༥. ཙཱི་ཝ་ར་ཨ་ཙྪི་ནྡ་ན་སི་ཀྑཱ་པ་ད་ཝ་ཎྞ་ནཱ
༦༣༡. པ་ཉྩ་མེ ཡ་མྤི ཏྱཱ་ཧནྟི ཨེ་ཏྠ ཡནྟི ཀཱ་ར་ཎ་ཝ་ཙ་ནཾ, ཏ་སྨཱ ཨེ་ཝ་མེ་ཏྠ ས་མྦ་ནྡྷོ ཝེ་དི་ཏ་བྦོ – མ་ཡཱ ས་དྡྷིཾ ཛ་ན་པ་ད་ཙཱ་རི་ཀཾ པ་ཀྐ་མི་སྶ་ཏཱི་ཏི ཡཾ ཀཱ་ར་ཎཾ ནི་སྶཱ་ཡ ཨ་ཧཾ ཏེ, ཨཱ་ཝུ་སོ, ཙཱི་ཝ་རཾ ཨ་དཱ་སིཾ, ཏཾ ན ཀ་རོ་སཱི་ཏི ཀུ་པི་ཏོ ཨ་ན་ཏྟ་མ་ནོ ཨ་ཙྪི་ནྡཱི་ཏི. ཡནྟི ཝཱ ཙཱི་ཝ་རཾ པ་རཱ་མ་ས་ཏི, ཏ་ཏྠ ‘‘མ་ཡཱ ས་དྡྷིཾ ཛ་ན་པ་ད་ཙཱ་རི་ཀཾ པ་ཀྐ་མི་སྶ་ཏཱི་ཏི ཡ་མྤི ཏེ ཨ་ཧཾ ཙཱི་ཝ་རཾ ཨ་དཱ་སིཾ, ཏཾ ཙཱི་ཝ་རཾ ག་ཎྷི་སྶཱ་མཱི་ཏི ཀུ་པི་ཏོ ཨ་ན་ཏྟ་མ་ནོ ཨ་ཙྪི་ནྡཱི’’ཏི ས་མྦ་ནྡྷི་ཏ་བྦཾ.
༦༣༣. ཨཱ་ཎ་ཏྟོ བ་ཧཱུ་ནི ག་ཎྷཱ་ཏི, ཨེ་ཀཾ པཱ་ཙི་ཏྟི་ཡནྟི ‘‘ཙཱི་ཝ་རཾ ག་ཎྷཱ’’ཏི ཨཱ་ཎ་ཏྟི་ཡཱ ཨེ་ཀ་ཙཱི་ཝ་ར་ཝི་ས་ཡ་ཏྟཱ ཨེ་ཀ་མེ་ཝ པཱ་ཙི་ཏྟི་ཡཾ. ཝཱ་ཙཱ་ཡ ཝཱ་ཙཱ་ཡ དུ་ཀྐ་ཊནྟི ཨེ་ཏྠ ཨ་ཙྪི་ནྣེ་སུ ཝ་ཏྠུ་ག་ཎ་ནཱ་ཡ པཱ་ཙི་ཏྟི་ཡཱ་ནི. ཨེ་ཀ་ཝཱ་ཙཱ་ཡ ས་མྦ་ཧུ་ལཱ ཨཱ་པ་ཏྟི་ཡོཏི ཨི་དཾ ཨ་ཙྪི་ནྣེ་སུ ཝ་ཏྠུ་ག་ཎ་ནཱ་ཡ ཨཱ་པ་ཛྫི་ཏ་བྦཾ པཱ་ཙི་ཏྟི་ཡཱ་པ་ཏྟིཾ ས་ནྡྷཱ་ཡ ཝུ་ཏྟཾ. ཨཱ་ཎ་ཏྟི་ཡཱ ཨཱ་པ་ཛྫི་ཏ་བྦཾ པ་ན དུ་ཀྐ་ཊཾ ཨེ་ཀ་མེ་ཝ.
༦༣༤. ཨེ་ཝནྟི ཨི་མི་ནཱ ‘‘ཝ་ཏྠུ་ག་ཎ་ནཱ་ཡ དུ་ཀྐ་ཊཱ་ནཱི’’ཏི ཨི་དཾ པ་རཱ་མ་ས་ཏི. ཨེ་སེ་ཝ ན་ཡོཏི སི་ཐི་ལཾ གཱ་ལ༹ྷ་ཉྩ པ་ཀྑི་ཏྟཱ་སུ ཨཱ་པ་ཏྟི་ཡཱ བ་ཧུ་ཏྟཾ ཨེ་ཀ་ཏྟ་ཉྩ ཨ་ཏི་དི་སྶ་ཏི.
༦༣༥. ཨཱ་ཝུ་སོ, མ་ཡནྟི་ཨཱ་དཱི་སུ ག་ཎྷི་ཏུ་ཀཱ་མ་ཏཱ་ཡ ཨེ་ཝཾ ཝུ་ཏྟེ་པི ཏེ་ནེ་ཝ དི་ནྣ་ཏྟཱ ཨ་ནཱ་པ་ཏྟི. ཨ་མྷཱ་ཀཾ ས་ནྟི་ཀེ ཨུ་པ་ཛ྄ཛྷཾ ག་ཎྷི་སྶ་ཏཱིཏི ཨི་དཾ སཱ་མ་ཎེ་ར་སྶ་པི དཱ་ནཾ དཱི་པེ་ཏི. ཏ་སྨཱ ཀི་ཉྩཱ་པི པཱ་ལི༹་ཡཾ ‘‘བྷི་ཀྑུ་སྶ སཱ་མཾ ཙཱི་ཝ་རཾ ད་ཏྭཱ’’ཏི ཝུ་ཏྟཾ, ཏ་ཐཱ་པི ཨ་ནུ་པ་ས་མྤ་ནྣ་ཀཱ་ལེ ད་ཏྭཱ་པི ཨུ་པ་ས་མྤ་ནྣ་ཀཱ་ལེ ཨ་ཙྪི་ནྡ་ནྟ་སྶ པཱ་ཙི་ཏྟི་ཡ་མེ་ཝཱ་ཏི ཝེ་དི་ཏ་བྦཾ. ཨ་ཙྪི་ནྡ་ན་ས་མ་ཡེ ཨུ་པ་ས་མྤ་ནྣ་བྷཱ་ཝོ་ཡེ་ཝ ཧེ་ཏྠ པ་མཱ་ཎཾ. དེ་ཏཱིཏི ཏུ་ཊྛོ ཝཱ ཀུ་པི་ཏོ ཝཱ དེ་ཏི. རུ་ནྡྷ་ཐཱཏི ནི་ཝཱ་རེ་ཐ. ཨེ་ཝཾ པ་ན དཱ་ཏུཾ ན ཝ་ཊྚ་ཏཱིཏི ཨེ་ཏྠ ཨེ་ཝཾ དི་ནྣཾ ན ཏཱ་ཝ ཏ་སྶ ས་ནྟ་ཀ་ནྟི ཨ་ན་དྷི་ཊྛ་ཧི་ཏྭཱ་ཝ པ་རི་བྷུ་ཉྫི་ཏ་བྦ་ནྟི ཝེ་དི་ཏ་བྦཾ. ཨཱ་ཧ་རཱ་པེ་ཏུཾ པ་ན ཝ་ཊྚ་ཏཱིཏི ཨེ་ཝཾ དི་ནྣཾ བྷ་ཏི་ས་དི་ས་ཏྟཱ ཨཱ་ཧ་རཱ་པེ་ཏུཾ ཝ་ཊྚ་ཏི. ཙ་ཛི་ཏྭཱ དི་ནྣནྟི ཝུ་ཏྟ་ན་ཡེ་ན ཨ་ད་ཏྭཱ ཨ་ན་པེ་ཀྑེ་ན ཧུ་ཏྭཱ ཏ་སྶེ་ཝ དི་ནྣཾ. བྷ་ཎྜ་གྒྷེ་ན ཀཱ་རེ་ཏ་བྦོཏི ས་ཀ་ས་ཉྙཱ་ཡ ཝི་ནཱ ག་ཎྷ་ནྟོ བྷ་ཎྜཾ ཨ་གྒྷཱ་པེ་ཏྭཱ ཨཱ་པ་ཏྟི་ཡཱ ཀཱ་རེ་ཏ་བྦོ. ཝི་ཀ་པྤ་ནུ་པ་ག་པ་ཙྪི་མ་ཙཱི་ཝ་ར་ཏཱ, སཱ་མཾ དི་ནྣ་ཏཱ, ས་ཀ་ས་ཉྙི་ཏཱ, ཨུ་པ་ས་མྤ་ནྣ་ཏཱ, ཀོ་དྷ་ཝ་སེ་ན ཨ་ཙྪི་ནྡ་ནཾ ཨ་ཙྪི་ནྡཱ་པ་ནཾ ཝཱ་ཏི ཨི་མཱ་ནེ་ཏྠ པ་ཉྩ ཨ་ངྒཱ་ནི.
ཙཱི་ཝ་ར་ཨ་ཙྪི་ནྡ་ན་སི་ཀྑཱ་པ་ད་ཝ་ཎྞ་ནཱ ནི་ཊྛི་ཏཱ.