ཁ་ནྡྷ་ཀ་པུ་ཙྪཱ་ཀ་ཐཱ་ཝ་ཎྞ་ནཱ
༣༠༠. སེ་སེ་སཱུཏི ཨ་བྷ་བྦ་པུ་གྒ་ལ་པ་རི་དཱི་པ་ཀེ་སུ ས་བྦ་པ་དེ་སུ.
༣༠༢. ‘‘ན་སྶ་ནྟུ ཨེ་ཏེ’’ཏི པ་ད་ཙྪེ་དོ. པུ་ར་ཀྑ་ཀཱཏི ཨེ་ཏྠ སཱ་མི་ཨ་ཏྠེ པ་ཙྩ་ཏྟ་ཝ་ཙ་ནཾ, བྷེ་ད་པུ་རེ་ཀྑ་ཀ་སྶ, བྷེ་ད་པུ་རེ་ཀྑ་ཀཱ་ཡཱ་ཏི ཨ་ཏྠོ.
༣༠༣. སེ་སེ་སཱུཏི ཨ་ཝ་སེ་སེ་སུ ཨ་སཾ་ཝཱ་ས་ཀཱ་དི་དཱི་པ་ཀེ་སུ པ་ཊི་ཀྑེ་པ་པ་དེ་སུ.
༣༠༤. ཨེ་ཀཱ་ཝ དུ་ཀྐ་ཊཱ་པ་ཏྟི ཝུ་ཏྟཱཏི ཝ་སྶཾ ཨ་ནུ་པ་ག་མ་ནཱ་དི་པ་ཙྩ་ཡཱ ཛཱ་ཏི་ཏོ ཨེ་ཀཱ་ཝ དུ་ཀྐ་ཊཱ་པ་ཏྟི ཝུ་ཏྟཱ.
༣༠༥. ཨུ་པོ་ས་ཐ་ས་མཱ མ་ཏཱཏི ཨུ་པོ་ས་ཐ་ཀྑ་ནྡྷ་ཀེ ཝུ་ཏྟ་ས་དི་སཱ ཛཱ་ཏཱ ཨཱ་པ་ཏྟི་ཡོ མ་ཏཱ ཨ་དྷི་པྤེ་ཏཱ.
༣༠༦. ཙ་མྨེཏི ཙ་མྨ་ཀྑ་ནྡྷ་ཀེ. ཝ་ཙྪ་ཏ་རིཾ ག་ཧེ་ཏྭཱ མཱ་རེ་ནྟཱ་ནཾ ཚ་བྦ་གྒི་ཡཱ་ནཾ པཱ་ཙི་ཏྟི ཝུ་ཏྟཱ་ཏི ས་མྦ་ནྡྷོ. ཝ་ཙྪ་ཏ་རིནྟི བ་ལ་ས་མྤ་ནྣཾ ཏ་རུ་ཎ་གཱ་ཝིཾ. སཱ ཧི ཝ་ཙྪ་ཀ་བྷཱ་ཝཾ ཏ་རི་ཏྭཱ ཨ་ཏི་ཀྐ་མི་ཏྭཱ ཋི་ཏ་ཏྟཱ ‘‘ཝ་ཙྪ་ཏ་རཱི’’ཏི ཝུ་ཙྩ་ཏི.
༣༠༧. ཨ་ངྒ་ཛཱ་ཏཾ ཚུ་པ་ནྟ་སྶཱཏི གཱ་ཝཱི་ནཾ ཨ་ངྒ་ཛཱ་ཏཾ ཨ་ཏྟ་ནོ ཨ་ངྒ་ཛཱ་ཏེ་ན བ་ཧི ཚུ་པ་ནྟ་སྶ. སེ་སེ་སཱུཏི གཱ་ཝཱི་ནཾ ཝི་སཱ་ཎཱ་དཱི་སུ ག་ཧ་ཎེ, པི་ཊྛི་ཨ་བྷི་རུ་ཧ་ཎེ ཙ. ཡ་ཐཱ་ཧ ‘‘ཚ་བྦ་གྒི་ཡཱ བྷི་ཀྑཱུ ཨ་ཙི་ར་ཝ་ཏི་ཡཱ ན་དི་ཡཱ གཱ་ཝཱི་ནཾ ཏ་ར་ནྟཱི་ནཾ ཝི་སཱ་ཎེ་སུ་པི ག་ཎྷ་ནྟཱི’’ཏི་ཨཱ་དི (མ་ཧཱ་ཝ. ༢༥༢).
༣༠༩. ཏ་ཏྠ བྷེ་ས་ཛྫ་ཀྑ་ནྡྷ་ཀེ. སཱ་མ་ནྟཱ དྭ་ངྒུ་ལེཏི ཝ་ཙྩ་མ་གྒ་པ་སྶཱ་ཝ་མ་གྒཱ་ནཾ སཱ་མ་ནྟཱ དྭ་ངྒུ་ལ་མ་ཏྟེ པ་དེ་སེ. ས་ཏྠ་ཀ་མྨཾ ཀ་རོ་ནྟ་སྶ ཐུ་ལླ་ཙྩ་ཡ་མུ་དཱི་རི་ཏ་ནྟི ཡོ་ཛ་ནཱ. ཡ་ཐཱ་ཧ – ‘‘ན, བྷི་ཀྑ་ཝེ, ས་མྦཱ་དྷ་སྶ སཱ་མ་ནྟཱ དྭ་ངྒུ་ལེ ས་ཏྠ་ཀ་མྨཾ ཝཱ ཝ་ཏྠི་ཀ་མྨཾ ཝཱ ཀཱ་རེ་ཏ་བྦཾ, ཡོ ཀཱ་རེ་ཡྻ, ཨཱ་པ་ཏྟི ཐུ་ལླ་ཙྩ་ཡ་སྶཱ’’ཏི (མ་ཧཱ་ཝ. ༢༧༩). ཨེ་ཏྠ ཙ ‘‘སཱ་མ་ནྟཱ དྭ་ངྒུ་ལེ’’ཏི ཨི་དཾ ས་ཏྠ་ཀ་མྨཾ་ཡེ་ཝ ས་ནྡྷཱ་ཡ ཝུ་ཏྟཾ. ཝ་ཏྠི་ཀ་མྨཾ པ་ན ས་མྦཱ་དྷེ་ཡེ་ཝ པ་ཊི་ཀྑི་ཏྟཾ.
‘‘ན, བྷི་ཀྑ་ཝེ, ཨ་ཉྙ་ཏྲ ནི་མ་ནྟི་ཏེ་ན ཨ་ཉྙ་སྶ བྷོ་ཛྫ་ཡཱ་གུ པ་རི་བྷུ་ཉྫི་ཏ་བྦཱ, ཡོ པ་རི་བྷུ་ཉྫེ་ཡྻ, ཡ་ཐཱ་དྷ་མྨོ ཀཱ་རེ་ཏ་བྦོ’’ཏི (མ་ཧཱ་ཝ. ༢༨༣) ཝུ་ཏྟ་ཏྟཱ ཨཱ་ཧ ‘‘བྷོ་ཛྫ་ཡཱ་གཱུ་སུ པཱ་ཙི་ཏྟཱི’’ཏི. ཨེ་ཏྠ ཙ བྷོ་ཛྫ་ཡཱ་གུ ནཱ་མ བ་ཧ་ལ་ཡཱ་གུ. ‘‘པི་ཎྜཾ ཝ་ཊྚེ་ཏྭཱ པཱ་ཏ་བྦ་ཡཱ་གཱུ’’ཏི ག་ཎྛི་པ་དེ ཝུ་ཏྟཾ. པཱ་ཙི་ཏྟཱིཏི པ་ར་མྤ་ར་བྷོ་ཛ་ན་པ་ཝཱ་ར་ཎ་སི་ཀྑཱ་པ་དེ་ཧི པཱ་ཙི་ཏྟི. སེ་སེ་སཱུཏི ཨ་ནྟོ་ཝུ་ཏྠ་ཨ་ནྟོ་པ་ཀྐ་ས་ཡཾ་པ་ཀྐ་པ་རི་བྷོ་གཱ་དཱི་སུ. ཡ་ཐཱ་ཧ ‘‘ན, བྷི་ཀྑ་ཝེ, ཨ་ནྟོ་ཝུ་ཏྠཾ ཨ་ནྟོ་པ་ཀྐཾ སཱ་མཾ་པ་ཀྐཾ པ་རི་བྷུ་ཉྫི་ཏ་བྦཾ, ཡོ པ་རི་བྷུ་ཉྫེ་ཡྻ, ཨཱ་པ་ཏྟི དུ་ཀྐ་ཊ་སྶཱ’’ཏི་ཨཱ་དི (མ་ཧཱ་ཝ. ༢༧༤).
༣༡༠. ཙཱི་ཝ་ར་སཾ་ཡུ་ཏྟེཏི ཙཱི་ཝ་ར་ཀྑ་ནྡྷ་ཀེ.
༣༡༣. ཙ་མྤེ་ཡྻ་ཀེ ཙ ཀོ་ས་མྦེཏི ཙ་མྤེ་ཡྻ་ཀྑ་ནྡྷ་ཀེ ཙེ་ཝ ཀོ་ས་མྦ་ཀ་ཀྑ་ནྡྷ་ཀེ ཙ. ‘‘ཀ་མྨ་སྨི’’ནྟི་ཨཱ་དཱི་སུ་པི ཨེ་སེ་ཝ ན་ཡོ.
༣༡༧. རོ་མ་ནྠེཏི བྷུ་ཏྟ་སྶ ལ་ཧུཾ པཱ་ཀ་ཏྟཱ་ཡ ཀུ་ཙྪི་ག་ཏཾ མུ་ཁཾ ཨཱ་རོ་པེ་ཏྭཱ ས་ཎྷ་ཀ་ར་ཎ་ཝ་སེ་ན ཨ་ནུ་ཙཱ་ལ་ནེ.
༣༡༨. སེ་ནཱ་ས་ན་སྨིནྟི སེ་ནཱ་ས་ན་ཀྑ་ནྡྷ་ཀེ. ག་རུ་ནོཏི ག་རུ་བྷ་ཎྜ་སྶ.
༣༢༠. ས་ངྒྷ་བྷེ་དེཏི ས་ངྒྷ་བྷེ་ད་ཀ་ཀྑ་ནྡྷ་ཀེ.
༣༢༡. བྷེ་དཱ་ནུ་ཝ་ཏྟ་ཀཱ་ནནྟི ས་ངྒྷ་བྷེ་དཱ་ནུ་ཝ་ཏྟ་ཀཱ་ནཾ. ག་ཎ་བྷོ་གེཏི ག་ཎ་བྷོ་ཛ་ནེ.
༣༢༢. སཱཏི ཨེ་ཏྠ ས་བྦ་ཝ་ཏྟེ་སུ ཨ་ནཱ་ད་རི་ཡེ་ན ཧོ་ཏཱི་ཏི སེ་སོ. སེ་སཾ ཨུ་ཏྟཱ་ན་ཏྠ་མེ་ཝ.
ཨི་ཏི ཨུ་ཏྟ་རེ ལཱི་ན་ཏྠ་པ་ཀཱ་ས་ནི་ཡཱ
ཁ་ནྡྷ་ཀ་པུ་ཙྪཱ་ཀ་ཐཱ་ཝ་ཎྞ་ནཱ ནི་ཊྛི་ཏཱ.