བྷི་ཀྑུ་ནི་ཀྑ་ནྡྷ་ཀ་ཀ་ཐཱ་ཝ་ཎྞ་ནཱ
༢༩༥༢. ཝི་ཝ་རི་ཏྭཱ་ན ཙཱི་ཝ་རཾ ཨ་པ་ནེ་ཏྭཱ.
༢༩༥༣. ཡཾ ཀི་ཉྩི ས་མྤ་ཡོ་ཛེ་ནྟི་ཡཱཏི ཡཾ ཀི་ཉྩི ཨ་ནཱ་ཙཱ་རཾ ཀ་རོ་ནྟི་ཡཱ. ཏ་ཏོཏི ཏེ་ན ཨ་ནཱ་ཙཱ་ར་ས་ངྑཱ་ཏེ་ན ཨ་ས་དྡྷ་མྨེ་ན. བྷཱ་ས་ནྟི་ཡཱཏི ཝཱ་ཙཱ་ཡ བྷཱ་ས་ནྟི་ཡཱ.
༢༩༥༤-༦. དཱི་གྷནྟི ཨེ་ཀ་པ་རི་ཀྑེ་པ་ཏོ དཱི་གྷཾ. ཝི་ལཱི་ཝེ་ན ཙ པ་ཊྚེ་ནཱཏི ས་ཎྷེ་ཧི་པི ཝི་ལཱི་ཝེ་ཧི ཀ་ཏ་པ་ཊྚེ་ན. ཙ་མྨ་པ་ཊྚེ་ནཱཏི ཙ་མྨ་མ་ཡ་པ་ཊྚེ་ན. དུ་སྶ་པ་ཊྚེ་ནཱཏི སེ་ཏ་ཝ་ཏྠེ་ན. དུ་སྶ་ཝེ་ཎི་ཡཱཏི དུ་སྶེ་ན ག་ཎྛི་ཏ་ཝེ་ཎི་ཡཱ. དུ་སྶ་ཝ་ཊྚི་ཡཱཏི དུ་སྶེ་ན ཀ་ཏ་ཝ་ཊྚི་ཡཱ. ན ཕཱ་སུ་ཀཱ ན་མེ་ཏ་བྦཱཏི མ་ཛ྄ཛྷི་མ་སྶ ཏ་ནུ་བྷཱ་ཝ་ཏྠཱ་ཡ གཱ་མ་དཱ་རི་ཀཱ ཝི་ཡ ཕཱ་སུ་ལི་ཀཱ ན ནཱ་མེ་ཏ་བྦཱ. ཛ་གྷ་ནནྟི མུ་ཏྟ་ཀ་ར་ཎ་པྤ་དེ་སཾ. ཨ་ཊྛི་ཀཱ་དི་ནཱཏི གོ་ཛཱ་ཎུ་ཊྛི་ཀཱ་དི་ནཱ. ན གྷཾ་སཱ་པེ་ཡྻཱཏི ན གྷ་ཊྚཱ་པེ་ཡྻ. ‘‘ཨ་ཊྛི་ཀཱ་དི་ནཱ’’ཏི ཨི་དཾ ‘‘ན གྷཾ་སཱ་པེ་ཡྻཱ’’ཏི ཨི་མི་ནཱ ཙ ‘‘ཀོ་ཊྚཱ་པེ་ཏཱི’’ཏི ཨི་མི་ནཱ ཀི་རི་ཡཱ་པ་དེ་ན ཙ ས་མྦ་ནྡྷི་ཏ་བྦཾ.
༢༩༥༧. ‘‘ཀོ་ཊྚཱ་པེ་ཏཱི’’ཏི ཨི་དཾ ‘‘ཧ་ཏྠཾ ཝཱ’’ཏི་ཨཱ་དཱི་ཧི ཨུ་པ་ཡོ་ག་ནྟ་པ་དེ་ཧི པ་ཙྩེ་ཀཾ ཡོ་ཛེ་ཏ་བྦཾ. ཧ་ཏྠནྟི ཨ་གྒ་བཱ་ཧཾ. ཧ་ཏྠ་ཀོ་ཙྪནྟི པི་ཊྛི་ཧ་ཏྠཾ. པཱ་དནྟི ཛ་ངྒྷཾ.
༢༩༥༨. ན མུ་ཁཾ ལི་མྤི་ཏ་བྦནྟི ཚ་ཝི་པ་སཱ་ད་ཀ་རེ་ན ཏི་ལ་སཱ་ས་པ་ཀ་ཀྐཱ་དི་ནཱ ཨ་ནེ་ཀ་ཝི་དྷེ་ན ལི་མྤ་ནེ་ན ན ལི་མྤི་ཏ་བྦཾ. ན ཙུ་ཎྞེ་ཏ་བྦནྟི མུ་ཁ་ཙུ་ཎྞ་ལེ་པ་ནཾ ན ཀཱ་ཏ་བྦཾ. མ་ནོ་སི་ལཱ་ཡ མུ་ཁཾ ལ་ཉྫ་ནྟི་ཡཱ ཨཱ་པ་ཏྟི སི་ཡཱ་ཏི ཡོ་ཛ་ནཱ.
༢༩༥༩. ཨ་ངྒ་རཱ་གོ ན ཀཱ་ཏ་བྦོཏི ཧ་ལི་དྡི་ཀུ་ངྐུ་མཱ་དཱི་ཧི ས་རཱི་ར་ཙྪ་ཝི་རཱ་གོ ན ཀཱ་ཏ་བྦོ. ཨ་ཝ་ངྒཾ ན ཙ ཀཱ་ཏ་བྦནྟི ཨ་ཉྫ་ནཾ བ་ཧི ཨ་ཀྑི་ཀོ་ཊི་ཡཱ ལེ་ཁཾ ཋ་པེ་ཏྭཱ ན ཨ་ཉྫི་ཏ་བྦཾ. ན ཀཱ་ཏ་བྦཾ ཝི་སེ་ས་ཀནྟི ག་ཎྜ་པ་དེ་སེ ཝི་ཙི་ཏྲ་ས་ཎྛཱ་ནཾ ཝི་སེ་ས་ཀཾ ཝ་ཏྟ་བྷ་ངྒཾ ན ཀཱ་ཏ་བྦཾ.
༢༩༦༠. ཨོ་ལོ་ཀ་ན་ཀ་ཏོཏི ཝཱ་ཏ་པཱ་ན་ཏོ. རཱ་གཱཏི ཀཱ་མ་རཱ་གེ་ན. ཨོ་ལོ་ཀེ་ཏུནྟི ཨ་ནྟ་ར་ཝཱི་ཐིཾ ཝི་ལོ་ཀེ་ཏུཾ, སཱ་ལོ་ཀེ ན ཙ ཋཱ་ཏ་བྦ་ནྟི ཡོ་ཛ་ནཱ. སཱ་ལོ་ཀེ དྭཱ་རཾ ཝི་ཝ་རི་ཏྭཱ ཨུ་པ་ཌྜྷ་ཀཱ་ཡཾ ད་སྶེ་ནྟཱི་ཧི ན ཋཱ་ཏ་བྦཾ. ས་ན་ཙྩནྟི ན་ཊ་ས་མ་ཛྫཾ.
༢༩༦༡. ག་ཎི་ཀཾ ཝུ་ཊྛཱ་པེ་ནྟི་ཡཱ ཝེ་སིཾ ཝུ་ཊྛཱ་པེ་ནྟི་ཡཱ. ‘‘ཝི་ཀྐི་ཎ་ནྟི་ཡཱ’’ཏི ཨི་དཾ ‘‘སུ་ར’’ནྟི་ཨཱ་དཱི་ཧི ཨུ་པ་ཡོ་ག་ནྟ་པ་དེ་ཧི པ་ཙྩེ་ཀཾ ཡོ་ཛེ་ཏ་བྦཾ.
༢༩༦༣. ན ཙེ་ཝུ་པ་ཊྛཱ་པེ་ཏ་བྦོཏི ཨ་ཏྟ་ནོ ཝེ་ཡྻཱ་ཝ་ཙྩཾ ནེ་ཝ ཀཱ་རཱ་པེ་ཏ་བྦོ. ཏི་ར་ཙྪཱ་ན་ག་ཏོ་པི དཱ་སོ ཝཱ དཱ་སཱི ཝཱ ཏི་ར་ཙྪཱ་ན་ག་ཏོ་པི ཀ་མྨ་ཀ་རོ ཝཱ ན ཙེ་ཝ ཨུ་པ་ཊྛཱ་པེ་ཏ་བྦོ ནེ་ཝ ཨ་ཏྟ་ནོ ཝེ་ཡྻཱ་ཝ་ཙྩཾ ཀཱ་རཱ་པེ་ཏ་བྦོ. ཨ་པི-ས་དྡེ་ན པ་གེ་ཝ མ་ནུ་སྶ་བྷཱུ་ཏོ་ཏི དཱི་པེ་ཏི.
༢༩༦༤. ‘‘ས་བྦ་ནཱི་ལཱ་དི’’ནྟི ཨི་མི་ནཱ –
‘‘ས་བྦ་ནཱི་ལ་ཀ་མ་ཉྫེ་ཊྛ-ཀ་ཎྷ་ལོ་ཧི་ཏ་པཱི་ཏ་ཀེ;
མ་ཧཱ་ནཱ་མ་མ་ཧཱ་ར་ངྒ-ར་ཏྟེ་སཱུ’’ཏི. (ཝི. ཝི. ༥༩༨) –
ཝུ་ཏྟཱ་ནི ཨ་ཀ་པྤི་ཡ་ཙཱི་ཝ་རཱ་ནི ས་ངྒ་ཧི་ཏཱ་ནི. ‘‘ན་མ་ཏ་ཀཾ ནཱ་མ ཨེ་ལ༹་ཀ་ལོ་མེ་ཧི ཀ་ཏཾ ཨ་ཝཱ་ཡི་མཾ ཙ་མྨ་ཁ་ཎྜ་པ་རི་བྷོ་གེ་ན པ་རི་བྷུ་ཉྫི་ཏ་བྦ’’ནྟི (ཙཱུ་ལ༹་ཝ. ཨ་ཊྛ. ༢༦༤) ཨ་ཊྛ་ཀ་ཐཱ་ཡ ཝུ་ཏྟ་ཏྟཱ, ག་ཎྛི་པ་དེ ཙ ‘‘ས་ནྠ་ར་ཎ་ས་དི་སོ པི་ལོ་ཏི་ཀཱ་ཧི ཀ་ཏོ པ་རི་ཀྑཱ་ར་ཝི་སེ་སོ’’ཏི ཝུ་ཏྟ་ཏྟཱ ཙ ནི་པ་ཛྫཱ་ཡ པ་རི་བྷུ་ཉྫི་ཏ་བྦོ པ་རི་ཀྑཱ་ར་ཝི་སེ་སོ ན་མ་ཏ་ཀཾ ནཱ་མ.
༢༩༦༥. ཚ་ནྣ་མྤི པུ་རི་ས་བྱ་ཉྫ་ནཾ ‘‘ཨེ་ཏྠཱ’’ཏི ཙི་ནྟེ་ཏྭཱ རཱ་ག་ཙི་ཏྟེ་ན ཨོ་ལོ་ཀེ་ནྟི་ཡཱ དུ་ཀྐ་ཊཾ ཧོ་ཏི. ས་བྦནྟི ཝུ་ཏྟ་པྤ་ཀཱ་རཾ ས་བྦཾ.
༢༩༦༦. བྷི་ཀྑུཾ དཱུ་ར་ཏོ་ཝ པ་སྶི་ཏྭཱ ཏ་སྶ བྷི་ཀྑུ་ནོ དཱུ་ར་ཏོ ཨོ་ཀྐ་མི་ཏྭཱ་ན མ་གྒོ དཱ་ཏ་བྦོ་ཏི ཡོ་ཛ་ནཱ.
༢༩༦༧. བྷི་ཀྑཾ ཙ་ར་ནྟི་ཡཱ བྷི་ཀྑུ་ནི་ཡཱ བྷི་ཀྑུཾ པ་སྶི་ཏྭཱ པ་ན ཡེ་ན བྷི་ཀྑཱ་ཡ ཙ་ར་ཏི, ཏཾ པ་ཏྟཾ ནཱི་ཧ་རི་ཏྭཱ ཨུ་པ་རི ཚཱ་དེ་ཏྭཱ ཋི་ཏཾ ས་ངྒྷཱ་ཊི་ཙཱི་ཝ་རཾ ཨ་པ་ནེ་ཏྭཱ ཨུ་ཀྐུ་ཛྫཾ ཨུ་དྡྷཾ་མུ་ཁཾ ཀ་ཏྭཱ བྷི་ཀྑུ་ནོ ད་སྶེ་ཏ་བྦ་ནྟི ཡོ་ཛ་ནཱ.
༢༩༦༨. ཨུ་ཏུ་ནཱི་ནཾ བྷི་ཀྑུ་ནཱི་ནཾ ཨུ་ཏུ་ཀཱ་ལེ ས་ཉྫཱ་ཏ་པུ་པྥེ ཀཱ་ལེ སཾ་ཝེ་ལླི་ཀཾ ཀཱ་ཏུཾ ཀ་ཙྪཾ བ་ནྡྷི་ཏུཾ མ་ཧེ་སི་ནཱ ཀ་ཊི་སུ་ཏྟ་ཀཾ ཨ་ནུ་ཉྙཱ་ཏ་ནྟི ཡོ་ཛ་ནཱ, ཨི་མི་ནཱ ཨ་ཉྙ་སྨིཾ ཀཱ་ལེ ཀ་ཊི་སུ་ཏྟ་ཀཾ བ་ནྡྷི་ཏུཾ ན ཝ་ཊྚ་ཏཱི་ཏི དཱི་པེ་ཏི. ཡ་ཐཱ་ཧ – ‘‘ན, བྷི་ཀྑ་ཝེ, བྷི་ཀྑུ་ནི་ཡཱ ས་བྦ་ཀཱ་ལཾ ཀ་ཊི་སུ་ཏྟ་ཀཾ དྷཱ་རེ་ཏ་བྦཾ, ཡཱ དྷཱ་རེ་ཡྻ, ཨཱ་པ་ཏྟི དུ་ཀྐ་ཊ་སྶ. ཨ་ནུ་ཛཱ་ནཱ་མི, བྷི་ཀྑ་ཝེ, ཨུ་ཏུ་ནི་ཡཱ ཀ་ཊི་སུ་ཏྟ་ཀ’’ནྟི (ཙཱུ་ལ༹་ཝ. ༤༢༢).
༢༩༦༩. ཨི་ཏྠི་པོ་ས་ཡུ་ཏནྟི ཨི་ཏྠཱི་ཧི ཝཱ པུ་རི་སེ་ཧི ཝཱ ཨི་ཏྠི་པུ་རི་སེ་ཧི ཝཱ ཡུ་ཏྟཾ. ཨི་ཏྠི་པོ་ས་ཡུ་ཏྟཾ ཧ་ཏྠ་ཝ་ཊྚ་ཀ་མེ་ཝ ཝཱ. པཱ་ཊ་ངྐཱིཏི པ་ཊ་པོ་ཊྚ་ལི་ཀཾ.
༢༩༧༠. ག་རུ་དྷ་མྨེཏི ས་ངྒྷཱ་དི་སེ་སེ. མཱ་ན་ཏྟནྟི པ་ཀྑ་མཱ་ན་ཏྟཾ. ས་མྨ་ནྣི་ཏྭཱཏི ཉ་ཏྟི་དུ་ཏི་ཡཱ་ཡ ཀ་མྨ་ཝཱ་ཙཱ་ཡ ས་མྨ་ནྣི་ཏྭཱ.
༢༩༧༡. ཡ་སྶཱ ཨི་ཏྠི་ཡཱ པ་བྦ་ཛི་ཏ་ཀཱ་ལེ ག་བྦྷོ ཝུ་ཊྛཱ་ཏི ཝི་ཛཱ་ཡ་ཏི ཡ་དི, པུ་ཏྟོ ཙེ, ཏ་སྶཱ་པི དཱ་ར་ཀ་མཱ་ཏུ ཡཱ་ཝ སོ དཱ་ར་ཀོ ཝི་ཉྙུ་ཏཾ པཱ་པུ་ཎཱ་ཏི, ཡཱ་ཝ ཁཱ་དི་ཏུཾ, བྷུ་ཉྫི་ཏུཾ, ན་ཧཱ་ཡི་ཏུ་ཉྩ ཨ་ཏྟ་ནོ དྷ་མྨ་ཏཱ་ཡ ས་ཀྐོ་ཏི, ཏཱ་ཝ དུ་ཏི་ཡཱ བྷི་ཀྑུ་ནཱི ཏ་ཐཱ ས་མྨ་ནྣི་ཏྭཱ དཱ་ཏ་བྦཱ་ཏི ཡོ་ཛ་ནཱ.
༢༩༧༢. སཱ པ་ན མཱ་ཏཱ བྷི་ཀྑུ་ནཱི ཨ་ཏྟ་ནོ པུ་ཏྟཾ པཱ་ཡེ་ཏུཾ, བྷོ་ཛེ་ཏུཾ, མ་ཎྜེ་ཏུཾ, ཨུ་རེ ཀ་ཏྭཱ ས་ཡི་ཏུ་ཉྩ ལ་བྷ་ཏཱི་ཏི ཡོ་ཛ་ནཱ.
༢༩༧༣. དུ་ཏི་ཡི་ཀཱ་ཡ བྷི་ཀྑུ་ནི་ཡཱ དཱ་ར་ཀེ་ན ས་ཧ་སེ་ཡྻཾ ཋ་པེ་ཏྭཱ ཡ་ཐཱ ཨ་ཉྙེ་སུ པུ་རི་སེ་སུ ཝ་ཏྟི་ཏ་བྦཾ པ་ཊི་པ་ཛྫི་ཏ་བྦཾ, ཏ་ཐཱ ཨེ་ཝ ཏ་སྨིཾ དཱ་ར་ཀེ ཝ་ཏྟི་ཏ་བྦ་ནྟི ཡོ་ཛ་ནཱ.
༢༩༧༤. ཝི་བྦྷ་མེ་ནེ་ཝཱཏི ཨ་ཏྟ་ནོ རུ་ཙི་ཡཱ སེ་ཏ་ཝ་ཏྠཱ་ནཾ ག་ཧ་ཎེ་ནེ་ཝ. ཡ་ཐཱ་ཧ – ‘‘ཡ་སྨཱ སཱ ཝི་བྦྷ་ནྟཱ ཨ་ཏྟ་ནོ རུ་ཙི་ཡཱ ཁ་ནྟི་ཡཱ ཨོ་དཱ་ཏཱ་ནི ཝ་ཏྠཱ་ནི ནི་ཝ་ཏྠཱ, ཏ་སྨཱ་ཡེ་ཝ སཱ ཨ་བྷི་ཀྑུ་ནཱི, ན སི་ཀྑཱ་པ་ཙྩ་ཀྑཱ་ནེ་ནཱ’’ཏི (ཙཱུ་ལ༹་ཝ. ཨ་ཊྛ. ༤༣༤). ཨི་དྷཱཏི ཨི་མ་སྨིཾ སཱ་ས་ནེ.
༢༩༧༥. ག་ཏཱ་ཡཱཏི ཨེ་ཏྠ ‘‘ས་ཀཱ་ཝཱ་སཱ’’ཏི སེ་སོ. ཡ་ཐཱ་ཧ – ‘‘ཡཱ སཱ, བྷི་ཀྑ་ཝེ, བྷི་ཀྑུ་ནཱི ས་ཀཱ་ཝཱ་སཱ ཏི་ཏྠཱ་ཡ་ཏ་ནཾ ས་ངྐ་ནྟཱ, སཱ ཨཱ་ག་ཏཱ ན ཨུ་པ་ས་མྤཱ་དེ་ཏ་བྦཱ’’ཏི. ན ཀེ་ཝ་ལཾ ན ཨུ་པ་ས་མྤཱ་དེ་ཏ་བྦཱ, པ་བྦ་ཛྫ་མྤི ན ལ་བྷ་ཏི. ཨོ་དཱ་ཏཱ་ནི ག་ཧེ་ཏྭཱ ཝི་བྦྷ་ནྟཱ པ་ན པ་བྦ་ཛྫཱ་མ་ཏྟཾ ལ་བྷ་ཏི.
༢༩༧༦. ཝ་ནྡ་ནནྟི པཱ་དེ ས་མྦཱ་ཧེ་ཏྭཱ ཝ་ནྡ་ནཾ. སཱ་དི་ཏུཾ ཝ་ཊྚ་ཏཱིཏི ‘‘ཨ་ནུ་ཛཱ་ནཱ་མི, བྷི་ཀྑ་ཝེ, སཱ་དི་ཏུ’’ནྟི (ཙཱུ་ལ༹་ཝ. ༤༣༤) ཨ་ནུ་ཉྙཱ་ཏ་ཏྟཱ ཝ་ཊྚ་ཏི. ཏ་ཏྲེ་ཀེ ཨཱ་ཙ་རི་ཡཱ ‘‘ས་ཙེ ཨེ་ཀ་ཏོ ཝཱ ཨུ་བྷ་ཏོ ཝཱ ཨ་ཝ་སྶུ་ཏཱ ཧོ་ནྟི སཱ་ར་ཏྟཱ, ཡ་ཐཱ་ཝ་ཏྠུ་ཀ་མེ་ཝཱ’’ཏི ཝ་ད་ནྟི. ཨེ་ཀེ ཨཱ་ཙ་རི་ཡཱ ‘‘ན་ཏྠི ཨེ་ཏྠ ཨཱ་པ་ཏྟཱི’’ཏི ཝ་ད་ནྟཱི་ཏི ཨེ་ཝཾ ཨཱ་ཙ་རི་ཡ་ཝཱ་དཾ ད་སྶེ་ཏྭཱ ‘‘ཨི་དཾ ཨོ་དི་སྶ ཨ་ནུ་ཉྙཱ་ཏཾ ཝ་ཊྚ་ཏཱི’’ཏི ཨ་ཊྛ་ཀ་ཐཱ་སུ ཝུ་ཏྟཾ, ཏཾ པ་མཱ་ཎཾ. ‘‘ཨ་ནུ་ཛཱ་ནཱ་མི, བྷི་ཀྑ་ཝེ, སཱ་དི་ཏུ’’ནྟི (ཙཱུ་ལ༹་ཝ. ༤༣༤) ཧི ཝ་ཙ་ནེ་ནེ་ཝ ཀ་པྤི་ཡཾ.
༢༩༧༧. ཡཱ་ཡ ཀཱ་ཡ་ཙི ཝ་ཙྩ་ཀུ་ཊི་ཡཱ ཝ་ཙྩོ ན ཀཱ་ཏ་བྦོ, ཧེ་ཊྛཱ ཝི་ཝ་ཊེ ཨུ་དྡྷཾ པ་ཊི་ཙྪ་ནྣེ པ་ན ཝ་ཙྩཾ ཀཱ་ཏུཾ ཝ་ཊྚ་ཏི. ཧེ་ཊྛཱ ཝི་ཝ་ཊེ ཨུ་པ་རི པ་ཊི་ཙྪ་ནྣེཏི ཨ་ཊྛ་ཀ་ཐཱ་ཡཾ ‘‘ས་ཙེ ཀཱུ་པོ ཁ་ཏོ ཧོ་ཏི, ཨུ་པ་རི པ་ན པ་ད་ར་མ་ཏྟ་མེ་ཝ ས་བྦ་དི་སཱ་སུ པ་ཉྙཱ་ཡ་ཏི, ཨེ་ཝ་རཱུ་པེ་པི ཝ་ཊྚ་ཏཱི’’ཏི (ཙཱུ་ལ༹་ཝ. ཨ་ཊྛ. ༤༣༥) ཝུ་ཏྟཾ.
༢༩༧༨. ས་བྦ་ཏྠཱཏི བྷི་ཀྑུ་ནི་ཨུ་པ་སྶ་ཡ་ཨ་ནྟ་ར་གྷ་རཱ་དི་ས་བྦ་ཊྛཱ་ནེ་སུ. གི་ལཱ་ནཱ་ཡཱཏི ཡ་སྶཱ ཝི་ནཱ པ་ལླ་ངྐཾ ན ཕཱ་སུ ཧོ་ཏི. ཨ་ཌྜྷ་པ་ལླ་ངྐནྟི ཨེ་ཀ་པཱ་དཾ ཨཱ་བྷུ་ཛི་ཏྭཱ ཀ་ཏ་པ་ལླ་ངྐཾ. སོ ཨེ་ཀཾ པ་ཎྷིཾ ཨཱུ་རུ་མཱུ་ལཱ་ས་ནྣཾ ཀ་ཏྭཱ ཨི་ཏ་རཾ དཱུ་རེ ཀ་ཏྭཱ ཨཱ་བྷུ་ཛི་ཏ་པ་ལླ་ངྐོ ནཱ་མ.
༢༩༧༩. ན་ར་ཏི་ཏྠེཏི པུ་རི་སཱ་ནཾ ན་ཧཱ་ན་ཏི་ཏྠེ. ཡ་ཐཱ་ཧ – ‘‘ན, བྷི་ཀྑ་ཝེ, བྷི་ཀྑུ་ནི་ཡཱ པུ་རི་ས་ཏི་ཏྠེ ན་ཧཱ་ཡི་ཏ་བྦཾ, ཡཱ ན་ཧཱ་ཡེ་ཡྻ, ཨཱ་པ་ཏྟི དུ་ཀྐ་ཊ་སྶ. ཨ་ནུ་ཛཱ་ནཱ་མི, བྷི་ཀྑ་ཝེ, མ་ཧི་ལཱ་ཏི་ཏྠེ ན་ཧཱ་ཡི་ཏུ’’ནྟི (ཙཱུ་ལ༹་ཝ. ༤༣༦).
༢༩༨༠. ཡཱ ས་མ་ཎཱི ག་ནྡྷ་ཙུ་ཎྞེ་ན ཝཱ ཝཱ་སི་ཏ་མ་ཏྟི་ཡཱ ཝཱ་སི་ཏ་ཀཱ་ཡ མ་ཏྟི་ཀཱ་ཡ ཝཱ པ་ཊི་སོ་ཏེ ཝཱ ནྷཱ་ཡེ་ཡྻ, ཏ་སྶཱ ཨཱ་པ་ཏྟི དུ་ཀྐ་ཊ་ནྟི ཡོ་ཛ་ནཱ. ཝཱ་སི་ཏཝི་སེ་ས་ནེ་ན ཨ་ཝཱ་སི་ཏཱ ཝ་ཊྚ་ཏཱི་ཏི དཱི་པེ་ཏི. ཡ་ཐཱ་ཧ – ‘‘ཨ་ནུ་ཛཱ་ནཱ་མི, བྷི་ཀྑ་ཝེ, པ་ཀ་ཏི་མ་ཏྟི་ཀ’’ནྟི (ཙཱུ་ལ༹་ཝ. ༤༣༦).
༢༩༨༡. ཨ་བྷུ་ཏྭཱཏི ཨེ་ཏྠ ཨཱ་མི་ས་ཨ་གྒཾ ག་ཧ་ཎ་མ་ཏྟ་མྤི ཨ་ཀ་ཏྭཱ, པ་ཏྟ་ཙཱི་ཝ་རཾ ཀ་ཏི་པ་ཡ་དི་ཝ་སཱ་ནི་པི ཨ་པ་རི་བྷུ་ཉྫི་ཏྭཱ་ཏི ཨ་ཏྠོ. ས་ཙེ ཨ་ས་པྤཱ་ཡཾ, ས་བྦ་མྤི ཨ་པ་ནེ་ཏུཾ ཝ་ཊྚ་ཏི.
༢༩༨༢. ཨ་ནུ་པ་ས་མྤ་ནྣེ ཨ་ས་ནྟེ ས་བྦཾ བྷི་ཀྑཱུ་ཧི པ་ཊི་གྒ་ཧི་ཏཾ ཝཱ ཨ་པྤ་ཊི་གྒ་ཧི་ཏཾ ཝཱ ས་ནྣི་དྷི་ཀ་ཏཾ ཝཱ ས་བྦཾ ཨ་ཛ྄ཛྷོ་ཧ་ར་ཎཱི་ཡཾ བྷི་ཀྑཱུ་ཧི པ་ཊི་གྒ་ཧཱ་པེ་ཏྭཱ པ་རི་བྷུ་ཉྫི་ཏུཾ བྷི་ཀྑུ་ནཱི་ནཾ ཝ་ཊྚ་ཏཱི་ཏི ཡོ་ཛ་ནཱ. ‘‘བྷི་ཀྑུ་ནཱི་ནཾ ཝ་ཊྚ་ཏཱི’’ཏི ཨི་དཾ པ་ཀ་ར་ཎ་ཝ་སེ་ན ཝུ་ཏྟཾ. བྷི་ཀྑུ་ནཱི་ཧི་པི པ་ཊི་གྒ་ཧཱ་པེ་ཏྭཱ བྷི་ཀྑཱུ་ན་མྤི ཏ་ཐཱ་ཝི་དྷཾ པ་རི་བྷུ་ཉྫི་ཏུཾ ཝ་ཊྚ་ཏི. ཡ་ཐཱ་ཧ – ‘‘ཨ་ནུ་ཛཱ་ནཱ་མི, བྷི་ཀྑ་ཝེ, བྷི་ཀྑཱུ་ནཾ ས་ནྣི་དྷིཾ བྷི་ཀྑུ་ནཱི་ཧི པ་ཊི་གྒཱ་ཧཱ་པེ་ཏྭཱ པ་རི་བྷུ་ཉྫི་ཏུ’’ནྟི (ཙཱུ་ལ༹་ཝ. ༤༢༡).
བྷི་ཀྑུ་ནི་ཀྑ་ནྡྷ་ཀ་ཀ་ཐཱ་ཝ་ཎྞ་ནཱ.
ཨི་ཏི ཝི་ན་ཡ་ཏྠ་སཱ་ར་ས་ནྡཱི་པ་ནི་ཡཱ ཝི་ན་ཡ་ཝི་ནི་ཙྪ་ཡ་ཝ་ཎྞ་ནཱ་ཡ
ཁ་ནྡྷ་ཀ་ཀ་ཐཱ་ཝ་ཎྞ་ནཱ ནི་ཊྛི་ཏཱ.