ཨུ་པོ་ས་ཐཱ་དི་པུ་ཙྪཱ་ཝི་སྶ་ཛྫ་ནཱ་ཝ་ཎྞ་ནཱ

༣༣༢. ‘‘ས་ངྒྷཾ, བྷ་ནྟེ, པ་ཝཱ་རེ་མཱི་ཏི་ཨཱ་དི པ་ཝཱ་ར་ཎཱ་ཀ་ཐཱ ནཱ་མཱ’’ཏི ག་ཎྛི་པ་དེ་སུ ཝུ་ཏྟཾ.

ཨ་ཏྠ་ཝ་ས་པ་ཀ་ར་ཎ་ཝ་ཎྞ་ནཱ

༣༣༤. པ་ཋ་མ་པཱ་རཱ་ཛི་ཀ་ཝ་ཎྞ་ནཱ་ཡ་མེ་ཝ ཝུ་ཏྟནྟི ‘‘ས་ངྒྷ་སུ་ཊྛུ་ཏཱ་ཡཱ’’ཏི་ཨཱ་དཱི་ནཾ ཨ་ཏྠ་ཝ་ཎྞ་ནཾ ས་ནྡྷཱ་ཡ ཝུ་ཏྟཾ. ད་ས་ཀྑ་ཏྟུཾ ཡོ་ཛ་ནཱ་ཡ པ་ད་ས་ཏཾ ཝུ་ཏྟནྟི ཨེ་ཀ་མཱུ་ལ་ཀ་ན་ཡེ ད་ས་ཀྑ་ཏྟུཾ ཡོ་ཛ་ནཱ་ཡ ཀ་ཏཱ་ཡ ས་ངྑ་ལི་ཀ་ན་ཡེ ཝུ་ཏྟ་པ་དེ་ཧི ས་དྡྷིཾ པ་ད་ས་ཏཾ ཝུ་ཏྟ་ནྟི ཨེ་ཝ་མ་ཏྠོ ག་ཧེ་ཏ་བྦོ. ཨ་ཉྙ་ཐཱ ཨེ་ཀ་མཱུ་ལ་ཀེ ཨེ་ཝ ན་ཡེ ན ས་ཀྐཱ པ་ད་ས་ཏཾ ལ་དྡྷུཾ. ཨེ་ཀ་མཱུ་ལ་ཀ་ན་ཡེ་ཧི པུ་རི་མ་པ་ཙྪི་མ་པ་དཱ་ནི ཨེ་ཀ་ཏོ ཀ་ཏྭཱ ཨེ་ཀེ་ཀ་སྨིཾ ཝཱ་རེ ན་ཝ ན་ཝ པ་དཱ་ནི ཝུ་ཏྟཱ་ནཱི་ཏི ད་ས་ཀྑ་ཏྟུཾ ཡོ་ཛ་ནཱ་ཡ ན་ཝུ་ཏི པ་དཱ་ནི་ཡེ་ཝ ལ་བྦྷ་ནྟི. ཏ་སྨཱ ཏཱ་ནི ན་ཝུ་ཏི པ་དཱ་ནི ས་ངྑ་ལི་ཀ་ན་ཡེ བ་དྡྷ་ཙ་ཀྐ་ཝ་སེ་ན ཡོ་ཛི་ཏེ ད་ས པ་དཱ་ནི ལ་བྦྷ་ནྟཱི་ཏི ཏེ་ཧི ས་དྡྷིཾ པ་ད་ས་ཏ་ནྟི ས་ཀྐཱ ཝ་ཏྟུཾ. ཨི་ཏོ ཨ་ཉྙ་ཐཱ པ་ན ཨུ་བྷོ་སུ་པི ན་ཡེ་སུ ཝི་སུཾ ཝི་སུཾ ཨ་ཏྠ་ས་ཏཾ དྷ་མྨ་ས་ཏ་ཉྩ ཡ་ཐཱ ལ་བྦྷ་ཏི, ཏ་ཐཱ པ་ཋ་མ་པཱ་རཱ་ཛི་ཀ་སཾ་ཝ་ཎྞ་ནཱ་ཡ་མེ་ཝ ཨ་མྷེ་ཧི ད་སྶི་ཏཾ, ཏཾ ཏ་ཏྠ ཝུ་ཏྟ་ན་ཡེ་ནེ་ཝ ག་ཧེ་ཏ་བྦཾ. པུ་རི་མ་པ་ཙྪི་མ་པ་དཱ་ནི ཨེ་ཀ་ཏྟེ་ན ག་ཧེ་ཏྭཱ ‘‘པ་ད་ས་ཏ’’ནྟི ཝུ་ཏྟ་ཏྟཱ ‘‘ཏ་ཏྠ པ་ཙྪི་མ་སྶ པ་ཙྪི་མ་སྶ པ་ད་སྶ ཝ་སེ་ན ཨ་ཏྠ་ས་ཏཾ, པུ་རི་མ་སྶ པུ་རི་མ་སྶ ཝ་སེ་ན དྷ་མྨ་ས་ཏ’’ནྟི ཝུ་ཏྟཾ. ཏ་སྨིཾ པ་ད་ས་ཏེ ‘‘ས་ངྒྷ་སུ་ཊྛཱུ’’ཏི་ཨཱ་དི་ནཱ ཝུ་ཏྟ་པུ་རི་མ་པ་དཱ་ནཾ ཝ་སེ་ན དྷ་མྨ་ས་ཏཾ, ‘‘ས་ངྒྷ་ཕཱ་སཱུ’’ཏི་ཨཱ་དི་ནཱ ཝུ་ཏྟ་པ་ཙྪི་མ་པ་དཱ་ནཾ ཝ་སེ་ན ཨ་ཏྠ་ས་ཏ་ནྟི ཨ་དྷི་པྤཱ་ཡོ.

མ་ཧཱ་ཝ་གྒ་ཝ་ཎྞ་ནཱ ནི་ཊྛི་ཏཱ.