས་ར་བྷ་ངྒ་ས་ཏྠཱ་རཱ་ད་ཡོ རཱུ་པ་བྷ་ཝཱ་དི་ཀཱ་མཱ་དི་པ་རི་ཉྙཾ ཀ་ཏྭཱ པ་ཉྙ་པེ་ནྟོ ལོ་ཀི་ཡཾ པ་རི་ཉྙཾ ས་མྨ་དེ་ཝ པ་ཉྙ་པེ་ནྟཱི་ཏི ཨཱ་ཧ ‘‘ཡེ་བྷུ་ཡྻེ་ན ན ས་ཀྐོ་ནྟཱི’’ཏི. ཨ་ས་མ་ཏྠ་བྷཱ་ཝཾ ཝཱ ས་ནྡྷཱ་ཡ ནོ ཙ པ་ཉྙཱ་པེ་ཏུཾ ས་ཀྐོ་ནྟཱི་ཏི ཝུ་ཏྟ་ནྟི ཡོ་ཛ་ནཱ.

ཏི་ཀ་ནི་དྡེ་ས་ཝ་ཎྞ་ནཱ ནི་ཊྛི་ཏཱ.