ཨ་དྷི་ཀ་ར་ཎ་བྷེ་ད་ཝ་ཎྞ་ནཱ

༣༤༠. ཡ་སྨཱ ཨ་དྷི་ཀ་ར་ཎཾ ཨུ་ཀྐོ་ཊེ་ནྟོ ས་མ་ཐ་པྤ་ཏྟ་མེ་ཝ ཨུ་ཀྐོ་ཊེ་ཏི, ཏ་སྨཱ ‘‘ཝི་ཝཱ་དཱ་དྷི་ཀ་ར་ཎཾ ཨུ་ཀྐོ་ཊེ་ནྟོ ཀ་ཏི ས་མ་ཐེ ཨུ་ཀྐོ་ཊེ་ཏཱི’’ཏི་ཨཱ་དི ཝུ་ཏྟཾ.

༣༤༡. པཱ་ལི༹་མུ་ཏྟ་ཀ་ཝི་ནི་ཙྪ་ཡེ་ནེ་ཝཱཏི ཝི་ན་ཡ་ལ་ཀྑ་ཎཾ ཝི་ནཱ ཀེ་ཝ་ལཾ དྷ་མྨ་དེ་ས་ནཱ་མ་ཏྟ་ཝ་སེ་ནེ་ཝཱ་ཏི ཨ་ཏྠོ. ཡེ་ནཱ་པི ཝི་ནི་ཙྪ་ཡེ་ནཱཏི པཱ་ལི༹་མུ་ཏྟ་ཀ་ཝི་ནི་ཙྪ་ཡ་མེ་ཝ ས་ནྡྷཱ་ཡ ཝུ་ཏྟཾ. ཁ་ནྡྷ་ཀ་ཏོ ཙ པ་རི་ཝཱ་ར་ཏོ ཙ སུ་ཏྟེ་ནཱཏི ཁ་ནྡྷ་ཀ་པ་རི་ཝཱ་ར་ཏོ ཨཱ་ནཱི་ཏ་སུ་ཏྟེ་ན. ནི་ཛ྄ཛྷཱ་པེ་ནྟཱིཏི པ་ཉྙཱ་པེ་ནྟི.

༣༤༢. ཀི་ཙྩཾ ནི་སྶཱ་ཡ ཨུ་པྤ་ཛྫ་ན་ཀ་ཀི་ཙྩཱ་ནནྟི པུ་བྦེ ཀ་ཏ་ཨུ་ཀྑེ་པ་ནཱི་ཡཱ་དི་ཀི་ཙྩཾ ནི་སྶཱ་ཡ ཨུ་པྤ་ཛྫ་ན་ཀ་ཀི་ཙྩཱ་ནཾ. ཀཱི་དི་སཱ་ནཾ? ཡཱ་ཝ་ཏ་ཏི་ཡ་ས་མ་ནུ་བྷཱ་ས་ནཱ་དཱི་ནཾ.

༣༤༣. ཏཾ ཧཱིཏི ཏཾ ཝི་ཝཱ་དཱ་དྷི་ཀ་ར་ཎཾ.

༣༤༤. ཨ་དྷི་ཀ་ར་ཎེ་སུ ཡེ་ན ཨ་དྷི་ཀ་ར་ཎེ་ན ས་མྨ་ནྟི, ཏཾ ད་སྶེ་ཏུཾ ཝུ་ཏྟནྟི ཡ་དཱ ཨ་དྷི་ཀ་ར་ཎེ་ཧི ས་མྨ་ནྟི, ཏ་དཱ ཀི་ཙྩཱ་དྷི་ཀ་ར་ཎེ་ནེ་ཝ ས་མྨ་ནྟི, ན ཨ་ཉྙེ་ཧི ཨ་དྷི་ཀ་ར་ཎེ་ཧཱི་ཏི ད་སྶ་ན་ཏྠཾ ཝུ་ཏྟ་ནྟི ཨ་དྷི་པྤཱ་ཡོ.

༣༥༣. ‘‘ས་ཏྟ་ནྣཾ ས་མ་ཐཱ་ནཾ ཀ་ཏ་མེ ཚ་ཏྟིཾ་ས ས་མུ་ཊྛཱ་ནཱ’’ཏི པུ་ཙྪི་ཏྭཱ་པི ‘‘ཀ་མྨ་སྶ ཀི་རི་ཡཱ ཀ་ར་ཎ’’ནྟི་ཨཱ་དི་ནཱ ས་མྨུ་ཁཱ་ཝི་ན་ཡ་སྶ ས་མུ་ཊྛཱ་ནཱ་ནི ཨ་ཝི་བྷ་ཛི་ཏྭཱ་ཝ ས་ཏི་ཝི་ན་ཡཱ་དཱི་ནཾ ཚ་ནྣ་ཉྙེ་ཝ ཚ ས་མུ་ཊྛཱ་ནཱ་ནི ཝི་བྷ་ཏྟཱ་ནི, ཏཾ ཀ་སྨཱ་ཏི ཨཱ་ཧ ‘‘ཀི་ཉྩཱ་པི ས་ཏྟ་ནྣཾ ས་མ་ཐཱ་ན’’ནྟི་ཨཱ་དི. ས་ཏི་ཝི་ན་ཡཱ་དཱི་ནཾ ཝི་ཡ ས་ངྒྷ་ས་མྨུ་ཁ་ཏཱ་དཱི་ནཾ ཀི་ཙྩ་ཡ་ཏཱ ནཱ་མ ན་ཏྠཱི་ཏི ཨཱ་ཧ ‘‘ཀ་མྨ་ས་ངྒ་ཧཱ་བྷཱ་ཝེ་ནཱ’’ཏི.