ཨཱ་པ་ཏྟི་ས་མུ་ཊྛཱ་ན་ཀ་ཐཱ་ཝ་ཎྞ་ནཱ
༤༠༥. ཨཱ་དི་ནཱཏི པ་ཋ་མེ་ན ཀཱ་ཡ་ས་ངྑཱ་ཏེ་ན ས་མུ་ཊྛཱ་ནེ་ན.
༤༠༦-༧. དུ་ཀྐ་ཊཱ་ད་ཡོཏི ཨཱ་དི-ས་དྡེ་ན ཐུ་ལླ་ཙྩ་ཡ་ས་ངྒྷཱ་དི་སེ་སཱ ག་ཧི་ཏཱ. ཡ་ཐཱ་ཧ – ‘‘པ་ཡོ་གེ དུ་ཀྐ་ཊཾ. ཨེ་ཀཾ པི་ཎྜཾ ཨ་ནཱ་ག་ཏེ ཨཱ་པ་ཏྟི ཐུ་ལླ་ཙྩ་ཡ་སྶ. ཏ་སྨིཾ པི་ཎྜེ ཨཱ་ག་ཏེ ཨཱ་པ་ཏྟི ས་ངྒྷཱ་དི་སེ་ས་སྶཱ’’ཏི (པ་རི. ༢༧༧). ཝི་ཀཱ་ལེ པ་ན པཱ་ཙི་ཏྟཱིཏི ཝི་ཀཱ་ལ་བྷོ་ཛ་ན་པཱ་ཙི་ཏྟི. ཨ་ཉྙཱ་ཏི་ཧ་ཏྠ་ཏོཏི ཨ་ཉྙཱ་ཏི་ཀཱ་ཡ བྷི་ཀྑུ་ནི་ཡཱ ཨ་ནྟ་ར་གྷ་རཾ པ་ཝི་ཊྛཱ་ཡ ཧ་ཏྠ་ཏོ. ག་ཧེ་ཏྭཱཏི ཁཱ་ད་ནཱི་ཡཾ ཝཱ བྷོ་ཛ་ནཱི་ཡཾ ཝཱ ས་ཧ་ཏྠཱ པ་ཊི་གྒ་ཧེ་ཏྭཱ. ‘‘པ་ཉྩ ཨི་མཱ ཨཱ་པ་ཏྟི་ཡོ’’ཏི པ་ད་ཙྪེ་དོ.
༤༠༨. དུ་ཏི་ཡེ་ནཱཏི ཝཱ་ཙཱ་ས་ངྑཱ་ཏེ་ན ས་མུ་ཊྛཱ་ནེ་ན.
༤༠༩-༡༠. ས་མཱ་དི་ས་ཏི ཀ་ཐེ་ཏི ཙེ. ས་བྦ་ཐཱ ཝི་པ་ནྣནྟི ཨ་དེ་སི་ཏ་ཝ་ཏྠུ་ཀ་ཏཱ་དི་ནཱ ས་བྦ་པྤ་ཀཱ་རེ་ན ཝི་པ་ནྣ་པྤ་དེ་སཾ. ཀུ་ཊིནྟི ས་ཉྙཱ་ཙི་ཀཱ་ཡ ཀུ་ཊིཾ. ཡ་ཐཱ་ཧ པ་རི་ཝཱ་རེ ‘‘ཏ་སྶ ཀུ་ཊིཾ ཀ་རོ་ནྟི ཨ་དེ་སི་ཏ་ཝ་ཏྠུ་ཀཾ པ་མཱ་ཎཱ་ཏི་ཀྐ་ནྟཾ སཱ་ར་མྦྷཾ ཨ་པ་རི་ཀྐ་མ་ན’’ནྟི (པ་རི. ༢༧༨). པ་ད་སོ་དྷ་མྨཾ མཱུ་ལཾ ས་མུ་ཊྛཱ་ནཾ ཡ་སྶ པཱ་ཙི་ཏྟི་ཡ་སྶཱ་ཏི ཏ་ཐཱ ཝུ་ཏྟཾ, ཏེ་ན པ་ད་སོ་དྷ་མྨ་མཱུ་ལེ་ན, ས་ཧ་ཏྠེ ཙེ་ཏཾ ཀ་ར་ཎ་ཝ་ཙ་ནཾ.
༤༡༡. ཏ་ཏི་ཡེ་ན ས་མུ་ཊྛཱ་ནེ་ནཱཏི ཀཱ་ཡ་ཝཱ་ཙཱ་ས་ངྑཱ་ཏེ་ན ས་མུ་ཊྛཱ་ནེ་ན.
༤༡༢. སཾ་ཝི་ད་ཧི་ཏྭཱ་ནཱཏི ས་དྡྷིཾ ཝི་ད་ཧི་ཏྭཱ, ‘‘ཀུ་ཊིཾ ཀ་རོ་མཱ’’ཏི ཨ་ཉྙེ་ཧི ས་དྡྷིཾ མ་ནྟེ་ཏྭཱ་ཏི ཨ་ཏྠོ.
༤༡༣. ཝ་ཏྭཱཏི ཨ་ཏྟ་ནོ ཨ་ཏྠཱ་ཡ ཝི་ཉྙཱ་པེ་ཏྭཱ. བྷི་ཀྑུ་ནིནྟི བྷི་ཀྑཱུ་ནཾ བྷུ་ཉྫ་ན་ཊྛཱ་ནེ ཋ་ཏྭཱ ‘‘ཨི་དྷ སཱུ་པཾ དེ་ཐ, ཨི་དྷ ཨོ་ད་ནཾ དེ་ཐཱ’’ཏི ཝོ་སཱ་ས་མཱ་ནཾ ཨུ་པཱ་ས་ཀཱ་ནཾ ཝ་ཏྭཱ དཱ་པེ་ནྟིཾ བྷི་ཀྑུ་ནིཾ. ན ནི་ཝཱ་རེ་ཏྭཱཏི ‘‘ཨ་པ་ས་ཀྐ ཏཱ་ཝ, བྷ་གི་ནི, ཡཱ་ཝ བྷི་ཀྑཱུ བྷུ་ཉྫ་ནྟཱི’’ཏི ཨ་ན་པ་སཱ་དེ་ཏྭཱ བྷུ་ཉྫ་ཏོ་ཏི ཡོ་ཛ་ནཱ.
༤༡༤. ཙ་ཏུ་ཏྠེ་ན ཀཱ་ཡ་ཙི་ཏྟས་མུ་ཊྛཱ་ནེ་ན ཀ་ཏི ཨཱ་པ་ཏྟི་ཡོ སི་ཡུ་ནྟི ཡོ་ཛ་ནཱ.
༤༡༧. པ་ཉྩ་མེ་ནཱཏི ཝཱ་ཙཱ་ཙི་ཏྟ་ས་མུ་ཊྛཱ་ནེ་ན. ཝ་དནྟི ཝ་ད་ནྟོ ས་མུ་དཱ་ཙ་ར་ནྟོ.
༤༡༨. ཀུ་ཊིནྟི ནི་ད་སྶ་ན་མ་ཏྟཾ, ཨ་དེ་སི་ཏ་ཝ་ཏྠུ་ཀཾ པ་མཱ་ཎཱ་ཏི་ཀྐ་ནྟཾ སཱ་ར་མྦྷཾ ཨ་པ་རི་ཀྐ་མ་ནཾ སེ་ནཱ་ས་ན་མྤི ག་ཧ་ཎཾ ཝེ་དི་ཏ་བྦཾ.
༤༡༩. ཝཱ་ཙེ་ཏི པ་ད་སོ དྷ་མྨནྟི ཨེ་ཏྠ ‘‘ཨ་ནུ་པ་ས་མྤ་ནྣ’’ནྟི སེ་སོ. ཡ་ཐཱ་ཧ – ‘‘བྷི་ཀྑུ ཨ་ཀ་པྤི་ཡ་ས་ཉྙཱི ཨ་ནུ་པ་ས་མྤ་ནྣཾ པ་ད་སོ དྷ་མྨཾ ཝཱ་ཙེ་ཏཱི’’ཏི (པ་རི. ༢༨༡). ད་ཝ་ཀ་མྱ་ཏཱ ཝ་ད་ནྟ་སྶཱཏི ཛཱ་ཏི་ཨཱ་དཱི་ཧི ཨ་ཀྐོ་ས་ཝ་ཏྠཱུ་ཧི ཀཱི་ལཱ༹་དྷི་པྤཱ་ཡེ་ན ཝ་ད་ནྟ་སྶ. ད་ཝ་ཀ་མྱ་ཏཱཏི ཙ ‘‘པ་ཊི་ས་ངྑཱ ཡོ་ནི་སོ’’ཏི་ཨཱ་དཱི་སུ (མ. ནི. ༡.༢༢, ༢༤, ༤༢༢; ཨ. ནི. ༦.༥༨; ༨.༩; མ་ཧཱ་ནི. ༡༩༩, ༢༠༦; དྷ. ས. ༡༣༥༥; ཝི་བྷ. ༥༡༨) ཝི་ཡ ཡ-ཀཱ་ར་ལོ་པེ་ན ནི་དྡེ་སོ.
༤༢༠. ཚ་ཊྛེ་ན ཀཱ་ཡ་ཝཱ་ཙཱ་ཙི་ཏྟས་མུ་ཊྛཱ་ནེ་ན. སཾ་ཝི་ད་ཧི་ཏྭཱ་ནཱཏི སཾ་ཝི་དྷཱ་ཡ, ‘‘ཏྭ་ཉྩ ཨ་ཧ་ཉྩ ཨེ་ཀ་ཏོ ཨ་ཝ་ཧ་རི་སྶཱ་མཱ’’ཏི ས་མྨ་ནྟ་ནཾ ཀ་ཏྭཱ. བྷ་ཎྜཾ ཧ་ར་ཏཱིཏི ‘‘བྷཱ་རི་ཡཾ ཏྭཾ ཨེ་ཀཾ པ་སྶཾ ག་ཎྷ, ཨ་ཧཾ ཨི་མ’’ནྟི ཝ་ཏྭཱ ཏེ་ན ས་ཧ ཋཱ་ནཱ ཙཱ་ཝེ་ཏི ཙེ.
༤༢༣. ཨི་དྷ ཨི་མ་སྨིཾ སཱ་ས་ནེ. ཝི་མ་ཏཱུ་པ་ར་མཾ པ་ར་མནྟི ཨེ་ཏྠ ‘‘ཀ་པྤི་ཡཾ ནུ ཁོ, ཨ་ཀ་པྤི་ཡ’’ནྟི ཝཱ ‘‘ཨཱ་པ་ཏྟི ནུ ཁོ, ཨ་ནཱ་པ་ཏྟཱི’’ཏི ཝཱ ‘‘དྷ་མྨོ ནུ ཁོ, ཨ་དྷ་མྨོ’’ཏི ཝཱ ཨེ་ཝ་མཱ་དི་ནཱ ན་ཡེ་ན ཝི་ཝི་དྷེ་ནཱ་ཀཱ་རེ་ན པ་ཝ་ཏྟཱ ཝི་མ་ཏི ཝི་ཙི་ཀི་ཙྪཱ ཝི་མ་ཏི. ཝི་མ་ཏིཾ ཨུ་པ་ར་མེ་ཏི ཝི་ནཱ་སེ་ཏཱི་ཏི ཝི་མ་ཏཱུ་པ་ར་མཾ. པ་ར་མཾ ཨུ་ཏྟ་མཾ. ཨུ་ཏྟ་རནྟི ཝི་བྷ་ངྒ་ཁ་ནྡྷ་ཀཱ་ག་ཏཱ་ནཾ ནི་དཱ་ནཱ་དི་ཝི་ནི་ཙྪ་ཡཱ་ནཾ པ་ཉྷ་ཨུ་ཏྟ་ར་བྷཱ་ཝེ་ན ཋི་ཏ་ཏྟཱ ཨུ་ཏྟ་རཾ. ཨི་མཾ ཨུ་ཏྟ་རཾ ནཱ་མ པ་ཀ་ར་ཎཾ ཡོ ཨུ་ཏྟ་ར་ཏི པ་ཉྙཱ་ཡ ཨོ་གཱ་ཧེ་ཏྭཱ པ་རི་ཡོ་སཱ་པེ་ཏི. ཨི་དྷ ‘‘ཨུ་ཏྟ་རཾ ཨུ་ཏྟ་ར’’ནྟི པ་ད་དྭ་ཡེ ཨེ་ཀཾ གུ་ཎ་ནི་ད་སྶ་ནཾ, ཨེ་ཀཾ ས་ཏྠ་ནི་ད་སྶ་ན་ནྟི ག་ཧེ་ཏ་བྦཾ. སུ་ན་ཡེ་ན ཡུ་ཏོ སོ པུ་གྒ་ལོ ཝི་ན་ཡཾ པི་ཊ་ཀཾ ཨུ་ཏྟ་ར་ཏཱི་ཏི ས་མྦ་ནྡྷོ. ཀིཾ ཝི་སི་ཊྛ་ནྟི ཨཱ་ཧ ‘‘སུ་ན་ཡ’’ནྟི་ཨཱ་དི. སུ་ཊྛུ ཙཱ་རི་ཏྟ་ཝཱ་རི་ཏྟ་ད་ལ༹ྷཱི་ཀ་ར་ཎ་སི་ཐི་ལ་ཀ་ར་ཎ་བྷེ་དཱ པ་ཉྙ་ཏྟི་ཨ་ན་ཨུ་པ་ཉྙ་ཏྟཱ་དི་ན་ཡཱ ཨེ་ཏྠཱ་ཏི སུ་ན་ཡོ, ཏཾ. སུ་ཊྛུ ནཱི་ཡ་ཏི ཝི་ནི་ཙྪ་ཡོ ཨེ་ཏེ་ནཱ་ཏི སུ་ན་ཡོ, ཨུ་ཏྟ་ར་ཝི་ནི་ཙྪ་ཡོ, ཏེ་ན. ཝི་ནི་ཙྪ་ཡཱ་ཝ་བོ་དྷེ་ན སཾ་ཡུ་ཏྟོ ས་མ་ནྣཱ་ག་ཏོ. དུ་ཀྑེ་ན ཨུ་ཏྟ་རཱི་ཡ་ཏཱི་ཏི དུ་ཏྟ་རཾ. པཱ་ཏི་མོ་ཀྑ་སཾ་ཝ་ར་སཱི་ལ་དཱི་པ་ཀ་ཏྟེ་ན ས་མཱ་དྷི་པ་ཉྙཱ་ནི་བྦཱ་ན་ས་ངྑཱ་ཏ་ཨུ་ཏྟ་ར་པྤ་ཏྟི་ཡཱ པ་ཏི་ཊྛཱ་བྷཱ་ཝ་ཏོ ཨུ་ཏྟ་རཾ ཨུ་ཏྟ་ར་ཏི ཨོ་གཱ་ཧེ་ཏྭཱ པ་རི་ཡོ་སཱ་ནཾ པཱ་པུ་ཎཱ་ཏཱི་ཏི ཨ་ཏྠོ.
ཨི་དྷ ཡོ ཝི་མ་ཏཱུ་པ་ར་མཾ པ་ར་མཾ ཨུ་ཏྟ་རཾ ཨུ་ཏྟ་རཾ ནཱ་མ པ་ཀ་ར་ཎཾ ཨུ་ཏྟ་ར་ཏི, སུ་ན་ཡེ་ན ཡུ་ཏོ སོ པུ་གྒ་ལོ སུ་ན་ཡཾ དུ་ཏྟ་རཾ ཨུ་ཏྟ་རཾ ཝི་ན་ཡཾ ཨུ་ཏྟ་ར་ཏཱི་ཏི ཡོ་ཛ་ནཱ. ཙ-ས་དྡེ་ན ས་ཏྠ་ནྟ་ར་ས་མུ་ཙྩ་ཡ་ཏྠེ་ན ཨི་མ་མ་ཏྠཾ དཱི་པེ་ཏི. སེ་ཡྻ་ཐི་དཾ, ཨི་དྷ ཡོ སུ་ན་ཡཾ དུ་ཏྟ་རཾ ཨུ་ཏྟ་རཾ ཝི་ན་ཡཾ ཨུ་ཏྟ་ར་ཏི, སུ་ན་ཡེ་ན ཡུ་ཏོ སོ པུ་གྒ་ལོ ཝི་མ་ཏཱུ་པ་ར་མཾ པ་ར་མཾ ཨུ་ཏྟ་རཾ ཨུ་ཏྟ་རཾ ནཱ་མ པ་ཀ་ར་ཎཾ ཨུ་ཏྟ་ར་ཏཱི་ཏི. ཨི་མི་ནཱ ཡོ ཨུ་ཏྟ་རཾ ཛཱ་ནཱ་ཏི, སོ ཝི་ན་ཡཾ ཛཱ་ནཱ་ཏི. ཡོ ཝི་ན་ཡཾ ཛཱ་ནཱ་ཏི, སོ ཨུ་ཏྟ་རཾ ཛཱ་ནཱ་ཏཱི་ཏི ཨུ་ཏྟ་ར་པ་ཀ་ར་ཎ་སྶ ཝི་ན་ཡ་པི་ཊ་ཀ་ཛཱ་ན་ནེ ཨ་ཙྩ་ནྟཱུ་པ་ཀཱ་རི་ཏཱ ཝི་བྷཱ་ཝི་ཏཱ་ཏི ད་ཊྛ་བྦཾ.
ཨི་ཏི ཨུ་ཏྟ་རེ ལཱི་ན་ཏྠ་པ་ཀཱ་ས་ནི་ཡཱ
ཨཱ་པ་ཏྟི་ས་མུ་ཊྛཱ་ན་ཀ་ཐཱ་ཝ་ཎྞ་ནཱ ནི་ཊྛི་ཏཱ.