ཙ་ཏུ་བྦི་དྷ་ཀ་མྨ་ཀ་ཐཱ་ཝ་ཎྞ་ནཱ
༢༩༨༣. ཨ་པ་ལོ་ཀ་ན་ས་ཉྙི་ཏཾ ཀ་མྨཾ, ཉ་ཏྟི་ཀ་མྨཾ, ཉ་ཏྟི་དུ་ཏི་ཡ་ཀ་མྨཾ, ཉ་ཏྟི་ཙ་ཏུ་ཏྠ་ཀ་མྨ་ནྟི ཨི་མཱ་ནི ཙ་ཏྟཱ་རི ཀ་མྨཱ་ནཱི་ཏི ཡོ་ཛ་ནཱ. ཏ་ཏྠ ཙ་ཏྟཱ་རཱིཏི ག་ཎ་ན་པ་རི་ཙྪེ་དོ. ཨི་མཱ་ནཱིཏི ཨ་ན་ནྟ་ར་མེ་ཝ ཝ་ཀྑ་མཱ་ན་ཏྟཱ ཨཱ་ས་ནྣ་པ་ཙྩ་ཀྑ་ཝ་ཙ་ནཾ. ཀ་མྨཱ་ནཱིཏི པ་རི་ཙྪི་ནྣ་ཀ་མྨ་ནི་ད་སྶ་ནཾ. ‘‘ཨ་པ་ལོ་ཀ་ན་ས་ཨ་ཉ་ཏ’’ནྟི་ཨཱ་དི ཏེ་སཾ ས་རཱུ་པ་ད་སྶ་ནཾ.
ཏ་ཏྲཱ་ཡཾ ས་ངྑེ་པ་ཏོ ཝི་ནི་ཙྪ་ཡོ (ཙཱུ་ལ༹་ཝ. ཨ་ཊྛ. ༢༡༥; པ་རི. ཨ་ཊྛ. ༤༨༢) – ཨ་པ་ལོ་ཀ་ན་ཀ་མྨཾ ནཱ་མ སཱི་མ་ཊྛ་ཀ་ས་ངྒྷཾ སོ་དྷེ་ཏྭཱ ཚ་ནྡཱ་ར་ཧཱ་ནཾ ཚ་ནྡཾ ཨཱ་ཧ་རི་ཏྭཱ ས་མ་གྒ་སྶ ས་ངྒྷ་སྶ ཨ་ནུ་མ་ཏི་ཡཱ ཏཾ ཏཾ ཝ་ཏྠུཾ ཀི་ཏྟེ་ཏྭཱ ‘‘རུ་ཙྩ་ཏི ས་ངྒྷ་སྶཱ’’ཏི ཏི་ཀྑ་ཏྟུཾ སཱ་ཝེ་ཏྭཱ ཀ་ཏྟ་བྦཾ ཀ་མྨཾ ཝུ་ཙྩ་ཏི. ཉ་ཏྟི་ཀ་མྨཾ ནཱ་མ ཝུ་ཏྟ་ན་ཡེ་ནེ་ཝ ས་མ་གྒ་སྶ ས་ངྒྷ་སྶ ཨ་ནུ་མ་ཏི་ཡཱ ཨེ་ཀཱ་ཡ ཉ་ཏྟི་ཡཱ ཀ་ཏྟ་བྦཾ ཀ་མྨཾ. ཉ་ཏྟི་དུ་ཏི་ཡ་ཀ་མྨཾ ནཱ་མ ཝུ་ཏྟ་ན་ཡེ་ནེ་ཝ ས་མ་གྒ་སྶ ས་ངྒྷ་སྶ ཨ་ནུ་མ་ཏི་ཡཱ ཨེ་ཀཱ་ཡ ཉ་ཏྟི་ཡཱ, ཨེ་ཀཱ་ཡ ཙ ཨ་ནུ་སྶཱ་ཝ་ནཱ་ཡཱ་ཏི ཨེ་ཝཾ ཉ་ཏྟི་དུ་ཏི་ཡཱ་ཡ ཨ་ནུ་སྶཱ་ཝ་ནཱ་ཡ ཀ་ཏྟ་བྦཾ ཀ་མྨཾ. ཉ་ཏྟི་ཙ་ཏུ་ཏྠ་ཀ་མྨཾ ནཱ་མ ཝུ་ཏྟ་ན་ཡེ་ནེ་ཝ ས་མ་གྒ་སྶ ས་ངྒྷ་སྶ ཨ་ནུ་མ་ཏི་ཡཱ ཨེ་ཀཱ་ཡ ཉ་ཏྟི་ཡཱ, ཏཱི་ཧི ཙ ཨ་ནུ་སྶཱ་ཝ་ནཱ་ཧཱི་ཏི ཨེ་ཝཾ ཉ་ཏྟི་ཙ་ཏུ་ཏྠཱ་ཧི ཏཱི་ཧི ཨ་ནུ་སྶཱ་ཝ་ནཱ་ཧི ཀ་ཏྟ་བྦཾ ཀ་མྨཾ. ཉ་ཏྟི དུ་ཏི་ཡཱ ཡ་སྶ ཨ་ནུ་སྶཱ་ཝ་ན་སྶ ཏཾ ཉ་ཏྟི་དུ་ཏི་ཡཾ, ཏེ་ན ཀ་ཏྟ་བྦཾ ཀ་མྨཾ ཉ་ཏྟི་དུ་ཏི་ཡ་ཀ་མྨཾ. ཉ་ཏྟི ཙ་ཏུ་ཏྠཱ ཡ་སྶ ཨ་ནུ་སྶཱ་ཝ་ན་ཏྟ་ཡ་སྶ ཏཾ ཉ་ཏྟི་ཙ་ཏུ་ཏྠཾ, ཏེ་ན ཀཱ་ཏ་བྦཾ ཀ་མྨཾ ཉ་ཏྟི་ཙ་ཏུ་ཏྠ་ཀ་མྨཾ.
༢༩༨༤-༧. ཏེ་སཾ ཋཱ་ན་ཝ་སེ་ན བྷེ་དཾ ད་སྶེ་ཏུ་མཱ་ཧ ‘‘ཨ་པ་ལོ་ཀ་ན་ཀ་མྨ’’ནྟི་ཨཱ་དི. ན་ཝ་ནྣཾ ཋཱ་ནཱ་ནཾ ས་མཱ་ཧཱ་རོ ན་ཝ་ཊྛཱ་ནཾ, ‘‘ག་ཙྪ་ཏཱི’’ཏི ཨི་མི་ནཱ ས་མྦ་ནྡྷོ. ཉ་ཏྟི་ཀ་མྨནྟི ག་མ་ན་ཀི་རི་ཡཱ་ཀ་ཏྟུ་ནི་ད་སྶ་ནཾ. ན་ཝ་ཊྛཱ་ནནྟི ཀ་མྨ་ནི་ད་སྶ་ནཾ. དུ་ཏི་ཡནྟི ཉ་ཏྟི་དུ་ཏི་ཡ་ཀ་མྨཾ. ས་ཏྟ ཋཱ་ནཱ་ནི ག་ཙྪ་ཏཱི་ཏི ཡོ་ཛ་ནཱ.
ཨི་དཱ་ནི ཏཾ ཋཱ་ན་བྷེ་དཾ ས་རཱུ་པ་ཏོ ད་སྶེ་ཏུ་མཱ་ཧ ‘‘ནི་སྶཱ་ར་ཎ་ཉྩཱ’’ཏི་ཨཱ་དི. ནི་སྶཱ་ར་ཎཱ་དི ཀ་མྨ་ཝི་སེ་སཱ་ནཾ ས་ཉྙཱ. ཨ་པ་ལོ་ཀ་ན་ཀ་མྨ་ཉྷི ནི་སྶཱ་ར་ཎཾ…པེ… པ་ཉྩ་མཾ ཀ་མྨ་ལ་ཀྑ་ཎ་ནྟི ཨི་མཱ་ནི པ་ཉྩ ཋཱ་ནཱ་ནི ག་ཙྪ་ཏཱི་ཏི ཡོ་ཛ་ནཱ.
ཨེ་ཝཾ ནཱ་མ་ཝ་སེ་ན ད་སྶི་ཏཱ་ནི ནི་སྶཱ་ར་ཎཱ་དཱི་ནི ཨ་ཏྠ་ཏོ ཝི་བྷ་ཛི་ཏྭཱ ད་སྶེ་ཏུ་མཱ་ཧ ‘‘ནི་སྶཱ་ར་ཎ་ཉྩཱ’’ཏི་ཨཱ་དི. ས་མ་ཎུ་དྡེ་ས་ཏོཏི ཀ་ཎྚ་ཀ་སཱ་མ་ཎེ་ར་ཏོ ནི་སྶཱ་ར་ཎ་ཉྩ ཨོ་སཱ་ར་ཎ་ཉྩ ཝ་དེ་ཏི ཡོ་ཛ་ནཱ. ཏ་ཏྠ ཀ་ཎྚ་ཀ་སཱ་མ་ཎེ་ར་སྶ ནི་སྶཱ་ར་ཎཱ ཏཱ་དི་སཱ་ནཾ་ཡེ་ཝ ས་མྨཱ་ཝ་ཏྟཾ དི་སྭཱ པ་ཝེ་ས་ནཱ ‘‘ཨོ་སཱ་ར་ཎཱ’’ཏི ཝེ་དི་ཏ་བྦཱ.
པ་བྦ་ཛ་ནྟེ་ན ཧེ་ཏུ་བྷཱུ་ཏེ་ན བྷ་ཎྜུ་ཀཾ བྷ་ཎྜུ་ཀ་མྨ་པུ་ཙྪ་ནཾ ཝ་དེ་ཡྻཱ་ཏི ཨ་ཏྠོ. པ་བྦ་ཛྫཱ་པེ་ཀྑ་སྶ ཀེ་ས་ཙྪེ་ད་ན་པུ་ཙྪ་ནཾ བྷ་ཎྜུ་ཀ་མྨཾ ནཱ་མ. ཚ་ནྣེ་ན ཧེ་ཏུ་བྷཱུ་ཏེ་ན བྲ་ཧྨ་ད་ཎྜ་ཀཾ ཀ་མྨཾ ཝ་དེ་ཏི ཡོ་ཛ་ནཱ. ཏ་ཐཱ་རཱུ་པ་སྶཱཏི ཚ་ནྣ་ས་དི་ས་སྶ མུ་ཁ་ར་སྶ བྷི་ཀྑཱུ དུ་རུ་ཏྟ་ཝ་ཙ་ནེ་ན གྷ་ཊྚེ་ནྟ་སྶ. ཀཱ་ཏ་བྦོཏི ‘‘བྷ་ནྟེ, ཨི་ཏྠ་ནྣཱ་མོ བྷི་ཀྑུ མུ་ཁ་རོ བྷི་ཀྑཱུ དུ་རུ་ཏྟ་ཝ་ཙ་ནེ་ཧི གྷ་ཊྚེ་ནྟོ ཝི་ཧ་ར་ཏི, སོ བྷི་ཀྑུ ཡཾ ཨི་ཙྪེ་ཡྻ, ཏཾ ཝ་དེ་ཡྻ. བྷི་ཀྑཱུ་ཧི ཨི་ཏྠ་ནྣཱ་མོ བྷི་ཀྑུ ནེ་ཝ ཝ་ཏྟ་བྦོ, ན ཨོ་ཝ་དི་ཏ་བྦོ, ན ཨ་ནུ་སཱ་སི་ཏ་བྦོ. ས་ངྒྷཾ, བྷ་ནྟེ, པུ་ཙྪཱ་མི ‘ཨི་ཏྠ་ནྣཱ་མ་སྶ བྷི་ཀྑུ་ནོ བྲ་ཧྨ་ད་ཎྜ་སྶ དཱ་ནཾ རུ་ཙྩ་ཏི ས་ངྒྷ་སྶཱ’ཏི. དུ་ཏི་ཡ་མྤི པུ་ཙྪཱ་མི… ཏ་ཏི་ཡ་མྤི པུ་ཙྪཱ་མི ‘ཨི་ཏྠ་ནྣཱ་མ་སྶ, བྷ་ནྟེ, བྷི་ཀྑུ་ནོ བྲ་ཧྨ་ད་ཎྜ་སྶ དཱ་ནཾ རུ་ཙྩ་ཏི ས་ངྒྷ་སྶཱ’’ཏི (པ་རི. ཨ་ཊྛ. ༤༩༥-༤༩༦) ཨེ་ཝཾ བྲ་ཧྨ་ད་ཎྜོ ཀཱ་ཏ་བྦོ.
༢༩༨༨-༩. ‘‘ཨཱ་པུ་ཙྪི་ཏྭཱ་ནཱ’’ཏི པུ་བྦ་ཀི་རི་ཡཱ་ཡ ‘‘ག་ཧི་ཏཱ་ཡཱ’’ཏི ཨ་པ་ར་ཀི་རི་ཡཱ ཨ་ཛ྄ཛྷཱ་ཧ་རི་ཏ་བྦཱ, ‘‘རུ་ཙི་ཡཱ’’ཏི ཨེ་ཏ་སྶ ཝི་སེ་ས་ནཾ. དེ་ཏཱིཏི ཨེ་ཏྠ ‘‘ཨ་ཙྪི་ནྣ་ཙཱི་ཝ་རཱ་དཱི་ན’’ནྟི སེ་སོ. ས་བྦོ ས་ངྒྷོ ས་ནྣི་པ་ཏི་ཏྭཱ་ན ས་བྦ་སོ ས་བྦེ སཱི་མ་ཊྛེ ཨཱ་ག་ཏཱ་ག་ཏེ བྷི་ཀྑཱུ ཨཱ་པུ་ཙྪི་ཏྭཱ་ན ‘‘ཨི་ཏྠ་ནྣཱ་མེ་ན པ་རི་ཀྑཱ་རེ་ན བྷ་ཝི་ཏ་བྦཾ, རུ་ཙྩ་ཏི ཏ་སྶ དཱ་ན’’ནྟི ཝི་སུཾ པུ་ཙྪི་ཏྭཱ ག་ཧི་ཏཱ་ཡ བྷི་ཀྑཱུ་ནཾ རུ་ཙི་ཡཱ ཏི་ཀྑ་ཏྟུཾ ཨ་པ་ལོ་ཀེ་ཏྭཱ ཙཱི་ཝ་རཱ་དི་པ་རི་ཀྑཱ་རཾ ཨ་ཙྪི་ནྣ་ཙཱི་ཝ་རཱ་དཱི་ནཾ དེ་ཏི, ཡཾ ཨེ་ཝཾ་བྷཱུ་ཏཾ ས་ངྒྷ་སྶ དཱ་ནཾ, ཏཾ ཏ་སྶ ཨ་པ་ལོ་ཀ་ན་ཀ་མྨ་སྶ ཀ་མྨ་ལ་ཀྑ་ཎཾ ཧོ་ཏཱི་ཏི ཡོ་ཛ་ནཱ. ལ་ཀྑཱི་ཡ་ཏཱི་ཏི ལ་ཀྑ་ཎཾ, ཀ་མྨ་མེ་ཝ ལ་ཀྑ་ཎཾ, ན ནི་སྶཱ་ར་ཎཱ་དཱི་ནཱི་ཏི ཀ་མྨ་ལ་ཀྑ་ཎཾ.
༢༩༩༠-༡. ཨེ་ཝཾ ཨ་པ་ལོ་ཀ་ན་ཀ་མྨ་སྶ པ་ཉྩ ཋཱ་ནཱ་ནི ཨུ་དྡེ་ས་ནི་དྡེ་ས་ཝ་སེ་ན ད་སྶེ་ཏྭཱ ཨི་དཱ་ནི ཉ་ཏྟི་ཀ་མྨ་སྶ ཀ་མྨ་ལ་ཀྑ་ཎཾ ཏཱ་ཝ ད་སྶེ་ཏུ་མཱ་ཧ ‘‘ནི་སྶཱ་ར་ཎ’’ནྟི་ཨཱ་དི. ཨི་ཏི ‘‘ཉ་ཏྟི་ཡཱ ན་ཝ ཋཱ་ནཱ་ནཱི’’ཏི ཨ་ཡ་མུ་དྡེ་སོ ཝ་ཀྑ་མཱ་ནེ་ན ‘‘ཝི་ནི་ཙྪ་ཡེ’’ཏི་ཨཱ་དི་ནི་དྡེ་སེ་ནེ་ཝ ཝི་བྷཱ་ཝཱི་ཡ་ཏི.
༢༩༩༢. ཝི་ནི་ཙྪ་ཡེཏི ཨུ་བྦཱ་ཧི་ཀ་ཝི་ནི་ཙྪ་ཡེ. ཨ་ས་མྤ་ཏྟེཏི ནི་ཊྛཾ ཨ་ག་ཏེ. ཐེ་ར་སྶཱཏི དྷ་མྨ་ཀ་ཐི་ཀ་སྶ. ཏེ་ནེ་ཝཱ་ཧ ‘‘ཨ་ཝི་ན་ཡ་ཉྙུ་ནོ’’ཏི. ཏ་སྶ ‘‘སུ་ཎ་ནྟུ མེ ཨཱ་ཡ་སྨ་ནྟཱ, ཨ་ཡཾ ཨི་ཏྠ་ནྣཱ་མོ བྷི་ཀྑུ དྷ་མྨ་ཀ་ཐི་ཀོ, ཨི་མ་སྶ ནེ་ཝ སུ་ཏྟཾ ཨཱ་ག་ཙྪ་ཏི, ནོ སུ་ཏྟ་ཝི་བྷ་ངྒོ, སོ ཨ་ཏྠཾ ཨ་ས་ལླ་ཀྑེ་ཏྭཱ བྱ་ཉྫ་ན་ཙྪཱ་ཡཱ་ཡ ཨ་ཏྠཾ པ་ཊི་བཱ་ཧ་ཏི, ཡ་དཱ་ཡ་སྨ་ནྟཱ་ནཾ པ་ཏྟ་ཀ་ལླཾ, ཨི་ཏྠ་ནྣཱ་མཾ བྷི་ཀྑུཾ ཝུ་ཊྛཱ་པེ་ཏྭཱ ཨ་ཝ་སེ་སཱ ཨི་མཾ ཨ་དྷི་ཀ་ར་ཎཾ ཝཱུ་པ་ས་མེ་ཡྻཱ་མཱ’’ཏི (ཙཱུ་ལ༹་ཝ. ༢༣༣) ཨེ་ཝཾ ཨུ་བྦཱ་ཧི་ཀ་ཝི་ནི་ཙྪ་ཡེ དྷ་མྨ་ཀ་ཐི་ཀ་སྶ བྷི་ཀྑུ་ནོ ཡཱ ནི་སྶ་ར་ཎཱ ཝུ་ཏྟཱ, སཱ ཉ་ཏྟི་ཀ་མྨེ ‘‘ནི་སྶཱ་ར་ཎཱ’’ཏི ཝུ་ཏྟཱ་ཏི ཡོ་ཛ་ནཱ.
༢༩༩༣-༤. ཨུ་པ་ས་མྤ་དཱ་པེ་ཀྑ་སྶ ‘‘སུ་ཎཱ་ཏུ མེ, བྷ་ནྟེ ས་ངྒྷོ, ཨི་ཏྠ་ནྣཱ་མོ ཨི་ཏྠ་ནྣཱ་མ་སྶ ཨཱ་ཡ་སྨ་ཏོ ཨུ་པ་ས་མྤ་དཱ་པེ་ཀྑོ, ཨ་ནུ་སི་ཊྛོ སོ མ་ཡཱ, ཡ་དི ས་ངྒྷ་སྶ པ་ཏྟ་ཀ་ལླཾ, ཨི་ཏྠ་ནྣཱ་མོ ཨཱ་ག་ཙྪེ་ཡྻཱ་ཏི. ཨཱ་ག་ཙྪཱ་ཧཱི’’ཏི (མ་ཧཱ་ཝ. ༡༢༦) ཝ་ཙ་ན་པ་ཊི་སཾ་ཡུ་ཏྟ་སྶ ས་ངྒྷ་སྶ ས་མྨུ་ཁཱ་ན་ཡ་ནཾ, སཱ ཨོ་སཱ་ར་ཎཱ ནཱ་མ. ‘‘ཨཱ་ག་ཙྪ ཨོ་སཱ་ར་ཎཱ’’ཏི པ་ད་ཙྪེ་དོ.
ཨུ་པོ་ས་ཐ་ཝ་སེ་ནཱ་པི, པ་ཝཱ་ར་ཎཱ་ཝ་སེ་ནཱ་པི. ཉ་ཏྟི་ཡཱ ཋ་པི་ཏ་ཏྟཱཏི ‘‘སུ་ཎཱ་ཏུ མེ, བྷ་ནྟེ ས་ངྒྷོ, ཨ་ཛྫུ་པོ་ས་ཐོ པ་ནྣ་ར་སོ, ཡ་དི ས་ངྒྷ་སྶ པ་ཏྟ་ཀ་ལླཾ, ས་ངྒྷོ ཨུ་པོ་ས་ཐཾ ཀ་རེ་ཡྻ’’ (མ་ཧཱ་ཝ. ༡༣༤), ‘‘སུ་ཎཱ་ཏུ མེ, བྷ་ནྟེ ས་ངྒྷོ, ཨ་ཛྫ པ་ཝཱ་ར་ཎཱ པ་ནྣ་ར་སཱི, ཡ་དི ས་ངྒྷ་སྶ པ་ཏྟ་ཀ་ལླཾ, ས་ངྒྷོ པ་ཝཱ་རེ་ཡྻཱ’’ཏི (མ་ཧཱ་ཝ. ༢༡༠) ཨུ་པོ་ས་ཐ་པ་ཝཱ་ར་ཎཱ་ཝ་སེ་ན ཉ་ཏྟི་ཡཱ ཋ་པི་ཏ་ཏྟཱ ཨུ་པོ་ས་ཐོ, པ་ཝཱ་ར་ཎཱ ཝཱ་ཏི ཨི་མཱ་ནི དྭེ ཉ་ཏྟི་ཀ་མྨཱ་ནི.
‘‘ཨུ་པ་ས་མྤ་དཱ་པེ་ཀྑ་ཉྷི, ཨ་ནུ་སཱ་སེ་ཡྻ་ཧ་ནྟི ཙཱ’’ཏི ཨི་མི་ནཱ ‘‘སུ་ཎཱ་ཏུ མེ, བྷ་ནྟེ ས་ངྒྷོ, ཨི་ཏྠ་ནྣཱ་མོ ཨི་ཏྠ་ནྣཱ་མ་སྶ ཨཱ་ཡ་སྨ་ཏོ ཨུ་པ་ས་མྤ་དཱ་པེ་ཀྑོ, ཡ་དི ས་ངྒྷ་སྶ པ་ཏྟ་ཀ་ལླཾ, ཨ་ཧཾ ཨི་ཏྠ་ནྣཱ་མཾ ཨ་ནུ་སཱ་སེ་ཡྻ’’ནྟི (མ་ཧཱ་ཝ. ༡༢༦) ཨ་ཡཾ ཨེ་ཀཱ ཉ་ཏྟི ག་ཧི་ཏཱ.
༢༩༩༥. ‘‘ཨི་ཏྠ་ནྣཱ་མ་མ་ཧཾ བྷི་ཀྑུཾ, པུ་ཙྪེ་ཡྻཾ ཝི་ན་ཡ་ནྟི ཙཱ’’ཏི ཨི་མི་ནཱ ‘‘སུ་ཎཱ་ཏུ མེ, བྷ་ནྟེ ས་ངྒྷོ, ཡ་དི ས་ངྒྷ་སྶ པ་ཏྟ་ཀ་ལླཾ, ཨ་ཧཾ ཨི་ཏྠ་ནྣཱ་མཾ ཝི་ན་ཡཾ པུ་ཙྪེ་ཡྻ’’ནྟི (མ་ཧཱ་ཝ. ༡༥༡) ཨ་ཡཾ ཨེ་ཀཱ ཉ་ཏྟི ག་ཧི་ཏཱ. ཨེ་ཝ་མཱ་དཱིཏི ཨཱ་དི-ས་དྡེ་ན ‘‘ཡ་དི ས་ངྒྷ་སྶ པ་ཏྟ་ཀ་ལླཾ, ཨི་ཏྠ་ནྣཱ་མོ ཨི་ཏྠ་ནྣཱ་མཾ ཨ་ནུ་སཱ་སེ་ཡྻཱ’’ཏི, ‘‘ཡ་དི ས་ངྒྷ་སྶ པ་ཏྟ་ཀ་ལླཾ, ཨ་ཧཾ ཨི་ཏྠ་ནྣཱ་མཾ ཨ་ནྟ་རཱ་ཡི་ཀེ དྷ་མྨེ པུ་ཙྪེ་ཡྻ’’ནྟི (མ་ཧཱ་ཝ. ༡༢༦), ‘‘ཡ་དི ས་ངྒྷ་སྶ པ་ཏྟ་ཀ་ལླཾ, ཨི་ཏྠ་ནྣཱ་མོ ཨི་ཏྠ་ནྣཱ་མཾ ཨ་ནྟ་རཱ་ཡི་ཀེ དྷ་མྨེ པུ་ཙྪེ་ཡྻཱ’’ཏི, ‘‘ཡ་དི ས་ངྒྷ་སྶ པ་ཏྟ་ཀ་ལླཾ, ཨི་ཏྠ་ནྣཱ་མོ ཨི་ཏྠ་ནྣཱ་མཾ ཝི་ན་ཡཾ པུ་ཙྪེ་ཡྻཱ’’ཏི (མ་ཧཱ་ཝ. ༡༥༡), ‘‘ཡ་དི ས་ངྒྷ་སྶ པ་ཏྟ་ཀ་ལླཾ, ཨ་ཧཾ ཨི་ཏྠ་ནྣཱ་མེ་ན ཝི་ན་ཡཾ པུ་ཊྛོ ཝི་སྶ་ཛྫེ་ཡྻ’’ནྟི (མ་ཧཱ་ཝ. ༡༥༢), ‘‘ཡ་དི ས་ངྒྷ་སྶ པ་ཏྟ་ཀ་ལླཾ, ཨི་ཏྠ་ནྣཱ་མོ ཨི་ཏྠ་ནྣཱ་མེ་ན ཝི་ན་ཡཾ པུ་ཊྛོ ཝི་སྶ་ཛྫེ་ཡྻཱ’’ཏི – (མ་ཧཱ་ཝ. ༡༥༢) ཨི་མཱ ཚ ཉ་ཏྟི་ཡོ ག་ཧི་ཏཱ. ཨེ་ཝཾ པུ་རི་མཱ དྭེ, ཨི་མཱ ཙ ཚཱ་ཏི ཨེ་དི་སཱ ཨི་མཱ ཨ་ཊྛ ཉ་ཏྟི་ཡོ ‘‘ས་མྨུ་ཏཱི’’ཏི ཝུ་ཏྟཱ.
༢༩༩༦. ནི་སྶ་ཊྛ་ཙཱི་ཝ་རཱ་དཱི་ནཾ དཱ་ནནྟི ‘‘སུ་ཎཱ་ཏུ མེ, བྷ་ནྟེ ས་ངྒྷོ, ཨི་དཾ ཙཱི་ཝ་རཾ ཨི་ཏྠ་ནྣཱ་མ་སྶ བྷི་ཀྑུ་ནོ ནི་སྶ་གྒི་ཡཾ ས་ངྒྷ་སྶ ནི་སྶ་ཊྛཾ, ཡ་དི ས་ངྒྷ་སྶ པ་ཏྟ་ཀ་ལླཾ, ས་ངྒྷོ ཨི་མཾ ཙཱི་ཝ་རཾ ཨི་ཏྠ་ནྣཱ་མ་སྶ བྷི་ཀྑུ་ནོ ད་དེ་ཡྻཱ’’ཏི (པཱ་རཱ. ༤༦༤) ཨེ་ཝཾ ནི་སྶ་ཊྛ་ཙཱི་ཝ་ར་པ་ཏྟཱ་དཱི་ནཾ དཱ་ནཾ ‘‘དཱ་ན’’ནྟི ཝུ་ཙྩ་ཏི. ཨཱ་པ་ཏྟཱི་ནཾ པ་ཊི་གྒཱ་ཧོཏི ‘‘སུ་ཎཱ་ཏུ མེ, བྷ་ནྟེ ས་ངྒྷོ, ཨ་ཡཾ ཨི་ཏྠ་ནྣཱ་མོ བྷི་ཀྑུ ཨཱ་པ་ཏྟིཾ ས་ར་ཏི ཝི་ཝ་ར་ཏི ཨུ་ཏྟཱ་ནིཾ ཀ་རོ་ཏི དེ་སེ་ཏི, ཡ་དི ས་ངྒྷ་སྶ པ་ཏྟ་ཀ་ལླཾ, ཨ་ཧཾ ཨི་ཏྠ་ནྣཱ་མ་སྶ བྷི་ཀྑུ་ནོ ཨཱ་པ་ཏྟིཾ པ་ཊི་གྒ་ཎྷེ་ཡྻ’’ནྟི (ཙཱུ་ལ༹་ཝ. ༢༣༩), ‘‘ཡ་དཱ་ཡ་སྨ་ནྟཱ་ནཾ པ་ཏྟ་ཀ་ལླཾ, ཨ་ཧཾ ཨི་ཏྠ་ནྣཱ་མ་སྶ བྷི་ཀྑུ་ནོ ཨཱ་པ་ཏྟིཾ པ་ཊི་གྒ་ཎྷེ་ཡྻ’’ནྟི (ཙཱུ་ལ༹་ཝ. ༢༣༩). ཏེ་ན ཝ་ཏྟ་བྦོ ‘‘པ་སྶ་སཱི’’ཏི. ‘‘ཨཱ་མ པ་སྶཱ་མཱི’’ཏི. ‘‘ཨཱ་ཡ་ཏིཾ སཾ་ཝ་རེ་ཡྻཱ་སཱི’’ཏི. ཨེ་ཝཾ ཨཱ་པ་ཏྟཱི་ནཾ པ་ཊི་གྒཱ་ཧོ ‘‘པ་ཊི་གྒཱ་ཧོ’’ཏི ཝུ་ཙྩ་ཏི.
༢༩༩༧. པ་ཝཱ་རུ་ཀྐ་ཌྜྷ་ནཱཏི པ་ཝཱ་ར་ཎུ་ཀྐ་ཌྜྷ་ནཱ. གཱ་ཐཱ་བ་ནྡྷ་ཝ་སེ་ན ཎ-ཀཱ་ར་ལོ་པོ. ཨ་ཐ ཝཱ པ་ཝཱ་ར་ཎཾ པ་ཝཱ་རོ་ཏི པ་ཝཱ་ར་ཎ-ས་དྡ་པ་རི་ཡཱ་ཡོ པ་ཝཱ་ར-ས་དྡོ. ‘‘ཨི་མཾ ཨུ་པོ་ས་ཐཾ ཀ་ཏྭཱ, ཀཱ་ལེ༹ པ་ཝཱ་ར་ཡཱ་མཱི’’ཏི ཨི་མི་ནཱ ‘‘སུ་ཎ་ནྟུ མེ ཨཱ་ཡ་སྨ་ནྟཱ ཨཱ་ཝཱ་སི་ཀཱ, ཡ་དཱ་ཡ་སྨ་ནྟཱ་ནཾ པ་ཏྟ་ཀ་ལླཾ, ཨི་དཱ་ནི ཨུ་པོ་ས་ཐཾ ཀ་རེ་ཡྻཱ་མ, པཱ་ཏི་མོ་ཀྑཾ ཨུ་དྡི་སེ་ཡྻཱ་མ, ཨཱ་ག་མེ ཀཱ་ལེ༹ པ་ཝཱ་རེ་ཡྻཱ་མཱ’’ཏི (མ་ཧཱ་ཝ. ༢༤༠) ཨ་ཡཾ ཉ་ཏྟི ཨུ་པ་ལ་ཀྑ་ཎ་ཏོ ད་སྶི་ཏཱ. ཨེ་ཝཾ ཀ་ཏ་པ་ཝཱ་ར་ཎཱ ‘‘པ་ཙྩུ་ཀྐ་ཌྜྷ་ནཱ’’ཏི མ་ཏཱ. ཨེ་ཏྠ ཙ ཀཱ་ལེ༹ཏི པུ་བྦ་ཀ་ཏྟི་ཀ་མཱ་ས་སྶ ཀཱ་ལ༹་པ་ཀྑུ་པོ་ས་ཐེ. ཨི་མི་ནཱ ཙ ‘‘ཨཱ་ག་མེ ཛུ་ཎྷེ པ་ཝཱ་རེ་ཡྻཱ་མཱ’’ཏི ཨ་ཡཾ ཉ་ཏྟི ཙ ཨུ་པ་ལ་ཀྑི་ཏཱ. ཛུ་ཎྷེཏི ཨ་པ་ར་ཀ་ཏྟི་ཀ་ཛུ་ཎྷ་པ་ཀྑ་ཨུ་པོ་ས་ཐེ.
༢༩༩༨. ཏི་ཎ་ཝ་ཏྠཱ་ར་ཀེཏི ཏི་ཎ་ཝ་ཏྠཱ་ར་ཀ་ས་མ་ཐེ. ས་བྦ་པ་ཋ་མཱ ཉ་ཏྟཱིཏི ས་བྦ་ས་ངྒཱ་ཧི་ཀཱ ཉ་ཏྟི ཝུ་ཙྩ་ཏི. ཨི་ཏ་རཱ ཙཱཏི ཨུ་བྷ་ཡ་པ་ཀྑེ པ་ཙྩེ་ཀཾ ཋ་པི་ཏཱ དྭེ ཉ་ཏྟི་ཡོ ཙཱ་ཏི ཨེ་ཝཾ ཏི་དྷཱ པ་ཝ་ཏྟཾ ཨེ་ཏཾ ཉ་ཏྟི་ཀ་མྨཾ ཀ་མྨ་ལ་ཀྑ་ཎཾ ཨི་ཏི ཨེ་ཝཾ ཝུ་ཏྟ་ན་ཡེ་ན ‘‘ཝི་ནི་ཙྪ་ཡེ’’ཏི་ཨཱ་དི་ནཱ ཉ་ཏྟི་ཡཱ ན་ཝ ཋཱ་ནཱ་ནི ཝེ་དི་ཏ་བྦཱ་ནཱི་ཏི ཡོ་ཛ་ནཱ.
༢༩༩༩-༣༠༠༠. ཨེ་ཝཾ ཉ་ཏྟི་ཀ་མྨེ ན་ཝ ཋཱ་ནཱ་ནི ད་སྶེ་ཏྭཱ ཨི་དཱ་ནི ཉ་ཏྟི་དུ་ཏི་ཡ་ཀ་མྨེ ས་ཏྟ ཋཱ་ནཱ་ནི ད་སྶེ་ཏུ་མཱ་ཧ ‘‘ཉ་ཏྟི་དུ་ཏི་ཡ་ཀ་མྨ་མྤཱི’’ཏི་ཨཱ་དི. ‘‘ཉ་ཏྟི་དུ་ཏི་ཡ་ཀ་མྨ’’ནྟི་ཨཱ་དི་ཀཱ ཨུ་དྡེ་ས་གཱ་ཐཱ ཨུ་ཏྟཱ་ན་ཏྠཱ་ཝ.
ནི་དྡེ་སེ པ་ཏྟ་ནི་ཀྐུ་ཛྫ་ནཱ་དཱིཏི ཨཱ་དི-ས་དྡེ་ན པ་ཏྟུ་ཀྐུ་ཛྫ་ནཾ ག་ཧི་ཏཾ. ནི་སྶཱ་རོ་སཱ་ར་ཎཱ མ་ཏཱཏི ‘‘ནི་སྶཱ་ར་ཎཱ, ཨོ་སཱ་ར་ཎཱ’’ཏི ཙ མ་ཏཱ. ཏ་ཏྠ བྷི་ཀྑཱུ་ནཾ ཨ་ལཱ་བྷཱ་ཡ པ་རི་ས་ཀྐ་ནཱ་དི་ཀེ་ཧི ཨ་ཊྛ་ཧི ཨ་ངྒེ་ཧི ས་མ་ནྣཱ་ག་ཏ་སྶ ཨུ་པཱ་ས་ཀ་སྶ ས་ངྒྷེ་ན ཨ་ས་མྦྷོ་ག་ཀ་ར་ཎ་ཏྠཾ པ་ཏྟ་ནི་ཀྐུ་ཛྫ་ན་ཝ་སེ་ན ནི་སྶཱ་ར་ཎཱ ཙ ཏ་སྶེ་ཝ ས་མྨཱ ཝ་ཏྟ་ནྟ་སྶ པ་ཏྟུ་ཀྐུ་ཛྫ་ན་ཝ་སེ་ན ཨོ་སཱ་ར་ཎཱ ཙ ཝེ་དི་ཏ་བྦཱ. སཱ ཁུ་དྡ་ཀ་ཝ་ཏྠུ་ཀྑ་ནྡྷ་ཀེ ཝ་ཌྜྷ་ལི་ཙྪ་ཝི་ཝ་ཏྠུ་སྨིཾ (ཙཱུ་ལ༹་ཝ. ༢༦༥) ཝུ་ཏྟཱ.
༣༠༠༡. སཱི་མཱ་དིས་མྨུ་ཏི ས་མྨུ་ཏི ནཱ་མ. སཱ པ་ཉྩ་ད་ས་དྷཱ མ་ཏཱཏི སཱི་མཱ་ས་མྨུ་ཏི ཏི་ཙཱི་ཝ་རེ་ན་ཨ་ཝི་པྤ་ཝཱ་ས་ས་མྨུ་ཏི ས་ནྠ་ཏ་ས་མྨུ་ཏི བྷ་ཏྟུ་དྡེ་ས་ཀ སེ་ནཱ་ས་ན་གྒཱ་ཧཱ་པ་ཀ བྷ་ཎྜཱ་གཱ་རི་ཀ ཙཱི་ཝ་ར་པ་ཊི་གྒཱ་ཧ་ཀ ཡཱ་གུ་བྷཱ་ཛ་ཀ ཕ་ལ་བྷཱ་ཛ་ཀ ཁ་ཛྫ་བྷཱ་ཛ་ཀ ཨ་པྤ་མ་ཏྟ་ཀ་ཝི་སྶ་ཛྫ་ཀ སཱ་ཊི་ཡ་གྒཱ་ཧཱ་པ་ཀ པ་ཏྟ་གྒཱ་ཧཱ་པ་ཀ ཨཱ་རཱ་མི་ཀ་པེ་ས་ཀ སཱ་མ་ཎེ་ར་པེ་ས་ཀ་ས་མྨུ་ཏཱི་ཏི ཨེ་ཝཾ སཱ ས་མྨུ་ཏི པ་ཉྩ་ད་ས་ཝི་དྷཱ མ་ཏཱ་ཏི ཨ་ཏྠོ. ཀ་ཐི་ན་སྶ ཝ་ཏྠཾ, ཏ་སྶ. མ་ཏོ་ཡེ་ཝ མ་ཏ་ཀོ, མ་ཏ་ཀ་སྶ ཝཱ་སོ མ་ཏ་ཀ་ཝཱ་སོ, ཏ་སྶ མ་ཏ་ཀ་ཝཱ་ས་སོ, མ་ཏ་ཀ་ཙཱི་ཝ་ར་སྶ.
༣༠༠༢. ཨཱ་ནི་སཾ་ས་ཁེ་ཏྟ་བྷཱུ་ཏ་པ་ཉྩ་མཱ་ས་བྦྷ་ནྟ་རེ་ཡེ་ཝ ཨུ་བྦྷཱ་རོ ཨ་ནྟ་རུ་བྦྷཱ་རོ. ཀུ་ཊི་ཝ་ཏྠུ་སྶ, ཝི་ཧཱ་ར་སྶ ཝ་ཏྠུ་ནོ ཙ དེ་ས་ནཱ དེ་ས་ནཱ ནཱ་མཱ་ཏི ཡོ་ཛ་ནཱ.
༣༠༠༣. ཏི་ཎ་ཝ་ཏྠཱ་ར་ཀེ དྭི་ནྣཾ པ་ཀྑཱ་ནཾ སཱ་དྷཱ་ར་ཎ་ཝ་སེ་ན ཋ་པེ་ཏ་བྦ་ཉ་ཏྟི ཙ པ་ཙྪཱ པ་ཀྑ་དྭ་ཡེ ཝི་སུཾ ཝི་སུཾ ཋ་པེ་ཏ་བྦཱ དྭེ ཉ་ཏྟི་ཡོ ཙཱ་ཏི ཏི་སྶོ ཉ་ཏྟི་ཡོ ཀ་མྨ་ཝཱ་ཙཱ་ཡ ཨ་བྷཱ་ཝེ་ན ཉ་ཏྟི་ཀ་མྨེ ‘‘ཀ་མྨ་ལ་ཀྑ་ཎ’’ནྟི ད་སྶི་ཏཱ, པ་ཙྪཱ ཝི་སུཾ ཝི་སུཾ དྭཱི་སུ པ་ཀྑེ་སུ ཝ་ཏྟ་བྦཱ དྭེ ཉ་ཏྟི་དུ་ཏི་ཡ་ཀ་མྨ་ཝཱ་ཙཱ ཉ་ཏྟི་དུ་ཏི་ཡ་ཀ་མྨེ ‘‘ཀ་མྨ་ལ་ཀྑ་ཎ’’ནྟི ད་སྶི་ཏཱ་ཏི ཏཾ ད་སྶེ་ཏུ་མཱ་ཧ ‘‘ཏི་ཎ་ཝ་ཏྠཱ་ར་ཀེ ཀ་མྨེ’’ཏི. ‘‘མོ་ཧཱ་རོ་པ་ན་ཏཱ་དི་སཱུ’’ཏི ཨི་མི་ནཱ པཱ་ཙི་ཏྟི་ཡེ་སུ ད་སྶི་ཏ་མོ་ཧཱ་རོ་པ་ན་ཀ་མྨ་ཉྩ ཨ་ཉྙ་ཝཱ་ད་ཀ་ཝི་ཧེ་ས་ཀཱ་རོ་པ་ན་ཀ་མྨཱ་དི་ཉྩ ས་ངྒ་ཎྷཱ་ཏི. ཨེ་ཏྠཱཏི ཨི་མ་སྨིཾ ཉ་ཏྟི་དུ་ཏི་ཡ་ཀ་མྨེ. ཀ་མྨ་ལ་ཀྑ་ཎ་མེ་ཝ ཀ་མྨ་ལ་ཀྑ་ཎ་ཏཱ.
༣༠༠༤-༥. ཨི་ཏི ཨེ་ཝཾ ཡ་ཐཱ་ཝུ་ཏྟ་ན་ཡེ་ན ཨི་མེ ས་ཏྟ ཋཱ་ན་བྷེ་དཱ ཉ་ཏྟི་དུ་ཏི་ཡ་ཀ་མྨ་སྶ. ཨེ་ཝཾ ཉ་ཏྟི་དུ་ཏི་ཡ་ཀ་མྨེ ས་ཏྟ ཋཱ་ནཱ་ནི ད་སྶེ་ཏྭཱ ཉ་ཏྟི་ཙ་ཏུ་ཏྠ་ཀ་མྨེ ཋཱ་ན་བྷེ་དཾ ད་སྶེ་ཏུ་མཱ་ཧ ‘‘ཏ་ཐཱ’’ཏི་ཨཱ་དི.
༣༠༠༦. ཏ་ཛྫ་ནཱ་དཱི་ནནྟི ཨཱ་དི-ས་དྡེ་ན ནི་ཡ་སྶཱ་དཱི་ནཾ ག་ཧ་ཎཾ. ཏེ་སཾ ས་ཏྟ་ནྣཾ ཀ་མྨཱ་ནཾ. པ་སྶ་དྡྷི ཝཱུ་པ་ས་མོ.
༣༠༠༧. ‘‘བྷི་ཀྑུ་ནཱི་ནཾ ཨོ་ཝཱ་དོ’’ཏི བྷི་ཀྑུ་ནོ་ཝཱ་ད་ཀ་ས་མྨུ་ཏི ཕ་ལཱུ་པ་ཙཱ་རེ་ན ཝུ་ཏྟཱ.
༣༠༠༨-༩. མཱུ་ལ་པ་ཊི་ཀྐ་སྶོ མཱུ་ལཱ་ཡ པ་ཊི་ཀ་སྶ་ནཱ, གཱ་ཐཱ་བ་ནྡྷ་ཝ་སེ་ན ཀ-ཀཱ་ར་སྶ དྭེ་བྷཱ་ཝོ. ཨུ་ཀྑི་ཏྟ་སྶཱ་ནུ་ཝ་ཏྟི་ཀཱཏི ཨུ་ཀྑི་ཏྟཱ་ནུ་ཝ་ཏྟི་ཀཱ ཨེ་ཀཱ ཡཱ་ཝ་ཏ་ཏི་ཡ་ཀཱ, ཨ་ཊྛ ས་ངྒྷཱ་དི་སེ་སཱ, ཨ་རི་ཊྛོ ཙ་ཎྜ་ཀཱ་ལཱི༹ ཙ དྭེ, ཨི་མེ ཨེ་ཀཱ་ད་ས ཡཱ་ཝ་ཏ་ཏི་ཡ་ཀཱ བྷ་ཝ་ནྟི. ཨི་མེ་སཾ ཝ་སཱཏི ཨུ་ཀྑི་ཏྟཱ་ནུ་ཝ་ཏྟི་ཀཱ་དཱི་ནི པུ་གྒ་ལཱ་དྷི་ཊྛཱ་ནེ་ན ཝུ་ཏྟཱ་ནི, ཨི་མེ་སཾ ས་མ་ནུ་བྷཱ་ས་ན་ཀ་མྨཱ་ནཾ ཝ་སེ་ན. ད་སེ་ཀཱཏི ཨེ་ཀཱ་ད་ས.
༣༠༡༡. ཨེ་ཝཾ ཙ་ཏུ་ནྣ་མྤི ཀ་མྨཱ་ནཾ ཋཱ་ན་བྷེ་དཾ ད་སྶེ་ཏྭཱ ཨ་ནྭ་ཡ་ཏོ, བྱ་ཏི་རེ་ཀ་ཏོ ཙ ཀཱ་ཏ་བྦ་པྤ་ཀཱ་རཾ ད་སྶེ་ཏུ་མཱ་ཧ ‘‘ཨ་པ་ལོ་ཀ་ན་ཀ་མྨ་ཉྩཱ’’ཏི་ཨཱ་དི. ཉ་ཏྟི་ཡཱ་པི ན ཀཱ་ར་ཡེ, ཉ་ཏྟི་དུ་ཏི་ཡེ་ན་པི ན ཀཱ་ར་ཡེ་ཏི ཡོ་ཛ་ནཱ.
༣༠༡༢. ཨ་པ་ལོ་ཀ་ན་ཀ་མྨེ ཝུ་ཏྟ་ལ་ཀྑ་ཎེ་ན ཉ་ཏྟི་ཀ་མྨཱ་དཱི་ན་མྤི ཀཱ་ཏ་བྦ་པྤ་ཀཱ་རོ ས་ཀྐཱ ཝི་ཉྙཱ་ཏུ་ནྟི ཏཾ ཨ་ད་སྶེ་ཏྭཱ ཉ་ཏྟི་དུ་ཏི་ཡ་ཀ་མྨེ ལ་བྦྷ་མཱ་ན་ཝི་སེ་སཾ ད་སྶེ་ཏུ་མཱ་ཧ ‘‘ཉ་ཏྟི་དུ་ཏི་ཡ་ཀ་མྨཱ་ནཱི’’ཏི་ཨཱ་དི. ཨ་པ་ལོ་ཀེ་ཏྭཱ ཀཱ་ཏ་བྦཱ་ནི ལ་ཧུ་ཀཱ་ནི་པི ཉ་ཏྟི་དུ་ཏི་ཡ་ཀ་མྨཱ་ནི ཨ་ཏྠཱི་ཏི ཡོ་ཛ་ནཱ. ཏཱ་ནི པ་ན ཀ་ཏ་མཱ་ནཱི་ཏི ཨཱ་ཧ ‘‘ས་བྦཱ ས་མྨུ་ཏི་ཡོ སི་ཡུ’’ནྟི. ཨེ་ཏྠ སཱི་མཱ་ས་མྨུ་ཏིཾ ཝི་ནཱ སེ་སཱ ཏི་ཙཱི་ཝ་རེ་ན་ཨ་ཝི་པྤ་ཝཱ་ས་ས་མྨུ་ཏི་ཨཱ་ད་ཡོ ས་བྦཱ་པི ས་མྨུ་ཏི་ཡོ་ཏི ཨ་ཏྠོ.
༣༠༡༣. སེ་སཱ་ནཱིཏི ཡ་ཐཱ་ཝུ་ཏྟེ་ཧི སེ་སཱ་ནི སཱི་མཱ་ས་མྨུ་ཏི་ཨཱ་དཱི་ནི ཚ ཀ་མྨཱ་ནི. ན ཝ་ཊྚ་ཏཱིཏི ན ཝ་ཊྚ་ནྟི, གཱ་ཐཱ་བ་ནྡྷ་ཝ་སེ་ན ན-ཀཱ་ར་ལོ་པོ. ཡ་ཐཱ་ཧ ‘‘སཱི་མཱ་ས་མྨུ་ཏི, སཱི་མཱ་ས་མཱུ་ཧ་ན་ནཾ, ཀ་ཐི་ན་དཱ་ནཾ, ཀ་ཐི་ནུ་དྡྷཱ་རོ, ཀུ་ཊི་ཝ་ཏྠུ་དེ་ས་ནཱ, ཝི་ཧཱ་ར་ཝ་ཏྠུ་དེ་ས་ནཱ་ཏི ཨི་མཱ་ནི ཚ ཀ་མྨཱ་ནི ག་རུ་ཀཱ་ནི ཨ་པ་ལོ་ཀེ་ཏྭཱ ཀཱ་ཏུཾ ན ཝ་ཊྚ་ནྟི, ཉ་ཏྟི་དུ་ཏི་ཡ་ཀ་མྨ་ཝཱ་ཙཾ སཱ་ཝེ་ཏྭཱ་ཝ ཀཱ་ཏ་བྦཱ་ནཱི’’ཏི (པ་རི. ཨ་ཊྛ. ༤༨༢). ‘‘ཨ་པ་ལོ་ཀེ་ཏྭཱ ཀཱ་ཏུཾ པ་ན ན ཝ་ཊྚ་ཏཱི’’ཏི ཨི་དཾ ནི་ད་སྶ་ན་མ་ཏྟཾ, ཉ་ཏྟི་ཙ་ཏུ་ཏྠ་ཀ་མྨ་ཝ་སེ་ནཱ་པི ཀཱ་ཏུཾ ན ཝ་ཊྚ་ནྟེ་ཝ. ཏེ་ནེ་ཝཱ་ཧ ‘‘ཡ་ཐཱ་ཝུ་ཏྟ་ན་ཡེ་ནེ་ཝ, ཏེ་ན ཏེ་ནེ་ཝ ཀཱ་ར་ཡེ’’ཏི, ཡོ ཡོ ན་ཡོ ཏཾ ཏཾ ཀ་མྨཾ ཀཱ་ཏུཾ ཝུ་ཏྟོ, ཏེ་ནེ་ཝ ཏེ་ནེ་ཝ ན་ཡེ་ནཱ་ཏི ཨ་ཏྠོ.
ཙ་ཏུ་བྦི་དྷ་ཀ་མྨ་ཀ་ཐཱ་ཝ་ཎྞ་ནཱ.