པི་ཊྛ་བྷེ་ས་ཛྫ་ཀ་ཐཱ

པི་ཊྛ་བྷེ་ས་ཛྫ་ཀ་ཐཱ་ཡཾ ‘‘ཨ་ནུ་ཛཱ་ནཱ་མི, བྷི་ཀྑ་ཝེ, ནི་ས་དཾ ནི་ས་ད་པོ་ཏ་ཀ’’ནྟི (མ་ཧཱ་ཝ. ༢༦༣) ཝ་ཙ་ན་ཏོ པི་སི་ཏེ་ཧི ཙུ་ཎྞ་ཀ་ཏེ་ཧི མཱུ་ལ་བྷེ་ས་ཛྫེ་ཧི ཨ་ཏྠེ ས་ཏི ནི་ས་ད་ཉྩ ནི་ས་ད་པོ་ཏ་ཀ་ཉྩ པ་རི་ཧ་རི་ཏུཾ ཝ་ཊྚ་ཏི. ཏ་ཏྠ ནི་ས་དཾ ནི་ས་ད་པོ་ཏ་ཀནྟི པི་ས་ན་སི་ལཱ ཙ པི་ས་ན་པོ་ཏོ ཙ. ནི་ས་ད་ནྟི པི་ས་ནྟི ཙུ་ཎྞ་ཝི་ཙུ་ཎྞཾ ཀ་རོ་ནྟི མཱུ་ལ་བྷེ་ས་ཛྫཱ་ད་ཡོ ཨེ་ཏྠཱ་ཏི ནི་ས་དཾ, པི་ས་ན་སི་ལཱ. ནི་ས་ད་ནྟི པི་ས་ནྟི ཙུ་ཎྞ་ཝི་ཙུ་ཎྞཾ ཀ་རོ་ནྟི མཱུ་ལ་བྷེ་ས་ཛྫཱ་ད་ཡོ ཨེ་ཏེ་ནཱ་ཏི ནི་ས་དཾ, པོ་སེ་ཏ་བྦོ་ཏི པོ་ཏོ, དཱ་ར་ཀོ. ཁུ་དྡ་ཀ་པྤ་མཱ་ཎ་ཏཱ་ཡ པོ་ཏོ ཝི་ཡཱ་ཏི པོ་ཏོ, ནི་ས་ད་ཉྩ ཏཾ པོ་ཏོ ཙཱ་ཏི ནི་ས་ད་པོ་ཏོ, ཏཾ ནི་ས་ད་པོ་ཏ་ཀཾ. ནི་པུ་བྦ་ས་ད ཙུ་ཎྞ་ཀ་ར་ཎེ་ཏི དྷཱ་ཏུ.