ས་མུ་ཊྛཱ་ན་སཱི་ས་ཀ་ཐཱ་ཝ་ཎྞ་ནཱ
༣༢༥-༦. མ་ཧེ་སི་ནཱ དྭཱི་སུ ཝི་བྷ་ངྒེ་སུ པ་ཉྙ་ཏྟཱ་ནི ཡཱ་ནི པཱ་རཱ་ཛི་ཀཱ་དཱི་ནི སི་ཀྑཱ་པ་དཱ་ནི ཨུ་པོ་ས་ཐེ ཨུ་དྡི་ས་ནྟི, ཏེ་སཾ སི་ཀྑཱ་པ་དཱ་ནཾ ས་མུ་ཊྛཱ་ནཾ བྷི་ཀྑཱུ་ནཾ པཱ་ཊ་ཝ་ཏྠཱ་ཡ ཨི་ཏོ པ་རཾ པ་ཝ་ཀྑཱ་མི, ཏཾ ས་མཱ་ཧི་ཏཱ སུ་ཎཱ་ཐཱ་ཏི ཡོ་ཛ་ནཱ.
༣༢༧. ཀཱ་ཡོ ཙ ཝཱ་ཙཱ ཙ ཀཱ་ཡ་ཝཱ་ཙཱ ཙཱ་ཏི ཨ་ཙི་ཏྟ་ཀཱ་ནི ཡཱ་ནི ཏཱི་ཎི ས་མུ་ཊྛཱ་ནཱ་ནི, ཏཱ་ནེ་ཝ ཙི་ཏྟེ་ན པ་ཙྩེ་ཀཾ ཡོ་ཛི་ཏཱ་ནི ས་ཙི་ཏྟ་ཀཱ་ནི ཏཱི་ཎི ས་མུ་ཊྛཱ་ནཱ་ནི ཧོ་ནྟཱི་ཏི ཨེ་ཝ་མེ་ཝ ས་མུ་ཊྛཱ་ནཾ པུ་རི་མཱ་ནཾ དྭི་ནྣཾ ཝ་སེ་ན ཨེ་ཀ་ངྒི་ཀཾ, ཏ་ཏི་ཡ་ཙ་ཏུ་ཏྠ་པ་ཉྩ་མཱ་ནཾ ཝ་སེ་ན དྭ་ངྒི་ཀཾ, ཚ་ཊྛ་སྶ ཝ་སེ་ན ཏི་ཝ་ངྒི་ཀ་ཉྩཱཏི ཨེ་ཝཾ ཚ་དྷཱ ས་མུ་ཊྛཱ་ན་ཝི་དྷིཾ ཝ་ད་ནྟཱི་ཏི ཡོ་ཛ་ནཱ. ཀཱ་ཡོ, ཝཱ་ཙཱ་ཏི ཨེ་ཀ་ངྒི་ཀཾ དྭ་ཡཾ, ཀཱ་ཡ་ཝཱ་ཙཱ, ཀཱ་ཡ་ཙི་ཏྟཾ, ཝཱ་ཙཱ་ཙི་ཏྟ་ནྟི དུ་ཝ་ངྒི་ཀ་ཏྟ་ཡཾ, ཀཱ་ཡ་ཝཱ་ཙཱ་ཙི་ཏྟ་ནྟི ཨ་ངྒ་བྷེ་དེ་ན ཏི་ཝི་དྷ་མྤི ཨ་ཝ་ཡ་ཝ་བྷེ་དེ་ན ས་མུ་ཊྛཱ་ན་བྷེ་ད་ཝི་དྷིཾ ཚ་པྤ་ཀཱ་རཾ ཝ་ད་ནྟཱི་ཏི ཨ་དྷི་པྤཱ་ཡོ.
༣༢༨. ཏེ་སུ ཚ་སུ ས་མུ་ཊྛཱ་ནེ་སུ ཨེ་ཀེ་ན ཝཱ ས་མུ་ཊྛཱ་ནེ་ན དྭཱི་ཧི ཝཱ ཏཱི་ཧི ཝཱ ཙ་ཏཱུ་ཧི ཝཱ ཚ་ཧི ཝཱ ས་མུ་ཊྛཱ་ནེ་ཧི ནཱ་ནཱ ཨཱ་པ་ཏྟི་ཡོ ཛཱ་ཡ་རེ་ཏི ས་མྦ་ནྡྷོ.
༣༢༩. ཏ་ཏྠ ཏཱ་སུ ནཱ་ནཱ་པ་ཏྟཱི་སུ. པ་ཉྩ ས་མུ་ཊྛཱ་ནཱ་ནི ཨེ་ཏི་སྶཱ་ཏི པ་ཉྩ་ས་མུ་ཊྛཱ་ནཱ, ཨེ་ཝ་རཱུ་པཱ ཀཱ་ཙི ཨཱ་པ་ཏྟི ན ཝི་ཛྫ་ཏི. ཨེ་ཀ་མེ་ཀཾ ས་མུ་ཊྛཱ་ནཾ ཡཱ་ས་ནྟི ཝི་གྒ་ཧོ. པ་ཙྪི་མེ་ཧེ་ཝ ཏཱི་ཧི་པཱིཏི ས་ཙི་ཏྟ་ཀེ་ཧེ་ཝ ཏཱི་ཧི ས་མུ་ཊྛཱ་ནེ་ཧི, ཡཱ ཨཱ་པ་ཏྟི ཨེ་ཀ་ས་མུ་ཊྛཱ་ནཱ ཧོ་ཏི, སཱ ས་ཙི་ཏྟ་ཀཱ་ནཾ ཏི་ཎྞ་མ་ཉྙ་ཏ་རེ་ན ཧོ་ཏཱི་ཏི ཨ་དྷི་པྤཱ་ཡོ.
༣༣༠-༡. ཏ་ཏི་ཡ་ཙྪ་ཊྛ་ཏོ་པི ཙཱཏི ཀཱ་ཡ་ཝཱ་ཙ་ཏོ, ཀཱ་ཡ་ཝཱ་ཙཱ་ཙི་ཏྟ་ཏོ ཙ. ཙ་ཏུ་ཏྠ་ཙྪ་ཊྛ་ཏོ ཙེ་ཝཱཏི ཀཱ་ཡ་ཙི་ཏྟ་ཏོ ཀཱ་ཡ་ཝཱ་ཙཱ་ཙི་ཏྟ་ཏོ ཙ. པ་ཉྩ་མ་ཙྪ་ཊྛ་ཏོ་པི ཙཱཏི ཝཱ་ཙཱ་ཙི་ཏྟ་ཏོ ཀཱ་ཡ་ཝཱ་ཙཱ་ཙི་ཏྟ་ཏོ ཙ. ‘‘ཀཱ་ཡ་ཏོ ཀཱ་ཡ་ཙི་ཏྟ་ཏོ’’ཏི པ་ཋ་མཾ དྭི་ས་མུ་ཊྛཱ་ནཾ, ‘‘ཝཱ་ཙ་ཏོ ཝཱ་ཙཱ་ཙི་ཏྟ་ཏོ’’ཏི དུ་ཏི་ཡཾ, ‘‘ཀཱ་ཡ་ཝཱ་ཙ་ཏོ ཀཱ་ཡ་ཝཱ་ཙཱ་ཙི་ཏྟ་ཏོ’’ཏི ཏ་ཏི་ཡཾ, ‘‘ཀཱ་ཡ་ཙི་ཏྟ་ཏོ ཀཱ་ཡ་ཝཱ་ཙཱ་ཙི་ཏྟ་ཏོ’’ཏི ཙ་ཏུ་ཏྠཾ, ‘‘ཝཱ་ཙཱ་ཙི་ཏྟ་ཏོ ཀཱ་ཡ་ཝཱ་ཙཱ་ཙི་ཏྟ་ཏོ’’ཏི པ་ཉྩ་མཾ དྭི་ས་མུ་ཊྛཱ་ན་ནྟི ཨེ་ཝཾ པ་ཉྩ་དྷཱ ཨེ་ཝ ཋི་ཏེ་ཧི དྭཱི་ཧི ས་མུ་ཊྛཱ་ནེ་ཧི ཨེ་སཱ དྭི་ས་མུ་ཊྛཱ་ནཱ་པ་ཏྟི ཛཱ་ཡ་ཏེ ས་མུ་ཊྛཱ་ཏི. ན ཨ་ཉྙ་ཏོཏི ཀཱ་ཡ་ཏོ ཝཱ་ཙ་ཏོ་ཏི ཨེ་ཀཾ, ཝཱ་ཙ་ཏོ ཀཱ་ཡ་ཝཱ་ཙ་ཏོ་ཏི ཨེ་ཀ་ནྟི ཨེ་ཝཾ ཡ་ཐཱ་ཝུ་ཏྟ་ཀྐ་མ་ཝི་པ་རི་ཡཱ་ཡེ་ན ཡོ་ཛི་ཏེ་ཧི ཨ་ཉྙེ་ཧི ས་མུ་ཊྛཱ་ནེ་ཧི ན ས་མུ་ཊྛཱ་ཏི.
༣༣༢. པ་ཋ་མེ་ཧི ཙ ཏཱི་ཧཱིཏི ‘‘ཀཱ་ཡ་ཏོ, ཝཱ་ཙ་ཏོ, ཀཱ་ཡ་ཝཱ་ཙ་ཏོ’’ཏི པ་ཋ་མཾ ནི་དྡི་ཊྛེ་ཧི ཏཱི་ཧི ཨ་ཙི་ཏྟ་ཀ་ས་མུ་ཊྛཱ་ནེ་ཧི. པ་ཙྪི་མེ་ཧི ཙཱཏི ‘‘ཀཱ་ཡ་ཙི་ཏྟ་ཏོ, ཝཱ་ཙཱ་ཙི་ཏྟ་ཏོ, ཀཱ་ཡ་ཝཱ་ཙཱ་ཙི་ཏྟ་ཏོ’’ཏི ཨེ་ཝཾ པ་ཙྪཱ ཝུ་ཏྟེ་ཧི ས་ཙི་ཏྟ་ཀེ་ཧི ཏཱི་ཧི ས་མུ་ཊྛཱ་ནེ་ཧི. ན ཨ་ཉྙ་ཏོཏི ‘‘ཀཱ་ཡ་ཏོ, ཝཱ་ཙ་ཏོ, ཀཱ་ཡ་ཙི་ཏྟ་ཏོ, ཝཱ་ཙ་ཏོ, ཀཱ་ཡ་ཝཱ་ཙ་ཏོ, ཀཱ་ཡ་ཙི་ཏྟ་ཏོ’’ཏི ཨེ་ཝཾ ཝུ་ཏྟ་ཝི་པ་ལླཱ་ས་ཏོ ཨ་ཉྙེ་ཧི ཏཱི་ཧི ས་མུ་ཊྛཱ་ནེ་ཧི ན ས་མུ་ཊྛཱ་ཏི.
༣༣༣-༤. པ་ཋ་མཱ ཏ་ཏི་ཡཱ ཙེ་ཝ, ཙ་ཏུ་ཏྠ་ཙྪ་ཊྛ་ཏོ་པི ཙཱཏི ཀཱ་ཡ་ཏོ, ཀཱ་ཡ་ཝཱ་ཙ་ཏོ, ཀཱ་ཡ་ཙི་ཏྟ་ཏོ, ཀཱ་ཡ་ཝཱ་ཙཱ་ཙི་ཏྟ་ཏོ་ཏི ཨེ་ཏེ་ཧི ཙ་ཏཱུ་ཧི ས་མུ་ཊྛཱ་ནེ་ཧི ཙེ་ཝ. དུ་ཏི་ཡཱ…པེ… ཙྪ་ཊྛ་ཏོ་པི ཙཱཏི ཝཱ་ཙ་ཏོ, ཀཱ་ཡ་ཝཱ་ཙ་ཏོ, ཝཱ་ཙཱ་ཙི་ཏྟ་ཏོ, ཀཱ་ཡ་ཝཱ་ཙཱ་ཙི་ཏྟ་ཏོ་ཏི ཨི་མེ་ཧི ཙ་ཏཱུ་ཧི ཙཱ་ཏི ཙ་ཏུ་ས་མུ་ཊྛཱ་ནེ་ནཱ་པ་ཏྟི.
སཱ ཨེ་ཝཾ དྭི་དྷཱ ཋི་ཏེ་ཧི ཙ་ཏཱུ་ཧི ས་མུ་ཊྛཱ་ནེ་ཧི ཛཱ་ཡ་ཏེ. ན པ་ན་ཉྙ་ཏོཏི ‘‘ཀཱ་ཡ་ཏོ, ཝཱ་ཙ་ཏོ, ཀཱ་ཡ་ཝཱ་ཙ་ཏོ, ཀཱ་ཡ་ཙི་ཏྟ་ཏོ’’ཏི ཨེ་ཝ་མཱ་དི་ནཱ ཝི་པ་ལླཱ་ས་ན་ཡེ་ན ཡོ་ཛི་ཏེ་ཧི ཙ་ཏཱུ་ཧི ས་མུ་ཊྛཱ་ནེ་ཧི ན ས་མུ་ཊྛཱ་ཏི. ཚ ས་མུ་ཊྛཱ་ནཱ་ནི ཡ་སྶཱ སཱ ཚ་ས་མུ་ཊྛཱ་ནཱ. ས་ཙི་ཏྟ་ཀེ་ཧི ཏཱི་ཧི, ཨ་ཙི་ཏྟ་ཀེ་ཧི ཏཱི་ཧཱི་ཏི ཚ་ཧི ཨེ་ཝ ས་མུ་ཊྛཱ་ནེ་ཧི ས་མུ་ཊྛཱ་ཏཱི་ཏི. པ་ཀཱ་ར་ནྟ་རཱ་བྷཱ་ཝཱ ཨི་དྷ ‘‘ན ཨ་ཉྙ་ཏོ’’ཏི ན ཝུ་ཏྟཾ.
ཨཱ་ཧ ཙ ཨ་ཊྛ་ཀ་ཐཱ་ཙ་རི་ཡོ མཱ་ཏི་ཀ་ཊྛ་ཀ་ཐཱ་ཡཾ.
༣༣༥. ས་མུ་ཊྛཱ་ཏི ཨེ་ཏ་སྨཱ་ཏི ས་མུ་ཊྛཱ་ནཾ, ཀཱ་ཡཱ་དི ཚ་བྦི་དྷཾ, ཨེ་ཀཾ ས་མུ་ཊྛཱ་ནཾ ཀཱ་ར་ཎཾ ཡ་སྶཱ སཱ ཨེ་ཀ་ས་མུ་ཊྛཱ་ནཱ. པ་ཀཱ་ར་ནྟ་རཱ་བྷཱ་ཝཱ ཏི་དྷཱ. ཀ་ཐཾ? ས་ཙི་ཏྟ་ཀཱ་ནཾ ཏི་ཎྞཾ ས་མུ་ཊྛཱ་ནཱ་ནཾ ཝ་སེ་ན ཏི་ཝི་དྷཱ. དྭཱི་ཧི ས་མུ་ཊྛཱ་ནེ་ཧི ས་མུ་ཊྛི་ཏཱ དྭི་ས་མུ་ཊྛི་ཏཱ, དྭི་ས་མུ་ཊྛཱ་ནཱ་པ་ཏྟཱི་ཏི ཨ་ཏྠོ. པ་ཉྩ་དྷཱཏི ཝུ་ཏྟ་ན་ཡེ་ན པ་ཉྩ་པྤ་ཀཱ་རཱ. ཏཱི་ཎི ས་མུ་ཊྛཱ་ནཱ་ནི ཡ་སྶཱ སཱ ཏི་ས་མུ་ཊྛཱ་ནཱ, ཙ་ཏྟཱ་རི ས་མུ་ཊྛཱ་ནཱ་ནི ཡ་སྶཱ སཱ ཙ་ཏུ་རུ་ཊྛཱ་ནཱ, ཏི་ས་མུ་ཊྛཱ་ནཱ ཙ ཙ་ཏུ་རུ་ཊྛཱ་ནཱ ཙ ཏི་ཙ་ཏུ་རུ་ཊྛཱ་ནཱཏི ཨེ་ཀ་དེ་ས་ས་རཱུ་པེ་ཀ་སེ་སོ, ཏི་ས་མུ་ཊྛཱ་ནཱ དྭི་དྷཱ ཝི་བྷ་ཏྟཱ, ཙ་ཏུ་ས་མུ་ཊྛཱ་ནཱ ཙ དྭི་དྷཱ ཨེ་ཝ ཝི་བྷ་ཏྟཱ་ཏི ཨ་ཏྠོ. ཚ་ཧི ས་མུ་ཊྛཱ་ནེ་ཧི ས་མུ་ཊྛི་ཏཱ ཚ་ས་མུ་ཊྛི་ཏཱ, ཚ་ས་མུ་ཊྛཱ་ནཱ་ཏི ཨ་ཏྠོ. ཨེ་ཀ་དྷཱཏི པ་ཀཱ་ར་ནྟ་རཱ་བྷཱ་ཝཱ ཨེ་ཀ་དྷཱ་ཝ ཋི་ཏཱ་ཏི ཨ་དྷི་པྤཱ་ཡོ.
༣༣༦. ས་བྦཱ ཨཱ་པ་ཏྟི་ཡོ ས་མུ་ཊྛཱ་ན་ཝི་སེ་ས་ཏོ ཨེ་ཝཾ ཏེ་ར་ས་དྷཱ ཋི་ཏཱ་ནཾ ས་མུ་ཊྛཱ་ན་བྷེ་དཱ་ནཾ ནཱ་ན་ཏྟ་ཏོ ཏེ་ཧི ས་མུ་ཊྛི་ཏཱ་ནཾ པ་ཋ་མཾ པ་ཉྙ་ཏྟ་ཏྟཱ སཱི་ས་བྷཱུ་ཏཱ་ནཾ སི་ཀྑཱ་པ་དཱ་ནཾ ཝ་སེ་ན ཏེ་ར་སེ་ཝ ནཱ་མཱ་ནི ལ་བྷ་ནྟི, ཏཱ་ནི ཨི་ཏོ པ་རཾ ཝ་ཀྑཱ་མཱི་ཏི ཡོ་ཛ་ནཱ.
༣༣༧. པ་ཋ་མ་ནྟི་མ་ཝ་ཏྠུ་ཉྩཱཏི པ་ཋ་མ་པཱ་རཱ་ཛི་ཀ་ས་མུ་ཊྛཱ་ནཾ. དུ་ཏི་ཡནྟི ཨ་དི་ནྣཱ་དཱ་ན་ས་མུ་ཊྛཱ་ནཾ. ས་ཉྩ་རི་ཏྟ་ཀནྟི ས་ཉྩ་རི་ཏྟ་ས་མུ་ཊྛཱ་ནཾ. ས་མ་ནུ་བྷཱ་ས་ནནྟི ས་མ་ནུ་བྷཱ་ས་ན་ས་མུ་ཊྛཱ་ནཾ. ‘‘ཀ་ཐི་ནཾ ཨེ་ལ༹་ཀ་ལོ་མ་ཀ’’ནྟི པ་ད་ཙྪེ་དོ, ཀ་ཐི་ན་ས་མུ་ཊྛཱ་ནཾ ཨེ་ལ༹་ཀ་ལོ་མ་ས་མུ་ཊྛཱ་ན་ཉྩ.
༣༣༨. པ་ད་སོ་དྷ་མྨནྟི པ་ད་སོ་དྷ་མྨ་ས་མུ་ཊྛཱ་ནཾ. ཨ་དྡྷཱ་ནཾ ཐེ་ཡྻ་ས་ཏྠནྟི ཨ་དྡྷཱ་ན་ས་མུ་ཊྛཱ་ནཾ ཐེ་ཡྻ་ས་ཏྠ་ས་མུ་ཊྛཱ་ནཾ. དེ་ས་ནཱཏི དྷ་མྨ་དེ་ས་ནཱ་ས་མུ་ཊྛཱ་ནཾ. བྷཱུ་ཏཱ་རོ་ཙ་ན་ཀནྟི བྷཱུ་ཏཱ་རོ་ཙ་ན་ས་མུ་ཊྛཱ་ནཾ. ཙོ་རི་ཝུ་ཊྛཱ་པ་ནནྟི ཙོ་རི་ཝུ་ཊྛཱ་པ་ན་ས་མུ་ཊྛཱ་ནཾ.
༣༣༩. ཨ་ན་ནུ་ཉྙཱ་ཏ་ཀ་ཉྩཱཏི ཨ་ན་ནུ་ཉྙཱ་ཏ་ཀ་ས་མུ་ཊྛཱ་ན་ཉྩཱ་ཏི ཨེ་ཏཱ་ནི ཏེ་ར་ས ཏེ་ཧི ས་མུ་ཊྛཱ་ནེ་ཧི ས་མུ་ཊྛི་ཏཱ་ནཾ ཏེ་སཾ སི་ཀྑཱ་པ་དཱ་ནཾ པ་ཋ་མཾ པ་ཋ་མཾ ནི་དྡི་ཊྛཱ་ནཾ པ་ཋ་མ་པཱ་རཱ་ཛི་ཀཱ་དི་སི་ཀྑཱ་པ་ད་ས་མུ་ཊྛཱ་ནཱ་ནཾ ཨི་ཏ་རེ་སཾ པུ་བྦ་ངྒ་མ་བྷཱ་ཝ་ཏོ ‘‘སཱི་སཱ་ནཱི’’ཏི ཝུ་ཏྟཱ་ནི. ཡ་ཐཱ་ཧ པ་རི་ཝཱ་ར་ཊྛ་ཀ་ཐཱ་ཡཾ ‘‘པ་ཋ་མ་པཱ་རཱ་ཛི་ཀཾ ནཱ་མ ཨེ་ཀཾ ས་མུ་ཊྛཱ་ན་སཱི་སཾ, སེ་སཱ་ནི ཏེ་ན ས་དི་སཱ་ནཱི’’ཏི་ཨཱ་དི (པ་རི. ཨ་ཊྛ. ༢༥༨). ཏེ་ར་སེ་ཏེ ས་མུ་ཊྛཱ་ན་ན་ཡཱཏི ཨེ་ཏེ སཱི་ས་ཝ་སེ་ན ད་སྶི་ཏཱ ཏེ་ར་ས ས་མུ་ཊྛཱ་ན་ན་ཡཱ. ཝི་ཉྙཱུ་ཧི ཨུ་པཱ་ལི་ཏྠེ་རཱ་དཱི་ཧི.
༣༤༠. ཏ་ཏྠ ཏེ་ར་ས་སུ ས་མུ་ཊྛཱ་ན་སཱི་སེ་སུ. ཡཱཏི ཡཱ པ་ན ཨཱ་པ་ཏྟི. ཨཱ་དི་པཱ་རཱ་ཛི་ཀུ་ཊྛཱ་ནཱཏི པ་ཋ་མ་པཱ་རཱ་ཛི་ཀ་ས་མུ་ཊྛཱ་ནཱ.
༣༤༡. ཨ་དི་ནྣཱ་དཱ་ན-ས་དྡོ པུ་བྦ་ཀོ པ་ཋ་མོ ཨེ་ཏི་སྶཱ ཏཾ་ས་མུ་ཊྛཱ་ནཱ་པ་ཏྟི་ཡཱ་ཏི ཨ་དི་ནྣཱ་དཱ་ན་པུ་བྦ་ཀཱ, ཨ་དི་ནྣཱ་དཱ་ན་ས་མུ་ཊྛཱ་ནཱ་ཏི ཨུ་དྡི་ཊྛཱ་ཏི ཡོ་ཛ་ནཱ.
༣༤༢. ཛཱ་ཏཱུཏི ཨེ་ཀཾ་སེ་ན.
༣༤༣. ཨ་ཡཾ ས་མུ་ཊྛཱ་ན་ཝ་སེ་ན ‘‘ས་མ་ནུ་བྷཱ་ས་ནཱ་ས་མུ་ཊྛཱ་ནཱ’’ཏི ཝུ་ཏྟཱ་ཏི ཡོ་ཛ་ནཱ.
༣༤༤. ཀ་ཐི་ན-ས་དྡོ ཨུ་པ་པ་དོ ཡ་སྶཱ ཏཾ་ས་མུ་ཊྛཱ་ནཱ་ཡ ཨཱ་པ་ཏྟི་ཡཱ སཱ ཀ་ཐི་ནུ་པ་པ་དཱ, ཀ་ཐི་ན་ས་མུ་ཊྛཱ་ནཱ་ཏི མ་ཏཱ ཉཱ་ཏཱ, ཨ་ཡཾ ས་མུ་ཊྛཱ་ན་ཝ་སེ་ན ‘‘ཀ་ཐི་ན་ས་མུ་ཊྛཱ་ནཱ’’ཏི ཉཱ་ཏཱ་ཏི ཨ་ཏྠོ.
༣༤༥. ཨེ་ལ༹་ཀ་ལོ་མ-ས་དྡོ ཨཱ་དི ཡ་སྶཱ ཏཾ་ས་མུ་ཊྛཱ་ནཱ་པ་ཏྟི་ཡཱ སཱ ཨེ་ལ༹་ཀ་ལོ་མཱ་དི་ས་མུ་ཊྛཱ་ནཱཏི ཨ་ཏྠོ.
༣༤༩. ཨེ་ཏྠ ས་མུ་ཊྛཱ་ནེ་སུ.
༣༥༠. བྷཱུ་ཏཱ་རོ་ཙ་ན-ས་དྡོ པུ་བྦ་བྷཱ་གོ ཨེ་ཏི་སྶཱ ཏཾ་ས་མུ་ཊྛཱ་ནཱ་ཡ ཨཱ་པ་ཏྟི་ཡཱ་ཏི བྷཱུ་ཏཱ་རོ་ཙ་ན་པུ་བྦ་ཀཱ, བྷཱུ་ཏཱ་རོ་ཙ་ན་ས་མུ་ཊྛཱ་ནཱ་ཏི ཨ་ཏྠོ.
༣༥༡. ས་མུ་ཊྛཱ་ནཾ ས་མུ་ཊྛི་ཏཾ, ཙོ་རི་ཝུ་ཊྛཱ་པ་ནཾ ས་མུ་ཊྛི་ཏཾ ཡ་སྶཱ སཱ ཙོ་རི་ཝུ་ཊྛཱ་པ་ན་ས་མུ་ཊྛི་ཏཱ, ཙོ་རི་ཝུ་ཊྛཱ་པ་ན་ས་མུ་ཊྛཱ་ནཱ་ཏི ཨ་ཏྠོ.
༣༥༣. ཏ་ཏྠཱཏི ཏེ་ར་ས་ས་མུ་ཊྛཱ་ན་སཱི་སེ་སུ, ‘‘ས་མུ་ཊྛཱ་ནཾ ས་ཙི་ཏྟ་ཀ’’ནྟི ཨི་དཾ ‘‘པ་ཋ་མ’’ནྟི་ཨཱ་དཱི་ཧི པ་ཙྩེ་ཀཾ ཡོ་ཛེ་ཏ་བྦཾ. པ་ཋ་མཾ ས་མུ་ཊྛཱ་ནནྟི པ་ཋ་མ་པཱ་རཱ་ཛི་ཀ་ས་མུ་ཊྛཱ་ནཾ. དུ་ཏི་ཡཾ ས་མུ་ཊྛཱ་ནནྟི ཨ་དི་ནྣཱ་དཱ་ན་ས་མུ་ཊྛཱ་ནཾ. ཙ་ཏུ་ཏྠཾ ས་མུ་ཊྛཱ་ནནྟི ས་མ་ནུ་བྷཱ་ས་ན་ས་མུ་ཊྛཱ་ནཾ. ན་ཝ་མཾ ས་མུ་ཊྛཱ་ནནྟི ཐེ་ཡྻ་ས་ཏྠ་ས་མུ་ཊྛཱ་ནཾ. ད་ས་མཾ ས་མུ་ཊྛཱ་ནནྟི དྷ་མྨ་དེ་ས་ནཱ་ས་མུ་ཊྛཱ་ནཾ. དྭཱ་ད་ས་མཾ ས་མུ་ཊྛཱ་ནནྟི ཙོ་རི་ཝུ་ཊྛཱ་པ་ན་ས་མུ་ཊྛཱ་ནཾ.
༣༥༤. ས་མུ་ཊྛཱ་ནེཏི ས་མུ་ཊྛཱ་ན་སཱི་སེ. ས་དི་སཱཏི ཏེ་ན ཏེ་ན ས་མུ་ཊྛཱ་ན་སཱི་སེ་ན ས་མུ་ཊྛཱ་ནཱ ཨཱ་པ་ཏྟི་ཡོ. ཨི་དྷཱཏི ཨི་མ་སྨིཾ ས་མུ་ཊྛཱ་ན་ཝི་ནི་ཙྪ་ཡེ. དི་སྶ་རེཏི དི་སྶ་ནྟེ, དི་སྶ་ནྟཱི་ཏི ཨ་ཏྠོ. ཨ་ཐ ཝཱ ཨི་དྷ དི་སྶ་རེཏི ཨི་དྷ ཨུ་བྷ་ཏོ་ཝི་བྷ་ངྒེ ཨེ་ཏེ་སུ ཏེ་ར་ས་ས་མུ་ཊྛཱ་ནེ་སུ ཨེ་ཀེ་ཀ་སྨིཾ ཨ་ཉྙཱ་ནི་པི ས་དི་སཱ་ནི ས་མུ་ཊྛཱ་ནཱ་ནི དི་སྶ་ནྟཱི་ཏི ཨ་ཏྠོ. ཨི་དཱ་ནི ཏཱ་ནི ས་རཱུ་པ་ཏོ ནི་ད་སྶེ་ཏུ་མཱ་ཧ ‘‘སུ་ཀྐ་ཉྩཱ’’ཏི་ཨཱ་དི. ཏ་ཏྠ སུ་ཀྐནྟི སུ་ཀྐ་ཝི་སྶ་ཊྛི་སི་ཀྑཱ་པ་དཾ. ཨེ་ས ན་ཡོ ‘‘ཀཱ་ཡ་སཾ་ས་གྒོ’’ཏི་ཨཱ་དཱི་སུ་པི. ཡ་དེ་ཏྠ དུ་ཝི་ཉྙེ་ཡྻཾ, ཏཾ ཝ་ཀྑཱ་མ.
༣༥༥. པུ་བྦུ་པ་པ་རི་པཱ་ཀོ ཙཱཏི ‘‘ཛཱ་ནཾ པུ་བྦུ་པ་ག་ཏཾ བྷི་ཀྑུ’’ནྟི (པཱ་ཙི. ༡༢༠) སི་ཀྑཱ་པ་ད་ཉྩ ‘‘བྷི་ཀྑུ་ནི་པ་རི་པཱ་ཙི་ཏ’’ནྟི (པཱ་ཙི. ༡༩༢, ༡༩༤) པི་ཎྜ་པཱ་ཏ་སི་ཀྑཱ་པ་ད་ཉྩ. ར་ཧོ བྷི་ཀྑུ་ནི་ཡཱ་ས་ཧཱཏི བྷི་ཀྑུ་ནི་ཡཱ ས་དྡྷིཾ ར་ཧོ ནི་ས་ཛྫ་སི་ཀྑཱ་པ་ད་ཉྩ. ས་བྷོ་ཛ་ནེ, ར་ཧོ དྭེ ཙཱཏི ས་བྷོ་ཛ་ནེ ཀུ་ལེ ཨ་ནུ་པ་ཁ་ཛྫ་སི་ཀྑཱ་པ་ད་ཉྩ དྭེ ར་ཧོ་ནི་ས་ཛྫ་སི་ཀྑཱ་པ་དཱ་ནི ཙ. ཨ་ངྒུ་ལཱི ཨུ་ད་ཀེ ཧ་སནྟི ཨ་ངྒུ་ལི་པ་ཏོ་ད་ཉྩ ཨུ་ད་ཀ་ཧ་ས་དྷ་མྨ་སི་ཀྑཱ་པ་ད་ཉྩ.
༣༥༦. པ་ཧཱ་རེ ཨུ་གྒི་རེ ཙེ་ཝཱཏི པ་ཧཱ་ར་དཱ་ན་སི་ཀྑཱ་པ་ད་ཉྩ ཏ་ལ་ས་ཏྟི་ཨུ་གྒི་ར་ཎ་སི་ཀྑཱ་པ་ད་ཉྩ. ཏེ་པ་ཉྙཱ་སཱ ཙ སེ་ཁི་ཡཱཏི པ་ཉྩ་ས་ཏྟ་ཏི་སེ་ཁི་ཡཱ་སུ ཝ་ཀྑ་མཱ་ནཱ་ནི ཨུ་ཛྫ་གྒྷི་ཀཱ་དཱི་ནི ས་མ་ནུ་བྷཱ་ས་ན་ས་མུ་ཊྛཱ་ནཱ་ནི ད་ས, ཚ་ཏྟ་པཱ་ཎི་ཨཱ་དཱི་ནི དྷ་མྨ་དེ་ས་ནཱ་ས་མུ་ཊྛཱ་ནཱ་ནི ཨེ་ཀཱ་ད་ས, ཐེ་ཡྻ་ས་ཏྠ་ས་མུ་ཊྛཱ་ནཾ, སཱུ་པོ་ད་ན་ཝི་ཉྙ་ཏྟི་སི་ཀྑཱ་པ་ད་ཉྩཱ་ཏི བཱ་ཝཱི་ས་ཏི སི་ཀྑཱ་པ་དཱ་ནི ཋ་པེ་ཏྭཱ པ་རི་མ་ཎྜ་ལ་ནི་ཝཱ་ས་ནཱ་དཱི་ནི ཨི་ཏ་རཱ་ནི ཏེ་པ་ཉྙཱ་ས སེ་ཁི་ཡ་སི་ཀྑཱ་པ་དཱ་ནི ཙ. ཨ་དྷ་ཀྑ་ཀུ་བྦྷ་ཛཱ་ཎུ་ཉྩཱཏི བྷི་ཀྑུ་ནཱི་ནཾ ཨ་དྷ་ཀྑ་ཀ་ཨུ་བྦྷ་ཛཱ་ཎུ་སི་ཀྑཱ་པ་ད་ཉྩ. གཱ་མ་ནྟ་ར་མ་ཝ་སྶུ་ཏཱཏི གཱ་མ་ནྟ་ར་ག་མ་ནཾ, ཨ་ཝ་སྶུ་ཏ་སྶ ཧ་ཏྠ་ཏོ ཁཱ་ད་ནཱི་ཡ་གྒ་ཧ་ཎ་སི་ཀྑཱ་པ་ད་ཉྩ.
༣༥༧-༨. ཏ་ལ་མ་ཊྛུ་ད་སུ་དྡྷི ཙཱཏི ཏ་ལ་གྷཱ་ཏཾ, ཛ་ཏུ་མ་ཊྛཾ, ཨུ་ད་ཀ་སུ་དྡྷི་ཀཱ་དི་ཡ་ན་ཉྩ. ཝ་སྶཾ་ཝུ་ཏྠཱཏི ‘‘ཝ་སྶཾ་ཝུ་ཏྠཱ…པེ… ཚ་པྤ་ཉྩ་ཡོ་ཛ་ནཱ་ནཱི’’ཏི (པཱ་ཙི. ༩༧༤) སི་ཀྑཱ་པ་ད་ཉྩ. ཨོ་ཝཱ་དཱ་ཡ ན ག་ཙྪ་ནྟཱིཏི ཨོ་ཝཱ་དཱ་ཡ ཨ་ག་མ་ན་སི་ཀྑཱ་པ་ད་ཉྩ. ནཱ་ནུ་བ་ནྡྷེ པ་ཝ་ཏྟི་ནིནྟི ‘‘ཝུ་ཊྛཱ་པི་ཏཾ པ་ཝ་ཏྟི་ནིཾ དྭེ ཝ་སྶཱ་ནི ནཱ་ནུ་བ་ནྡྷེ་ཡྻཱ’’ཏི (པཱ་ཙི. ༡༡༡༢) སི་ཀྑཱ་པ་ད་ཉྩཱ་ཏི ཨུ་བྷ་ཏོ་ཝི་བྷ་ངྒེ ནི་དྡི་ཊྛཱ ཨི་མེ པ་ཉྩ་ས་ཏྟ་ཏི དྷ་མྨཱ ཀཱ་ཡ་ཙི་ཏྟ་ས་མུ་ཊྛི་ཏཱ མེ་ཐུ་ནེ་ན ས་མཱ ཨེ་ཀ་ས་མུ་ཊྛཱ་ནཱ མ་ཏཱ་ཏི ཡོ་ཛ་ནཱ.
ཨེ་ཏྠ ཙ པཱ་ལི༹་ཡཾ ‘‘ཚ་ས་ཏྟ་ཏཱི’’ཏི ག་ཎ་ན་པ་རི་ཙྪེ་དོ ས་མུ་ཊྛཱ་ན་སི་ཀྑཱ་པ་དེ་ན ས་ཧ ད་སྶི་ཏོ. ཨི་དྷ པ་ན ཏཾ ཝི་ནཱ ཏཾ་ས་དི་སཱ་ན་མེ་ཝ ག་ཎ་ནཱ ད་སྶི་ཏཱ. ཏེ་ནེ་ཝ པ་ཋ་མཾ ས་མུ་ཊྛཱ་ན་སཱི་སཾ པཱ་ལི༹་ཡཾ ག་ཎ་ནཱ་ཡ་པི ད་སྶི་ཏཾ, ཨི་དྷེ་ཝ ན ད་སྶི་ཏཾ. ཨུ་པ་རི ཀ་ཏྠ་ཙི ས་མུ་ཊྛཱ་ན་སཱི་ས་སྶ ད་སྶ་ནཾ པ་ནེ་ཏྠ ཝ་ཀྑ་མཱ་ནཱ་ནཾ ཏཾ་ས་དི་ས་བྷཱ་ཝ་ད་སྶ་ན་ཏྠཾ, ག་ཎ་ནཱ་ཡ ཝ་ཀྑ་མཱ་ནཱ་ཡ ཨ་ནྟོ་ག་དྷ་བྷཱ་ཝ་ད་སྶ་ན་ཏྠཾ. ཏེ་ནེ་ཝ ཏ་ཏྠ་པི ཏཾ ཝི་ནཱ ག་ཎ་ནཾ ཝ་ཀྑ་ཏི.
པ་ཋ་མ་པཱ་རཱ་ཛི་ཀ་ས་མུ་ཊྛཱ་ན་ཝ་ཎྞ་ནཱ.
༣༥༩. ཝི་གྒ་ཧནྟི མ་ནུ་སྶ་ཝི་གྒ་ཧ་སི་ཀྑཱ་པ་དཾ. ཨུ་ཏྟ་རི ཙེ་ཝཱཏི ཨུ་ཏྟ་རི་མ་ནུ་སྶ་དྷ་མྨ་སི་ཀྑཱ་པ་ད་ཉྩ. དུ་ཊྛུ་ལླནྟི དུ་ཊྛུ་ལླ་ཝཱ་ཙཱ་སི་ཀྑཱ་པ་དཾ. ཨ་ཏྟ་ཀཱ་མ་ཏཱཏི ཨ་ཏྟ་ཀཱ་མ་པཱ་རི་ཙ་རི་ཡ་སི་ཀྑཱ་པ་ད་ཉྩ. དུ་ཊྛ་དོ་སཱ དུ་ཝེ ཙེ་ཝཱཏི དྭེ དུ་ཊྛ་དོ་ས་སི་ཀྑཱ་པ་དཱ་ནི ཙ. དུ་ཏི་ཡཱ་ནི་ཡ་ཏོ་པི ཙཱཏི དུ་ཏི་ཡ་ཨ་ནི་ཡ་ཏ་སི་ཀྑཱ་པ་ད་ཉྩ.
༣༦༠. ཨ་ཙྪི་ནྡ་ན་ཉྩཱཏི སཱ་མཾ ཙཱི་ཝ་རཾ ད་ཏྭཱ ཨ་ཙྪི་ནྡ་ན་ཉྩ. པ་རི་ཎཱ་མོཏི ས་ངྒྷི་ཀ་ལཱ་བྷ་སྶ ཨ་ཏྟ་ནོ པ་རི་ཎཱ་མ་ན་ཉྩ. མུ་སཱ་ཨོ་མ་ས་པེ་སུ་ཎཱཏི མུ་སཱ་ཝཱ་དོ ཙ ཨོ་མ་ས་ཝཱ་དོ ཙ བྷི་ཀྑུ་པེ་སུ་ཉྙ་ཉྩ. དུ་ཊྛུ་ལླཱ་རོ་ཙ་ན་ཉྩེ་ཝཱཏི དུ་ཊྛུ་ལླཱ་པ་ཏྟི་ཨཱ་རོ་ཙ་ན་སི་ཀྑཱ་པ་ད་ཉྩ. པ་ཐ་ཝཱི་ཁ་ཎ་ན་མྤི ཙཱཏི པ་ཐ་ཝཱི་ཁ་ཎ་ན་སི་ཀྑཱ་པ་ད་ཉྩ.
༣༦༡. བྷཱུ་ཏ་གཱ་མ་ཉྩ ཝཱ་དོ ཙཱཏི བྷཱུ་ཏ་གཱ་མ་སི་ཀྑཱ་པ་དཾ, ཨ་ཉྙ་ཝཱ་ད་ཀ་སི་ཀྑཱ་པ་ད་ཉྩ. ཨུ་ཛ྄ཛྷཱ་པ་ན་ཀ་མེ་ཝ ཙཱཏི ཨུ་ཛ྄ཛྷཱ་པ་ན་ཀ་སི་ཀྑཱ་པ་ད་ཉྩ. ནི་ཀྐ་ཌྜྷོ སི་ཉྩ་ན་ཉྩེ་ཝཱཏི ཝི་ཧཱ་ར་ཏོ ནི་ཀྐ་ཌྜྷ་ན་ཉྩ ཨུ་ད་ཀེ ཏི་ཎཱ་དི་སི་ཉྩ་ན་ཉྩ. ཨཱ་མི་ས་ཧེ་ཏུ ཙཱཏི ཨཱ་མི་ས་ཧེ་ཏུ བྷི་ཀྑུ་ནི་ཡོ ཨོ་ཝཱ་ད་སི་ཀྑཱ་པ་ད་ཉྩ.
༣༦༢. བྷུ་ཏྟཱ་ཝིནྟི བྷུ་ཏྟཱ་ཝིཾ ཨ་ན་ཏི་རི་ཏྟེ་ན ཁཱ་ད་ནཱི་ཡཱ་དི་ནཱ པ་ཝཱ་ར་ཎ་སི་ཀྑཱ་པ་ད་ཉྩ. ཨེ་ཧ་ནཱ་ད་རིནྟི ‘‘ཨེ་ཧཱ་ཝུ་སོ, གཱ་མཾ ཝཱ’’ཏི (པཱ་ཙི. ༢༧༥) ཝུ་ཏྟ་སི་ཀྑཱ་པ་ད་ཉྩ ཨ་ནཱ་ད་རི་ཡ་སི་ཀྑཱ་པ་ད་ཉྩ. བྷིཾ་སཱ་པ་ན་མེ་ཝ ཙཱཏི བྷི་ཀྑུ་བྷིཾ་ས་ན་ཀ་ཉྩ. ཨ་པ་ནི་དྷེ་ཡྻཱཏི པ་ཏྟཱ་དི་ཨ་པ་ནི་དྷཱ་ན་སི་ཀྑཱ་པ་ད་ཉྩ. ས་ཉྩི་ཙྩ པཱ་ཎནྟི ས་ཉྩི་ཙྩ པཱ་ཎཾ ཛཱི་ཝི་ཏཱ་ཝོ་རོ་པ་ན་ཉྩ. ས་པྤཱ་ཎ་ཀ་མྤི ཙཱཏི ཛཱ་ནཾ ས་པྤཱ་ཎ་ཀ་ཨུ་ད་ཀ་སི་ཀྑཱ་པ་ད་ཉྩ.
༣༦༣. ཨུ་ཀྐོ་ཊ་ན་ཉྩཱཏི པུ་ན་ཀ་མྨཱ་ཡ ཨུ་ཀྐོ་ཊ་ན་ཉྩ. ཨཱུ་ནོཏི ཨཱུ་ན་ཝཱི་ས་ཏི་ཝ་སྶ་སི་ཀྑཱ་པ་ད་ཉྩ. སཾ་ཝཱ་སོཏི ཨུ་ཀྑི་ཏྟ་ཀེ་ན ས་དྡྷིཾ སཾ་ཝཱ་ས་སི་ཀྑཱ་པ་ད་ཉྩ. ནཱ་ས་ནེ ཙཱཏི ནཱ་སི་ཏ་ཀ་སཱ་མ་ཎེ་ར་ས་མྦྷོ་ག་སི་ཀྑཱ་པ་ད་ཉྩ. ས་ཧ་དྷ་མྨི་ཀནྟི ས་ཧ་དྷ་མྨི་ཀཾ ཝུ་ཙྩ་མཱ་ན་སི་ཀྑཱ་པ་ད་ཉྩ. ཝི་ལེ་ཁཱ ཙཱཏི ‘‘ཝི་ལེ་ཁཱ་ཡ སཾ་ཝ་ཏྟ་ནྟཱི’’ཏི (པཱ་ཙི. ༤༣༩) ཨཱ་ག་ཏ་སི་ཀྑཱ་པ་ད་ཉྩ. མོ་ཧ་ནཱཏི མོ་ཧ་ན་སི་ཀྑཱ་པ་ད་ཉྩ. ཨ་མཱུ་ལ་ཀེ་ན ཙཱཏི ཨ་མཱུ་ལ་ཀེ་ན ས་ངྒྷཱ་དི་སེ་སེ་ན ཨ་ནུ་དྡྷཾ་ས་ན་སི་ཀྑཱ་པ་ད་ཉྩ.
༣༦༤. ཀུ་ཀྐུ་ཙྩཾ ཁཱི་ཡ་ནཾ ད་ཏྭཱཏི ཀུ་ཀྐུ་ཙྩ་ཨུ་པྤཱ་ད་ན་ཉྩ དྷ་མྨི་ཀཱ་ནཾ ཀ་མྨཱ་ནཾ ཚ་ནྡཾ ད་ཏྭཱ ཁཱི་ཡ་ན་ཉྩ ཙཱི་ཝ་རཾ ད་ཏྭཱ ཁཱི་ཡ་ན་ཉྩ. པ་རི་ཎཱ་མེ་ཡྻ པུ་གྒ་ལེཏི ས་ངྒྷི་ཀཾ ལཱ་བྷཾ པུ་གྒ་ལ་སྶ པ་རི་ཎཱ་མ་ན་སི་ཀྑཱ་པ་ད་ཉྩ. ཀིཾ ཏེ, ཨ་ཀཱ་ལཾ, ཨ་ཙྪི་ནྡེཏི ‘‘ཀིཾ ཏེ, ཨ་ཡྻེ, ཨེ་སོ པུ་རི་ས་པུ་གྒ་ལོ ཀ་རི་སྶ་ཏཱི’’ཏི (པཱ་ཙི. ༧༠༥) ཨཱ་ག་ཏ་སི་ཀྑཱ་པ་ད་ཉྩ ཨ་ཀཱ་ལ་ཙཱི་ཝ་རཾ ‘‘ཀཱ་ལ་ཙཱི་ཝ་ར’’ནྟི ཨ་དྷི་ཊྛ་ཧི་ཏྭཱ བྷཱ་ཛ་ན་སི་ཀྑཱ་པ་ད་ཉྩ བྷི་ཀྑུ་ནི་ཡཱ ས་དྡྷིཾ ཙཱི་ཝ་རཾ པ་རི་ཝ་ཏྟེ་ཏྭཱ ཨ་ཙྪི་ནྡ་ན་སི་ཀྑཱ་པ་ད་ཉྩ. དུ་གྒ་ཧ་ནི་ར་ཡེ་ན ཙཱཏི དུ་གྒ་ཧི་ཏེ་ན དུ་པ་དྷཱ་རི་ཏེ་ན པ་རཾ ཨུ་ཛ྄ཛྷཱ་པ་ན་སི་ཀྑཱ་པ་ད་ཉྩ ནི་ར་ཡེ་ན ཝཱ བྲ་ཧྨ་ཙ་རི་ཡེ་ན ཝཱ ཨ་བྷི་ས་པ་ན་སི་ཀྑཱ་པ་ད་ཉྩ.
༣༦༥. ག་ཎ་སྶ ཙཱཏི ‘‘ག་ཎ་སྶ ཙཱི་ཝ་ར་ལཱ་བྷཾ ཨ་ནྟ་རཱ་ཡཾ ཀ་རེ་ཡྻཱ’’ཏི (པཱ་ཙི. ༩༠༨) ཝུ་ཏྟ་སི་ཀྑཱ་པ་ད་ཉྩ. ཝི་བྷ་ངྒ་ཉྩཱཏི ‘‘དྷ་མྨི་ཀཾ ཙཱི་ཝ་ར་ཝི་བྷ་ངྒཾ པ་ཊི་བཱ་ཧེ་ཡྻཱ’’ཏི (པཱ་ཙི. ༩༡༢) ཝུ་ཏྟ་སི་ཀྑཱ་པ་ད་ཉྩ. དུ་བྦ་ལཱ་སཱ ཏ་ཐེ་ཝ ཙཱཏི ‘‘དུ་བྦ་ལ་ཙཱི་ཝ་ར་པ་ཙྩཱ་སཱ་ཡ ཙཱི་ཝ་ར་ཀཱ་ལ་ས་མ་ཡཾ ཨ་ཏི་ཀྐཱ་མེ་ཡྻཱ’’ཏི (པཱ་ཙི. ༩༢༡) ཝུ་ཏྟ་སི་ཀྑཱ་པ་ད་ཉྩ. དྷ་མྨི་ཀཾ ཀ་ཐི་ནུ་དྡྷཱ་རནྟི ‘‘དྷ་མྨི་ཀཾ ཀ་ཐི་ནུ་དྡྷཱ་རཾ པ་ཊི་བཱ་ཧེ་ཡྻཱ’’ཏི (པཱ་ཙི. ༩༢༨) ཝུ་ཏྟ་སི་ཀྑཱ་པ་ད་ཉྩ. ས་ཉྩི་ཙྩཱ་ཕཱ་སུ་མེ་ཝ ཙཱཏི ‘‘བྷི་ཀྑུ་ནི་ཡཱ ས་ཉྩི་ཙྩ ཨ་ཕཱ་སུཾ ཀ་རེ་ཡྻཱ’’ཏི (པཱ་ཙི. ༩༤༢) ཝུ་ཏྟ་སི་ཀྑཱ་པ་ད་ཉྩ.
༣༦༦. ས་ཡཾ ཨུ་པ་སྶ་ཡཾ ད་ཏྭཱཏི ‘‘བྷི་ཀྑུ་ནི་ཡཱ ཨུ་པ་སྶ་ཡཾ ད་ཏྭཱ ཀུ་པི་ཏཱ ཨ་ན་ཏྟ་མ་ནཱ ནི་ཀྐ་ཌྜྷེ་ཡྻཱ’’ཏི (པཱ་ཙི. ༩༥༡) ཝུ་ཏྟ་སི་ཀྑཱ་པ་ད་ཉྩ. ཨ་ཀྐོ་སེ་ཡྻ ཙཱཏི ‘‘བྷི་ཀྑུཾ ཨ་ཀྐོ་སེ་ཡྻ ཝཱ པ་རི་བྷཱ་སེ་ཡྻ ཝཱ’’ཏི (པཱ་ཙི. ༡༠༢༩) ཝུ་ཏྟ་སི་ཀྑཱ་པ་ད་ཉྩ. ཙ་ཎྜི་ཀཱཏི ‘‘ཙ་ཎྜཱི་ཀ་ཏཱ ག་ཎཾ པ་རི་བྷཱ་སེ་ཡྻཱ’’ཏི (པཱ་ཙི. ༡༠༣༤) ཝུ་ཏྟ་སི་ཀྑཱ་པ་ད་ཉྩ. ཀུ་ལ་མ་ཙྪ་རི་ནཱི ཨ་སྶཱཏི ‘‘ཀུ་ལ་མ་ཙྪ་རི་ནཱི ཨ་སྶཱ’’ཏི (པཱ་ཙི. ༡༠༤༣) ཝུ་ཏྟ་སི་ཀྑཱ་པ་ད་ཉྩ. ག་བྦྷི་ནིཾ ཝུ་ཊྛཱ་པེ་ཡྻ ཙཱཏི ‘‘ག་བྦྷི་ནིཾ ཝུ་ཊྛཱ་པེ་ཡྻཱ’’ཏི (པཱ་ཙི. ༡༠༦༨) ཝུ་ཏྟ་སི་ཀྑཱ་པ་ད་ཉྩ.
༣༦༧. པཱ་ཡ་ནྟིནྟི ‘‘པཱ་ཡ་ནྟིཾ ཝུ་ཊྛཱ་པེ་ཡྻཱ’’ཏི (པཱ་ཙི. ༡༠༧༣) ཝུ་ཏྟ་སི་ཀྑཱ་པ་ད་ཉྩ. དྭེ ཙ ཝ་སྶཱ་ནཱིཏི ‘‘དྭེ ཝ་སྶཱ་ནི ཚ་སུ དྷ་མྨེ་སུ ཨ་སི་ཀྑི་ཏ་སི་ཀྑཾ སི་ཀྑ་མཱ་ནཾ ཝུ་ཊྛཱ་པེ་ཡྻཱ’’ཏི (པཱ་ཙི. ༡༠༨༠) ཝུ་ཏྟ་སི་ཀྑཱ་པ་ད་ཉྩ. ས་ངྒྷེ་ནཱ་ས་མྨ་ཏནྟི ‘‘སི་ཀྑི་ཏ་སི་ཀྑཾ སི་ཀྑ་མཱ་ནཾ ས་ངྒྷེ་ན ཨ་ས་མྨ་ཏཾ ཝུ་ཊྛཱ་པེ་ཡྻཱ’’ཏི (པཱ་ཙི. ༡༠༨༦) ཝུ་ཏྟ་སི་ཀྑཱ་པ་ད་ཉྩ. ཏི་སྶོ གི་ཧི་ག་ཏཱ ཝུ་ཏྟཱཏི ‘‘ཨཱུ་ན་དྭཱ་ད་ས་ཝ་སྶཾ གི་ཧི་ག་ཏཾ (པཱ་ཙི. ༡༠༩༡), པ་རི་པུ་ཎྞ་དྭཱ་ད་ས་ཝ་སྶཾ གི་ཧི་ག་ཏཾ དྭེ ཝ་སྶཱ་ནི ཚ་སུ དྷ་མྨེ་སུ ཨ་སི་ཀྑི་ཏ་སི་ཀྑཾ (པཱ་ཙི. ༡༠༩༧), དྭེ་ཝ་སྶཱ་ནི སི་ཀྑི་ཏ་སི་ཀྑཾ ས་ངྒྷེ་ན ཨ་ས་མྨ་ཏ’’ནྟི (པཱ་ཙི. ༡༡༠༣) ཝུ་ཏྟ་སི་ཀྑཱ་པ་དཱ་ནི ཙ. ཏི་སྶོ་ཡེ་ཝ ཀུ་མཱ་རི་ཀཱཏི ‘‘ཨཱུ་ན་ཝཱི་ས་ཏི་ཝ་སྶཾ ཀུ་མཱ་རི་བྷཱུ་ཏ’’ནྟི་ཨཱ་དི་ནཱ (པཱ་ཙི. ༡༡༢༠) ན་ཡེ་ན ཝུ་ཏྟཱ ཏི་སྶོ ཙ.
༣༦༨. ཨཱུ་ན་དྭཱ་ད་ས་ཝ་སྶཱ དྭེཏི ‘‘ཨཱུ་ན་དྭཱ་ད་ས་ཝ་སྶཱ ཝུ་ཊྛཱ་པེ་ཡྻ (པཱ་ཙི. ༡༡༣༧), པ་རི་པུ་ཎྞ་དྭཱ་ད་ས་ཝ་སྶཱ ས་ངྒྷེ་ན ཨ་ས་མྨ་ཏཱ ཝུ་ཊྛཱ་པེ་ཡྻཱ’’ཏི (པཱ་ཙི. ༡༡༤༢) ཝུ་ཏྟཱ་ནི དྭེ སི་ཀྑཱ་པ་དཱ་ནི ཙ. ཨ་ལཾ ཏཱ་ཝ ཏེཏི ‘‘ཨ་ལཾ ཏཱ་ཝ ཏེ, ཨ་ཡྻེ, ཝུ་ཊྛཱ་པི་ཏེ་ནཱ’’ཏི (པཱ་ཙི. ༡༡༤༧) ཝུ་ཏྟ་སི་ཀྑཱ་པ་ད་ཉྩ. སོ་ཀཱ་ཝ་སྶཱཏི ‘‘ཙ་ཎྜིཾ སོ་ཀཱ་ཝཱ་སཾ སི་ཀྑ་མཱ་ནཾ ཝུ་ཊྛཱ་པེ་ཡྻཱ’’ཏི (པཱ་ཙི. ༡༡༥༩) ཝུ་ཏྟ་སི་ཀྑཱ་པ་ད་ཉྩ. པཱ་རི་ཝཱ་སི་ཀ་ཙྪ་ནྡ་དཱ་ན་ཏོཏི ‘‘པཱ་རི་ཝཱ་སི་ཀ་ཚ་ནྡ་དཱ་ནེ་ན སི་ཀྑ་མཱ་ནཾ ཝུ་ཊྛཱ་པེ་ཡྻཱ’’ཏི (པཱ་ཙི. ༡༡༦༧) ཝུ་ཏྟ་སི་ཀྑཱ་པ་ད་ཉྩ.
༣༦༩. ཨ་ནུ་ཝ་སྶཾ དུ་ཝེ ཙཱཏི ‘‘ཨ་ནུ་ཝ་སྶཾ ཝུ་ཊྛཱ་པེ་ཡྻ (པཱ་ཙི. ༡༡༧༡), ཨེ་ཀཾ ཝ་སྶཾ དྭེ ཝུ་ཊྛཱ་པེ་ཡྻཱ’’ཏི (པཱ་ཙི. ༡༡༧༥) ཝུ་ཏྟ་སི་ཀྑཱ་པ་དཱ་ནི ཙཱ་ཏི ཨེ་ཀཱུ་ན་ས་ཏྟ་ཏི སི་ཀྑཱ་པ་དཱ་ནི. ཨ་དི་ནྣཱ་དཱ་ན་ཏུ་ལྱ་ཏྟཱཏི ཨ་དི་ནྣཱ་དཱ་ནེ་ན ས་མཱ་ན་ས་མུ་ཊྛཱ་ན་ཏྟཱ. ཏི་ས་མུ་ཊྛཱ་ནི་ཀཱ ཀ་ཏཱཏི ས་ཙི་ཏྟ་ཀེ་ཧི ཏཱི་ཧི ས་མུ་ཊྛཱ་ནེ་ཧི ས་མུ་ཊྛ་ཧ་ནྟཱི་ཏི ཝུ་ཏྟཱ.
དུ་ཏི་ཡ་པཱ་རཱ་ཛི་ཀ་ས་མུ་ཊྛཱ་ན་ཝ་ཎྞ་ནཱ.
༣༧༠. ས་ཉྩ་རི་ཀུ་ཊི་མ་ཧ་ལླ་ཀནྟི ས་ཉྩ་རི་ཏྟཾ, ས་ཉྙཱ་ཙི་ཀཱ་ཡ ཀུ་ཊི་ཀ་ར་ཎཾ, མ་ཧ་ལླ་ཀ་ཝི་ཧཱ་ར་ཀ་ར་ཎ་ཉྩ. དྷོ་ཝཱ་པ་ན་ཉྩ པ་ཊི་གྒ་ཧོཏི ཨ་ཉྙཱ་ཏི་ཀཱ་ཡ བྷི་ཀྑུ་ནི་ཡཱ པུ་རཱ་ཎ་ཙཱི་ཝ་ར་དྷོ་ཝཱ་པ་ན་ཉྩ ཙཱི་ཝ་ར་པ་ཊི་གྒ་ཧ་ཎ་ཉྩ. ཙཱི་ཝ་ར་སྶ ཙ ཝི་ཉྙ་ཏྟིནྟི ཨ་ཉྙཱ་ཏ་ཀཾ ག་ཧ་པ་ཏིཾ ཝཱ ག་ཧ་པ་ཏཱ་ནིཾ ཝཱ ཙཱི་ཝ་ར་ཝི་ཉྙཱ་པ་ན་སི་ཀྑཱ་པ་ད་ཉྩ. ག་ཧ་ཎ་ཉྩ ཏ་དུ་ཏྟ་རིནྟི ཏ་དུ་ཏྟ་རི་སཱ་དི་ཡ་ན་སི་ཀྑཱ་པ་ད་ཉྩ.
༣༧༡. ཨུ་པ་ཀྑ་ཊ་དྭ་ཡ་ཉྩེ་ཝཱཏི ‘‘ཙཱི་ཝ་ར་ཙེ་ཏཱ་པ་ནྣཾ ཨུ་པ་ཀྑ་ཊཾ ཧོ་ཏཱི’’ཏི (པཱ་རཱ. ༥༢༨) ཨཱ་ག་ཏ་སི་ཀྑཱ་པ་ད་དྭ་ཡ་ཉྩ. ཏ་ཐཱ དཱུ་ཏེ་ན ཙཱི་ཝ་རནྟི དཱུ་ཏེ་ན་ཙཱི་ཝ་ར་ཙེ་ཏཱ་པ་ནྣ་པ་ཧི་ཏ་སི་ཀྑཱ་པ་ད་ཉྩ. ཀོ་སི་ཡནྟི ཀོ་སི་ཡ་མི་སྶ་ཀ་སི་ཀྑཱ་པ་ད་ཉྩ. སུ་དྡྷ་ཀཱ་ལཱ༹་ནནྟི ‘‘སུ་དྡྷ་ཀཱ་ལ༹་ཀཱ་ན’’ནྟི་ཨཱ་དི་སི་ཀྑཱ་པ་ད་ཉྩ (པཱ་རཱ. ༥༤༨). དྭེ བྷཱ་གཱ་དཱ་ན་མེ་ཝ ཙཱཏི ‘‘དྭེ བྷཱ་གཱ ཨཱ་དཱ་ཏ་བྦཱ’’ཏི (པཱ་རཱ. ༥༥༣) ཝུ་ཏྟ་སི་ཀྑཱ་པ་ད་ཉྩ.
༣༧༢. ཚ་བྦ་སྶཱ་ནཱིཏི ཚ་བྦ་སྶཱ་ནི དྷཱ་ར་ཎ་སི་ཀྑཱ་པ་ད་ཉྩ. པུ་རཱ་ཎ་སྶཱཏི ‘‘པུ་རཱ་ཎ་ས་ནྠ་ཏ་སྶཱ’’ཏི (པཱ་རཱ. ༥༦༧) ཝུ་ཏྟ་སི་ཀྑཱ་པ་ད་ཉྩ. ལོ་མ་དྷོ་ཝཱ་པ་ན་མྤི ཙཱཏི ཨེ་ལ༹་ཀ་ལོ་མ་དྷོ་ཝཱ་པ་ན་སི་ཀྑཱ་པ་ད་ཉྩ. རཱུ་པི་ཡ་སྶ པ་ཊི་གྒཱ་ཧོཏི རཱུ་པི་ཡ་པ་ཊི་གྒ་ཧ་ཎ་སི་ཀྑཱ་པ་ད་ཉྩ. ཨུ་བྷོ ནཱ་ན་པྤ་ཀཱ་ར་ཀཱཏི རཱུ་པི་ཡ་སཾ་ཝོ་ཧཱ་ར་ཀ་ཡ་ཝི་ཀྐ་ཡ་སི་ཀྑཱ་པ་དཱ་ནི ཙ.
༣༧༣. ཨཱུ་ན་བ་ནྡྷ་ན་པ་ཏྟོ ཙཱཏི ཨཱུ་ན་པ་ཉྩ་བ་ནྡྷ་ན་པ་ཏྟ་སི་ཀྑཱ་པ་ད་ཉྩ. ཝ་སྶ་སཱ་ཊི་ཀ་སུ་ཏྟ་ཀནྟི ཝ་སྶི་ཀ་སཱ་ཊི་ཀ་སི་ཀྑཱ་པ་ད་ཉྩ སུ་ཏྟཾ ཝི་ཉྙཱ་པེ་ཏྭཱ ཙཱི་ཝ་ར་ཀཱ་རཱ་པ་ན་སི་ཀྑཱ་པ་ད་ཉྩ. ཝི་ཀ་པྤཱ་པ་ཛྫ་ནནྟི ཏ་ནྟ་ཝཱ་ཡེ ཨུ་པ་ས་ངྐ་མི་ཏྭཱ ཙཱི་ཝ་རེ ཝི་ཀ་པྤཱ་པ་ཛྫ་ན་ཉྩ. ཡཱ་ཝ དྭཱ་ར་དཱ་ན་ཉྩ སི་བྦ་ནནྟི ‘‘ཡཱ་ཝ དྭཱ་ར་ཀོ་སཱ ཨ་གྒ་ལ༹་ཊྛ་པ་ནཱ་ཡཱ’’ཏི (པཱ་ཙི. ༡༣༥) ཝུ་ཏྟ་སི་ཀྑཱ་པ་ད་ཉྩ ‘‘ཨ་ཉྙཱ་ཏི་ཀཱ་ཡ བྷི་ཀྑུ་ནི་ཡཱ ཙཱི་ཝ་རཾ ད་དེ་ཡྻ (པཱ་ཙི. ༡༧༡), ཙཱི་ཝ་རཾ སི་བྦེ་ཡྻཱ’’ཏི (པཱ་ཙི. ༡༧༦) ཝུ་ཏྟ་སི་ཀྑཱ་པ་ད་དྭ་ཡ་ཉྩ.
༣༧༤. པཱུ་ཝེ་ཧཱིཏི པཱུ་ཝེ་ཧི ཝཱ མ་ནྠེ་ཧི ཝཱ ཨ་བྷི་ཧ་ཊྛུཾ པ་ཝཱ་ར་ཎ་སི་ཀྑཱ་པ་ད་ཉྩ. པ་ཙྩ་ཡོཏི ཙ་ཏུ་མཱ་ས་པ་ཙྩ་ཡ་པ་ཝཱ་ར་ཎ་སི་ཀྑཱ་པ་ད་ཉྩ. ཛོ་ཏཱིཏི ཛོ་ཏི་ཡཱ ས་མཱ་ད་ཧ་ན་སི་ཀྑཱ་པ་ད་ཉྩ. ར་ཏ་ནནྟི ར་ཏ་ན་སི་ཀྑཱ་པ་ད་ཉྩ. སཱུ་ཙི…པེ… སུ་ག་ཏ་སྶ ཙཱཏི སཱུ་ཙི་གྷ་ར་སི་ཀྑཱ་པ་དཱ་དཱི་ནི ས་ཏྟ སི་ཀྑཱ་པ་དཱ་ནི ཙ.
༣༧༥. ཨ་ཉྙ་ཝི་ཉྙ་ཏྟི་སི་ཀྑཱ ཙཱཏི ‘‘ཨ་ཉྙཾ ཝི་ཉྙཱ་པེ་ཡྻཱ’’ཏི (པཱ་ཙི. ༧༤༩) ཝུ་ཏྟ་སི་ཀྑཱ་པ་ད་ཉྩ. ཨ་ཉྙཾ ཙེ་ཏཱ་པ་ན་མྤི ཙཱཏི ‘‘ཨ་ཉྙཾ ཙེ་ཏཱ་པེ་ཏྭཱ ཨ་ཉྙཾ ཙེ་ཏཱ་པེ་ཡྻཱ’’ཏི (པཱ་ཙི. ༧༤༩) ཝུ་ཏྟ་སི་ཀྑཱ་པ་ད་ཉྩ. ས་ངྒྷི་ཀེ་ན དུ་ཝེ ཝུ་ཏྟཱཏི ‘‘ས་ངྒྷི་ཀེ་ན ཨ་ཉྙཾ ཙེ་ཏཱ་པེ་ཡྻ (པཱ་ཙི. ༧༥༩), ས་ངྒྷི་ཀེ་ན ས་ཉྙཱ་ཙི་ཀེ་ན ཨ་ཉྙཾ ཙེ་ཏཱ་པེ་ཡྻཱ’’ཏི (པཱ་ཙི. ༧༦༤) ཝུ་ཏྟཱ་ནི དྭེ སི་ཀྑཱ་པ་དཱ་ནི ཙ. དྭེ མ་ཧཱ་ཛ་ནི་ཀེ་ནཱཏི ‘‘མ་ཧཱ་ཛ་ནི་ཀེ་ན ཨ་ཉྙཾ ཙེ་ཏཱ་པེ་ཡྻ (པཱ་ཙི. ༧༦༩), མ་ཧཱ་ཛ་ནི་ཀེ་ན ས་ཉྙཱ་ཙི་ཀེ་ན ཨ་ཉྙཾ ཙེ་ཏཱ་པེ་ཡྻཱ’’ཏི (པཱ་ཙི. ༧༧༤) ཝུ་ཏྟཱ་ནི དྭེ སི་ཀྑཱ་པ་དཱ་ནི ཙ.
༣༧༦. ཏ་ཐཱ པུ་གྒ་ལི་ཀེ་ནེ་ཀནྟི ‘‘པུ་གྒ་ལི་ཀེ་ན ས་ཉྙཱ་ཙི་ཀེ་ན ཨ་ཉྙཾ ཙེ་ཏཱ་པེ་ཡྻཱ’’ཏི (པཱ་ཙི. ༧༧༩) ཝུ་ཏྟ་མེ་ཀ་སི་ཀྑཱ་པ་ད་ཉྩ. ག་རུ་པཱ་ཝུ་ར་ཎནྟི ག་རུ་པཱ་ཝུ་ར་ཎ་ཙེ་ཏཱ་པ་ན་སི་ཀྑཱ་པ་ད་ཉྩ. ལ་ཧུནྟི ལ་ཧུ་པཱ་ཝུ་ར་ཎ་ཙེ་ཏཱ་པ་ན་སི་ཀྑཱ་པ་དཾ. ‘‘ཝི་གྷཱ་སཱ ཨུ་ད་སཱ་ཊི ཙཱ’’ཏི པ་ད་ཙྪེ་དོ. དྭེ ཝི་གྷཱ་སཱཏི ‘‘ཨུ་ཙྩཱ་རཾ ཝཱ པ་སྶཱ་ཝཾ ཝཱ ས་ངྐཱ་རཾ ཝཱ ཝི་གྷཱ་སཾ ཝཱ ཏི་རོ་ཀུ་ཊྚེ ཝཱ ཏི་རོ་པཱ་ཀཱ་རེ ཝཱ ཚ་ཌྜེ་ཡྻ ཝཱ ཚ་ཌྜཱ་པེ་ཡྻ ཝཱ (པཱ་ཙི. ༨༢༥), ཧ་རི་ཏེ ཚ་ཌྜེ་ཡྻ ཝཱ ཚ་ཌྜཱ་པེ་ཡྻ ཝཱ’’ཏི (པཱ་ཙི. ༨༢༩) ཨེ་ཝཾ ཝུ་ཏྟཱ་ནི དྭེ ཝི་གྷཱ་ས་སི་ཀྑཱ་པ་དཱ་ནི ཙ. ཨུ་ད་སཱ་ཊི ཙཱཏི ཨུ་ད་ཀ་སཱ་ཊི་ཀ་སི་ཀྑཱ་པ་ད་ཉྩ. ཏ་ཐཱ ས་མ་ཎ་ཙཱི་ཝ་རནྟི ཏ་ཐཱ ‘‘ས་མ་ཎ་ཙཱི་ཝ་རཾ ད་དེ་ཡྻཱ’’ཏི (པཱ་ཙི. ༩༡༧) ཝུ་ཏྟ་སི་ཀྑཱ་པ་ད་ཉྩཱ་ཏི.
༣༧༧. ཨི་ཏི ཨེ་ཏེ ཨེ་ཀཱུ་ན་པ་ཎྞཱ་ས དྷ་མྨཱ དུ་ཀྑ་ནྟ་ད་སྶི་ནཱ བྷ་ག་ཝ་ཏཱ ཚ་ས་མུ་ཊྛཱ་ནི་ཀཱ ཏེ་ཡེ་ཝ ས་ཉྩ་རི་ཏྟ་ས་མཱ ས་ཉྩ་རི་ཏྟ་སི་ཀྑཱ་པ་དེ་ན ས་མཱ ཀ་ཏཱ ཨ་ནུ་མ་ཏཱ པ་ཉྙ་ཏྟཱ་ཏི ཡོ་ཛ་ནཱ.
ས་ཉྩ་རི་ཏྟ་ས་མུ་ཊྛཱ་ན་ཝ་ཎྞ་ནཱ.
༣༧༨. ས་ངྒྷ་བྷེ་དོཏི ས་ངྒྷ་བྷེ་ད་སི་ཀྑཱ་པ་ད་ཉྩ. བྷེ་དཱ་ནུ་ཝ་ཏྟ་དུ་བྦ་ཙ་དཱུ་ས་ཀཱཏི བྷེ་དཱ་ནུ་ཝ་ཏྟ་ཀ་དུ་བྦ་ཙ་ཀུ་ལ་དཱུ་ས་ཀ་སི་ཀྑཱ་པ་དཱ་ནི ཙ. དུ་ཊྛུ་ལླ་ཙྪཱ་ད་ནནྟི དུ་ཊྛུ་ལླ་པ་ཊི་ཙྪཱ་ད་ན་སི་ཀྑཱ་པ་ད་ཉྩ. དི་ཊྛཱིཏི དི་ཊྛི་ཨ་པྤ་ཊི་ནི་སྶ་ཛྫ་ན་སི་ཀྑཱ་པ་ད་ཉྩ. ཚ་ནྡ་ཨུ་ཛྫ་གྒྷི་ཀཱ དུ་ཝེཏི ཚ་ནྡཾ་ཨ་ད་ཏྭཱ་ག་མ་ན་སི་ཀྑཱ་པ་ད་ཉྩ ཨུ་ཛྫ་གྒྷི་ཀཱ་ཡ ཨ་ནྟ་ར་གྷ་རེ ག་མ་ན་ནི་སཱི་ད་ན་སི་ཀྑཱ་པ་ད་དྭ་ཡ་ཉྩ.
༣༧༩. ཨ་པྤ་ས་དྡཱ དུ་ཝེ ཝུ་ཏྟཱཏི ‘‘ཨ་པྤ་ས་དྡོ ཨ་ནྟ་ར་གྷ་རེ ག་མི་སྶཱ་མི, ནི་སཱི་དི་སྶཱ་མཱི’’ཏི (པཱ་ཙི. ༥༨༨, ༥༨༩) ཝུ་ཏྟཱ་ནི དྭེ སི་ཀྑཱ་པ་དཱ་ནི ཙ. ན བྱཱ་ཧ་རེཏི ‘‘ན ས་ཀ་བ་ལེ༹་ན མུ་ཁེ་ན བྱཱ་ཧ་རི་སྶཱ་མཱི’’ཏི (པཱ་ཙི. ༦༡༩) ཝུ་ཏྟ་སི་ཀྑཱ་པ་ད་ཉྩ. ཚ་མཱ, ནཱི་ཙཱ་ས་ནེ, ཋཱ་ནནྟི ‘‘ཚ་མཱ་ཡཾ ནི་སཱི་དི་ཏྭཱ (པཱ་ཙི. ༦༤༥), ནཱི་ཙེ ཨཱ་ས་ནེ ནི་སཱི་དི་ཏྭཱ (པཱ་ཙི. ༦༤༧), ཋི་ཏོ ནི་སི་ནྣ་སྶཱ’’ཏི (པཱ་ཙི. ༦༤༨) ཝུ་ཏྟ་སི་ཀྑཱ་པ་ད་ཉྩ. པ་ཙྪ་ཏོ ཨུ་པྤ་ཐེ་ན ཙཱཏི ‘‘པ་ཙྪ་ཏོ ག་ཙྪ་ནྟོ པུ་ར་ཏོ ག་ཙྪ་ནྟ་སྶ (པཱ་ཙི. ༦༤༩), ཨུ་པྤ་ཐེ་ན ག་ཙྪ་ནྟོ པ་ཐེ་ན ག་ཙྪ་ནྟ་སྶཱ’’ཏི (པཱ་ཙི. ༦༥༠) ཝུ་ཏྟ་སི་ཀྑཱ་པ་ད་དྭ་ཡ་ཉྩ.
༣༨༠. ཝ་ཛྫ་ཙྪཱ་དཱཏི ཝ་ཛྫ་ཏོ པ་ཊི་ཙྪཱ་ད་ན་སི་ཀྑཱ་པ་ད་ཉྩ. ཨ་ནུ་ཝ་ཏྟཱ ཙཱཏི ཨུ་ཀྑི་ཏྟཱ་ནུ་ཝ་ཏྟ་ན་སི་ཀྑཱ་པ་ད་ཉྩ. ག་ཧ་ཎནྟི ‘‘ཧ་ཏྠ་གྒ་ཧ་ཎཾ ཝཱ སཱ་དི་ཡེ་ཡྻཱ’’ཏི (པཱ་ཙི. ༦༧༥) ཝུ་ཏྟ་སི་ཀྑཱ་པ་ད་ཉྩ. ཨོ་སཱ་རེ་ཡྻ ཙཱཏི ‘‘ཨ་ན་པ་ལོ་ཀེ་ཏྭཱ ཀཱ་ར་ཀ་ས་ངྒྷཾ ཨ་ན་ཉྙཱ་ཡ ག་ཎ་སྶ ཚ་ནྡཾ ཨོ་སཱ་རེ་ཡྻཱ’’ཏི (པཱ་ཙི. ༦༩༥) ཝུ་ཏྟ་སི་ཀྑཱ་པ་ད་ཉྩ. པ་ཙྩ་ཀྑཱ་མཱི་ཏི སི་ཀྑཱ ཙཱཏི ‘‘བུ་དྡྷཾ པ་ཙྩཱ་ཙི་ཀྑཱ་མཱི’’ཏི (པཱ་ཙི. ༧༡༠) ཝུ་ཏྟ་སི་ཀྑཱ་པ་ད་ཉྩ. ཏ་ཐཱ ཀི་སྨི་ཉྩི་དེ་ཝ ཙཱཏི ‘‘ཀི་སྨི་ཉྩི་དེ་ཝ ཨ་དྷི་ཀ་ར་ཎེ པ་ཙྩཱ་ཀ་ཏཱ’’ཏི (པཱ་ཙི. ༧༡༦) ཝུ་ཏྟ་སི་ཀྑཱ་པ་ད་ཉྩ.
༣༨༡. སཾ་ས་ཊྛཱ དྭེ ཙཱཏི ‘‘བྷི་ཀྑུ་ནི་ཡོ པ་ནེ་ཝ སཾ་ས་ཊྛཱ ཝི་ཧ་ར་ནྟཱི’’ཏི (པཱ་ཙི. ༧༢༢) ཙ ‘‘ཡཱ པ་ན བྷི་ཀྑུ་ནཱི ཨེ་ཝཾ ཝ་དེ་ཡྻ སཾ་ས་ཊྛཱ་ཝ, ཨ་ཡྻེ, ཏུ་མྷེ ཝི་ཧ་ར་ཐཱ’’ཏི་ཨཱ་དི་ཝ་ཙ་ནཾ (པཱ་ཙི. ༧༢༨) པ་ཊི་ཙྩ ཝུ་ཏྟ་སི་ཀྑཱ་པ་ད་དྭ་ཡ་ཉྩ. ཝ་དྷི་ཏྭཱ ཙཱཏི ‘‘ཨ་ཏྟཱ་ནཾ ཝ་དྷི་ཏྭཱ ཝ་དྷི་ཏྭཱ རོ་དེ་ཡྻཱ’’ཏི (པཱ་ཙི. ༨༨༠) ཝུ་ཏྟ་སི་ཀྑཱ་པ་ད་ཉྩ. ཝི་སི་བྦེ་ཏྭཱ ཙཱཏི ‘‘བྷི་ཀྑུ་ནི་ཡཱ ཙཱི་ཝ་རཾ ཝི་སི་བྦེ་ཏྭཱ ཝཱ ཝི་སི་བྦཱ་པེ་ཏྭཱ ཝཱ’’ཏི (པཱ་ཙི. ༨༩༣) ཝུ་ཏྟ་སི་ཀྑཱ་པ་ད་ཉྩ. དུ་ཀྑི་ཏནྟི ‘‘དུ་ཀྑི་ཏཾ ས་ཧ་ཛཱི་ཝི་ནི’’ནྟི (པཱ་ཙི. ༩༤༧) ཝུ་ཏྟ་སི་ཀྑཱ་པ་ད་ཉྩ. པུ་ན་དེ་ཝ ཙ སཾ་ས་ཊྛཱཏི ‘‘སཾ་ས་ཊྛཱ ཝི་ཧ་རེ་ཡྻ ག་ཧ་པ་ཏི་ནཱ ཝཱ ག་ཧ་པ་ཏི་པུ་ཏྟེ་ན ཝཱ’’ཏི (པཱ་ཙི. ༩༥༦) ཨེ་ཝཾ པུ་ན ཝུ་ཏྟ་སཾ་ས་ཊྛ་སི་ཀྑཱ་པ་ད་ཉྩ. ནེ་ཝ ཝཱུ་པ་ས་མེ་ཡྻ ཙཱཏི ‘‘‘ཨེ་ཧཱ་ཡྻེ, ཨི་མཾ ཨ་དྷི་ཀ་ར་ཎཾ ཝཱུ་པ་ས་མེ་ཧཱི’ཏི (པཱ་ཙི. ༩༩༥) ཝུ་ཙྩ་མཱ་ནཱ ‘སཱ་དྷཱུ’ཏི པ་ཊི་སྶུ་ཎི་ཏྭཱ སཱ པ་ཙྪཱ ཨ་ན་ནྟ་རཱ་ཡི་ཀི་ནཱི ནེ་ཝ ཝཱུ་པ་ས་མེ་ཡྻཱ’’ཏི ཝུ་ཏྟ་སི་ཀྑཱ་པ་ད་ཉྩ.
༣༨༢. ཛཱ་ནཾ ས་བྷི་ཀྑུ་ཀཱ་རཱ་མནྟི ‘‘ཛཱ་ནཾ ས་བྷི་ཀྑུ་ཀཾ ཨཱ་རཱ་མཾ ཨ་ནཱ་པུ་ཙྪཱ པ་ཝི་སེ་ཡྻཱ’’ཏི (པཱ་ཙི. ༡༠༢༤) ཝུ་ཏྟ་སི་ཀྑཱ་པ་ད་ཉྩ. ཏ་ཐེ་ཝ ན པ་ཝཱ་ར་ཡེཏི ‘‘ཨུ་བྷ་ཏོ་ས་ངྒྷེ ཏཱི་ཧི ཋཱ་ནེ་ཧི ན པ་ཝཱ་རེ་ཡྻཱ’’ཏི (པཱ་ཙི. ༡༠༥༡) ཝུ་ཏྟ་སི་ཀྑཱ་པ་ད་ཉྩ. ཏ་ཐཱ ཨ་ནྭ་དྡྷ་མཱ་ས་ཉྩཱཏི ‘‘ཨ་ནྭ་དྡྷ་མཱ་སཾ བྷི་ཀྑུ་ནི་ཡཱ བྷི་ཀྑུ་ས་ངྒྷ་ཏོ དྭེ དྷ་མྨཱ པ་ཙྩཱ་སཱི་སི་ཏ་བྦཱ’’ཏི (པཱ་ཙི. ༡༠༥༩) ཝུ་ཏྟ་སི་ཀྑཱ་པ་ད་ཉྩ. ས་ཧ་ཛཱི་ཝི་ནི་ཡོ དུ་ཝེཏི ‘‘ས་ཧ་ཛཱི་ཝི་ནིཾ ཝུ་ཊྛཱ་པེ་ཏྭཱ དྭེ ཝ་སྶཱ་ནི ནེ་ཝ ཨ་ནུ་གྒ་ཎྷེ་ཡྻ (པཱ་ཙི. ༡༡༠༨), ས་ཧ་ཛཱི་ཝི་ནིཾ ཝུ་ཊྛཱ་པེ་ཏྭཱ ནེ་ཝ ཝཱུ་པ་ཀཱ་སེ་ཡྻཱ’’ཏི (པཱ་ཙི. ༡༡༡༦) ཝུ་ཏྟ་སི་ཀྑཱ་པ་ད་དྭ་ཡ་ཉྩ.
༣༨༣-༤. ས་ཙེ མེ ཙཱི་ཝ་རཾ ཨ་ཡྻེཏི ‘‘ས་ཙེ མེ ཏྭཾ, ཨ་ཡྻེ, ཙཱི་ཝ་རཾ ད་སྶ་སི, ཨེ་ཝཱ་ཧཾ ཏཾ ཝུ་ཊྛཱ་པེ་སྶཱ་མཱི’’ཏི (པཱ་ཙི. ༡༡༥༡) ཝུ་ཏྟ་སི་ཀྑཱ་པ་ད་ཉྩ. ཨ་ནུ་བ་ནྡྷི་སྶ་སཱིཏི ‘‘ས་ཙེ མཾ ཏྭཾ, ཨ་ཡྻེ, དྭེ ཝ་སྶཱ་ནི ཨ་ནུ་བ་ནྡྷི་སྶ་སི, ཨེ་ཝཱ་ཧཾ ཏཾ ཝུ་ཊྛཱ་པེ་སྶཱ་མཱི’’ཏི (པཱ་ཙི. ༡༡༥༥) ཝུ་ཏྟ་སི་ཀྑཱ་པ་ད་ཉྩ. ཨ་ས་མེ་ན ས་མྦུ་དྡྷེ་ན པ་ཀཱ་སི་ཏཱ ཨི་མེ ས་ཏྟ་ཏིཾ་ས དྷ་མྨཱ ས་བྦེ ཀཱ་ཡ་ཝཱ་ཙཱ་དི་ཏོ ཀཱ་ཡ་ཝཱ་ཙཱ་ཙི་ཏྟ་ཏོ ཨེ་ཀ་ས་མུ་ཊྛཱ་ནཱ ཀ་ཏཱ ས་མ་ནུ་བྷཱ་ས་ནཱ སི་ཡུཾ ས་མུ་ཊྛཱ་ན་ཏོ ས་མ་ནུ་བྷཱ་ས་ན་སི་ཀྑཱ་པ་དེ་ན ས་དི་སཱ སི་ཡུ་ནྟི ཡོ་ཛ་ནཱ.
ས་མ་ནུ་བྷཱ་ས་ན་ས་མུ་ཊྛཱ་ན་ཝ་ཎྞ་ནཱ.
༣༨༥. ཀ་ཐི་ནཱ་ནི ཙ ཏཱི་ཎཱིཏི ‘‘ནི་ཊྛི་ཏ་ཙཱི་ཝ་ར་སྨིཾ བྷི་ཀྑུ་ནཱ ཨུ་བྦྷ་ཏ་སྨིཾ ཀ་ཐི་ནེ’’ཏི (པཱ་རཱ. ༤༦༢) ཝུ་ཏྟཱ་ནི ཨཱ་དི་ཏོ ཏཱི་ཎི སི་ཀྑཱ་པ་དཱ་ནི. པ་ཏྟོཏི ‘‘ད་སཱ་ཧ་པ་ར་མཾ ཨ་ཏི་རེ་ཀ་པ་ཏྟོ’’ཏི (པཱ་རཱ. ༦༠༡) ཝུ་ཏྟ་སི་ཀྑཱ་པ་ད་ཉྩ. བྷེ་ས་ཛྫ་མེ་ཝ ཙཱཏི ‘‘པ་ཊི་སཱ་ཡ་ནཱི་ཡཱ་ནི བྷེ་ས་ཛྫཱ་ནཱི’’ཏི (པཱ་རཱ. ༦༢༢) ཝུ་ཏྟ་སི་ཀྑཱ་པ་ད་ཉྩ. ཨ་ཙྩེ་ཀ་མྤི ཙཱཏི ཨ་ཙྩེ་ཀ་སི་ཀྑཱ་པ་ད་ཉྩ. སཱ་ས་ངྐནྟི ཏ་ད་ན་ནྟ་ར་མེ་ཝ སཱ་ས་ངྐ་སི་ཀྑཱ་པ་ད་ཉྩ. པ་ཀྐ་མ་ནྟ་དྭ་ཡ་མྤི ཙཱཏི ‘‘ཏཾ པ་ཀྐ་མ་ནྟོ ནེ་ཝ ཨུ་དྡྷ་རེ་ཡྻཱ’’ཏི (པཱ་ཙི. ༡༠༩, ༡༡༥) བྷཱུ་ཏ་གཱ་མ་ཝ་གྒེ ཝུ་ཏྟ་སི་ཀྑཱ་པ་ད་དྭ་ཡ་ཉྩ.
༣༨༦. ཏ་ཐཱ ཨུ་པ་སྶ་ཡཾ ག་ནྟྭཱཏི ‘‘བྷི་ཀྑུ་ནུ་པ་སྶ་ཡཾ ཨུ་པ་ས་ངྐ་མི་ཏྭཱ བྷི་ཀྑུ་ནི་ཡོ ཨོ་ཝ་དེ་ཡྻཱ’’ཏི (པཱ་ཙི. ༡༥༨) ཝུ་ཏྟ་སི་ཀྑཱ་པ་ད་ཉྩ. པ་ར་མྤ་རཾ བྷོ་ཛ་ནནྟི ‘‘པ་ར་མྤ་ར་བྷོ་ཛ་ནེ པཱ་ཙི་ཏྟི་ཡ’’ནྟི (པཱ་ཙི. ༢༢༡) ཝུ་ཏྟ་སི་ཀྑཱ་པ་ད་ཉྩ. ཨ་ན་ཏི་རི་ཏྟནྟི ‘‘ཨ་ན་ཏི་རི་ཏྟཾ ཁཱ་ད་ནཱི་ཡཾ ཝཱ བྷོ་ཛ་ནཱི་ཡཾ ཝཱ’’ཏི (པཱ་ཙི. ༢༣༨) ཝུ་ཏྟ་སི་ཀྑཱ་པ་ད་ཉྩ. ས་བྷ་ཏྟོཏི ‘‘ནི་མ་ནྟི་ཏོ ས་བྷ་ཏྟོ ས་མཱ་ནོ’’ཏི (པཱ་ཙི. ༢༩༩) ཝུ་ཏྟ་སི་ཀྑཱ་པ་ད་ཉྩ. ཝི་ཀ་པྤེ་ཏྭཱ ཏ་ཐེ་ཝ ཙཱཏི ‘‘ཙཱི་ཝ་རཾ ཝི་ཀ་པྤེ་ཏྭཱ’’ཏི (པཱ་ཙི. ༣༧༣) ཝུ་ཏྟ་སི་ཀྑཱ་པ་ད་ཉྩ.
༣༨༧. ར་ཉྙོཏི ‘‘ར་ཉྙོ ཁ་ཏྟི་ཡ་སྶཱ’’ཏི (པཱ་ཙི. ༤༩༨) ཝུ་ཏྟ་སི་ཀྑཱ་པ་ད་ཉྩ. ཝི་ཀཱ་ལེཏི ‘‘ཝི་ཀཱ་ལེ གཱ་མཾ པ་ཝི་སེ་ཡྻཱ’’ཏི (པཱ་ཙི. ༥༠༩-༥༡༢) ཝུ་ཏྟ་སི་ཀྑཱ་པ་ད་ཉྩ. ཝོ་སཱ་སཱཏི ‘‘ཝོ་སཱ་ས་མཱ་ན་རཱུ་པཱ ཋི་ཏཱ’’ཏི (པཱ་ཙི. ༥༥༨) ཝུ་ཏྟ་སི་ཀྑཱ་པ་ད་ཉྩ. ‘‘ཨཱ་ར་ཉྙ་ཀེ ཨུ་སྶ་ཡ་ཝཱ་དི་ཀཱ’’ཏི པ་ད་ཙྪེ་དོ. ཨཱ་ར་ཉྙ་ཀེཏི ‘‘ཏ་ཐཱ་རཱུ་པེ་སུ ཨཱ་ར་ཉྙ་ཀེ་སུ སེ་ནཱ་ས་ནེ་སུ པུ་བྦེ ཨ་པྤ་ཊི་སཾ་ཝི་དི་ཏ’’ནྟི (པཱ་ཙི. ༥༧༠) ཝུ་ཏྟ་སི་ཀྑཱ་པ་ད་ཉྩ. ཨུ་སྶ་ཡ་ཝཱ་དི་ཀཱཏི ‘‘ཨུ་སྶ་ཡ་ཝཱ་དི་ཀཱ ཝི་ཧ་རེ་ཡྻཱ’’ཏི (པཱ་ཙི. ༦༧༩) ཝུ་ཏྟ་སི་ཀྑཱ་པ་ད་ཉྩ. པ་ཏྟ་ས་ནྣི་ཙ་ཡ་ཉྩེ་ཝཱཏི ‘‘པ་ཏྟ་ས་ནྣི་ཙ་ཡཾ ཀ་རེ་ཡྻཱ’’ཏི (པཱ་ཙི. ༧༣༤) ཝུ་ཏྟ་སི་ཀྑཱ་པ་ད་ཉྩ. པུ་རེ, པ་ཙྪཱ, ཝི་ཀཱ་ལ་ཀེཏི ‘‘ཡཱ པ་ན བྷི་ཀྑུ་ནཱི པུ་རེ་བྷ་ཏྟཾ ཀུ་ལཱ་ནི ཨུ་པ་ས་ངྐ་མི་ཏྭཱ’’ཏི (པཱ་ཙི. ༨༥༥) ཙ ‘‘པ་ཙྪཱ་བྷ་ཏྟཾ ཀུ་ལཱ་ནི ཨུ་པ་ས་ངྐ་མི་ཏྭཱ’’ཏི (པཱ་ཙི. ༨༦༠) ཙ ‘‘ཝི་ཀཱ་ལེ ཀུ་ལཱ་ནི ཨུ་པ་ས་ངྐ་མི་ཏྭཱ’’ཏི (པཱ་ཙི. ༨༦༥) ཙ ཝུ་ཏྟ་སི་ཀྑཱ་པ་ད་ཏྟ་ཡ་ཉྩ.
༣༨༨-༩. པ་ཉྩཱ་ཧི་ཀནྟི ‘‘པ་ཉྩཱ་ཧི་ཀཾ ས་ངྒྷཱ་ཊི་ཙཱ་རཾ ཨ་ཏི་ཀྐ་མེ་ཡྻཱ’’ཏི (པཱ་ཙི. ༨༩༨) ཝུ་ཏྟ་སི་ཀྑཱ་པ་ད་ཉྩ. ས་ངྐ་མ་ནིནྟི ‘‘ཙཱི་ཝ་ར་ས་ངྐ་མ་ནཱི་ཡཾ དྷཱ་རེ་ཡྻཱ’’ཏི (པཱ་ཙི. ༩༠༣) ཝུ་ཏྟ་སི་ཀྑཱ་པ་ད་ཉྩ. ཏ་ཐཱ ཨཱ་ཝ་ས་ཐ་དྭ་ཡནྟི ‘‘ཨཱ་ཝ་ས་ཐ་ཙཱི་ཝ་རཾ ཨ་ནི་སྶ་ཛྫི་ཏྭཱ པ་རི་བྷུ་ཉྫེ་ཡྻ (པཱ་ཙི. ༡༠༠༤), ཨཱ་ཝ་ས་ཐཾ ཨ་ནི་སྶ་ཛྫི་ཏྭཱ ཙཱ་རི་ཀཾ པ་ཀྐ་མེ་ཡྻཱ’’ཏི (པཱ་ཙི. ༡༠༠༩) ཨེ་ཝཾ ཨཱ་ཝ་ས་ཐེ་ན ས་དྡྷིཾ ཝུ་ཏྟ་སི་ཀྑཱ་པ་ད་དྭ་ཡ་ཉྩ. པ་སཱ་ཁེཏི ‘‘པ་སཱ་ཁེ ཛཱ་ཏཾ ག་ཎྜཾ ཝཱ’’ཏི (པཱ་ཙི. ༡༠༦༣) ཝུ་ཏྟ་སི་ཀྑཱ་པ་ད་ཉྩ. ཨཱ་ས་ནེ ཙཱཏི ‘‘བྷི་ཀྑུ་སྶ པུ་ར་ཏོ ཨ་ནཱ་པུ་ཙྪཱ ཨཱ་ས་ནེ ནི་སཱི་དེ་ཡྻཱ’’ཏི (པཱ་ཙི. ༡༢༡༥) ཝུ་ཏྟ་སི་ཀྑཱ་པ་ད་ཉྩཱ་ཏི ཨི་མེ པ་ན ཨེ་ཀཱུ་ན་ཏིཾ་ས དྷ་མྨཱ ཀཱ་ཡ་ཝཱ་ཙ་ཏོ, ཀཱ་ཡ་ཝཱ་ཙཱ་ཙི་ཏྟ་ཏོ ཙ ས་མུ་ཊྛཱ་ན་ཏོ ས་བྦེ དྭི་ས་མུ་ཊྛཱ་ནི་ཀཱ, ཏ་ཏོ་ཡེ་ཝ ཀ་ཐི་ན་ས་མྦྷ་ཝཱ ཀ་ཐི་ན་ས་མུ་ཊྛཱ་ནཱ ཧོ་ནྟཱི་ཏི ཡོ་ཛ་ནཱ.
ཀ་ཐི་ན་ས་མུ་ཊྛཱ་ན་ཝ་ཎྞ་ནཱ.
༣༩༠. དྭེ སེ་ཡྻཱཏི དྭེ ས་ཧ་སེ་ཡྻ་སི་ཀྑཱ་པ་དཱ་ནི ཙ. ཨཱ་ཧ་ཙྩ་པཱ་དོ ཙཱཏི ཨཱ་ཧ་ཙྩ་པཱ་ད་ཀ་སི་ཀྑཱ་པ་ད་ཉྩ. པི་ཎྜ་ཉྩཱཏི ཨཱ་ཝ་ས་ཐ་པི་ཎྜ་བྷོ་ཛ་ན་སི་ཀྑཱ་པ་ད་ཉྩ. ག་ཎ་བྷོ་ཛ་ནནྟི ག་ཎ་བྷོ་ཛ་ན་སི་ཀྑཱ་པ་ད་ཉྩ. ཝི་ཀཱ་ལེཏི ཝི་ཀཱ་ལ་བྷོ་ཛ་ན་སི་ཀྑཱ་པ་ད་ཉྩ. ས་ནྣི་དྷི་ཉྩེ་ཝཱཏི ས་ནྣི་དྷི་ཀཱ་ར་ཀ་སི་ཀྑཱ་པ་ད་ཉྩ. ད་ནྟ་པོ་ནནྟི ད་ནྟ་པོ་ན་སི་ཀྑཱ་པ་ད་ཉྩ. ཨ་ཙེ་ལ་ཀནྟི ཨ་ཙེ་ལ་ཀ་སི་ཀྑཱ་པ་ད་ཉྩ.
༣༩༡. ཨུ་ཡྻུ་ཏྟ་ཉྩཱཏི ‘‘ཨུ་ཡྻུ་ཏྟཾ སེ་ནཾ ད་སྶ་ནཱ་ཡ ག་ཙྪེ་ཡྻཱ’’ཏི (པཱ་ཙི. ༣༡༡) ཝུ་ཏྟ་སི་ཀྑཱ་པ་ད་ཉྩ. ‘‘ཝ་སེ ཨུ་ཡྻོ་དྷི’’ནྟི པ་ད་ཙྪེ་དོ. ཝ་སེཏི ‘‘སེ་ནཱ་ཡ ཝ་སེ་ཡྻཱ’’ཏི (པཱ་ཙི. ༣༡༨) ཝུ་ཏྟ་སི་ཀྑཱ་པ་ད་ཉྩ. ཨུ་ཡྻོ་དྷིནྟི ‘‘ཨུ་ཡྻོ་དྷི་ཀཾ ཝཱ…པེ… ཨ་ནཱི་ཀ་ད་སྶ་ནཾ ཝཱ ག་ཙྪེ་ཡྻཱ’’ཏི (པཱ་ཙི. ༣༢༣) ཝུ་ཏྟ་སི་ཀྑཱ་པ་ད་ཉྩ. སུ་རཱཏི སུ་རཱ་པཱ་ན་སི་ཀྑཱ་པ་ད་ཉྩ. ཨོ་རེ་ན ནྷཱ་ཡ་ནནྟི ཨོ་རེ་ན་དྡྷ་མཱ་ས་ན་ཧཱ་ཡ་ན་སི་ཀྑཱ་པ་ད་ཉྩ. དུ་བྦ་ཎྞ་ཀ་ར་ཎ་ཉྩེ་ཝཱཏི ‘‘ཏི་ཎྞཾ དུ་བྦ་ཎྞ་ཀ་ར་ཎཱ་ན’’ནྟི (པཱ་ཙི. ༣༦༨) ཝུ་ཏྟ་སི་ཀྑཱ་པ་ད་ཉྩ. པཱ་ཊི་དེ་ས་ནཱི་ཡ་དྭ་ཡནྟི ཝུ་ཏྟཱ་ཝ་སེ་སཾ པཱ་ཊི་དེ་ས་ནཱི་ཡ་དྭ་ཡ་ཉྩ.
༣༩༢. ལ་སུ་ཎནྟི ལ་སུ་ཎ་སི་ཀྑཱ་པ་ད་ཉྩ. ཨུ་པ་ཏི་ཊྛེ་ཡྻཱཏི ‘‘བྷི་ཀྑུ་སྶ བྷུ་ཉྫ་ནྟ་སྶ པཱ་ནཱི་ཡེ་ན ཝཱ ཝི་དྷཱུ་པ་ནེ་ན ཝཱ ཨུ་པ་ཏི་ཊྛེ་ཡྻཱ’’ཏི (པཱ་ཙི. ༨༡༦) ཝུ་ཏྟ་སི་ཀྑཱ་པ་ད་ཉྩ. ན་ཙྩ་ད་སྶ་ན་མེ་ཝ ཙཱཏི ‘‘ན་ཙྩཾ ཝཱ གཱི་ཏཾ ཝཱ ཝཱ་དི་ཏཾ ཝཱ ད་སྶ་ནཱ་ཡ ག་ཙྪེ་ཡྻཱ’’ཏི (པཱ་ཙི. ༨༣༤) ཝུ་ཏྟ་སི་ཀྑཱ་པ་ད་ཉྩ. ན་གྒནྟི ‘‘ན་གྒཱ ན་ཧཱ་ཡེ་ཡྻཱ’’ཏི (པཱ་ཙི. ༨༨༤) ཝུ་ཏྟ་སི་ཀྑཱ་པ་ད་ཉྩ. ཨ་ཏྠ་ར་ཎནྟི ‘‘ཨེ་ཀ་ཏྠ་ར་ཎ་པཱ་ཝུ་ར་ཎཱ ཏུ་ཝ་ཊྚེ་ཡྻུ’’ནྟི (པཱ་ཙི. ༩༣༧) ཝུ་ཏྟ་སི་ཀྑཱ་པ་ད་ཉྩ. མ་ཉྩེཏི ‘‘ཨེ་ཀ་མ་ཉྩེ ཏུ་ཝ་ཊྚེ་ཡྻུ’’ནྟི (པཱ་ཙི. ༩༣༣) ཝུ་ཏྟ་སི་ཀྑཱ་པ་ད་ཉྩ. ཨ་ནྟོ་ར་ཊྛེཏི ‘‘ཨ་ནྟོ་ར་ཊྛེ སཱ་ས་ངྐ་ས་མྨ་ཏེ’’ཏི (པཱ་ཙི. ༩༦༢) ཝུ་ཏྟ་སི་ཀྑཱ་པ་ད་ཉྩ. ཏ་ཐཱ བ་ཧཱིཏི ‘‘ཏི་རོ་ར་ཊྛེ སཱ་ས་ངྐ་ས་མྨ་ཏེ’’ཏི (པཱ་ཙི. ༩༦༦) ཝུ་ཏྟ་སི་ཀྑཱ་པ་ད་ཉྩ.
༣༩༣. ཨ་ནྟོ་ཝ་སྶནྟི ‘‘ཨ་ནྟོ་ཝ་སྶཾ ཙཱ་རི་ཀཾ ཙ་རེ་ཡྻཱ’’ཏི (པཱ་ཙི. ༩༧༠) ཝུ་ཏྟ་སི་ཀྑཱ་པ་ད་ཉྩ. ཨ་གཱ་ར་ཉྩཱཏི ‘‘རཱ་ཛཱ་གཱ་རཾ ཝཱ ཙི་ཏྟཱ་གཱ་རཾ ཝཱ…པེ… པོ་ཀྑ་ར་ཎིཾ ཝཱ ད་སྶ་ནཱ་ཡ ག་ཙྪེ་ཡྻཱ’’ཏི (པཱ་ཙི. ༩༧༨) ཝུ་ཏྟ་སི་ཀྑཱ་པ་ད་ཉྩ. ཨཱ་ས་ནྡིནྟི ‘‘ཨཱ་ས་ནྡིཾ ཝཱ པ་ལླ་ངྐཾ ཝཱ པ་རི་བྷུ་ཉྫེ་ཡྻཱ’’ཏི (པཱ་ཙི. ༩༨༣) ཝུ་ཏྟ་སི་ཀྑཱ་པ་ད་ཉྩ. སུ་ཏྟ་ཀ་ནྟ་ནནྟི ‘‘སུ་ཏྟཾ ཀ་ནྟེ་ཡྻཱ’’ཏི (པཱ་ཙི. ༩༨༧) ཝུ་ཏྟ་སི་ཀྑཱ་པ་ད་ཉྩ. ཝེ་ཡྻཱ་ཝ་ཙྩནྟི ‘‘གི་ཧི་ཝེ་ཡྻཱ་ཝ་ཙྩཾ ཀ་རེ་ཡྻཱ’’ཏི (པཱ་ཙི. ༩༩༡) ཝུ་ཏྟ་སི་ཀྑཱ་པ་ད་ཉྩ. ས་ཧ་ཏྠཱ ཙཱཏི ‘‘ཨ་གཱ་རི་ཀ་སྶ ཝཱ པ་རི་བྦཱ་ཛ་ཀ་སྶ ཝཱ པ་རི་བྦཱ་ཛི་ཀཱ་ཡ ཝཱ ས་ཧ་ཏྠཱ ཁཱ་ད་ནཱི་ཡཾ ཝཱ བྷོ་ཛ་ནཱི་ཡཾ ཝཱ ད་དེ་ཡྻཱ’’ཏི (པཱ་ཙི. ༡༠༠༠) ཝུ་ཏྟ་སི་ཀྑཱ་པ་ད་ཉྩ. ཨཱ་ཝཱ་སེ ཙ ཨ་བྷི་ཀྑུ་ཀེཏི ‘‘ཨ་བྷི་ཀྑུ་ཀེ ཨཱ་ཝཱ་སེ ཝ་སྶཾ ཝ་སེ་ཡྻཱ’’ཏི (པཱ་ཙི. ༡༠༤༧) ཝུ་ཏྟ་སི་ཀྑཱ་པ་ད་ཉྩ.
༣༩༤. ཚ་ཏྟནྟི ‘‘ཚ་ཏྟུ་པཱ་ཧ་ནཾ དྷཱ་རེ་ཡྻཱ’’ཏི (པཱ་ཙི. ༡༡༧༨) ཝུ་ཏྟ་སི་ཀྑཱ་པ་ད་ཉྩ. ཡཱ་ན་ཉྩཱཏི ‘‘ཡཱ་ནེ་ན ཡཱ་ཡེ་ཡྻཱ’’ཏི (པཱ་ཙི. ༡༡༨༦) ཝུ་ཏྟ་སི་ཀྑཱ་པ་ད་ཉྩ. ས་ངྒྷཱ་ཎིནྟི ‘‘ས་ངྒྷཱ་ཎིཾ དྷཱ་རེ་ཡྻཱ’’ཏི (པཱ་ཙི. ༡༡༩༡) ཝུ་ཏྟ་སི་ཀྑཱ་པ་ད་ཉྩ. ཨ་ལ་ངྐཱ་རནྟི ‘‘ཨི་ཏྠཱ་ལ་ངྐཱ་རཾ དྷཱ་རེ་ཡྻཱ’’ཏི (པཱ་ཙི. ༡༡༩༥) ཝུ་ཏྟ་སི་ཀྑཱ་པ་ད་ཉྩ. ག་ནྡྷ་ཝཱ་སི་ཏནྟི ‘‘ག་ནྡྷ་ཝ་ཎྞ་ཀེ་ན ན་ཧཱ་ཡེ་ཡྻ (པཱ་ཙི. ༡༡༩༩), ཝཱ་སི་ཏ་ཀེ་ན པི་ཉྙཱ་ཀེ་ན ན་ཧཱ་ཡེ་ཡྻཱ’’ཏི (པཱ་ཙི. ༡༢༠༣) ཝུ་ཏྟ་སི་ཀྑཱ་པ་ད་དྭ་ཡ་ཉྩ. ‘‘བྷི་ཀྑུ་ནཱི…པེ… གི་ཧི་ནི་ཡཱ’’ཏི ཨེ་ཏེ་ན ‘‘བྷི་ཀྑུ་ནི་ཡཱ ཨུ་མྨ་དྡཱ་པེ་ཡྻཱ’’ཏི་ཨཱ་དཱི་ནི (པཱ་ཙི. ༡༢༠༧) ཙ་ཏྟཱ་རི སི་ཀྑཱ་པ་དཱ་ནི ཝུ་ཏྟཱ་ནི.
༣༩༥. ཏ་ཐཱ་སཾ་ཀ་ཙྩི་ཀཱཏི ‘‘ཨ་སཾ་ཀ་ཙྩི་ཀཱ གཱ་མཾ པ་ཝི་སེ་ཡྻཱ’’ཏི (པཱ་ཙི. ༡༢༢༥) ཨེ་ཝཾ ཝུ་ཏྟ་སི་ཀྑཱ་པ་ད་ཉྩ. ཨི་མེ པ་ན ཏེ་ཙ་ཏྟཱ་ལཱི་ས དྷ་མྨཱ ས་བྦེ ཀཱ་ཡ་ཙི་ཏྟ་ཝ་སེ་ན དྭི་ས་མུ་ཊྛཱ་ནི་ཀཱ. ཨེ་ལ༹་ཀ་ལོ་མེ་ན ས་མུ་ཊྛཱ་ན་ཏོ ས་མཱ ཧོ་ནྟཱི་ཏི ཡོ་ཛ་ནཱ.
ཨེ་ལ༹་ཀ་ལོ་མ་ས་མུ་ཊྛཱ་ན་ཝ་ཎྞ་ནཱ.
༣༩༦-༧. ཨ་ཉྙ་ཏྲཱཏི ‘‘མཱ་ཏུ་གཱ་མ་སྶ ཨུ་ཏྟ་རི་ཚ་པྤ་ཉྩ་ཝཱ་ཙཱ་ཧི དྷ་མྨཾ དེ་སེ་ཡྻ ཨ་ཉྙ་ཏྲ ཝི་ཉྙུ་ནཱ པུ་རི་ས་ཝི་གྒ་ཧེ་ནཱ’’ཏི (པཱ་ཙི. ༦༣) ཝུ་ཏྟ་སི་ཀྑཱ་པ་ད་ཉྩ. ཨ་ས་མྨ་ཏོ ཙེ་ཝཱཏི ‘‘ཨ་ས་མྨ་ཏོ བྷི་ཀྑུ་ནི་ཡོ ཨོ་ཝ་དེ་ཡྻཱ’’ཏི (པཱ་ཙི. ༡༤༦) ཝུ་ཏྟ་སི་ཀྑཱ་པ་ད་ཉྩ. ཏ་ཐཱ ཨ་ཏྠ་ངྒ་ཏེ་ན ཙཱཏི ‘‘ཨ་ཏྠ་ངྒ་ཏེ སཱུ་རི་ཡེ བྷི་ཀྑུ་ནི་ཡོ ཨོ་ཝ་དེ་ཡྻཱ’’ཏི (པཱ་ཙི. ༡༥༤) ཝུ་ཏྟ་སི་ཀྑཱ་པ་ད་ཉྩ. ཏི་ར་ཙྪཱ་ན་ཝི་ཛྫཱ དྭེ ཝུ་ཏྟཱཏི ‘‘ཏི་ར་ཙྪཱ་ན་ཝི་ཛྫཾ པ་རི་ཡཱ་པུ་ཎེ་ཡྻ, ཝཱ་ཙེ་ཡྻཱ’’ཏི (པཱ་ཙི. ༡༠༡༤, ༡༠༡༨) ཨེ་ཝཾ ཝུ་ཏྟཱ་ནི དྭེ སི་ཀྑཱ་པ་དཱ་ནི ཙ. ཨ་ནོ་ཀཱ་ས་ཀ་ཏ་མྤི ཙཱཏི ‘‘ཨ་ནོ་ཀཱ་ས་ཀ་ཏཾ བྷི་ཀྑུཾ པ་ཉྷཾ པུ་ཙྪེ་ཡྻཱ’’ཏི (པཱ་ཙི. ༡༢༢༠) ཝུ་ཏྟ་སི་ཀྑཱ་པ་ད་ཉྩཱ་ཏི ཨི་མེ པ་ན ས་བྦེ ཚ དྷ་མྨཱ ཝཱ་ཙ་ཏོ, ཝཱ་ཙཱ་ཙི་ཏྟ་ཏོ ཙཱ་ཏི ཨི་མེ་ཧི དྭཱི་ཧི ས་མུ་ཊྛཱ་ནེ་ཧི ས་མུ་ཊྛཱ་ནི་ཀཱ ཧོ་ནྟི. པ་ད་སོ་དྷ་མྨ་ཏུ་ལྱ་ཏཱ ཨ་ཡ་མེ་ཏེ་སཾ པ་ད་སོ་དྷ་མྨེ་ན ས་དི་ས་བྷཱ་ཝོ་ཏི ཡོ་ཛ་ནཱ.
པ་ད་སོ་དྷ་མྨ་ས་མུ་ཊྛཱ་ན་ཝ་ཎྞ་ནཱ.
༣༩༨-༩. ཨེ་ཀནྟི ‘‘བྷི་ཀྑུ་ནི་ཡཱ ས་དྡྷིཾ སཾ་ཝི་དྷཱ་ཡ ཨེ་ཀ་དྡྷཱ་ན་མ་གྒཾ པ་ཊི་པ་ཛྫེ་ཡྻཱ’’ཏི (པཱ་ཙི. ༡༨༠) ཝུ་ཏྟ་སི་ཀྑཱ་པ་ད་ཉྩ. ནཱ་ཝནྟི ‘‘ཨེ་ཀ་ནཱ་ཝཾ ཨ་བྷི་རུ་ཧེ་ཡྻཱ’’ཏི (པཱ་ཙི. ༡༨༨) ཝུ་ཏྟ་སི་ཀྑཱ་པ་ད་ཉྩ. པ་ཎཱི་ཏ་ཉྩཱཏི ‘‘པ་ཎཱི་ཏ་བྷོ་ཛ་ནཱ་ནི ཨ་གི་ལཱ་ནོ ཨ་ཏྟ་ནོ ཨ་ཏྠཱ་ཡ ཝི་ཉྙཱ་པེ་ཏྭཱ་བྷུ་ཉྫེ་ཡྻཱ’’ཏི (པཱ་ཙི. ༢༥༩) ཝུ་ཏྟ་སི་ཀྑཱ་པ་ད་ཉྩ. སཾ་ཝི་དྷཱ་ན་ཉྩཱཏི མཱ་ཏུ་གཱ་མེ་ན ས་དྡྷིཾ སཾ་ཝི་དྷཱ་ཡ ག་མ་ན་སི་ཀྑཱ་པ་ད་ཉྩ. སཾ་ཧ་རེཏི ‘‘ས་མྦཱ་དྷེ ལོ་མཾ སཾ་ཧ་རཱ་པེ་ཡྻཱ’’ཏི (པཱ་ཙི. ༧༩༩) ཝུ་ཏྟ་སི་ཀྑཱ་པ་ད་ཉྩ. དྷ་ཉྙནྟི ‘‘ཨཱ་མ་ཀ་དྷ་ཉྙཾ ཝི་ཉྙ་ཏྭཱ ཝཱ’’ཏི (པཱ་ཙི. ༨༢༡) ཝུ་ཏྟ་སི་ཀྑཱ་པ་ད་ཉྩ. ནི་མ་ནྟི་ཏཱ ཙེ་ཝཱཏི ‘‘ནི་མ་ནྟི་ཏཱ ཝཱ པ་ཝཱ་རི་ཏཱ ཝཱ ཁཱ་ད་ནཱི་ཡཾ ཝཱ བྷོ་ཛ་ནཱི་ཡཾ ཝཱ ཁཱ་དེ་ཡྻ ཝཱ བྷུ་ཉྫེ་ཡྻ ཝཱ’’ཏི (པཱ་ཙི. ༡༠༣༨) ཝུ་ཏྟ་སི་ཀྑཱ་པ་ད་ཉྩ. པཱ་ཊི་དེ་ས་ནི་ཡ་ཊྛ་ཀནྟི བྷི་ཀྑུ་ནཱི་ནཾ ཝུ་ཏྟཱ ཨ་ཊྛ པཱ་ཊི་དེ་ས་ནཱི་ཡཱ ཙེ་ཏི བུ་དྡྷ་སེ་ཊྛེ་ན པ་ཉྙ་ཏྟཱ ཨེ་ཏཱ ཙུ་དྡ་ས སི་ཀྑཱ ཙ་ཏུ་ས་མུ་ཊྛཱ་ནཱ ཀཱ་ཡ་ཏོ, ཀཱ་ཡ་ཝཱ་ཙ་ཏོ, ཀཱ་ཡ་ཙི་ཏྟ་ཏོ, ཝཱ་ཙཱ་ཙི་ཏྟ་ཏོ ཙཱ་ཏི ཙ་ཏཱུ་ཧི ས་མུ་ཊྛཱ་ནེ་ཧི ས་མུ་ཊྛ་ཧ་ནྟི. ས་མུ་ཊྛཱ་ན་ཏོ ཨ་དྡྷཱ་ནེ་ན ཨ་དྡྷཱ་ན་སི་ཀྑཱ་པ་དེ་ན ས་མཱ ཧོ་ནྟཱི་ཏི མ་ཏཱ་ཏི ཡོ་ཛ་ནཱ.
ཨ་དྡྷཱ་ན་ས་མུ་ཊྛཱ་ན་ཝ་ཎྞ་ནཱ.
༤༠༠-༡. སུ་ཏིནྟི ཨུ་པ་སྶུ་ཏི་ཏི་ཊྛ་ན་སི་ཀྑཱ་པ་ད་ཉྩ. སཱུ་པཱ་དི་ཝི་ཉྙ་ཏྟིནྟི སཱུ་པོ་ད་ན་ཝི་ཉྙ་ཏྟི་སི་ཀྑཱ་པ་ད་ཉྩ. ཨ་ནྡྷ་ཀཱ་རེཏི ‘‘ར་ཏྟ་ནྡྷ་ཀཱ་རེ ཨ་པྤ་དཱི་པེ’’ཏི (པཱ་ཙི. ༨༣༩) ཝུ་ཏྟ་སི་ཀྑཱ་པ་ད་ཉྩ. ཏ་ཐེ་ཝ ཙ པ་ཊི་ཙྪ་ནྣེཏི ‘‘པ་ཊི་ཙྪ་ནྣེ ཨོ་ཀཱ་སེ’’ཏི (པཱ་ཙི. ༨༤༣) ཝུ་ཏྟ་སི་ཀྑཱ་པ་ད་ཉྩ. ཨོ་ཀཱ་སེཏི ‘‘ཨ་ཛ྄ཛྷོ་ཀཱ་སེ པུ་རི་སེ་ན ས་དྡྷི’’ནྟི (པཱ་ཙི. ༨༤༧) ཨེ་ཝཾ ཝུ་ཏྟ་སི་ཀྑཱ་པ་ད་ཉྩ. བྱཱུ་ཧེ ཙཱཏི ཏ་ད་ན་ནྟ་ར་མེ་ཝ ‘‘ར་ཐི་ཀཱ་ཡ ཝཱ བྱཱུ་ཧེ ཝཱ སི་ངྒྷཱ་ཊ་ཀེ ཝཱ པུ་རི་སེ་ན ས་དྡྷི’’ནྟི (པཱ་ཙི. ༨༥༡) ཨཱ་ག་ཏ་སི་ཀྑཱ་པ་ད་ཉྩཱ་ཏི ཨི་མེ ས་བྦེ་པི ཨཱ་དི་ཙྩ་བ་ནྡྷུ་ནཱ དེ་སི་ཏཱ ཚ དྷ་མྨཱ ཙ་ཏུ་ཏྠ་ཙྪ་ཊྛ་ཏོ ཀཱ་ཡ་ཙི་ཏྟ་ཏོ, ཀཱ་ཡ་ཝཱ་ཙཱ་ཙི་ཏྟ་ཏོ ཙ ས་མུ་ཊྛ་ཧ་ནྟཱ ཐེ་ཡྻ་ས་ཏྠ་ས་མུ་ཊྛཱ་ནཱ ཐེ་ཡྻ་ས་ཏྠ་སི་ཀྑཱ་པ་དེ་ན ས་མཱ་ན་ས་མུ་ཊྛཱ་ནཱ སི་ཡུ་ནྟི ཡོ་ཛ་ནཱ.
ཐེ་ཡྻ་ས་ཏྠ་ས་མུ་ཊྛཱ་ན་ཝ་ཎྞ་ནཱ.
༤༠༢. ཚ་ཏྟ, ད་ཎྜ་ཀ་ར་སྶཱ་པཱིཏི ‘‘ན ཚ་ཏྟ་པཱ་ཎི་སྶ ད་ཎྜ་པཱ་ཎི་སྶཱ’’ཏི (པཱ་ཙི. ༦༣༥) ཝུ་ཏྟ་སི་ཀྑཱ་པ་ད་དྭ་ཡ་ཉྩ. ས་ཏྠཱ་ཝུ་དྷ་ཀ་ར་སྶཱ་པཱིཏི ‘‘ན ས་ཏྠ་པཱ་ཎི་སྶ (པཱ་ཙི. ༦༣༦), ན ཨཱ་ཝུ་དྷ་པཱ་ཎི་སྶཱ’’ཏི (པཱ་ཙི. ༦༣༧) ཝུ་ཏྟ་སི་ཀྑཱ་པ་ད་དྭ་ཡ་ཉྩ. པཱ་དུ་ཀཱུ་པཱ་ཧ་ནཱ, ཡཱ་ནནྟི ‘‘ན པཱ་དུ་ཀཱ་རུ་ལ༹ྷ་སྶ (པཱ་ཙི. ༦༣༨), ན ཨུ་པཱ་ཧ་ནཱ་རུ་ལ༹ྷ་སྶ (པཱ་ཙི. ༦༣༩), ན ཡཱ་ན་ག་ཏ་སྶཱ’’ཏི (པཱ་ཙི. ༦༤༠) ཝུ་ཏྟ་སི་ཀྑཱ་པ་ད་ཏྟ་ཡ་ཉྩ. སེ་ཡྻཱ, པ་ལླ་ཏྠི་ཀཱ་ཡ ཙཱཏི ‘‘ན ས་ཡ་ན་ག་ཏ་སྶ (པཱ་ཙི. ༦༤༡), ན པ་ལླ་ཏྠི་ཀཱ་ཡ ནི་སི་ནྣ་སྶཱ’’ཏི (པཱ་ཙི. ༦༤༢) ཝུ་ཏྟ་སི་ཀྑཱ་པ་ད་དྭ་ཡ་ཉྩ.
༤༠༣. ཝེ་ཋི་ཏོ་གུ་ཎྛི་ཏོ ཙཱཏི ‘‘ན ཝེ་ཋི་ཏ་སཱི་ས་སྶ (པཱ་ཙི. ༦༤༣), ན ཨོ་གུ་ཎྛི་ཏ་སཱི་ས་སྶཱ’’ཏི (པཱ་ཙི. ༦༤༤) ཝུ་ཏྟ་སི་ཀྑཱ་པ་ད་དྭ་ཡ་ཉྩཱ་ཏི ནི་ད་སྶི་ཏཱ ས་བྦེ ཨེ་ཀཱ་ད་ས དྷ་མྨཱ ཝཱ་ཙཱ་ཙི་ཏྟ་ས་ངྑཱ་ཏེ་ན ཨེ་ཀེ་ན ས་མུ་ཊྛཱ་ནེ་ན ས་མུ་ཊྛི་ཏཱ དྷ་མྨ་དེ་ས་ན་ས་མུ་ཊྛཱ་ནཱ་ཏི ས་ཉྙི་ཏཱ ས་ལླ་ཀྑི་ཏཱ་ཏི ཡོ་ཛ་ནཱ.
དྷ་མྨ་དེ་ས་ན་ས་མུ་ཊྛཱ་ན་ཝ་ཎྞ་ནཱ.
༤༠༤. ཨེ་ཝཾ ཏཱ་ཝ ས་མྦྷི་ནྣ་ས་མུ་ཊྛཱ་ནཾ ཝེ་དི་ཏ་བྦཾ, ནི་ཡ་ཏ་ས་མུ་ཊྛཱ་ནཾ ཏི་ཝི་དྷཾ, ཏཾ ཨེ་ཀ་སྶེ་ཝ སི་ཀྑཱ་པ་ད་སྶ ཧོ་ཏཱི་ཏི ཝི་སུཾ་ཡེ་ཝ ད་སྶེ་ཏུ་མཱ་ཧ ‘‘བྷཱུ་ཏཱ་རོ་ཙ་ན་ཀ་ཉྩེ་ཝཱ’’ཏི་ཨཱ་དི. བྷཱུ་ཏཱ་རོ་ཙ་ན་ཀ་ཉྩེ་ཝཱཏི ཏཱི་ཧི ཨ་ཙི་ཏྟ་ཀ་ས་མུ་ཊྛཱ་ནེ་ཧི ས་མུ་ཊྛི་ཏཾ བྷཱུ་ཏཱ་རོ་ཙ་ན་སི་ཀྑཱ་པ་ད་ཉྩ. ཙོ་རི་ཝུ་ཊྛཱ་པ་ན་མྤི ཙཱཏི ཝཱ་ཙཱ་ཙི་ཏྟ་ཏོ, ཀཱ་ཡ་ཝཱ་ཙཱ་ཙི་ཏྟ་ཏོ ཙཱ་ཏི དྭཱི་ཧི ས་མུ་ཊྛི་ཏཾ ཙོ་རི་ཝུ་ཊྛཱ་པ་ན་སི་ཀྑཱ་པ་ད་ཉྩ. ཨ་ན་ནུ་ཉྙཱ་ཏ་མེ་ཝ ཨ་ན་ནུ་ཉྙཱ་ཏ་མ་ཏྟཾ. ཨ་ན་ནུ་ཉྙཱ་ཏ་མ་ཏྟནྟི ཝཱ་ཙ་ཏོ, ཀཱ་ཡ་ཝཱ་ཙ་ཏོ, ཝཱ་ཙཱ་ཙི་ཏྟ་ཏོ, ཀཱ་ཡ་ཝཱ་ཙཱ་ཙི་ཏྟ་ཏོ ཙཱ་ཏི ཙ་ཏཱུ་ཧི ས་མུ་ཊྛི་ཏཾ ཨ་ན་ནུ་ཉྙཱ་ཏ་སི་ཀྑཱ་པ་ད་ཉྩཱ་ཏི. ཨི་དཾ ཏ་ཡནྟི ཨི་དཾ སི་ཀྑཱ་པ་ད་ཏྟ་ཡཾ. ཨ་ས་མྦྷི་ནྣནྟི ཀེ་ན་ཙི ཨ་ཉྙེ་ན སི་ཀྑཱ་པ་དེ་ན ཨ་ས་མྨི་སྶ་ས་མུ་ཊྛཱ་ནཾ.
ཨི་ཏི ཨུ་ཏྟ་རེ ལཱི་ན་ཏྠ་པ་ཀཱ་ས་ནི་ཡཱ
ས་མུ་ཊྛཱ་ན་སཱི་ས་ཀ་ཐཱ་ཝ་ཎྞ་ནཱ ནི་ཊྛི་ཏཱ.