པ་ཎྞ་བྷེ་ས་ཛྫ་ཀ་ཐཱ

པ་ཎྞ་བྷེ་ས་ཛྫ་ཀ་ཐཱ་ཡཾ ‘‘ཨ་ནུ་ཛཱ་ནཱ་མི, བྷི་ཀྑ་ཝེ, པ་ཎྞཱ་ནི བྷེ་ས་ཛྫཱ་ནི ནི་མྦ་པ་ཎྞཾ ཀུ་ཊ་ཛ་པ་ཎྞཾ པ་ཊོ་ལ་པ་ཎྞཾ ན་ཏྟ་མཱ་ལ་པ་ཎྞཾ ཕ་གྒ་ཝ་པ་ཎྞཾ སུ་ལ་སི་པ་ཎྞཾ ཀ་པྤཱ་ས་པ་ཎྞཾ, ཡཱ་ནི ཝཱ པ་ན་ཉྙཱ་ནི་པི ཨ་ཏྠི པ་ཎྞཱ་ནི བྷེ་ས་ཛྫཱ་ནི ནེ་ཝ ཁཱ་ད་ནཱི་ཡེ ཁཱ་ད་ནཱི་ཡ་ཏྠཾ ཕ་ར་ནྟི, ན བྷོ་ཛ་ནཱི་ཡེ བྷོ་ཛ་ནཱི་ཡ་ཏྠཾ ཕ་ར་ནྟི, ཏཱ་ནི པ་ཊི་གྒ་ཧེ་ཏྭཱ ཡཱ་ཝ་ཛཱི་ཝཾ པ་རི་ཧ་རི་ཏུཾ, ས་ཏི པ་ཙྩ་ཡེ པ་རི་བྷུ་ཉྫི་ཏུཾ, ཨ་ས་ཏི པ་ཙྩ་ཡེ པ་རི་བྷུ་ཉྫ་ནྟ་སྶ ཨཱ་པ་ཏྟི དུ་ཀྐ་ཊ་སྶཱ’’ཏི (མ་ཧཱ་ཝ. ༢༦༣) ཝ་ཙ་ན་ཏོ ཁཱ་ད་ནཱི་ཡ་བྷོ་ཛ་ནཱི་ཡ་ཏྠཾ ཨ་ཕ་ར་ནྟཱ་ནི ཏཱ་ནི་པི པ་ཎྞཱ་ནི པ་ཊི་གྒ་ཧེ་ཏྭཱ ཡཱ་ཝ་ཛཱི་ཝཾ པ་རི་ཧ་རི་ཏུཾ, ས་ཏི པ་ཙྩ་ཡེ པ་རི་བྷུ་ཉྫི་ཏུཾ ཝ་ཊྚ་ཏི. ཨ་ཙྪ་ཝ་སནྟི་ཨཱ་དཱི་སུ ནི་སྶ་གྒི་ཡ་ཝ་ཎྞ་ནཱ་ཡཾ (པཱ་རཱ. ཨ་ཊྛ. ༢.༦༢༣) ཝུ་ཏྟ་ན་ཡེ་ནེ་ཝ ཨ་ཏྠོ ཝེ་དི་ཏ་བྦོ. མཱུ་ལ་བྷེ་ས་ཛྫཱ་དི་ཝི་ནི་ཙྪ་ཡོ་པི ཁུ་དྡ་ཀ་ཝ་ཎྞ་ནཱ་ཡཾ ཝུ་ཏྟོ་ཡེ་ཝ, ཏ་སྨཱ ཨི་དྷ ཡཾ ཡཾ པུ་བྦེ ཨ་ཝུ་ཏྟཾ, ཏཾ ཏ་དེ་ཝ ཝ་ཎྞ་ཡི་སྶཱ་མ.