པ་ཋ་མ་གཱ་ཐཱ་ས་ངྒ་ཎི་ཀཾ
ས་ཏྟ་ན་ག་རེ་སུ པ་ཉྙ་ཏྟ་སི་ཀྑཱ་པ་ད་ཝ་ཎྞ་ནཱ
༣༣༥. ཨ་ཌྜྷུ་ཌྜྷ་ས་ཏཱ་ནཱིཏི ཏཱི་ཎི ས་ཏཱ་ནི པ་ཉྙཱ་ས་ཉྩ སི་ཀྑཱ་པ་དཱ་ནི. ཝི་གྒ་ཧནྟི མ་ནུ་སྶ་ཝི་གྒ་ཧཾ. ཨ་ཏི་རེ་ཀནྟི ད་སཱ་ཧ་པ་ར་མཾ ཨ་ཏི་རེ་ཀ་ཙཱི་ཝ་རཾ. ཀཱ་ལ༹་ཀནྟི ‘‘སུ་དྡྷ་ཀཱ་ལ༹་ཀཱ་ན’’ནྟི ཝུ་ཏྟ་ཀཱ་ལ༹་ཀཾ. བྷཱུ་ཏནྟི བྷཱུ་ཏཱ་རོ་ཙ་ནཾ. པ་ར་མྤ་ར་བྷ་ཏྟནྟི པ་ར་མྤ་ར་བྷོ་ཛ་ནཾ. བྷི་ཀྑུ་ནཱི་སུ ཙ ཨ་ཀྐོ་སོཏི ‘‘ཡཱ པ་ན བྷི་ཀྑུ་ནཱི བྷི་ཀྑུཾ ཨ་ཀྐོ་སེ་ཡྻ ཝཱ པ་རི་བྷཱ་སེ་ཡྻ ཝཱ’’ཏི (པཱ་ཙི. ༡༠༢༩) ཝུ་ཏྟ་སི་ཀྑཱ་པ་དཾ. ཨ་ནྟ་ར་ཝཱ་ས་ཀནྟི ཨ་ཉྙཱ་ཏི་ཀཱ་ཡ བྷི་ཀྑུ་ནི་ཡཱ ཙཱི་ཝ་ར་པ་ཊི་གྒ་ཎྷ་ནཾ. རཱུ་པི་ཡནྟི རཱུ་པི་ཡ་སཾ་ཝོ་ཧཱ་རཾ. སུ་ཏྟནྟི ‘‘སཱ་མཾ སུ་ཏྟཾ ཝི་ཉྙཱ་པེ་ཏྭཱ ཏ་ནྟ་ཝཱ་ཡེ་ཧཱི’’ཏི (པཱ་རཱ. ༦༣༧) ཝུ་ཏྟ་སི་ཀྑཱ་པ་དཾ. ཨུ་ཛ྄ཛྷཱ་པ་ན་ཀེཏི ཨུ་ཛ྄ཛྷཱ་པ་ན་ཀེ ཁི་ཡྻ་ན་ཀེ པཱ་ཙི་ཏྟི་ཡཾ. པཱ་ཙི་ཏ་པི་ཎྜནྟི བྷི་ཀྑུ་ནཱི་པ་རི་པཱ་ཙི་ཏཾ. ཙཱི་ཝ་རཾ ད་ཏྭཱཏི ‘‘ས་མ་གྒེ་ན ས་ངྒྷེ་ན ཙཱི་ཝ་རཾ ད་ཏྭཱ’’ཏི (པཱ་ཙི. ༤༨༥) ཝུ་ཏྟ་སི་ཀྑཱ་པ་དཾ. ཝོ་སཱ་ས་ནྟཱིཏི ‘‘བྷི་ཀྑཱུ པ་ནེ་ཝ ཀུ་ལེ་སུ ནི་མ་ནྟི་ཏཱ བྷུ་ཉྫ་ནྟི, ཏ་ཏྲ ཙེ་སཱ བྷི་ཀྑུ་ནཱི’’ཏི (པཱ་ཙི. ༥༥༨) ཝུ་ཏྟ་པཱ་ཊི་དེ་ས་ནཱི་ཡཾ. གི་ར་གྒནྟི ‘‘ཡཱ པ་ན བྷི་ཀྑུ་ནཱི ན་ཙྩཾ ཝཱ གཱི་ཏཾ ཝཱ’’ཏི (པཱ་ཙི. ༨༣༤) ཝུ་ཏྟ་སི་ཀྑཱ་པ་དཾ. ཙ་རི་ཡཱཏི ‘‘ཨ་ནྟོ་ཝ་སྶཾ ཙཱ་རི་ཀཾ ཙ་རེ་ཡྻཱ’’ཏི (པཱ་ཙི. ༩༧༠) ཙ, ‘‘ཝ་སྶཾ་ཝུ་ཏྠཱ ཙཱ་རི་ཀཾ ན པ་ཀྐ་མེ་ཡྻཱ’’ཏི (པཱ་ཙི. ༩༧༤) ཙ ཝུ་ཏྟ་སི་ཀྑཱ་པ་ད་དྭ་ཡཾ. ཚ་ནྡ་དཱ་ནེ་ནཱཏི པཱ་རི་ཝཱ་སི་ཀེ་ན ཚ་ནྡ་དཱ་ནེ་ན.
པཱ་རཱ་ཛི་ཀཱ་ནི ཙ་ཏྟཱ་རཱིཏི བྷི་ཀྑུ་ནཱི་ནཾ ཙ་ཏྟཱ་རི པཱ་རཱ་ཛི་ཀཱ་ནི. ཀུ་ཊཱིཏི ཀུ་ཊི་ཀཱ་ར་སི་ཀྑཱ་པ་དཾ. ཀོ་སི་ཡནྟི ཀོ་སི་ཡ་མི་སྶ་ཀ་སི་ཀྑཱ་པ་དཾ. སེ་ཡྻཱཏི ཨ་ནུ་པ་ས་མྤ་ནྣེ་ན ས་ཧ་སེ་ཡྻ་སི་ཀྑཱ་པ་དཾ. ཁ་ཎ་ནེཏི པ་ཐ་ཝཱི་ཁ་ཎ་ནཾ. ག་ཙྪ དེ་ཝ་ཏེཏི བྷཱུ་ཏ་གཱ་མ་སི་ཀྑཱ་པ་དཾ. སི་ཉྩནྟི ས་པྤཱ་ཎ་ཀ་ཨུ་ད་ཀ་སི་ཉྩ་ནཾ. མ་ཧཱ་ཝི་ཧཱ་རོཏི མ་ཧ་ལླ་ཀ་ཝི་ཧཱ་རོ. ཨ་ཉྙནྟི ཨ་ཉྙ་ཝཱ་ད་ཀཾ. དྭཱ་རནྟི ཡཱ་ཝ དྭཱ་ར་ཀོ་སཱ. ས་ཧ་དྷ་མྨོཏི ས་ཧ་དྷ་མྨི་ཀཾ ཝུ་ཙྩ་མཱ་ནོ. པ་ཡོ་པཱ་ནནྟི སུ་རུ་སུ་རུ་ཀཱ་ར་ཀཾ. ཨེ་ལ༹་ཀ་ལོ་མཱ་ནཱིཏི ཨེ་ལ༹་ཀ་ལོ་མ་དྷོ་ཝཱ་པ་ནཾ. པ་ཏྟོཏི ཨཱུ་ན་པ་ཉྩ་བ་ནྡྷ་ན་པ་ཏྟོ. ཨོ་ཝཱ་དོཏི བྷི་ཀྑུ་ནུ་པ་སྶ་ཡཾ ཨུ་པ་ས་ངྐ་མི་ཏྭཱ ཨོ་ཝཱ་དོ. བྷེ་ས་ཛྫནྟི ཏ་དུ་ཏྟ་རི་བྷེ་ས་ཛྫ་ཝི་ཉྙཱ་པ་ནཾ. སཱུ་ཙཱིཏི ཨ་ཊྛི་མ་ཡཱ་དི་སཱུ་ཙི་གྷ་རཾ. ཨཱ་ར་ཉྙི་ཀོཏི ‘‘ཡཱ་ནི ཁོ པ་ན ཏཱ་ནི ཨཱ་ར་ཉྙ་ཀཱ་ནི སེ་ནཱ་ས་ནཱ་ནཱི’’ཏི་ཨཱ་དི་ནཱ (པཱ་ཙི. ༥༧༠) ཝུ་ཏྟ་པཱ་ཊི་དེ་ས་ནཱི་ཡཾ. ཨོ་ཝཱ་དོཏི ‘‘ཡཱ པ་ན བྷི་ཀྑུ་ནཱི ཨོ་ཝཱ་དཱ་ཡ ཝཱ སཾ་ཝཱ་སཱ་ཡ ཝཱ ན ག་ཙྪེ་ཡྻཱ’’ཏི (པཱ་ཙི. ༡༠༥༥) ཝུ་ཏྟ་སི་ཀྑཱ་པ་དཾ.
པཱ་རཱ་ཛི་ཀཱ་ནི ཙ་ཏྟཱ་རཱིཏི་ཨཱ་དི་ནཱ ཚ་སུ ན་ག་རེ་སུ པ་ཉྙ་ཏྟཾ ཨེ་ཀ་ཏོ ས་མྤི་ཎྜི་ཏྭཱ སཱ་ཝ་ཏྠི་ཡཱ པ་ཉྙ་ཏྟཾ ཝི་སུཾ ག་ཎེ་ཏྭཱ ས་བྦཱ་ནེ་ཝ སི་ཀྑཱ་པ་དཱ་ནི དྭཱི་ཧི རཱ་སཱི་ཧི ས་ངྒ་ཎྷཱ་ཏི.
ས་ཏྟ་ན་ག་རེ་སུ པ་ཉྙ་ཏྟ་སི་ཀྑཱ་པ་ད་ཝ་ཎྞ་ནཱ ནི་ཊྛི་ཏཱ.
ཙ་ཏུ་ཝི་པ་ཏྟི་ཝ་ཎྞ་ནཱ
༣༣༦. ཨེ་ཀ་ཏིཾ་ས ག་རུ་ཀཱ ནཱ་མ ཨུ་བྷ་ཏོ ཨ་ཊྛ པཱ་རཱ་ཛི་ཀཱ, བྷི་ཀྑཱུ་ནཾ ཏེ་ར་ས, བྷི་ཀྑུ་ནཱི་ནཾ ད་ས ས་ངྒྷཱ་དི་སེ་སཱ. ཨ་ཊྛེ་ཏྠ ཨ་ན་ཝ་སེ་སཱཏི ཨེ་ཏེ་སུ ཡ་ཐཱ་ཝུ་ཏྟ་ག་རུ་ཀེ་སུ སཱ་དྷཱ་ར་ཎཱ་སཱ་དྷཱ་ར་ཎ་ཝ་སེ་ན ཨ་ཊྛ པཱ་རཱ་ཛི་ཀཱ ཨ་ན་ཝ་སེ་སཱ ནཱ་མ.
ཨ་སཱ་དྷཱ་ར་ཎཱ་དི་ཝ་ཎྞ་ནཱ
༣༣༨. ‘‘དྷོ་ཝ་ན་ཉྩ པ་ཊི་གྒ་ཧོ’’ཏི གཱ་ཐཱ ཨ་ཊྛ་ཀ་ཐཱ་ཙ་རི་ཡཱ་ནཾ. ཏ་ཏྠ དྷོ་ཝ་ན་ཉྩ པ་ཊི་གྒ་ཧོཏི ཨ་ཉྙཱ་ཏི་ཀཱ་ཡ བྷི་ཀྑུ་ནི་ཡཱ ཙཱི་ཝ་ར་དྷོ་ཝཱ་པ་ནཾ ཙཱི་ཝ་ར་པ་ཊི་གྒ་ཧ་ཎ་ཉྩ. ཀོ་སེ་ཡྻ…པེ… དྭེ ལོ་མཱཏི ཨེ་ལ༹་ཀ་ལོ་མ་ཝ་གྒེ ཨཱ་དི་ཏོ ས་ཏྟ སི་ཀྑཱ་པ་དཱ་ནི ཝུ་ཏྟཱ་ནི. ཝ་སྶི་ཀཱཏི ཝ་སྶི་ཀ་སཱ་ཊི་ཀ་སི་ཀྑཱ་པ་དཾ. ཨཱ་ར་ཉྙ་ཀེ་ན ཙཱཏི སཱ་ས་ངྐ་སི་ཀྑཱ་པ་དཾ ཝུ་ཏྟཾ. པ་ཎཱི་ཏནྟི པ་ཎཱི་ཏ་བྷོ་ཛ་ན་ཝི་ཉྙ་ཏྟི. ཨཱུ་ནནྟི ཨཱུ་ན་ཝཱི་ས་ཏི་ཝ་སྶ་སི་ཀྑཱ་པ་དཾ. ནི་སཱི་ད་ནེ ཙ ཡཱ སི་ཀྑཱ, ཝ་སྶི་ཀཱ ཡཱ ཙ སཱ་ཊི་ཀཱཏི ནི་སཱི་ད་ན་ཝ་སྶི་ཀ་སཱ་ཊི་ཀཱ་ནཾ པ་མཱ་ཎཱ་ཏི་ཀྐ་མོ.
ཨཱ་པ་ཏྟི་ཀྑ་ནྡྷཱ ཙེ་ཝ ཨུ་པོ་ས་ཐཱ་དཱི་ནི ཙ ‘‘པཱ་རཱ་ཛི་ཀ་ས་ངྒྷཱ་དི་སེ་སཱ’’ཏི་ཨཱ་དི་ནཱ ཝི་བྷ་ཏྟ་ཏྟཱ ‘‘ཝི་བྷ་ཏྟི་ཡོ’’ཏི ཝུ་ཏྟཱ་ནི. ཏེ་ཝཱི་ས་ཏི ས་ངྒྷཱ་དི་སེ་སཱཏི བྷི་ཀྑུ་ནཱི་ནཾ ཨཱ་ག་ཏཱ་ནི ད་ས, བྷི་ཀྑཱུ་ནཾ ཏེ་ར་སཱ་ཏི ཏེ་ཝཱི་ས་ཏི. དྭེ་ཙ་ཏྟཱ་ལཱི་ས ནི་སྶ་གྒི་ཡཱཏི་ཨཱ་དཱི་སུ་པི ཨེ་སེ་ཝ ན་ཡོ. དྭཱི་ཧི…པེ… ཀི་ཙྩཾ ཨེ་ཀེ་ན ས་མྨ་ཏཱིཏི དྭཱི་ཧི ཝི་ཝཱ་དཱ་དྷི་ཀ་ར་ཎཾ, ཙ་ཏཱུ་ཧི ཨ་ནུ་ཝཱ་དཱ་དྷི་ཀ་ར་ཎཾ, ཏཱི་ཧི ཨཱ་པ་ཏྟཱ་དྷི་ཀ་ར་ཎཾ, ཨེ་ཀེ་ན ཀི་ཙྩཱ་དྷི་ཀ་ར་ཎཾ ས་མྨ་ཏཱི་ཏི ཨ་ཏྠོ.
༣༣༩. ནི་ར་ངྐ་ཏོཏི ས་ངྒྷ་མྷཱ ཨ་པ་སཱ་རི་ཏོ.