ལ་ཀྑ་ཎ་ཀ་ཐཱ་ཝ་ཎྞ་ནཱ
༨༣༧. ཨི་ཏོཏི སཱ་དྷཱ་ར་ཎཱ་སཱ་དྷཱ་ར་ཎ་ཀ་ཐཱ་ཡ པ་རཾ. ས་བྦ་གནྟི ས་བྦ་སི་ཀྑཱ་པ་ད་སཱ་དྷཱ་ར་ཎཾ. ཝ་ད་ཏོ མེཏི ཝ་ད་ཏོ མ་མ ཝ་ཙ་ནཾ. ནི་བོ་དྷ་ཐཱཏི ནི་སཱ་མེ་ཐ, ཨེ་ཀ་གྒ་ཙི་ཏྟཱ ཧུ་ཏྭཱ ས་ཀྐ་ཙྩཾ སུ་ཎཱ་ཐཱ་ཏི ཨ་ཏྠོ.
༨༣༨-༩. ‘‘ཝི་པ་ཏྟི ཨཱ་པ་ཏྟི ཨ་ནཱ་པ་ཏྟཱི’’ཏི པ་ད་ཙྪེ་དོ. ‘‘ཨཱ་ཎ་ཏྟི ཨ་ངྒ’’ནྟི པ་ད་ཙྪེ་དོ. ཝ་ཛྫ་ཀ་མྨ་པ་བྷེ་ད་ཀནྟི ཝ་ཛྫ་པ་བྷེ་ད་ཀཾ ཀ་མྨ་པ་བྷེ་ད་ཀཾ. ཏི་ཀ་དྭ་ཡནྟི ཀུ་ས་ལ་ཏྟི་ཀ་ཝེ་ད་ནཱ་ཏྟི་ཀ་དྭ་ཡཾ. ས་བྦ་ཏྠཱཏི ཨི་དཾ པ་ན ས་ཏྟ་ར་ས་ཝི་དྷ་ས་བྦ་སཱ་དྷཱ་ར་ཎ་ལ་ཀྑ་ཎཾ. ས་བྦ་ཏྠ ས་བྦེ་སུ སི་ཀྑཱ་པ་དེ་སུ.
༨༤༠. ཨི་དྷ ཨི་མ་སྨིཾ ས་ཏྟ་ར་ས་ཝི་དྷེ ཡཾ ལ་ཀྑ་ཎཾ པུ་བྦེ ཝུ་ཏྟ་ན་ཡཾ, ཡ་ཉྩ ཨུ་ཏྟཱ་ནཾ, ཏཾ ས་བྦཾ ཝ་ཛྫེ་ཏྭཱ ཨ་ཏྠ་ཛོ་ཏ་ནཾ ཨ་ཏྠ་པྤ་ཀཱ་ས་ནཾ ཀ་རི་སྶཱ་མཱི་ཏི ཡོ་ཛ་ནཱ.
༨༤༡. ནི་དཱ་ནཾ ནཱ་མ རཱ་ཛ་ག་ཧཱ་དི་སི་ཀྑཱ་པ་ད་པ་ཉྙ་ཏྟི་ཊྛཱ་ན་བྷཱུ་ཏཱ་ནི ས་ཏྟ ན་ག་རཱ་ནི, ཏཾ པུ་བྦེ ད་སྶི་ཏ་ནྟི ཨ་ཝ་སི་ཊྛཱ་ནི ད་སྶེ་ཏུ་མཱ་ཧ ‘‘པུ་གྒ་ལོ’’ཏི་ཨཱ་དི. པུ་གྒ་ལོ ནཱ་མ ཀ་ཏ་མོ? ཡཾ ཡཾ བྷི་ཀྑུ་ནིཾ, བྷི་ཀྑུ་ཉྩ ཨཱ་ར་བྦྷ སི་ཀྑཱ་པ་དཾ པ་ཉྙ་ཏྟཾ, ཨ་ཡཾ བྷི་ཀྑུ་ནཱི ཙ བྷི་ཀྑུ ཙ སི་ཀྑཱ་པ་ད་པ་ཉྙ་ཏྟི་ཡཱ ཨཱ་དི་ཀ་མྨི་ཀོ པུ་གྒ་ལོ་ཏི ཝུ་ཙྩ་ཏཱི་ཏི ཡོ་ཛ་ནཱ.
༨༤༢. དྷ་ནི་ཡཱ་ད་ཡོཏི ཨཱ་དི-ས་དྡེ་ན ས་མྦ་ཧུ་ལཱ བྷི་ཀྑཱུ, ཝ་གྒུ་མུ་དཱ་ཏཱི་རི་ཡཱ བྷི་ཀྑཱུ, སེ་ཡྻ་ས་ཀོ, ཨུ་དཱ་ཡཱི, ཨཱ་ལ༹་ཝ་ཀཱ བྷི་ཀྑཱུ, ཚ་ནྣོ, མེ་ཏྟི་ཡ་བྷཱུ་མ་ཛ་ཀཱ, དེ་ཝ་ད་ཏྟོ, ཨ་སྶ་ཛི་པུ་ན་བྦ་སུ་ཀཱ བྷི་ཀྑཱུ, ཚ་བྦ་གྒི་ཡཱ བྷི་ཀྑཱུ, ཨུ་པ་ན་ནྡོ ས་ཀྱ་པུ་ཏྟོ, ཨ་ཉྙ་ཏ་རོ བྷི་ཀྑུ, ཧ་ཏྠ་ཀོ ས་ཀྱ་པུ་ཏྟོ, ཨ་ནུ་རུ་དྡྷོ, ས་ཏྟ་ར་ས་ཝ་གྒི་ཡཱ བྷི་ཀྑཱུ, ཙཱུ་ལ༹་པ་ནྠ་ཀོ, བེ་ལ་ཊྛ་སཱི་སོ, ཨཱ་ཡ་སྨཱ ཨཱ་ན་ནྡོ, སཱ་ག་ཏ་ཏྠེ་རོ, ཨ་རི་ཊྛོ བྷི་ཀྑུ, ཨཱ་ཡ་སྨཱ ཨཱ་ན་ནྡོ་ཏི ཨི་མེ ཨེ་ཀ་ཝཱི་ས་ཏི ས་ངྒ་ཧི་ཏཱ.
༨༤༣. ཐུ་ལླ་ན་ནྡཱ་ད་ཡོཏི ཨཱ་དི-ས་དྡེ་ན སུ་ནྡ་རཱི་ན་ནྡཱ, ཚ་བྦ་གྒི་ཡཱ བྷི་ཀྑུ་ནི་ཡོ, ཨ་ཉྙ་ཏ་རཱ བྷི་ཀྑུ་ནཱི, ཙ་ཎྜ་ཀཱ་ལཱི༹, ས་མྦ་ཧུ་ལཱ བྷི་ཀྑུ་ནི་ཡོ, དྭེ བྷི་ཀྑུ་ནི་ཡོ་ཏི ཚ་ཡི་མེ ས་ངྒ་ཧི་ཏཱ. ས་བྦེཏི ཨུ་བྷ་ཡ་པཱ་ཏི་མོ་ཀྑེ ཨཱ་དི་ཀ་མྨི་ཀཱ ས་བྦེ པུ་གྒ་ལཱ.
༨༤༤. ཝ་ཏྠཱུཏི ཝ་ཏྠུ ནཱ་མ སུ་དི་ནྣཱ་དི་ནོ ཏ་སྶ ཏ་སྶེ་ཝ པུ་གྒ་ལ་སྶ མེ་ཐུ་ནཱ་དི་ཀ་སྶ ཙ ཝ་ཏྠུ་ནོ ས་བྦ་པྤ་ཀཱ་རེ་ན ཨ་ཛ྄ཛྷཱ་ཙཱ་རོ ཝཱི་ཏི་ཀྐ་མོ པ་ཝུ་ཙྩ་ཏཱི་ཏི ཡོ་ཛ་ནཱ.
༨༤༥-༦. ཀེ་ཝ་ལཱ མཱུ་ལ་བྷཱུ་ཏཱ པ་ཉྙ་ཏྟི. ཨ་ནུ ཙ ཨ་ནུ་པྤ་ནྣོ ཙ ས་བྦ་ཏྠ ཙ པ་དེ་སོ ཙ ཨ་ནྭ་ནུ་པྤ་ནྣ་ས་བྦ་ཏྠ་པ་དེ་སཱ, ཏེ་ཡེ་ཝ པ་དཱ་ནི ཨ་ནྭ་ནུ་པྤ་ནྣ་ས་བྦ་ཏྠ་པ་དེ་ས་པ་དཱ་ནི, ཏཱ་ནི པུ་བྦ་ཀཱ་ནི ཡཱ་སཾ པ་ཉྙ་ཏྟཱི་ནཾ ཏཱ ཨ་ནྭ་ནུ་པྤ་ནྣ་ས་བྦ་ཏྠ་པ་དེ་ས་པ་ད་པུ་བྦི་ཀཱ. ཏ་ཐེ་ཝ སཱ པ་ཉྙ་ཏྟཱི་ཏི ཡོ་ཛ་ནཱ. ཨ་ནུ་པ་ཉྙ་ཏྟི ཨ་ནུ་པྤ་ནྣ་པ་ཉྙ་ཏྟི ས་བྦ་ཏྠ་པ་ཉྙ་ཏྟི པ་དེ་ས་པ་ཉྙ་ཏྟི ཧོ་ཏི. ཨེ་ཀ་ཏོ ཨུ་བྷ་ཏོ པུ་བྦཱ ཀ་ཐེ་ཝ སཱ པ་ཉྙ་ཏྟཱི་ཏི ཡོ་ཛ་ནཱ. ཨེ་ཀ་ཏོ་པ་དཾ ཨུ་བྷ་ཏོ་པ་ད་ཉྩ པུ་བྦ་མ་སྶཱ་ཏི ཨེ་ཀ་ཏོ་ཨུ་བྷ་ཏོ་པུ་བྦཱ, ཨེ་ཀ་ཏོ་པ་ཉྙ་ཏྟི ཨུ་བྷ་ཏོ་པ་ཉྙ་ཏྟཱི་ཏི ཝུ་ཏྟཾ ཧོ་ཏི.
༨༤༧. ཏ་ཏྠ ན་ཝ་དྷཱ་སུ པ་ཉྙ་ཏྟཱི་སུ. པ་ཉྙ་ཏྟི ནཱ་མ ཀ་ཏ་མཱ་ཏི ཨཱ་ཧ ‘‘ཡོ མེ་ཐུ་ན’’ནྟི་ཨཱ་དི. ‘‘ཡོ བྷི་ཀྑུ མེ་ཐུ་ནཾ དྷ་མྨཾ པ་ཊི་སེ་ཝེ་ཡྻཱ’’ཏི ཙ ‘‘ཡོ བྷི་ཀྑུ ཨ་དི་ནྣཾ ཨཱ་དི་ཡེ་ཡྻཱ’’ཏི ཙ ཨེ་ཝ་མཱ་དི་ཀཱ སི་ཀྑཱ་པ་ད་སྶ མཱུ་ལ་བྷཱུ་ཏཱ པ་ཉྙ་ཏྟི ཧོ་ཏཱི་ཏི ཡོ་ཛ་ནཱ.
༨༤༨. ཨི་ཙྩེ་ཝ་མཱ་དི་ཀཱཏི ཨཱ་དི-ས་དྡེ་ན ‘‘སི་ཀྑཾ ཨ་པ་ཙྩ་ཀྑཱ་ཡ དུ་བྦ་ལྱཾ ཨ་ནཱ་ཝི་ཀ་ཏྭཱ’’ཏི ཙ ‘‘གཱ་མཱ ཝཱ ཨ་ར་ཉྙཱ ཝཱ’’ཏི ཙ ཨེ་ཝ་མཱ་དཱི་ནཾ ས་ངྒ་ཧོ.
༨༤༩. ཝ་ཛྫ་ཀེ ཨ་ནུ་པྤ་ནྣེ་ཡེ་ཝ པ་ཉྙ་ཏྟཱ ཨ་ནུ་པྤ་ནྣ་པ་ཉྙ་ཏྟི, སཱ ཨ་ནུ་པྤ་ནྣ་པ་ཉྙ་ཏྟི.
༨༥༠-༡. གུ་ཎ་ངྒུ་ཎུ་པཱ་ཧ་ན་སི་ཀྑཱ་པ་དེ་ན ས་ཧ ཙ་མྨ་ཏྠ་ར་ཎ་སི་ཀྑཱ་པ་ད་ཉྩ དྷུ་ཝ་ནྷཱ་ནཾ དྷུ་ཝ་ན་ཧཱ་ན་སི་ཀྑཱ་པ་དཾ, པ་ཉྩ་ཝ་གྒེ་ན ཨུ་པ་ས་མྤཱ་ད་ན་སི་ཀྑཱ་པ་ད་ཉྩཱ་ཏི ཨེ་སཱ ཙ་ཏུ་བྦི་དྷཱ པ་ཉྙ་ཏྟི པ་དེ་ས་པ་ཉྙ་ཏྟི ནཱ་མཱ་ཏི ཝུ་ཏྟཱ་ཏི ཡོ་ཛ་ནཱ. མ་ཛ྄ཛྷི་མ་དེ་ས་སྨིཾ་ཡེ་ཝ ཧོ་ཏཱིཏི མ་ཛ྄ཛྷི་མ་དེ་ས་སྨིཾ་ཡེ་ཝ ཨཱ་པ་ཏྟི་ཀ་རཱ ཧོ་ཏི. ན ཨ་ཉྙ་ཏོཏི ན ཨ་ཉྙ་ཏྲ པ་ཙྩ་ནྟི་མེ་སུ ཛ་ན་པ་དེ་སུ དེ་ས་ནྟ་རེ ཋཱ་ནེ.
༨༥༢. ཨི་ཏོཏི ཙ་ཏུ་བྦི་དྷ་པ་དེ་ས་པ་ཉྙ་ཏྟི་ཏོ. ཨེ་ཏྠཱཏི ཨི་མ་སྨིཾ པ་ཉྙ་ཏྟི་བྷེ་དེ. སཱ་དྷཱ་ར་ཎ་དུ་ཀཱ་དི་ཀནྟི སཱ་དྷཱ་ར་ཎ་པ་ཉྙ་ཏྟི ཨ་སཱ་དྷཱ་ར་ཎ་པ་ཉྙ་ཏྟི, ཨེ་ཀ་ཏོ་པ་ཉྙ་ཏྟི ཨུ་བྷ་ཏོ་པ་ཉྙ་ཏྟཱི་ཏི དུ་ཀ་དྭ་ཡཾ. ཨ་ཏྠ་ཏོ ཨེ་ཀ་མེ་ཝཱཏི ཨ་ཏྠ་ཏོ ཨ་ཉྙ་མ་ཉྙ་ས་མཱ་ན་མེ་ཝ. ཝི་པ་ཏྟཱ་པ་ཏྟཱ་ནཱ་པ་ཏྟི་ཝི་ནི་ཙྪ་ཡོ ཝི་ཏྠཱ་རི་ཏོ་ཏི ཨི་དྷ ན ད་སྶི་ཏོ. ཨ་ཡཾ པ་ནེ་ཏྠ ས་ངྑེ་པོ – ཝི་པ་ཏྟཱིཏི སཱི་ལ་ཨཱ་ཙཱ་ར་དི་ཊྛི་ཨཱ་ཛཱི་ཝ་ཝི་པ་ཏྟཱི་ནཾ ཨ་ཉྙ་ཏ་རཱ. ཨཱ་པ་ཏྟཱིཏི པུ་བྦ་པ་ཡོ་གཱ་དི་ཝ་སེ་ན ཨཱ་པ་ཏྟི་བྷེ་དོ. ཨ་ནཱ་པ་ཏྟཱིཏི ཨ་ཛཱ་ན་ནཱ་དི་ཝ་སེ་ན ཨ་ནཱ་པ་ཏྟི.
༨༥༣. ཨཱ་པ་ཏྟི པ་ན སཱ་ཎ་ཏྟི་ཀཱ་པི ཧོ་ཏི, ཨ་ནཱ་ཎ་ཏྟི་ཀཱ་པི ཧོ་ཏཱི་ཏི ཡོ་ཛ་ནཱ. ‘‘ཨཱ་ཎ་ཏྟཱི་ཏི ཙ ནཱ་མེ་སཱ ཨཱ་ཎཱ་པ་ནཱ’’ཏི ཨི་མི་ནཱ ཨཱ་ཎ་ཏྟི-ས་དྡ་སྶ ས་བྷཱ་ཝ་སཱ་དྷཱ་ར་ཎ་ཏྟཱ་ཏི ཨི་དྷཱ་ཧ.
༨༥༤. ས་བྦ་སི་ཀྑཱ་པ་དེ་སུ་པི ས་བྦཱ་སཾ ཨཱ་པ་ཏྟཱི་ནཾ ས་བྦོ པ་ན ཨ་ངྒ་བྷེ་དོ་པི ཝི་བྷཱ་ཝི་ནཱ ཉཱ་ཏ་བྦོ་ཏི ཡོ་ཛ་ནཱ.
༨༥༦. ‘‘སཱ ཙ ཨ་ཀྲི་ཡ་ས་མུ་ཊྛཱ་ནཱ’’ཏི པ་ད་ཙྪེ་དོ. ཀཱ་ཡེ་ན, ཝཱ་ཙཱ་ཡ ཝཱ ད་སཱ་ཧ་བྦྷ་ནྟ་རེ ཨ་ཏི་རེ་ཀ་ཙཱི་ཝ་ར་སྶ ཨ་ན་དྷི་ཊྛཱ་ནེ་ན ནི་སྶ་གྒི་ཡ་པཱ་ཙི་ཏྟི་ཡཾ ཧོ་ཏཱི་ཏི ‘‘པ་ཋ་མེ ཀ་ཐི་ནེ ཝི་ཡཱ’’ཏི ཨུ་དཱ་ཧ་ར་ཎཾ ཀ་ཏཾ.
༨༥༧. ཀྲི་ཡཱ་ཀྲི་ཡ་ཏོ ཧོ་ཏཱིཏི ཀི་རི་ཡ་ཏོ ཙ ཨ་ཀི་རི་ཡ་ཏོ ཙ ཧོ་ཏི. ཏ་ཏྠ ཨུ་དཱ་ཧ་ར་ཎ་མཱ་ཧ ‘‘ཙཱི་ཝ་ར་གྒ་ཧ་ཎེ ཝི་ཡཱ’’ཏི. ཨ་ཉྙཱ་ཏི་ཀཱ་ཡ བྷི་ཀྑུ་ནི་ཡཱ ཧ་ཏྠ་ཏོ ཙཱི་ཝ་ར་གྒ་ཧ་ཎཾ ཀྲི་ཡཱ, པཱ་རི་ཝ་ཏྟ་ཀ་སྶ ཨ་དཱ་ནཾ ཨ་ཀྲི་ཡཱཏི ཨེ་ཝཾ ཀི་རི་ཡཱ་ཡ ཙེ་ཝ ཨ་ཀི་རི་ཡཱ་ཡ ཙ ཨི་མཾ ཨཱ་པ་ཛྫ་ཏི.
༨༥༨. སི་ཡཱ པ་ན ཀ་རོ་ནྟ་སྶ ཨ་ཀ་རོ་ནྟ་སྶཱཏི ཡཱ པ་ན ཨཱ་པ་ཏྟི སི་ཡཱ ཀ་རོ་ནྟ་སྶ, སི་ཡཱ ཨ་ཀ་རོ་ནྟ་སྶ ཧོ་ཏི, ཨ་ཡཾ སི་ཡཱ ཀི་རི་ཡ་ཏོ, སི་ཡཱ ཨ་ཀི་རི་ཡ་ཏོ ས་མུ་ཊྛཱ་ཏི. སི་ཡཱཏི ཙ ཀ་དཱ་ཙི-ས་དྡ་ཏྠེ ནི་པཱ་ཏོ. ཨ་ཏྲོ་དཱ་ཧ་ར་ཎ་མཱ་ཧ ‘‘རཱུ་པི་ཡོ་གྒ་ཧ་ཎེ ཝི་ཡཱ’’ཏི. རཱུ་པི་ཡ་སྶ ཨུ་གྒ་ཧ་ཎེ, ཨུ་གྒ་ཎྷཱ་པ་ནེ སི་ཡཱ ཀ་དཱ་ཙི ཀི་རི་ཡ་ཏོ ས་མུ་ཊྛཱ་ཏི, ཨུ་པ་ནི་ཀྑི་ཏྟ་སྶ སཱ་དི་ཡ་ནེ ཀཱ་ཡ་ཝཱ་ཙཱ་ཧི ཀཱ་ཏ་བྦ་སྶ ཨ་ཀ་ར་ཎེ་ན ཀ་དཱ་ཙི ཨ་ཀ་རོ་ནྟ་སྶ ཧོ་ཏཱི་ཏི.
༨༥༩. ཡཱ ཀ་རོ་ཏོ ཨ་ཀུ་བྦ་ཏོ, ཀ་དཱ་ཙི ཀ་རོ་ནྟ་སྶ ཙ ཧོ་ཏི, སཱ ཨཱ་པ་ཏྟི སི་ཡཱ ཀི་རི་ཡཱ་ཀི་རི་ཡ་ཏོ, སི་ཡཱ ཀི་རི་ཡ་ཏོ་པི ཙ ཧོ་ཏཱི་ཏི ཡོ་ཛ་ནཱ. ‘‘ཀུ་ཊི་ཀཱ་རཱ་པ་ཏྟི ཝི་ཡཱ’’ཏི ཝ་ཏྟ་བྦཾ. སཱ ཧི ཝ་ཏྠུཾ དེ་སཱ་པེ་ཏྭཱ པ་མཱ་ཎཱ་ཏི་ཀྐ་ནྟཾ ཀ་རོ་ཏོ ཀི་རི་ཡ་ཏོ ས་མུ་ཊྛཱ་ཏི, ཨ་དེ་སཱ་པེ་ཏྭཱ པ་མཱ་ཎཱ་ཏི་ཀྐ་ནྟཾ, པ་མཱ་ཎ་ཡུ་ཏྟཾ ཝཱ ཀ་རོ་ཏོ ཀི་རི་ཡཱ་ཀི་རི་ཡ་ཏོ ས་མུ་ཊྛཱ་ཏི.
༨༦༡. ཡ་ཏོ ཨཱ་པ་ཏྟི་ཏོ. ཨ་ཡཾ ཨཱ་པ་ཏྟི. ས་ཉྙཱ་ཡ ཀ་ར་ཎ་བྷཱུ་ཏཱ་ཡ ཝི་མོ་ཀྑོ ཨེ་ཏཱ་ཡཱ་ཏི ས་ཉྙཱ་ཝི་མོ་ཀྑཱ. ཨེ་ཏྠ ཙ ཝཱི་ཏི་ཀྐ་མ་ས་ཉྙཱ ཨ་ཝི་ཛྫ་མཱ་ནཱ་པི ཨཱ་པ་ཏྟི་ཡཱ ཝི་མུ་ཙྩ་ན་སྶ སཱ་དྷ་ཀ་ཏ་མ་ཊྛེ་ན ག་ཧི་ཏཱ. ཡ་ཐཱ ཝུ་ཊྛི་ཡཱ ཨ་བྷཱ་ཝེ་ན ཛཱ་ཏཾ དུ་བྦྷི་ཀྑཾ ‘‘ཝུ་ཊྛི་ཀ་ཏ’’ནྟི ཝུ་ཙྩ་ཏི, ཨེ་ཝཾ་ས་མྤ་ད་མི་དཾ ཝེ་དི་ཏ་བྦཾ. ཨ་ཡཾ ས་ཙི་ཏྟ་ཀཱ་པ་ཏྟི.
༨༦༢-༤. ཨི་ཏ་རཱ པ་ན ཨ་ཙི་ཏྟ་ཀཱ་པ་ཏྟི. ཝཱི་ཏི་ཀྐ་མ་ས་ཉྙཱ་ཡ ཨ་བྷཱ་ཝེ་ན ན་ཏྠི ཝི་མོ་ཀྑོ ཨེ་ཏཱ་ཡཱ་ཏི ནོ་ས་ཉྙཱ་ཝི་མོ་ཀྑཱ. སུ་ཙི་ཏྟེ་ན ས་ཝཱ་ས་ན་ཀི་ལེ་ས་པྤ་ཧཱ་ནེ་ན, ས་ཀ་ལ་ལོ་ཀི་ཡ་ལོ་ཀུ་ཏྟ་ར་ཀུ་ས་ལ་ས་མྤ་ཡོ་གེ་ན ཙ སུ་ནྡ་ར་ཙི་ཏྟེ་ན བྷ་ག་ཝ་ཏཱ པ་ཀཱ་སི་ཏཱ ས་བྦཱ་ཝ ཨཱ་པ་ཏྟི ཙི་ཏྟ་སྶ ཝ་སེ་ན དུ་ཝི་དྷཱ སི་ཡུ་ནྟི ཡོ་ཛ་ནཱ. ས་ཙི་ཏྟ་ཀ་ས་མུ་ཊྛཱ་ན་ཝ་སེ་ན པ་ནཱཏི ས་ཙི་ཏྟ་ཀ་ས་མུ་ཊྛཱ་ན་ཝ་སེ་ནེ་ཝ. ས་ཙི་ཏྟ་ཀ་མི་སྶ་ཀ་ཝི་ཝ་ཛྫ་ན་ཏྠཱ་ཡ པ་ན-ས་དྡོ ཨེ་ཝ་ཀཱ་ར་ཏྠོ ཝུ་ཏྟོ.
ཡཱ ས་ཙི་ཏྟ་ཀེ་ཧི ཝཱ ཨ་ཙི་ཏྟ་ཀ་མི་སྶ་ཀ་ས་མུ་ཊྛཱ་ན་ཝ་སེ་ན ཝཱ ས་མུ་ཊྛཱ་ཏི, ཨ་ཡཾ ཨ་ཙི་ཏྟ་ཀཱ.
༨༦༥. སུ་ཝི་ཛྫེ་ནཱཏི སོ་བྷ་མཱ་ནཱ་ཧི ཏཱི་ཧི ཝི་ཛྫཱ་ཧི ཝཱ ཨ་ཊྛ་ཧི ཝཱ ཝི་ཛྫཱ་ཧི ས་མ་ནྣཱ་ག་ཏ་ཏྟཱ སུ་ཝི་ཛྫེ་ན. ཨ་ན་ཝ་ཛྫེ་ནཱཏི ས་ཝཱ་ས་ན་ཀི་ལེ་སཱ་ཝ་ཛྫ་ར་ཧི་ཏ་ཏྟཱ ཨ་ན་ཝ་ཛྫེ་ན བྷ་ག་ཝ་ཏཱ. ལོ་ཀ་པ་ཎྞ་ཏྟི་ཝ་ཛྫ་ཏོ ལོ་ཀ་པ་ཎྞ་ཏྟི་ཝ་ཛྫ་ཝ་སེ་ན ས་བྦཱ་ཝ ཨཱ་པ་ཏྟི་ཡོ ཝ་ཛྫ་ཝ་སེ་ན དུ་ཝི་དྷཱ དུ་ཀཱ ཝུ་ཏྟཱ་ཏི ཡོ་ཛ་ནཱ.
༨༦༦. ཡ་སྶཱ ས་ཙི་ཏྟ་ཀེ པ་ཀྑེ, ཙི་ཏྟཾ ཨ་ཀུ་ས་ལཾ སི་ཡཱཏི ཡ་སྶཱ ས་ཙི་ཏྟ་ཀཱ་ཙི་ཏྟ་ཀ་ས་མུ་ཊྛཱ་ནཱ་ཡ ཨ་ཙི་ཏྟ་ཀཱ་ཡ སུ་རཱ་པཱ་ནཱ་དི་ཨཱ་པ་ཏྟི་ཡཱ ས་ཙི་ཏྟ་ཀ་ས་མུ་ཊྛཱ་ན་པ་ཀྑེ ཙི་ཏྟཾ ཨ་ཀུ་ས་ལ་མེ་ཝ ཧོ་ཏི, ཨ་ཡཾ ལོ་ཀ་ཝ་ཛྫཱ ནཱ་མཱ་ཏི ཨ་ཏྠོ. ཡ་སྶཱ པ་ན ས་ཙི་ཏྟ་ཀ་ས་མུ་ཊྛཱ་ནཱ་ཡ པ་ཋ་མ་པཱ་རཱ་ཛི་ཀཱ་དི་ཨཱ་པ་ཏྟི་ཡཱ ཙི་ཏྟཾ ཨ་ཀུ་ས་ལ་མེ་ཝ ཧོ་ཏི, ཏ་སྶཱ ལོ་ཀ་ཝ་ཛྫ་ཏཱ་ཡ ཝ་ཏྟ་བྦ་མེ་ཝ ན་ཏྠི. ཨ་ཙི་ཏྟ་ཀཱ་པི ཝཱ ཨཱ་པ་ཏྟི ས་ཙི་ཏྟ་ཀ་པ་ཀྑེ ཀུ་ས་ལ་ཙི་ཏྟེ ས་ཏི ལོ་ཀ་ཝ་ཛྫ་ཏཱ་ཡ སི་དྡྷཱ་ཡ ཨ་ཙི་ཏྟ་ཀ་པ་ཀྑེ་པི ལོ་ཀ་ཝ་ཛྫོ ཧོ་ཏི, ཀི་མ་ངྒཾ པ་ན ཨ་ཀུ་ས་ལ་ཙི་ཏྟེ་ནེ་ཝ ཨཱ་པ་ཛྫི་ཏ་བྦཱ་ཡ ཨཱ་པ་ཏྟི་ཡཱ ལོ་ཀ་ཝ་ཛྫ་ཏཱ་ཏི སཱ ཝི་སུཾ ན ཝུ་ཏྟཱ.
ཡ་སྨཱ པ་ན པ་ཎྞ་ཏྟི་ཝ་ཛྫཱ་ཡ ཝ་ཏྠུ་ཝཱི་ཏི་ཀྐ་མ་ཝ་ཛྫཱ སི་ཡཱ ཀུ་ས་ལཾ, སི་ཡཱ ཨ་བྱཱ་ཀ་ཏཾ, ཏ་སྨཱ ཏ་སྶཱ ས་ཙི་ཏྟ་ཀ་པ་ཀྑེ ཙི་ཏྟཾ ཀུ་ས་ལ་མེ་ཝཱ་ཏི ཨ་ཡཾ ནི་ཡ་མོ ན་ཏྠཱི་ཏི ཨཱ་ཧ ‘‘སེ་སཱ པ་ཎྞ་ཏྟི་ཝ་ཛྫ་ཀཱ’’ཏི. ‘‘པ་ཎྞ་ཏྟི་ཝ་ཛྫ་ཀཱ’’ཏི ཨི་མི་ནཱ ཙ ལ་ཀྑ་ཎེ་ན ཝ་ཏྠུ་ཝི་ཛཱ་ན་ན་ཙི་ཏྟེ་ན ས་ཙི་ཏྟ་ཀ་པ་ཀྑེ ཙི་ཏྟཾ སི་ཡཱ ཀུ་ས་ལཾ, སི་ཡཱ ཨ་ཀུ་ས་ལཾ, སི་ཡཱ ཨ་བྱཱ་ཀ་ཏཾ, ཏ་སྨཱ ཏ་སྶཱ ས་ཙི་ཏྟ་ཀ་པ་ཀྑེ ཙི་ཏྟཾ ཨ་ཀུ་ས་ལ་མེ་ཝཱ་ཏི ཨ་ཡཾ ནི་ཡ་མོ ན་ཏྠཱི་ཏི ཨཱ་ཧ.
༨༦༧. ཀཱ་ཡ་དྭཱ་རེ་ན ཨཱ་པ་ཛྫི་ཏ་བྦཱ ཀཱ་ཡ་ཀ་མྨཾ. ཨུ་བྷ་ཡ་ཏྠ ཨཱ་པ་ཛྫི་ཏ་བྦཱ ཏ་དུ་བྷ་ཡཾ ཀཱ་ཡ་ཀ་མྨཾ ཝ་ཙཱི་ཀ་མྨཾ. མ་ནོ་དྭཱ་རེ ཨཱ་པ་ཏྟི ནཱ་མ ན་ཏྠཱི་ཏི མ་ནོ་ཀ་མྨཾ ན ཝུ་ཏྟཾ. ‘‘མ་ནོ་དྭཱ་རེ ཨཱ་པ་ཏྟི ནཱ་མ ན་ཏྠཱི་ཏི ཙ ཨི་དཾ ཡེ་བྷུ་ཡྻ་ཝ་སེ་ན ཝུ་ཏྟཾ ཨུ་པ་ནི་ཀྑི་ཏྟ་སཱ་དི་ཡ་ནཱ་དཱི་སུ མ་ནོ་དྭཱ་རེ་པི ཨཱ་པ་ཏྟི་ས་མྦྷ་ཝ་ཏོ’’ཏི ཨཱ་ཙ་རི་ཡཱ.
༨༦༨-༩. ཀུ་ས་ལཱ་དི་ཏི་ཀ་དྭ་ཡནྟི ཀུ་ས་ལ་ཏྟི་ཀ་ཉྩེ་ཝ ཝེ་ད་ནཱ་ཏྟི་ཀ་ཉྩ. ཨཱ་པ་ཏྟིཾ ཨཱ་པ་ཛྫ་ནྟོ ཀུ་ས་ལཱ་ཀུ་ས་ལ་ཙི་ཏྟོ, ཏ་ཐཱ ཨ་བྱཱ་ཀ་ཏ་ཙི་ཏྟོ ཝཱ ཧུ་ཏྭཱ ཨཱ་པ་ཛྫ་ཏཱི་ཏི ཡོ་ཛ་ནཱ.
དུ་ཀྑཱ་དི་སཾ་ཡུ་ཏོཏི ཨཱ་དི-ས་དྡེ་ན ཨུ་པེ་ཀྑཱ་ཝེ་ད་ནཱ་ས་མ་ངྒི་ནོ ས་ངྒ་ཧོ. ཨེ་ཝཾ ས་ནྟེ་པི ས་བྦ་སི་ཀྑཱ་པ་དེ་སུ ཨ་ཀུ་ས་ལ་ཙི་ཏྟ་ཝ་སེ་ན ཨེ་ཀཾ ཙི་ཏྟཾ, ཀུ་ས་ལཱ་བྱཱ་ཀ་ཏ་ཝ་སེ་ན དྭེ ཙི་ཏྟཱ་ནི, ས་བྦེ་སཾ ཝ་སེ་ན ཏཱི་ཎི ཙི་ཏྟཱ་ནི. དུ་ཀྑ་ཝེ་ད་ནཱ་ཝ་སེ་ན ཨེ་ཀཱ ཝེ་ད་ནཱ, སུ་ཁ་ཨུ་པེ་ཀྑཱ་ཝ་སེ་ན དྭེ, ས་བྦཱ་སཾ ཝ་སེ་ན ཏི་སྶོ ཝེ་ད་ནཱ་ཏི ཨ་ཡ་མེ་ཝ བྷེ་དོ ལ་བྦྷ་ཏི, ན ཨ་ཉྙོ བྷེ་དོ.
ཀུ་ས་ལ་ཏྟི་ཀཾ ས་ཙེ་པི ག་ཧི་ཏཾ, ན པ་ན ས་བྦེ་ས་མེ་ཝ ཙི་ཏྟཱ་ནཾ ཝ་སེ་ན ལ་བྦྷ་ཏི, ཨ་ཐ ཁོ ཨཱ་པ་ཏྟི་ས་མུ་ཊྛཱ་པ་ཀཱ་ནཾ བཱ་ཏྟིཾ་ས་ཙི་ཏྟཱ་ན་མེ་ཝ ཝ་སེ་ན ལ་བྦྷ་ཏི. བཱ་ཏྟིཾ་སེ་ཝ ཧི ཙི་ཏྟཱ་ནི ཨཱ་པ་ཏྟི་ས་མུ་ཊྛཱ་པ་ཀཱ་ནི. དྭཱ་ད་ས ཨ་ཀུ་ས་ལཱ་ནི, ཨ་ཊྛ ཀཱ་མཱ་ཝ་ཙ་ར་ཀུ་ས་ལཱ་ནི, ད་ས ཀཱ་མཱ་ཝ་ཙ་ར་ཀི་རི་ཡ་ཙི་ཏྟཱ་ནི, ཀུ་ས་ལ་ཏོ, ཀི་རི་ཡ་ཏོ ཙ དྭེ ཨ་བྷི་ཉྙཱ་ཙི་ཏྟཱ་ནི ཙཱ་ཏི ཨེ་ཝཾ བཱ་ཏྟིཾ་ས་ཙི་ཏྟེ་ཧི ས་མུ་ཊྛི་ཏཱ་པི ཨཱ་པ་ཏྟི ཨ་ཀུ་ས་ལཱ ཝཱ ཧོ་ཏི ཨ་བྱཱ་ཀ་ཏཱ ཝཱ, ན་ཏྠི ཨཱ་པ་ཏྟི ཀུ་ས་ལཾ. ཡ་ཐཱ་ཧ ས་མ་ཐ་ཀྑ་ནྡྷ་ཀེ ‘‘ཨཱ་པ་ཏྟཱ་དྷི་ཀ་ར་ཎཾ སི་ཡཱ ཨ་ཀུ་ས་ལཾ སི་ཡཱ ཨ་བྱཱ་ཀ་ཏཾ, ན་ཏྠི ཨཱ་པ་ཏྟཱ་དྷི་ཀ་ར་ཎཾ ཀུ་ས་ལ’’ནྟི (ཙཱུ་ལ༹་ཝ. ༢༢༢; པ་རི. ༣༠༣). ཨ་ཡཾ པ་ན པཱ་ཋོ པ་ཎྞ་ཏྟི་ཝ་ཛྫཾ་ཡེ་ཝ ས་ནྡྷཱ་ཡ ཝུ་ཏྟོ, ན ལོ་ཀ་ཝ་ཛྫཾ. ཡ་སྨི་ཉྷི པ་ཐ་ཝི་ཁ་ཎ་ན་བྷཱུ་ཏ་གཱ་མ་པཱ་ཏ་བྱ་ཏཱ་དི་ཀེ ཨཱ་པ་ཏྟཱ་དྷི་ཀ་ར་ཎེ ཀུ་ས་ལ་ཙི་ཏྟཾ ཨ་ངྒཾ ཧོ་ཏི, ཏ་སྨི་ཉྩ ས་ཏི ན ས་ཀྐཱ ཝ་ཏྟུཾ ‘‘ན་ཏྠི ཨཱ་པ་ཏྟཱ་དྷི་ཀ་ར་ཎཾ ཀུ་ས་ལ’’ནྟི. ཏ་སྨཱ ན་ཡི་དཾ ཨ་ངྒ་པ་ཧོ་ན་ཀ་ཙི་ཏྟཾ ས་ནྡྷཱ་ཡ ཝུ་ཏྟཾ. ཡཾ ཏཱ་ཝ ཨཱ་པ་ཏྟཱ་དྷི་ཀ་ར་ཎཾ ལོ་ཀ་ཝ་ཛྫཾ, ཏཾ ཨེ་ཀ་ནྟ་ཏོ ཨ་ཀུ་ས་ལ་མེ་ཝ. ཏ་ཏྠ ‘‘སི་ཡཱ ཨ་ཀུ་ས་ལ’’ནྟི ཝི་ཀ་པྤོ ན་ཏྠི. ཡཾ པ་ན པ་ཎྞ་ཏྟི་ཝ་ཛྫཾ, ཏཾ ཡ་སྨཱ ས་ཉྩི་ཙྩ ‘‘ཨི་མཾ ཨཱ་པ་ཏྟིཾ ཝཱི་ཏི་ཀྐ་མཱ་མཱི’’ཏི ཝཱི་ཏི་ཀྐ་མ་ནྟ་སྶེ་ཝ ཨ་ཀུ་ས་ལཾ ཧོ་ཏི, ཨ་ས་ཉྩི་ཙྩ པ་ན ཀི་ཉྩི ཨ་ཛཱ་ན་ནྟ་སྶ ས་ཧ་སེ་ཡྻཱ་དི་ཝ་སེ་ན ཨཱ་པ་ཛྫ་ན་ཏོ ཨ་བྱཱ་ཀ་ཏཾ ཧོ་ཏི, ཏ་སྨཱ ཏ་ཏྠ ས་ཉྩི་ཙྩཱ་ས་ཉྩི་ཙྩ་ཝ་སེ་ན ཨི་མཾ ཝི་ཀ་པྤ་བྷཱ་ཝཾ ས་ནྡྷཱ་ཡ ཨི་དཾ ཝུ་ཏྟཾ ‘‘ཨཱ་པ་ཏྟཱ་དྷི་ཀ་ར་ཎཾ སི་ཡཱ ཨ་ཀུ་ས་ལཾ སི་ཡཱ ཨ་བྱཱ་ཀ་ཏཾ, ན་ཏྠི ཨཱ་པ་ཏྟཱ་དྷི་ཀ་ར་ཎཾ ཀུ་ས་ལ’’ནྟི. ས་ཙེ པ་ན ‘‘ཡཾ ཀུ་ས་ལ་ཙི་ཏྟོ ཨཱ་པ་ཛྫ་ཏི, ཨི་དཾ ཝུ་ཙྩ་ཏི ཨཱ་པ་ཏྟཱ་དྷི་ཀ་ར་ཎཾ ཀུ་ས་ལ’’ནྟི ཝ་དེ་ཡྻ, ཨ་ཙི་ཏྟ་ཀཱ་ནཾ ཨེ་ལ༹་ཀ་ལོ་མ་པ་ད་སོ་དྷ་མྨཱ་དི་ས་མུ་ཊྛཱ་ནཱ་ན་མྤི ཀུ་ས་ལ་ཙི་ཏྟཾ ཨཱ་པ་ཛྫེ་ཡྻ, ན ཙ ཏ་ཏྠ ཝི་ཛྫ་མཱ་ན་མྤི ཀུ་ས་ལ་ཙི་ཏྟཾ ཨཱ་པ་ཏྟི་ཡཱ ཨ་ངྒཾ, ཀཱ་ཡ་ཝ་ཙཱི་ཝི་ཉྙ་ཏྟི་ཝ་སེ་ན པ་ན ཙ་ལི་ཏ་པ་ཝ་ཏྟཱ་ནཾ ཀཱ་ཡ་ཝཱ་ཙཱ་ནཾ ཨ་ཉྙ་ཏ་ར་མེ་ཝ ཨ་ངྒཾ, ཏ་ཉྩ རཱུ་པ་ཀྑ་ནྡྷ་པ་རི་ཡཱ་པ་ནྣ་ཏྟཱ ཨ་བྱཱ་ཀ་ཏ་ནྟི.
༨༧༠. ཨི་དཾ ཏུ ལ་ཀྑ་ཎནྟི ཨི་དཾ ནི་དཱ་ནཱ་དི་སཱ་དྷཱ་ར་ཎ་ཝི་ནི་ཙྪ་ཡ་ལ་ཀྑ་ཎཾ.
༨༧༡. ‘‘ཏ་རུ’’ནྟི་ཨཱ་དི་གཱ་ཐཱ པུ་བྦེ ཝུ་ཏྟ་ཏྠཱ་ཝ. ཨ་ཡཾ པ་ན ཝི་སེ་སོ – ཏ་ཏྠ ‘‘དྭ་ཡ་ངྐུ་ར’’ནྟི ཝུ་ཏྟཾ, ཨི་དྷ ‘‘ཙ་ཏུ་སྶི་ཁ’’ནྟི. ཏ་ཏྠ ‘‘དྭ་ཡ་ངྐུ་ར’’ནྟི ལོ་ཀ་ཝ་ཛྫ་པ་ཎྞ་ཏྟི་ཝ་ཛྫཱ་ནཾ ག་ཧ་ཎཾ, ཨི་དྷ ཙ་ཏུ་སྶི་ཁནྟི ཙ་ཏུ་ནྣཾ ཝི་པ་ཏྟཱི་ནཾ. ཙ་ཏྟཱ་རོ སཱི་ཁཱ ཨ་ངྐུ་རཱ ཨེ་ཏ་སྶཱ་ཏི ཝི་གྒ་ཧོ. ཏ་ཏྠ ཝི་པ་ཏྟི ‘‘ས་ཏྟ་ཕ་ལ’’ནྟི ས་ཏྟ་ཕ་ལེ་སུ ཨ་ནྟོ་ག་དྷཱ, ཨི་དྷ ཝི་པ་ཏྟི་ཊྛཱ་ནེ ཝ་ཛྫཾ ག་ཧེ་ཏྭཱ ས་ཏྟ་ཕ་ལཱ་ནི.
༨༧༢. ཨ་ནུ་ཏྟ་ར་ཏཾ ག་ཏཾ ཨ་ཏྟ་ནཱ ཨུ་ཏྟ་ར་སྶ ཨུ་ཏྟ་མ་སྶ ཀ་སྶ་ཙི ཨ་ཝི་ཛྫ་མཱ་ན་ཏྟཱ ཨི་མཾ ཨུ་ཏྟ་རཾ ཨུ་ཏྟ་རཾ ནཱ་མ པ་ཀ་ར་ཎཾ ཡོ ཐེ་ར་ན་ཝ་མ་ཛ྄ཛྷི་མེ་སུ ཨ་ཉྙ་ཏ་རོ པ་རི་ཡཱ་པུ་ཎཱ་ཏི པཱ་ཋ་སྶ པ་གུ་ཎ་ཝཱ་ཙུ་གྒ་ཏ་ཀ་ར་ཎེ་ན ཨ་དྷཱི་ཡ་ཏི, པ་རི་པུ་ཙྪ་ཏི ཨ་ཏྠ་ཉྩ ཨ་ཏྠ་ཝ་ཎྞ་ནཾ སུ་ཏྭཱ ས་ཀྐ་ཙྩཾ ཨུ་གྒ་ཧེ་ཏྭཱ མ་ན་སཱ པེ་ཀྑི་ཏྭཱ པ་ཉྙཱ་ཡ སུ་པྤ་ཊི་ཝི་ཛ྄ཛྷི་ཏྭཱ དྷཱ་རེ་ཏི, སོ ཙ བྷི་ཀྑུ ཙ-ས་དྡེ་ན ཨེ་ཝ་མེ་ཝ ཝི་ན་ཡ་ཝི་ནི་ཙྪ་ཡེ ཡོ བྷི་ཀྑུ ཡུ་ཏྟོ, སོ ཙ ཀཱ་ཡ་ཝཱ་ཙ་ཝི་ན་ཡེ ཀཱ་ཡ་ཝཱ་ཙཱ་ཝཱི་ཏི་ཀྐ་མཱ་ནཾ ཝི་ན་ཡ་ནེ སཾ་ཝ་ར་ཎེ ཝི་ན་ཡེ ཝི་ན་ཡ་པི་ཊ་ཀེ ཨ་ནུ་ཏྟ་ར་ཏཾ ཨུ་པ་ཡཱ་ཏི ཨ་ཏྟ་ནོ ཨུ་ཏྟ་རི་ཏ་ར་སྶ ཨ་ཝི་ཛྫ་མཱ་ན་ཏཾ ཨུ་པ་ག་ཙྪ་ཏི. ཨེ་ཏྠ ཀཱ་ར་ཎ་མཱ་ཧ ‘‘ཨུ་ཏྟ་ར་ཏོ’’ཏི, པ་གུ་ཎ་ཝཱ་ཙུ་གྒ་ཏ་ཀ་ར་ཎེ་ན ཨ་དྷཱི་ཏེ་ན ཨ་ཏྠ་ཝ་ཎྞ་ནཾ སུ་ཏྭཱ དྷཱ་ར་ཎེ་ན སུ་ཊྛུ དྷཱ་རི་ཏེ་ན ཨི་མི་ནཱ ཨུ་ཏྟ་ར་པ་ཀ་ར་ཎེ་ན ཧེ་ཏུ་བྷཱུ་ཏེ་ནཱ་ཏི ཨ་ཏྠོ.
ཨི་ཏི ཨུ་ཏྟ་རེ ལཱི་ན་ཏྠ་པ་ཀཱ་ས་ནི་ཡཱ
ལ་ཀྑ་ཎ་ཀ་ཐཱ་ཝ་ཎྞ་ནཱ ནི་ཊྛི་ཏཱ.