ས་བྦ་ས་ངྐ་ལ་ན་ན་ཡ་ཀ་ཐཱ་ཝ་ཎྞ་ནཱ
༨༧༣. པ་རི་ཝཱ་རེ མུ་ཁཱ་ག་ཏཱ ཀ་ཏྠ་པ་ཉྙ་ཏྟི་ཝཱ་རཱ་ད་ཡོ ཨ་ཊྛ ཝཱ་རཱ, ཏེ་ཡེ་ཝ པ་ཙྩ་ཡ-ས་དྡེ་ན ཡོ་ཛེ་ཏྭཱ ཝུ་ཏྟཱ ཨ་ཊྛ་པ་ཙྩ་ཡ་ཝཱ་རཱ་ཏི ཝི་བྷ་ངྒ་དྭ་ཡེ ཝི་སུཾ ཝི་སུཾ ད་སྶི་ཏཱ སོ་ལ༹་ས པ་རི་ཝཱ་རཱ ཨ་སྶཱ་ཏི སོ་ལ༹་ས་པ་རི་ཝཱ་རོ, ཏ་སྶ སོ་ལ༹་ས་པ་རི་ཝཱ་ར་སྶ. ས་བྦཾ ས་ངྐ་ལ་ནཾ ན་ཡནྟི ས་བྦེ་སཾ ཝུ་ཏྟཱ་ནཾ ས་ངྐ་ལ་ན་ན་ཡཱ་ནཾ ས་ངྒ་ཧེ་ཏ་བྦ་ཏོ ས་བྦཾ ས་ངྐ་ལ་བྷེ་ད་ནཾ ན་ཡཾ.
༨༧༥. ཀཱ་ཡི་ཀཱ ཚ་བྦི་དྷཱཏི པ་ཋ་མ་པཱ་རཱ་ཛི་ཀཱ་པ་ཏྟི, ཀུ་ཊི་ཀ་ར་ཎེ པ་ཡོ་གེ དུ་ཀྐ་ཊཱ་པ་ཏྟི, ཨེ་ཀཾ པི་ཎྜཾ ཨ་ནཱ་ག་ཏེ ཐུ་ལླ་ཙྩ་ཡཱ་པ་ཏྟི, ཏ་སྨིཾ ཨཱ་ག་ཏེ ས་ངྒྷཱ་དི་སེ་སཱ་པ་ཏྟི, ཝི་ཀཱ་ལ་བྷོ་ཛ་ནེ པཱ་ཙི་ཏྟི་ཡཱ་པ་ཏྟི, པ་ཋ་མ་པཱ་ཊི་དེ་ས་ནཱི་ཡཱ་པ་ཏྟཱི་ཏི ཚ་བྦི་དྷཱ.
ཏ་ཐཱ ཝཱ་ཙ་སི་ཀཱ་པི ཙཱཏི ཙ་ཏུ་ཏྠ་པཱ་རཱ་ཛི་ཀཱ, ཀུ་ཊི་ཡཱ ཀཱ་རཱ་པ་ནེ པུ་བྦ་ག་ཏི་ཡོ, པ་ད་སོ་དྷ་མྨ་པཱ་ཙི་ཏྟི་ཡཾ, ད་ཝ་ཀ་མྱ་ཏཱ་ཡ ཧཱི་ནེ་ན ཁུཾ་ས་ནཾ, ཏ་སྶ དུ་བྦྷཱ་སི་ཏ་ནྟི ཏ་ཐཱ ཚ་བྦི་དྷཱ.
ཚཱ་དེ་ནྟ་སྶ ཙ ཏི་སྶོཏི བྷི་ཀྑུ་ནི་ཡཱ ཝ་ཛྫ་པ་ཊི་ཙྪཱ་དི་ཀཱ་ཡ པཱ་རཱ་ཛི་ཀཾ, བྷི་ཀྑུ་ནོ ས་ངྒྷཱ་དི་སེ་ས་ཚཱ་ད་ནེ པཱ་ཙི་ཏྟི་ཡཾ, ཨ་ཏྟ་ནོ དུ་ཊྛུ་ལླ་ཙྪཱ་ད་ནེ དུ་ཀྐ་ཊ་ནྟི ཏི་སྶོ ཙ.
པ་ཉྩ སཾ་ས་གྒ་པ་ཙྩ་ཡཱཏི ཀཱ་ཡ་སཾ་ས་གྒེ བྷི་ཀྑུ་ནི་ཡཱ པཱ་རཱ་ཛི་ཀཾ, བྷི་ཀྑུ་ནོ ས་ངྒྷཱ་དི་སེ་སོ, ཀཱ་ཡེ་ན ཀཱ་ཡ་པ་ཊི་བ་དྡྷེ ཐུ་ལླ་ཙྩ་ཡཾ, ནི་སྶ་གྒི་ཡེ་ན ཀཱ་ཡ་པ་ཊི་བ་དྡྷེ དུ་ཀྐ་ཊཾ, ཨ་ངྒུ་ལི་པ་ཏོ་ད་ཀེ པཱ་ཙི་ཏྟི་ཡ་ནྟི ཀཱ་ཡ་སཾ་ས་གྒ་པ་ཙྩ་ཡཱ པ་ཉྩ ཨཱ་པ་ཏྟི་ཡོ.
༨༧༧. བྷི་ཀྑུ་ནི་ཡཱ ཝ་ཛྫ་པ་ཊི་ཙྪཱ་དི་ཀཱ་ཡ པཱ་རཱ་ཛི་ཀཾ, བྷི་ཀྑུ་སྶ ས་ངྒྷཱ་དི་སེ་ས་པ་ཊི་ཙྪཱ་ད་ཀ་སྶ པཱ་ཙི་ཏྟི་ཡ་ནྟི དུ་ཊྛུ་ལླ་ཙྪཱ་ད་ནེ དུ་ཝེ.
༨༧༩. ‘‘གཱ་མ་ནྟ་རེ ཙ་ཏ་སྶོ་ཝཱ’’ཏི་ཨཱ་དི པ་ཊི་ནི་དྡེ་ས་ཏོ ཙ ཝི་ཉྙཱ་ཡ་ཏི.
༨༨༡. ཝ་ཛ་ནྟི་ཡཱཏི ག་ཙྪ་ནྟི་ཡཱ.
༨༨༥. ཡཱ པ་ན བྷི་ཀྑུ་ནཱི ར་ཏྟ་ནྡྷ་ཀཱ་རེ ཨ་པྤ་དཱི་པེ ཧ་ཏྠ་པཱ་སེ པུ་རི་སེ་ན ས་དྡྷིཾ ཡ་དི ས་ལླ་པེ་ཡྻ, ཏ་སྶཱ པཱ་ཙི་ཏྟི. དཱུ་རེ ཋི་ཏཱ ཧ་ཏྠ་པཱ་སཾ ཝི་ཛ་ཧི་ཏྭཱ ཋི་ཏཱ ཝ་དེ་ཡྻ ཙེ, དུ་ཀྐ་ཊ་མེ་ཝཱ་ཏི ཡོ་ཛ་ནཱ.
༨༨༦. ཡཱ པ་ན བྷི་ཀྑུ་ནཱི ཚ་ནྣེ པ་ཊི་ཙྪ་ནྣ་ཊྛཱ་ནེ དི་ཝཱ པུ་རི་སེ་ན ས་དྡྷིཾ ཨ་སྶ པུ་རི་ས་སྶ ཧ་ཏྠ་པཱ་སེ ཋི་ཏཱ ཝ་དེ་ཡྻ ས་ལླ་པེ་ཡྻ, ཏ་སྶཱ པཱ་ཙི་ཏྟི. ཧ་ཏྠ་པཱ་སཾ ཝི་ཛ་ཧི་ཏྭཱ ཝ་དེ་ཡྻ ཙེ, དུ་ཀྐ་ཊ་མེ་ཝཱ་ཏི ཡོ་ཛ་ནཱ.
༨༩༡. ས་ནི་སྶ་གྒཱ ཙ པཱ་ཙི་ཏྟཱིཏི ནི་སྶ་ཛྫ་ན་ཝི་ན་ཡ་ཀ་མྨ་ས་ཧི་ཏཱ་ཡེ་ཝ པཱ་ཙི་ཏྟི.
༨༩༣. ཨི་དྷ ཨི་མ་སྨིཾ སཱ་ས་ནེ.
༨༩༦. དུ་ཝི་ནྣནྟི དྭི་ནྣཾ.
༨༩༨. ས་མཱ་ན་སཾ་ཝཱ་ས་ཀ་བྷཱུ་མི ནཱ་མ པ་ཀ་ཏ་ཏྟ་སྶ བྷི་ཀྑུ་ནོ ས་མཱ་ན་ལ་དྡྷི་ཀ་སྶ ཨེ་ཀ་སཱི་མཱ་ཡཾ ཋི་ཏ་བྷཱ་ཝོ. ནཱ་ནཱ་པ་དཾ པུ་བྦཾ ཨེ་ཏི་སྶཱ་ཏི ནཱ་ནཱ་པ་ད་པུ་བྦི་ཀཱ, ནཱ་ནཱ་སཾ་ཝཱ་ས་ཀ་བྷཱུ་མཱི་ཏི ཨ་ཏྠོ. ཨུ་ཀྑི་ཏྟ་ནཱ་ནཱ་ལ་དྡྷི་ཀ་ནཱ་ནཱ་སཱི་མ་ག་ཏཱ ནཱ་ནཱ་སཾ་ཝཱ་ས་ཀ་བྷཱུ་མི. ཨི་མཱ དྭེ་ཡེ་ཝ སཾ་ཝཱ་ས་ཀ་བྷཱུ་མི་ཡོ ཧི མ་ཧེ་སི་ནཱ ཀཱ་རུ་ཎི་ཀེ་ན ཝུ་ཏྟཱ་ཏི ཡོ་ཛ་ནཱ.
༨༩༩. དུ་ཝི་ནྣནྟི པཱ་རི་ཝཱ་སི་ཀ་མཱ་ན་ཏྟ་ཙཱ་རཱི་ནཾ དྭི་ནྣཾ པུ་གྒ་ལཱ་ནཾ. དྭ་ཡཱ་ཏཱི་ཏེ་ནཱཏི ཀཱ་མ་སུ་ཁ་ལླི་ཀཱ་ནུ་ཡོ་ག་ཨ་ཏྟ་ཀི་ལ་མ་ཐཱ་ནུ་ཡོ་ག་ས་ངྑཱ་ཏཾ ཨ་ནྟ་དྭ་ཡཾ ཨ་ཏི་ཀྐ་མྨ མ་ཛ྄ཛྷི་མཱ་ཡ པ་ཊི་པ་དཱ་ཡ ཋི་ཏེ་ན. ཨ་ཐ ཝཱ ས་སྶ་ཏུ་ཙྪེ་ད་དྭ་ཡཾ ཨ་ཏི་ཀྐ་ནྟེ་ན.
༩༠༠. ‘‘དྭ་ངྒུ་ལ་པ་བྦ་པ་ར་མཾ ཨཱ་དཱ་ཏ་བྦ’’ནྟི ཙ ཏ་ཐེ་ཝ ‘‘དྭ་ངྒུ་ལཾ ཝཱ དུ་མཱ་སཾ ཝཱ’’ཏི ཙ དྭ་ངྒུ་ལཱ དུ་ཝེ པ་ཉྙ་ཏྟཱ་ཏི ཡོ་ཛ་ནཱ.
༩༠༥. ཨཱ་ཎ་ཏྟི་ཡཱ མ་ནུ་སྶ་མཱ་ར་ཎཾ, ཨཱ་ཎ་ཏྟི་ཡཱ ཨ་དི་ནྣཱ་དཱ་ན་མྤཱི་ཏི ཡོ་ཛ་ནཱ.
༩༠༧. ཏི་སྶོ ཨོ་བྷཱ་ས་ནཱ་ཡི་མཱཏི ཨི་མཱ ཏི་སྶོ མེ་ཐུ་ནཱ་དྷི་པྤཱ་ཡ་པྤ་ཀཱ་ས་ནཱ.
༩༠༨. ས་ངྒྷཱ་དི་སེ་སོ ཨེ་ཝ ས་ངྒྷཱ་དི་སེ་ས་ཏཱ.
༩༡༠. ཝ་ན་པྤ་ཏི ནཱ་མ པུ་པྥཾ ཝི་ནཱ ཕ་ལ་ནྟཱི ནི་གྲོ་དྷ་ཨུ་དུ་མྦ་ར་ཨ་སྶ་ཏྠ་པི་ལ་ཀྑ་ཀཱ་དི་རུ་ཀྑ་ཛཱ་ཏི, ཨི་དྷ པ་ན ཝ་ན་ཛེ་ཊྛོ ར་ཀྑི་ཏ་གོ་པི་ཏ་ཙེ་ཏི་ཡ་རུ་ཀྑོ ཝ་ན་པྤ་ཏཱི་ཏི ཨ་དྷི་པྤཱ་ཡོ. ཐུ་ལླ་ཏཱཏི ཐུ་ལླ་ཙྩ་ཡཾ.
༩༡༢. ཝི་སྶ་ཊྛཱིཏི ཝི་སྶ་ཛྫི ས་མྦྷ་ཝ་དྷཱ་ཏུ. ཚ་ཌྜ་ནེཏི ཨུ་པ་ཀྐ་མི་ཏྭཱ མོ་ཙ་ནེ. ‘‘ཧ་རི་ཏེ ཨུ་ཙྩཱ་རཾ པ་སྶཱ་ཝཾ ཚ་ཌྜ་ནེ’’ཏི པ་ད་ཙྪེ་དོ.
༩༡༣. ཀིཾ པ་མཱ་ཎ་མེ་ཏཱ་ས་ནྟི ཀི་ཏྟ་ཀཱ.
༩༡༥. བྷི་ཀྑུ བྷི་ཀྑུ་ནི་ཡཱ ས་དྡྷིནྟི ཨེ་ཏྠ བྷི་ཀྑཱུ་ཏི སཱ་མི་ཝ་ཙ་ན་པྤ་ས་ངྒེ པ་ཙྩ་ཏྟཾ, བྷི་ཀྑུ་ནོ་ཏི ཨ་ཏྠོ. གཱ་ཐཱ་བ་ནྡྷ་ཝ་སེ་ན ཝཱ ཝ་ཎྞ་ལོ་པོ.
༩༡༨. དུ་ཏི་ཡཱ་ཡ ཧ་ཏྠ་པཱ་ས་ཀཾ.
༩༢༢. ‘‘ཡཱ་ཝ་ཏ་ཏི་ཡ་ཀེ ཏི་སྶོ ཨཱ་པ་ཏྟི་ཡོ’’ཏི (པ་རི. ཨ་ཊྛ. ༤༧༦ ཨ་ཏྠ་ཏོ ས་མཱ་ནཾ) པ་ད་སྶ ནི་དྡེ་སེ ‘‘ཐུ་ལླ་ཙྩ་ཡཾ སི་ཡཱ ས་ངྒྷ-བྷེ་ད་ཀ་སྶཱ་ནུ་ཝ་ཏྟི་ནོ’’ཏི པ་ཋ་ནྟི. ‘‘ཏི་ཎྞཾ ས་ངྒྷ་བྷེ་དཱ་ནུ་ཝ་ཏྟཱ་ཀཱ་ནཾ ཀོ་ཀཱ་ལི་ཀཱ་དཱི་ནཾ ས་ངྒྷཱ་དི་སེ་སོ’’ཏི ཨ་ཊྛ་ཀ་ཐཱ་ཡཾ ཝུ་ཏྟ་ཏྟཱ ཏ་ཐཱ པཱ་ཋོ ན ག་ཧེ་ཏ་བྦོ.
༩༢༣. ཡཱ་ཝ་ཏ་ཏི་ཡ་ཀེཏི ཏི་ཎྞཾ པཱུ་ར་ཎཱི ཏ་ཏི་ཡཱ, ཀ་མྨ་ཝཱ་ཙཱ, ཡཱ་ཝ་ཏ་ཏི་ཡཱ་ཡ ཀ་མྨ་ཝཱ་ཙཱ་ཡ པ་རི་ཡོ་སཱ་ནེ ཨཱ་པ་ཛྫི་ཏ་བྦཱ ཨཱ་པ་ཏྟི ཡཱ་ཝ་ཏ་ཏི་ཡ་ཀཱ ནཱ་མ.
༩༢༦. ‘‘ཨ་ཝ་སྶུ་ཏ་སྶ…པེ… ཀི་ཉྩཱི’’ཏི ཨི་དཾ ག་རུ་ཀཱ་པ་ཏྟི་ཡཱ ཝ་ཏྠུ་ད་སྶ་ནཾ. ‘‘ས་བྦཾ མཾ་སཾ ཨ་ཀ་པྤི་ཡ’’ནྟི ཨི་དཾ ཐུ་ལླ་ཙྩ་ཡ་དུ་ཀྐ་ཊཱ་ནཾ ཝ་ཏྠུ་ད་སྶ་ནཾ.
༩༢༧. ‘‘ཝི་ཉྙཱ་པེ་ཏྭཱ་ན…པེ… བྷོ་ཛ་ན་མྤི ཙཱ’’ཏི ཨི་དཾ པཱ་ཊི་དེ་ས་ནཱི་ཡ་ཝ་ཏྠུ་ད་སྶ་ནཾ. ‘‘ལ་སུ་ཎ་མྤི ཙཱ’’ཏི ཨི་དཾ པཱ་ཙི་ཏྟི་ཡ་ཝ་ཏྠུ་ད་སྶ་ནཾ. ‘‘ཨེ་ཀ་ཏོ ཨ་ཛ྄ཛྷོ་ཧ་ར་ནྟི་ཡཱ’’ཏི པ་ད་ཙྪེ་དོ.
༩༣༠. ར་ཏྟ་ཙི་ཏྟེ་ན ཨི་ཏྠི་ཡཱ ཨ་ངྒ་ཛཱ་ཏཾ ཨོ་ལོ་ཀེ་ནྟ་སྶ དུ་ཀྐ་ཊཾ ཝུ་ཏྟ་ནྟི ཡོ་ཛ་ནཱ.
༩༣༡. ས་མྨཱ་ཝ་ཏྟ་ནཱ་ཝ ས་མྨཱ་ཝ་ཏྟ་ན་ཀཱ. ཏེ་ཙ་ཏྟཱ་ལཱི་ས ཝ་ཏྟ་ནཱ དྭཱ་སཱི་ཏི་ཀྑ་ནྡྷ་ཀ་ཝ་ཏྟཱ་ནཾ པ་རི་པཱུ་ར་ཎ་ཊྛཱ་ནེ ད་སྶི་ཏཱ.
༩༣༢. ཨ་ད་སྶ་ན་ཨ་པ་ཊི་ཀ་མྨེ ཨཱ་པ་ནྣཱ་པ་ཏྟི་ཡཱ དུ་ཝེ པུ་གྒ་ལཱ, པཱ་པི་ཀཱ་ཡ དི་ཊྛི་ཡཱ ཨ་པྤ་ཊི་ནི་སྶ་གྒེ ཨཱ་པ་ནྣཱ་པ་ཏྟི་ཡཱ ཨེ་ཀོ་ཏི ཨི་མེ ཏ་ཡོ ཨུ་ཀྑི་ཏྟ་པུ་གྒ་ལཱ.
༩༣༤. དཱུ་ས་ཀོཏི བྷི་ཀྑུ་ནི་དཱུ་ས་ཀོ. ཀ་ཎྚ་ཀོཏི ཀ་ཎྚ་ཀ་སཱ་མ་ཎེ་རོ.
༩༣༧. ད་དེ་ཡྻ་ཙྩེ་ཝ་མཱ་དི་ཀཱཏི ཉ་ཏྟི་ཀཱ་ལེ ‘‘ས་ངྒྷོ ད་དེ་ཡྻཱ’’ཏི་ཨཱ་དི་བྷེ་དཱ ཉ་ཏྟི་ཀ་པྤ་ནཱ, ཉ་ཏྟི་ཀི་རི་ཡཱ་ཏི ཨ་ཏྠོ. དེ་ཏི ས་ངྒྷོ ཀ་རོ་ཏཱི་ཏི་ཨཱ་དཱིཏི ཀ་མྨ་ཝཱ་ཙཱ་ཀཱ་ལེ ‘‘ས་ངྒྷོ དེ་ཏཱི’’ཏི ཝཱ ‘‘ཀ་རོ་ཏཱི’’ཏི ཝཱ ཨཱ་དི་བྷེ་དཱ ཝ་ཙ་ན་ཀ་མྨ་སྶ ཨ་ནི་ཊྛི་ཏ་ཏྟཱ ཝི་པྤ་ཀ་ཏ་པ་ཙྩུ་པྤ་ནྣཾ ནཱ་མ སི་ཡཱ.
༩༣༨. དི་ནྣཾ ཀ་ཏཾ པ་ནི་ཙྩཱ་དཱིཏི ཀ་མྨ་ཝཱ་ཙཱ་ཡ ནི་ཊྛི་ཏཱ་ཡ ‘‘དི་ནྣཾ ས་ངྒྷེ་ནཱ’’ཏི ཝཱ ‘‘ཀ་ཏཾ ས་ངྒྷེ་ནཱ’’ཏི ཝཱ་ཏི་ཨཱ་དི་ཝ་ཙ་ནཾ ཨ་ཏཱི་ཏ་ཀ་ར་ཎཾ ནཱ་མ སི་ཡཱ.
༩༣༩. ས་ངྒྷེཏི ས་ངྒྷ་མ་ཛ྄ཛྷེ.
‘‘ཀཱ་ར་ཎེ་ཧི པ་ན དྭཱི་ཧི, ས་ངྒྷོ བྷི་ཛྫ་ཏི ན་ཉྙ་ཐཱ’’ཏི ཀ་སྨཱ ཝུ་ཏྟཾ, ན་ནུ ‘‘པ་ཉྩ་ཧུ་པཱ་ལི, ཨཱ་ཀཱ་རེ་ཧི ས་ངྒྷོ བྷི་ཛྫ་ཏི. ཀ་ཏ་མེ་ཧི པ་ཉྩ་ཧི? ཀ་མྨེ་ན, ཨུ་དྡེ་སེ་ན, ཝོ་ཧ་ར་ནྟོ, ཨ་ནུ་སྶཱ་ཝ་ནེ་ན, ས་ལཱ་ཀ་གྒཱ་ཧེ་ནཱ’’ཏི (པ་རི. ༤༥༨) ཝུ་ཏྟ་ཏྟཱ, ཨ་ཊྛ་ཀ་ཐཱ་ཡ་ཉྩ (པ་རི. ཨ་ཊྛ. ༤༥༨) ‘‘པ་ཉྩ་ཧི ཀཱ་ར་ཎེ་ཧཱི’’ཏི ཝ་ཙ་ན་ཏོ ཙ ཨི་དྷ ཨི་མེ་ཧི དྭཱི་ཧེ་ཝ ཀཱ་ར་ཎེ་ཧི ས་ངྒྷ་བྷེ་ད་ཀ་ཐ་ནཾ ཨ་ཡུ་ཏྟ་ནྟི? ཝུ་ཙྩ་ཏེ – ནཱ་ཡུ་ཏྟཾ པུ་བྦ་པ་ཡོ་ག་ཀཱ་ར་ཀ་ཝ་སེ་ན ཝུ་ཏྟ་ཏྟཱ. ཏ་ཐཱ ཧི ཨ་ཊྛ་ཀ་ཐཱ་ཡཾ –
‘‘ཀ་མྨེ་ནཱ་ཏི ཨ་པ་ལོ་ཀ་ནཱ་དཱི་སུ ཙ་ཏཱུ་སུ ཀ་མྨེ་སུ ཨ་ཉྙ་ཏ་རེ་ན ཀ་མྨེ་ན. ཨུ་དྡེ་སེ་ནཱ་ཏི པ་ཉྩ་སུ པཱ་ཏི་མོ་ཀྑུ་དྡེ་སེ་སུ ཨ་ཉྙ་ཏ་རེ་ན ཨུ་དྡེ་སེ་ན. ཝོ་ཧ་ར་ནྟོ་ཏི ཀ་ཐ་ཡ་ནྟོ, ཏཱ་ཧི ཏཱ་ཧི ཨུ་པ་པ་ཏྟཱི་ཧི ‘ཨ་དྷ་མྨཾ དྷ་མྨོ’ཏི་ཨཱ་དཱི་ནི ཨ་ཊྛཱ་ར་ས བྷེ་ད་ཀ་ར་ཝ་ཏྠཱུ་ནི དཱི་པེ་ནྟོ. ཨ་ནུ་སྶཱ་ཝ་ནེ་ནཱ་ཏི ‘ན་ནུ ཏུ་མྷེ ཛཱ་ནཱ་ཐ མ་ཡ྄ཧཾ ཨུ་ཙྩཱ་ཀུ་ལཱ པ་བྦ་ཛི་ཏ་བྷཱ་ཝཾ, བ་ཧུ་སྶུ་ཏ་བྷཱ་ཝ་ཉྩ, མཱ་དི་སོ ནཱ་མ ཨུ་དྡྷ་མྨཾ ཨུ་བྦི་ན་ཡཾ ས་ཏྠུ་སཱ་ས་ནཾ ཀ་རེ་ཡྻཱ་ཏི ཙི་ཏྟེ ཨུ་པྤཱ་དེ་ཏུཾ ཏུ་མྷཱ་ཀཾ ཡུ་ཏྟཾ, ཀིཾ མ་ཡ྄ཧཾ ཨ་ཝཱི་ཙི ནཱི་ལུ་པྤ་ལ་ཝ་ན་མི་ཝ སཱི་ཏ་ལོ, ཀི་མ་ཧཾ ཨ་པཱ་ཡ་ཏོ ན བྷཱ་ཡཱ་མཱི’ཏི་ཨཱ་དི་ནཱ ན་ཡེ་ན ཀ་ཎྞ་མཱུ་ལེ ཝ་ཙཱི་བྷེ་དཾ ཀ་ཏྭཱ ཨ་ནུ་སྶཱ་ཝ་ནེ་ན. ས་ལཱ་ཀ་གྒཱ་ཧེ་ནཱ་ཏི ཨེ་ཝཾ ཨ་ནུ་སྶཱ་ཝེ་ཏྭཱ ཏེ་སཾ ཙི་ཏྟཾ ཨུ་པ་ཏྠ་མྦྷེ་ཏྭཱ ཨ་ནི་ཝ་ཏྟི་དྷ་མྨེ ཀ་ཏྭཱ ‘ག་ཎྷ་ཐ ཨི་མཾ ས་ལཱ་ཀ’ནྟི ས་ལཱ་ཀ་གྒཱ་ཧེ་ན.
‘‘ཨེ་ཏྠ ཙ ཀ་མྨ་མེ་ཝ, ཨུ་དྡེ་སོ ཝཱ པ་མཱ་ཎཾ, ཝོ་ཧཱ་རཱ་ནུ་སྶཱ་ཝ་ན་ས་ལཱ་ཀ་གྒཱ་ཧཱ པ་ན པུ་བྦ་བྷཱ་གཱ. ཨ་ཊྛཱ་ར་ས་ཝ་ཏྠུ་དཱི་པ་ན་ཝ་སེ་ན ཧི ཝོ་ཧ་ར་ནྟེ ཏ་ཏྠ རུ་ཙི་ཛ་ན་ན་ཏྠཾ ཨ་ནུ་སྶཱ་ཝེ་ཏྭཱ ས་ལཱ་ཀཱ་ཡ ག་ཧི་ཏཱ་ཡ་པི ཨ་བྷི་ནྣོ་ཝ ཧོ་ཏི ས་ངྒྷོ. ཡ་དཱ པ་ན ཨེ་ཝཾ ཙ་ཏྟཱ་རོ ཝཱ ཨ་ཏི་རེ་ཀེ ཝཱ ས་ལཱ་ཀཾ གཱ་ཧེ་ཏྭཱ ཨཱ་ཝེ་ཎི་ཀཾ ཀ་མྨཾ ཝཱ ཨུ་དྡེ་སཾ ཝཱ ཀ་རོ་ཏི, ཏ་དཱ ས་ངྒྷོ བྷི་ནྣོ ནཱ་མ ཧོ་ཏཱི’’ཏི (པ་རི. ཨ་ཊྛ. ༤༥༨) –
ཝུ་ཏྟ་ཏྟཱ ས་ལཱ་ཀ་གྒཱ་ཧ་ཀ་མྨཱ་ནི དྭེ པ་དྷཱ་ན་ཀཱ་ར་ཎཱ་ནཱི་ཏི ཨི་དྷ ཏཱ་ནེ་ཝ ད་སྶི་ཏཱ་ནི.
ན་ནུ ཙ ས་ལཱ་ཀ་གྒཱ་ཧོ་པི ས་ངྒྷ་བྷེ་ད་སྶ པུ་བྦ་བྷཱ་གོ ཝུ་ཏྟོ, ཨུ་དྡེ་ས་ཀ་མྨཱ་ནེ་ཝ པ་དྷཱ་ན་བྷཱ་ཝེ་ན ཝུ་ཏྟཱ་ནི, ཏ་སྨཱ ཀ་ཐ་མ་སྶ ས་ལཱ་ཀ་གྒཱ་ཧ་སྶ པ་དྷཱ་ན་ཀཱ་ར་ཎ་བྷཱ་ཝོ་ཏི? ཝུ་ཙྩ་ཏེ – ཨུ་དྡེ་ས་ཀ་མྨཱ་ནི་པི ས་ལཱ་ཀ་གྒཱ་ཧེ སི་དྡྷེ ཨ་ཝ་སྶ་མྦྷ་ཝ་ན་ཏོ ཨ་ཏྠ་སཱ་དྷ་ན་པ་ཡོ་གེ་ན ཝི་ནཱ ཨ་སི་དྡྷཱ་ནེ་ཝ ཧོ་ནྟཱི་ཏི སོ པ་དྷཱ་ན་བྷཱ་ཝེ་ན ཨི་དྷ ག་ཧི་ཏོ, ཨུ་དྡེ་སོ པ་ན པ་ཉྙ་ཏྟ་ཀ་མྨ་པུ་བྦ་ངྒ་མ་ཏྟཱ ཀ་མྨེ་ནེ་ཝ ས་ངྒ་ཧི་ཏོ་ཏི ཨི་དྷ ཝི་སུཾ ན ཝུ་ཏྟོ་ཏི ད་ཊྛ་བྦཾ.
༩༤༡. པ་ཡུ་ཏྟཱ་ཡུ་ཏྟ་ཝཱ་ཙཱ་ཡཱཏི པ་ཙྩ་ཡུ་པྤཱ་ད་ན་ཏྠཱ་ཡ པ་ཡུ་ཏྟཱ ཙ སཱ ས་ཀྱ་པུ་ཏྟི་ཡ་བྷཱ་ཝ་སྶ ཨ་ཡུ་ཏྟཱ ཨ་ན་ནུ་རཱུ་པཱ ཙཱ་ཏི པ་ཡུ་ཏྟཱ་ཡུ་ཏྟཱ, སཱ་ཡེ་ཝ ཝཱ་ཙཱ་ཏི པ་ཡུ་ཏྟཱ་ཡུ་ཏྟ་ཝཱ་ཙཱ, ཏཱ་ཡ.
༩༤༤. ཡཱ བྷི་ཀྑུ་ནཱི ཝི་ཉྙཱ་པེ་ཏྭཱ བྷུ་ཉྫ་ཏི, ཏ་སྶཱ ཙ པཱ་ཊི་དེ་ས་ནཱི་ཡཾ སི་ཡཱ་ཏི ཡོ་ཛ་ནཱ.
༩༤༥. ཨ་ནཱ་མ་ཡོཏི ཨ་གི་ལཱ་ནོ.
༩༤༦. ‘‘ད་ས་ས་ཏཱ་ནཱི’’ཏི་ཨཱ་དི་གཱ་ཐཱ་ཡ ར་ཏྟཱི་ནནྟི ཨེ་ཏྠ ‘‘ས་ཏ’’ནྟི སེ་སོ. ཚཱ་ད་ན་ཀི་རི་ཡཱ་ཡ ཨ་ཙྩ་ནྟ་སཾ་ཡོ་གེ ཨུ་པ་ཡོ་ག་ཝ་ཙ་ནཾ. ད་ས་ས་ཏཱ་ནི ཨཱ་པ་ཏྟི་ཡོ ར་ཏྟཱི་ནཾ ས་ཏཾ ཚཱ་དེ་ཏྭཱ་ཏི ཡོ་ཛ་ནཱ. ཨེ་ཝཾ ཀ་ཏྟ་བྦ་ཡོ་ཛ་ནཱ་ཡཾ –
‘‘ད་ས ས་ཏཾ ར་ཏྟི་ས་ཏཾ, ཨཱ་པ་ཏྟི་ཡོ ཚཱ་ད་ཡི་ཏྭཱ་ན;
ད་ས ར་ཏྟི་ཡོ ཝ་སི་ཏྭཱ་ན, མུ་ཙྩེ་ཡྻ པཱ་རི་ཝཱ་སི་ཀོ’’ཏི. (པ་རི. ༤༧༧) –
ཨ་ཡཾ པ་རི་ཝཱ་ར་གཱ་ཐཱ་པ་མཱ་ཎཾ. ཨེ་ཀ་དི་ཝ་སཾ ས་ཏཾ་ས་ངྒྷཱ་དི་སེ་སཱ་པ་ཏྟི་ཡོ ཨཱ་པ་ཛྫི་ཏྭཱ ད་ས་དི་ཝ་སེ ཚཱ་ད་ན་ཝ་སེ་ན ས་ཏཾ་དི་ཝ་སེ ས་ཧ་སྶ་ས་ངྒྷཱ་དི་སེ་སཱ་པ་ཏྟི་ཡོ ཚཱ་ད་ཡི་ཏྭཱ་ཏི ཨ་ཏྠོ. ཨ་ཡ་མེ་ཏྠ ས་ངྑེ་པ་ཏྠོ – ཡོ ད་ས་དི་ཝ་སེ ས་ཏཾ ས་ངྒྷཱ་དི་སེ་སཱ ཨཱ་པ་ཏྟི་ཡོ ཨཱ་པ་ཛྫི་ཏྭཱ ད་ས་དི་ཝ་སེ པ་ཊི་ཙྪཱ་དེ་ཏི, ཏེ་ན ར་ཏྟི་ས་ཏཾ ཨཱ་པ་ཏྟི་ས་ཧ་སྶཾ པ་ཊི་ཙྪཱ་དི་ཏཾ ཧོ་ཏཱི་ཏི. ད་ས ར་ཏྟི་ཡོ ཝ་སི་ཏྭཱ་ནཱཏི ‘‘ས་བྦཱ་ཝ ཏཱ ཨཱ་པ་ཏྟི་ཡོ ད་སཱ་ཧ་པ་ཊི་ཙྪ་ནྣཱ’’ཏི པ་རི་ཝཱ་སཾ ཡཱ་ཙི་ཏྭཱ ད་ས ར་ཏྟི་ཡོ ཝ་སི་ཏྭཱ་ཏི ཨ་ཏྠོ. མུ་ཙྩེ་ཡྻ པཱ་རི་ཝཱ་སི་ཀོཏི པ་རི་ཝཱ་སཾ ཝ་ས་ནྟོ བྷི་ཀྑུ ཨ་ཏྟ་ནཱ ཝ་སི་ཏ་བྦ་པ་རི་ཝཱ་ས་ཏོ མུ་ཙྩེ་ཡྻ, མུ་ཏྟོ བྷ་ཝེ་ཡྻཱ་ཏི ཨ་ཏྠོ.
༩༤༧. པཱ་རཱ་ཛི་ཀཱ་ནི ཨ་ཊྛེ་ཝཱཏི ཨ་གྒ་ཧི་ཏ་གྒ་ཧ་ཎེ་ན. ཏེ་ཝཱི་ས ག་རུ་ཀཱཏི བྷི་ཀྑཱུ་ཧི ཨ་སཱ་དྷཱ་ར་ཎཱ བྷི་ཀྑུ་ནཱི་ནཾ ད་ས, བྷི་ཀྑུ་ནཱི་ཧི ཨ་སཱ་དྷཱ་ར་ཎཱ བྷི་ཀྑཱུ་ནཾ ཚ, ཨུ་བྷི་ནྣཾ སཱ་དྷཱ་ར་ཎཱ ས་ཏྟཱ་ཏི ཨེ་ཝཾ ཏེ་ཝཱི་ས ས་ངྒྷཱ་དི་སེ་སཱ.
༩༤༨. ཝུ་ཏྟཱ་ནཱིཏི ཡ་ཐཱ་ཝུ་ཏྟཱ་ནི ནི་སྶ་གྒི་ཡཱ་ནི. དྭེ་ཙ་ཏྟཱ་ལཱི་ས ཧོ་ནྟཱིཏི བྷི་ཀྑུ་ཝི་བྷ་ངྒཱ་ག་ཏཱ ཏིཾ་ས, བྷི་ཀྑཱུ་ཧི ཨ་སཱ་དྷཱ་ར་ཎཱ བྷི་ཀྑུ་ནཱི་ནཾ ཨཱ་དི་ཏོ དྭཱ་ད་ས ཙཱ་ཏི དྭཱ་ཙ་ཏྟཱ་ལཱི་ས ནི་སྶ་གྒི་ཡཱ་ནི ཧོ་ནྟི. ཨ་ཊྛཱ་སཱི་ཏི་ས་ཏཾ པཱ་ཙི་ཏྟི་ཡཱ པུ་བྦེ ད་སྶི་ཏཱ་ཝ.
༩༤༩. སུ་སི་ཀྑེ་ནཱཏི སུ་ཊྛུ སི་ཀྑི་ཏ་ཨ་དྷི་སཱི་ལཱ་དི་ཏི་ཝི་དྷ་སི་ཀྑེ་ན བྷ་ག་ཝ་ཏཱ.
༩༥༠. སུ་པ་ཉྙེ་ནཱཏི སོ་བྷ་ཎཱ ད་ས་བ་ལ་ཙ་ཏུ་ཝེ་སཱ་ར་ཛྫ་ཚ་ཨ་སཱ་དྷཱ་ར་ཎཱ་ད་ཡོ པ་ཉྙཱ ཡ་སྶ སོ སུ་པ་ཉྙོ, ཏེ་ན. ཡ་ས་སྶི་ནཱཏི ཨ་ཊྛ་ཨ་རི་ཡ་པུ་གྒ་ལ་ས་མཱུ་ཧ་ས་ངྑཱ་ཏ་པ་རི་ཝཱ་ར་ཡ་སཱ ཙ ས་བྦ་ལོ་ཀ་བྱཱ་པ་ཀ་གུ་ཎ་གྷོ་ས་ས་ངྑཱ་ཏ་ཀི་ཏྟི་ཡ་སཱ ཙ ཏེ་ན ས་མ་ནྣཱ་ག་ཏ་ཏྟཱ ཡ་ས་སྶི་ནཱ. ཨ་ཌྜྷུ་ཌྜྷཱ་ནི ས་ཏཱ་ནི བྷ་ཝ་ནྟཱིཏི ཡ་ཐཱ་ད་སྶི་ཏ་ག་ཎ་ནཱ་ཡ པི་ཎྜ་ཝ་སེ་ན པ་ཉྙཱ་སཱ་དྷི་ཀཱ་ནི ཏཱི་ཎི ས་ཏཱ་ནི བྷ་ཝ་ནྟཱི་ཏི ཨ་ཏྠོ. སུ་པ་ཉྙེ་ན ཡ་ས་སྶི་ནཱ གོ་ཏ་མེ་ན པ་ཉྙ་ཏྟཱ་ནི ས་བྦཱ་ནི སི་ཀྑཱ་པ་དཱ་ནི ཨ་ཌྜྷུ་ཌྜྷཱ་ནི ས་ཏཱ་ནི བྷ་ཝ་ནྟཱི་ཏི ཡོ་ཛ་ནཱ.
༩༥༡. ཨེ་ཏེ་སུ སི་ཀྑཱ་པ་དེ་སུ ཡོ སཱ་ར་བྷཱུ་ཏོ ཝི་ནི་ཙྪ་ཡོ ཝ་ཏྟ་བྦོ, སོ ས་ཀ་ལོ མ་ཡཱ ས་མཱ་སེ་ན ས་བྦ་ཐཱ ས་བྦཱ་ཀཱ་རེ་ན ཝུ་ཏྟོ་ཏི ཡོ་ཛ་ནཱ.
༩༥༢. ཨི་དཾ ཨུ་ཏྟ་རཾ ནཱ་མ པ་ཀ་ར་ཎཾ.
༩༥༣. ཏ་སྨཱཏི མ་ཡཱ ཝི་ཙཱ་རེ་ཏྭཱ ཝུ་ཏྟ་ཏྟཱ་ཝ. ཨ་ཏྠེཏི ཝ་ཙ་ན་ཏྠ་བྷཱ་ཝ་ཏྠཱ་དི་བྷེ་དེ ཨ་ཏྠེ ཝཱ. ཨ་ཀྑ་ར་བ་ནྡྷེ ཝཱཏི ཨ་ཀྑ་ར་ས་ངྑཱ་ཏ་པ་ད་བ་ནྡྷེ ཝཱ. ཝི་ཉྙཱ་ས་སྶ ཀ་མེ་པི ཝཱཏི ཨུ་དྡེ་ས་ཝ་སེ་ན ག་ནྠ་ནི་ཀྑེ་པ་སྶ ཀ་མེ་པི. ཀ་ངྑཱ ན ཀཱ་ཏ་བྦཱཏི ‘‘ཡ་ཐཱ་ཨ་དྷི་པྤེ་ཏ་སྶ ཨི་དཾ ཝཱ་ཙ་ཀཾ ནུ ཁོ, ཨ་ཝཱ་ཙ་ཀ’’ནྟི ཝཱ ‘‘ཨི་ད་མ་ཡུ་ཏྟཾ ནུ ཁོ, ཡུ་ཏྟ’’ནྟི ཝཱ ‘‘ཨི་ད་མ་དྷི་ཀཾ ནུ ཁོ, ཨཱུ་ན’’ནྟི ཝཱ ‘‘ཨི་ད་མ་གྷ་ཊྚི་ཏ་ཀྐ་མཾ ནུ ཁོ, གྷ་ཊྚི་ཏ་ཀྐ་མ’’ནྟི ཝཱ ‘‘ཨི་དཾ ཝི་རུ་དྡྷ་ས་མ་ཡཾ ནུ ཁོ, ཨ་ཝི་རུ་དྡྷ་ས་མ་ཡ’’ནྟི ཝཱ ‘‘ཨི་དཾ དུ་རུ་ཏྟཾ ནུ ཁོ, སུ་ཝུ་ཏྟ’’ནྟི ཝཱ ‘‘ཨི་དཾ ས་ཏྠ་ཀཾ ནུ ཁོ, ནི་ར་ཏྠ་ཀ’’ནྟི ཝཱ ཀ་ངྑཱ ཝི་མ་ཏི ཡེ་ན ཀེ་ན་ཙི ན ཀཱ་ཏ་བྦཱ. བ་ཧུ་མཱ་ན་ཏཱཏི ‘‘ཝི་ན་ཡོ སཾ་ཝ་ར་ཏྠཱ་ཡཱ’’ཏི་ཨཱ་དི་ནཱ (པ་རི. ༣༦༦) ནི་དྡི་ཊྛ་པ་ཡོ་ཛ་ན་པ་ར་མྤ་རཱ་ཡ མཱུ་ལ་ཀཱ་ར་ཎ་ཏྟཱ མ་ཧ་ཏཱི ས་མྨཱ་ནཱ ཀཱ་ཏ་བྦཱ་ཏི ཨ་ཏྠོ.
༩༥༤. ཡོ བྷི་ཀྑུ ས་ཨུ་ཏྟ་རཾ ཨུ་ཏྟ་ར་པ་ཀ་ར་ཎེ་ན ས་ཧི་ཏཾ ཝི་ན་ཡ་སྶ་ཝི་ནི་ཙྪ་ཡཾ ནཱ་མ པ་ཀ་ར་ཎཾ ཛཱ་ནཱ་ཏི དྷ་མྨ་ཏོ ཙེ་ཝ ཨ་ཏྠ་ཏོ ཙ ཝི་ནི་ཙྪ་ཡ་ཏོ ཙ ས་བྦ་ཐཱ ཨ་ཝ་བུ་ཛ྄ཛྷ་ཏི, སོ བྷི་ཀྑུ ཨ་ཏྟ་ནཱ སི་ཀྑི་ཏ་བྦཱ་ཡ སི་ཀྑཱ་ཡ ས་བྦ་སོ ཝི་ཉྙཱ་ཏ་ཏྟཱ སི་ཀྑཱ་པ་ཀེ་ན ཨཱ་ཙ་རི་ཡེ་ན ཝི་ནཱ་པི སི་ཀྑི་ཏུཾ ས་མ་ཏྠོ་ཏི. ནི་སྶ་ཡཾ ཝི་མུ་ཉྩི་ཏྭཱཏི ཨཱ་ཙ་རི་ཡུ་པ་ཛ྄ཛྷཱ་ཡེ ནི་སྶཱ་ཡ ཝཱ་སཾ མུ་ཉྩི་ཏྭཱ. ཡ་ཐཱ་ཀཱ་མ་ངྒ་ཏོ སི་ཡཱཏི ཡཱ་དི་སཱ ཡཱ་དི་སཱ ཨ་ཏྟ་ནཱ གཱ་མི་ཏཱ, ཏ་ཏྠ ཏ་ཏྠ ག་མ་ནཱ་ར་ཧོ བྷ་ཝེ་ཡྻཱ་ཏི ཨ་ཏྠོ.
༩༥༥. ནི་སྶ་ཡཾ དཱ་ཏུ་ཀཱ་མེ་ན. ས་ཧ ཝི་བྷ་ངྒེ་ན ས་ཝི་བྷ་ངྒཾ. ས་ཧ མཱ་ཏི་ཀཱ་ཡ ས་མཱ་ཏི་ཀཾ. ཨི་དཾ ས་ཨུ་ཏྟ་རཾ ཝི་ན་ཡ་ཝི་ནི་ཙྪ་ཡ་པ་ཀ་ར་ཎཾ སུ་ཊྛུ ཝཱ་ཙུ་གྒ་ཏཾ ཀ་ཏྭཱ ག་ནྠ་ཏོ སུ་ཊྛུ པ་གུ་ཎཾ ཝཱ་ཙུ་གྒ་ཏཾ ཀ་ཏྭཱ ཨ་ཏྠ་ཏོ, ཝི་ནི་ཙྪ་ཡ་ཏོ ཙ ས་མྨཱ ཛཱ་ནི་ཏྭཱ ཨེ་ཝཾ དཱ་ཏ་བྦ་ནྟི ཡོ་ཛ་ནཱ.
༩༥༦-༧. ཡོ བྷི་ཀྑུ ཨི་མཾ ས་ཨུ་ཏྟ་རཾ ཝི་ན་ཡ་ཝི་ནི་ཙྪ་ཡ་པ་ཀ་ར་ཎཾ ཝཱ་ཙཱ་ཡ པ་ཋ་ཏི, མ་ན་སཱ ཙི་ནྟེ་ཏི, ཨ་ཉྙེ་ཧི ཝུ་ཙྩ་མཱ་ནཾ སུ་ཎཱ་ཏི, ཨ་ཏྠཾ པ་རི་པུ་ཙྪ་ཏི, པ་རཾ ཝཱ་ཙེ་ཏི, ནི་ཙྩཾ ཨ་ཏྠཾ ཨུ་པ་པ་རི་ཀྑ་ཏི ཡ་ཐཱ་པ་རི་པུ་ཙྪི་ཏ་མ་ཏྠཾ ཧེ་ཏུ་ཨུ་དཱ་ཧ་ར་ཎ་པ་ཝ་ཏྟི་ཝ་སེ་ན ཨུ་པ་ག་ནྟྭཱ ས་མ་ནྟ་ཏོ ཨི་ཀྑ་ཏི པ་ཉྙཱ་ཡ ནི་ཡ་མེ་ཏི ཝ་ཝ་ཏྠ་པེ་ཏི, ཏ་སྶ པ་ན བྷི་ཀྑུ་སྶ ཝི་ན་ཡ་ནི་སྶི་ཏཱ ས་བྦེ་ཝ ཨ་ཏྠཱ ཨཱ་པ་ཏྟཱ་ནཱ་པ་ཏྟི་ཀ་པྤི་ཡཱ་ཀ་པྤི་ཡཱ་དི་པ་བྷེ་དཱ ས་བྦེ ཨ་ཏྠཱ ཧ་ཏྠེ ཨཱ་མ་ལ་ཀཾ ཝི་ཡ ཀ་ར་ཏ་ལེ ཨ་མ་ལ་མ་ཎི་ར་ཏ་ནཾ ཝི་ཡ ཨུ་པ་ཊྛ་ཧ་ནྟི པཱ་ཀ་ཊཱ བྷ་ཝ་ནྟཱི་ཏི ཡོ་ཛ་ནཱ. ན་ཏྠི ཨེ་ཏ་སྶ མ་ལ་ནྟི ཨ་མ་ལཾ, ཨ་མ་ལ་མེ་ཝ ཨཱ་མ་ལ་ཀནྟི མ་ཎི་ར་ཏ་ནཾ ཝུ་ཙྩ་ཏི.
༩༥༨. ན་ཏྠི ཨེ་ཏེ་སཾ བུ་དྡྷཱི་ཏི ཨ་བུ་དྡྷཱི, ཨ་བུ་དྡྷཱི ཙ ཏེ ཛ་ནཱ ཙཱ་ཏི ཨ་བུ་དྡྷི་ཛ་ནཱ, ཨ་བུ་དྡྷི་ཛ་ནཱ་ནཾ སཱ་རཾ ཨ་ཝ་སཱ་རཾ ཨོ་སཱི་ད་ནཾ ད་དཱ་ཏི ཨཱ་ད་དཱ་ཏི ཀ་རོ་ཏཱི་ཏི ཨ་བུ་དྡྷི་ཛ་ན་སཱ་ར་དཾ, བུ་དྡྷི་ཝི་ར་ཧི་ཏཱ་ནཾ ཨ་གཱ་དྷཾ ག་མྦྷཱི་རཾ. ཏེ་ཧི ཨ་ལ་དྡྷ་པ་ཏི་ཊྛཾ ཨ་མ་ཏ་སཱ་ག་རཾ ས་དྡ་ཏྠ་ར་སཱ་མ་ཏ་སྶ, ནི་བྦཱ་ནཱ་མ་ཏ་སྶ ཝཱ པ་ཊི་ལཱ་བྷ་ཀཱ་ར་ཎ་ཏྟཱ སཱ་ག་ར་ས་དི་སཾ པ་ར་མཾ ཨུ་ཏྟ་མཾ ཨི་མཾ ཨུ་ཏྟ་རཾ སཱ་ག་རཾ ཨཱ་ས་ནྣ་པ་ཙྩ་ཀྑཾ ཨུ་ཏྟ་ར་པ་ཀ་ར་ཎ་ས་ངྑཱ་ཏཾ ས་མུ་དྡ་སཱ་ག་རཾ སཱ་ར་དོ ཧུ་ཏྭཱ ཨུ་ཏྟ་རཾ ཨུ་ཏྟ་ར་ནྟོ པ་རི་ཡོ་སཱ་པེ་ནྟོ ན་རོ བྷི་ཀྑུ ཧི ཡ་སྨཱ ཝི་ན་ཡ་པཱ་ར་གོ ཝི་ན་ཡ་པི་ཊ་ཀ་སྶ པ་རི་ཡ་ནྟཾ ག་ཏོ ཧུ་ཏྭཱ པཱ་ར་གོ པཱ་རཾ སཾ་སཱ་ར་སྶ པཱ་ར་ས་ངྑཱ་ཏཾ ནི་བྦཱ་ནཾ ག་ཙྪ་ནྟོ སི་ཡཱ བྷ་ཝེ་ཡྻཱ་ཏི ཡོ་ཛ་ནཱ.
༩༥༩. ཨ་ཏོཏི ཏ་སྨཱ་དེ་ཝ ཀཱ་ར་ཎཱ ཨ་ཝ་པཱུ་ར་ཏོ་ར་ཏོ པཱ་པ་པཱུ་ར་ཏོ ནི་རཱ་ས་ངྐ་ཏཱ་ཡ ཨོ་ར་ཏོ ནི་ཝ་ཏྟོ པཱ་པ་བྷཱི་རུ་ཀོ ན་རོ ཏ་མཾ ཝི་དྷཱུ་ཡ པཱ་པ་བྷཱི་རུ་ཀ་ཏཱ་ཡ ཨེ་ཝ ཙི་ཏྟ་པ་རི་ཡུ་ཊྛཱ་ན་ཝ་སེ་ན ཨུ་པྤ་ཛྫ་ན་ཀཾ མོ་ཧ་ནྡྷ་ཀཱ་རཾ ཏ་ད་ངྒ་པ་ཧཱ་ན་ཝ་སེ་ན ཝི་དྷ་མེ་ཏྭཱ. ས་བྦ་ངྒ་ཎ་ཀ་མྨ་དཾ ས་བྦེ་སཾ རཱ་གཱ་དཱི་ནཾ ཨ་ངྒ་ཎཱ་ནཾ ཀ་མྨཾ ཏ་ད་ངྒཱ་དི་པ་ཧཱ་ནཾ ད་དཱ་ཏི ཨཱ་ཝ་ཧ་ཏཱི་ཏི ‘‘ས་བྦ་ངྒ་ཎ་ཀ་མྨ་ད’’ནྟི ལ་དྡྷ་ནཱ་མཾ སུ་ཁ་སྶ པ་དཾ ལོ་ཀི་ཡ་ལོ་ཀུ་ཏྟ་ར་སྶ སུ་ཁ་སྶ ཀཱ་ར་ཎཾ གུ་ཎ་སཾ་ཧི་ཏཾ སཱི་ལཱ་དཱི་ཧི ཨ་ཏྠ་བྷཱུ་ཏེ་ཧི གུ་ཎེ་ཧི སཾ་ཧི་ཏཾ ཡུ་ཏྟཾ གུ་ཎ་པྤ་ཀཱ་ས་ཀཾ ཧི་ཏཾ ཨ་མ་ཏོ་ས་དྷཾ ཝི་ཡ ས་བྦ་དོ་ས་ས་བྦ་བྱཱ་དྷི་ར་ཧི་ཏ་ཏཱ་ཡ ཨ་ཛ་རཱ་ཨ་མ་ཏཱ་དི་གུ་ཎཱ་ཝ་ཧ་ཏྟཱ ཧི་ཏཾ ཨི་མཾ ཨུ་ཏྟ་རཾ ནཱ་མ པ་ཀ་ར་ཎཾ ས་ཀྐ་ཙྩཾ ཨཱ་ད་རོ ཧུ་ཏྭཱ ནི་ཙྩཾ ས་ཏ་ཏཾ སི་ཀྑེ ‘‘ཨེ་ཝཾ པ་རི་ཙ་ཡ་ནྟཾ ཀ་རོ་མཱི’’ཏི ཙི་ནྟེ་ཏྭཱ ཨེ་ཀ་ནྟེ་ན ཡ་ཐཱ་ཝུ་ཏྟ་པ་ཡོ་ཛ་ན་སཱ་དྷ་ན་ཡོ་གྒཾ ཀ་ཏྭཱ ཨ་ཛ྄ཛྷེ་ནཱ་དི་ཝ་སེ་ན སི་ཀྑེ་ཡྻ ཨེ་ཝ, ན ཨ་ཛ྄ཛྷུ་པེ་ཀྑ་ཀོ བྷ་ཝེ་ཡྻཱ་ཏི ཡོ་ཛ་ནཱ.
༩༦༠. པ་ཊུ་བྷཱ་ཝ་ཀ་རེ པཱ་ཏི་མོ་ཀྑ་སཾ་ཝ་ར་སཱི་ལ་པཱུ་ར་ཎེ, སཱ་ས་ན་པ་ཙྩ་ཏྠི་ཀཱ་བྷི་བྷ་ཝ་ནེ ཙ པ་ཊུ་བྷཱ་ཝཾ ཚེ་ཀ་ཏྟཾ ཝེ་སཱ་ར་ཛྫཾ ཀ་རོ་ཏི ཨ་ཏྟཱ་ནཾ དྷཱ་རེ་ནྟཱ་ནཾ ལ་ཛྫི་པུ་གྒ་ལཱ་ན་ནྟི པ་ཊུ་བྷཱ་ཝ་ཀ་རེ པ་ར་མེ ཏ་ཏོ་ཡེ་ཝ ཨུ་ཏྟ་མེ པི་ཊ་ཀེ ཝི་ན་ཡ་པི་ཊ་ཀེ པ་ཊུ་ཏཾ པཱ་ཊ་ཝཾ པ་ཉྙཱ་ཀོ་ས་ལླཾ ཨ་བྷི་པ་ཏྠ་ཡ་ནྟེ་ན པ་ཊུ་ནཱ ཡ་ཏི་ནཱ ནི་མྨ་ལ་པྤ་ཝ་ཏྟི་ཀེ་ན པ་ཊུ་ནཱ ཝི་དྷི་ནཱ ཚེ་ཀེ་ན སཱ་རེ་ན ཝི་དྷཱ་ནེ་ན ཨི་དཾ ས་ཨུ་ཏྟ་རཾ ཝི་ན་ཡ་ཝི་ནི་ཙྪ་ཡ་པ་ཀ་ར་ཎཾ ས་ཏ་ཏཾ ནི་ར་ནྟ་རཾ པ་རི་ཡཱ་པུ་ཎི་ཏ་བྦཾ ཨུ་གྒ་ཧ་ཎ་དྷཱ་ར་ཎ་པ་རི་པུ་ཙྪཱ་ཙི་ནྟ་ནཱ་དི་ཝ་སེ་ན སི་ཀྑི་ཏ་བྦ་ནྟི ཡོ་ཛ་ནཱ.
ཨི་ཏི ཨུ་ཏྟ་རེ ལཱི་ན་ཏྠ་པ་ཀཱ་ས་ནི་ཡཱ
ས་བྦ་ས་ངྐ་ལ་ན་ན་ཡ་ཀ་ཐཱ་ཝ་ཎྞ་ནཱ ནི་ཊྛི་ཏཱ.
ནི་ག་མ་ན་ཀ་ཐཱ་ཝ་ཎྞ་ནཱ
༩༦༡-༣. མ་ཧེ་སི་ནོ ཏི་ཝི་དྷ་སྶཱ་པི སཱ་ས་ན་སྶ སུ་ཙི་ར་ཊྛི་ཏི་ཀཱ་མེ་ན ཨ་ཏི་ཙི་ར་ཀཱ་ལ་པྤ་ཝ་ཏྟིཾ ཨི་ཙྪ་ནྟེ་ན དྷཱི་མ་ཏཱ པ་ས་ཏྠ་ཏ་ར་ཉཱ་ཎེ་ན སུ་དྡྷ་ཙི་ཏྟེ་ན ལཱ་བྷ་ས་ཀྐཱ་ར་ནི་ར་པེ་ཀྑ་ཏཱ་ཡ པ་རི་སུ་དྡྷ་ཛ྄ཛྷཱ་ས་ཡེ་ན བུ་དྡྷ་ད་ཏྟེ་ན བུ་དྡྷ་ད་ཏྟཱ་བྷི་དྷཱ་ནེ་ན ཨཱ་ཙ་རི་ཡ་ཝ་རེ་ན ར་ཙི་ཏོ.
པ་ཛྫ་ཝ་སེ་ན ག་ནྠ་ཏོ, ཨ་ཏྠ་ཏོ ཙེ་ཝ པ་ར་མུ་ཏྟ་རོ ཨུ་ཏྟ་རོ ཝི་ནི་ཙྪ་ཡོ ཨ་ནྟ་རཱ་ཡཾ ཨ་ནྟ་རེ་ན ཨ་ཛ྄ཛྷ་ཏྟི་ཀཾ, བཱ་ཧི་རཾ ཝཱ ཨ་ནྟ་རཱ་ཡཾ ཝི་ནཱ ཡ་ཐཱ སི་དྡྷིཾ ཨུ་པཱ་ག་ཏོ པ་རི་ནི་ཊྛཱ་ནཾ པ་ཏྟོ, ཏ་ཐཱ ས་ཏྟཱ་ནཾ དྷ་མྨ་སཾ་ཡུ་ཏཱ ཀུ་ས་ལཱུ་པ་སཾ་ཧི་ཏཱ ས་ངྐ་པྤཱ མ་ནོ་ར་ཐཱ སི་ཛ྄ཛྷ་ནྟུ ཨ་ནྟ་རཱ་ཡཾ ཝི་ནཱ ནི་པྤ་ཛྫ་ནྟུ, ཨེ་ཏེ་ན ཨུ་ཏྟ་ར་ཝི་ནི་ཙྪ་ཡ་ར་ཙ་ནཱ་མ་ཡེ་ན མ་ཧ་ཏཱ པུ་ཉྙོ་ད་ཡེ་ན ཙ་ཏཱུ་ཧི ས་ངྒ་ཧ་ཝ་ཏྠཱུ་ཧི ཛ་ནཾ ར་ཉྫེ་ཏཱི་ཏི ‘‘རཱ་ཛཱ’’ཏི ས་ངྑཾ ག་ཏོ མ་ཧཱི་པཱ་ལོ མ་ཧིཾ པ་ཐ་ཝི་ས་ནྣི་སྶི་ཏཾ ཛ་ན་ཀཱ་ཡཾ ས་མྨཱ ཉཱ་ཡེ་ན ད་ས རཱ་ཛ་དྷ་མྨེ ཨ་ཀོ་པེ་ནྟོ པཱ་ལེ་ཏུ. དེ་ཝོ པ་ཛྫུ་ནྣོ ཀཱ་ལེ ཐཱ་ཝ་ར་ཛ་ངྒ་མཱ་ནཾ ཨུ་པ་ཡོ་གཱ་ར་ཧ་ཀཱ་ལེ ས་མྨཱ པ་ཝ་སྶ་ཏུ ཨ་ཝུ་ཊྛི་ཨ་ཏི་ཝུ་ཊྛི་ཀཾ ཨ་ཀ་ཏྭཱ ས་མྨཱ པ་ཝ་ཙྪ་ཏུ.
༩༦༤. སེ་ལི་ནྡོ སི་ནེ་རུ་པ་བྦ་ཏ་རཱ་ཛཱ ཡཱ་ཝ ཏི་ཊྛ་ཏི ཡཱ་ཝ ལོ་ཀེ པ་ཝ་ཏྟ་ཏི, ཙ་ནྡོ ས་ཀ་ལ་ཛ་ན་པ་ད་ན་ཡ་ན་སཱ་ཡ་ནོ ཡཱ་ཝ ཝི་རོ་ཙ་ཏི ཡཱ་ཝ ཨ་ཏྟ་ནོ ས་བྷཱ་ཝཾ ཛོ་ཏེ་ཏི, ཏཱ་ཝ ཡ་ས་སྶི་ནོ གོ་ཏ་མ་སྶ ཨ་ར་ཧ་ཏོ ས་མྨཱ་ས་མྦུ་དྡྷ་སྶ ས་དྡྷ་མྨོ པ་རི་ཡ་ཏྟི་པ་ཊི་པ་ཏྟི་པ་ཊི་ཝེ་དྷ་ཝ་སེ་ན ཏི་ཝི་དྷོ ས་དྡྷ་མྨོ ཏི་ཊྛ་ཏུ པ་ཝ་ཏྟ་ཏུ.
༩༦༥. སཱི་ཧཱ་དཱི་ནཾ, དཱ་ཧཱ་དཱི་ན་ཉྩ བཱ་ཧི་ར་ཛ྄ཛྷ་ཏྟི་ཀཱ་ནཾ པ་རི་སྶ་ཡཱ་ནཾ ཁ་མ་ནཾ ས་ཧ་ནཾ ཨ་བྷི་བྷ་ཝི་ཏྭཱ པ་ཝ་ཏྟ་ནཾ ཁ་ནྟི. སོ་ར་ཙྩནྟི སོ་བྷ་ནེ ར་ཏོ་ཏི སུ་ར་ཏོ, སུ་ར་ཏ་སྶ བྷཱ་ཝོ སོ་ར་ཙྩཾ. སུ་ནྡ་རཾ ཨ་ཁ་ཎྜ་ཏཱ་དི་གུ་ཎ་ས་མ་ནྣཱ་ག་ཏཾ སཱི་ལཾ ཨ་སྶཱ་ཏི སུ་སཱི་ལོ. སུ་སཱི་ལ་སྶ བྷཱ་ཝོ.
ནི་ག་མ་ན་ཀ་ཐཱ་ཝ་ཎྞ་ནཱ ནི་ཊྛི་ཏཱ.
ཨུ་ཏྟ་ར་ཝི་ནི་ཙྪ་ཡ་ཊཱི་ཀཱ ནི་ཊྛི་ཏཱ.
ཨི་ཏི ཝི་ན་ཡ་ཏྠ་སཱ་ར་ས་ནྡཱི་པ་ནཱི ནཱ་མ ཝི་ན་ཡ་ཝི་ནི་ཙྪ་ཡ་ཝ་ཎྞ་ནཱ,
ལཱི་ན་ཏྠ་པ་ཀཱ་ས་ནཱི ནཱ་མ ཨུ་ཏྟ་ར་ཝི་ནི་ཙྪ་ཡ་ཝ་ཎྞ་ནཱ ཙ
ས་མ་ཏྟཱ.
པ་ཙྪཱ ཋ་པི་ཏ་གཱ་ཐཱ་ཡོ
ཐེ་རེ་ན ཐི་ར་ཙི་ཏྟེ་ན, སཱ་ས་ནུ་ཛྫོ་ཏ་ན་ཏྠི་ནཱ;
པུ་ཉྙ་ཝཱ ཉཱ་ཎ་ཝཱ སཱི་ལཱི, སུ་ཧ་ཛྫོ མུ་དུ་ཀོ ཏ་ཐཱ.
ཡོ སཱི་ཧ་ལཱ༹་རི་མ་དྡེ་སུ, ཙ་ནྡི་མཱ སཱུ་རི་ཡོ ཝི་ཡ;
པཱ་ཀ་ཊོ སཱི་ཝ་ལིཏྠེ་རོ, མ་ཧཱ་ཏེ་ཛོ མ་ཧཱ་ཡ་སོ.
ཏེ་ན ནཱི་ཏཱ སཱི་ཧ་ལཱ༹ ཡཱ, ཨི་དྷ པ་ཏྟཱ སུ་དྷཱི་མ་ཏཱ;
ཨེ་སཱ སཾ་ཝ་ཎྞ་ནཱ སཱི་ཧ-ལ༹་ཀྑ་རེ་ན སུ་ལི་ཀྑི་ཏཱ.
རེ་ཝ་ཏོ ཨི་ཏི ནཱ་མེ་ན, ཐེ་རེ་ན ཐི་ར་ཙེ་ཏ་སཱ;
ཨ་རི་མ་དྡི་ཀེ ར་ཀྑ་ནྟེ་ན, པ་རི་ཝ་ཏྟེ་ཏྭཱ་ན སཱ་དྷུ་ཀཾ.
ལི་ཁཱ་པི་ཏཱ ཧི་ཏ་ཏྠཱ་ཡ, བྷི་ཀྑཱུ་ནཾ ཨ་རི་མ་དྡི་ཀེ;
ཨེ་སཱ སཾ་ཝ་ཎྞ་ནཱ སུ་ཊྛུ, ས་ནྣི་ཊྛཱ་ན་མུ་པཱ་ག་ཏཱ;
ཏ་ཐེ་ཝ ས་བྦ་ས་ཏྟཱ་ནཾ, ས་བྦ་ཏྠོ ཙ ས་མི་ཛ྄ཛྷ་ཏཱུ་ཏི.