༡༠. ར་ཧོ་ནི་ས་ཛྫ་སི་ཀྑཱ་པ་ད་ཝ་ཎྞ་ནཱ

༡༩༨. ད་ས་མེ ཨུ་པ་ན་ནྡ་སྶ ཙ་ཏུ་ཏྠ་སི་ཀྑཱ་པ་དེ་ནཱཏི ཨ་པྤ་ཊི་ཙྪ་ནྣེ མཱ་ཏུ་གཱ་མེ་ན ས་དྡྷིཾ ར་ཧོ་ནི་ས་ཛྫ་སི་ཀྑཱ་པ་དཾ ས་ནྡྷཱ་ཡ ཝུ་ཏྟཾ. ཀི་ཉྩཱ་པི ཏཾ ཨ་ཙེ་ལ་ཀ་ཝ་གྒེ པ་ཉྩ་མ་སི་ཀྑཱ་པ་དཾ ཧོ་ཏི, ཨུ་པ་ན་ནྡ་ཏྠེ་རཾ ཨཱ་ར་བྦྷ པ་ཉྙ་ཏྟེ་སུ པ་ན ཙ་ཏུ་ཏྠ་བྷཱ་ཝ་ཏོ ‘‘ཨུ་པ་ན་ནྡ་སྶ ཙ་ཏུ་ཏྠ་སི་ཀྑཱ་པ་དེ་ནཱ’’ཏི ཝུ་ཏྟཾ. ཙ་ཏུ་ཏྠ་སི་ཀྑཱ་པ་ད་སྶ ཝ་ཏྠུ་ཏོ ཨི་མ་སྶ སི་ཀྑཱ་པ་ད་སྶ ཝ་ཏྠུ་ནོ པ་ཋ་མཾ ཨུ་པྤ་ནྣ་ཏྟཱ ཨི་དཾ སི་ཀྑཱ་པ་དཾ པ་ཋ་མཾ པ་ཉྙ་ཏྟཾ. ཨི་མི་ནཱ ཙ སི་ཀྑཱ་པ་དེ་ན ཀེ་ཝ་ལཾ བྷི་ཀྑུ་ནི་ཡཱ ཨེ་ཝ ར་ཧོ་ནི་ས་ཛྫཱ་ཡ ཨཱ་པ་ཏྟི པ་ཉྙ་ཏྟཱ, ཨུ་པ་རི མཱ་ཏུ་གཱ་མེ་ན ས་དྡྷིཾ ར་ཧོ་ནི་ས་ཛྫཱ་ཡ ཨཱ་པ་ཏྟི ཝི་སུཾ པ་ཉྙ་ཏྟཱ་ཏི ད་ཊྛ་བྦཾ.

ར་ཧོ་ནི་ས་ཛྫ་སི་ཀྑཱ་པ་ད་ཝ་ཎྞ་ནཱ ནི་ཊྛི་ཏཱ.

ནི་ཊྛི་ཏོ བྷི་ཀྑུ་ནི་ཝ་གྒོ ཏ་ཏི་ཡོ.