མ་ཧཱ་པ་དེ་ས་ཀ་ཐཱ

༦༧. མ་ཧཱ་པ་དེ་ས་ཀ་ཐཱ་ཡཾ མ་ཧཱ་པ་དེ་སཱ ནཱ་མ ཨ་པྤ་ཊི་ཀྑི་ཏྟཱ དྭེ, ཨ་ན་ནུ་ཉྙཱ་ཏཱ དྭེ་ཏི ཙ་ཏྟཱ་རོ་ཏི ད་སྶེ་ནྟོ ‘‘ཡཾ བྷི་ཀྑ་ཝེ’’ཏི་ཨཱ་དི་མཱ་ཧ. ཏེ་སུ ཨ་པྤ་ཊི་ཀྑི་ཏྟེ་པི ཨ་ཀ་པྤི་ཡཱ་ནུ་ལོ་མ་ཀ་པྤི་ཡཱ་ནུ་ལོ་མ་ཝ་སེ་ན དྭེ, ཏ་ཐཱ ཨ་ན་ནུ་ཉྙཱ་ཏེ་པཱི་ཏི.

ཏ་ཏྠ ‘‘པ་རི་མ་དྡ་ནྟཱཏི ཨུ་པ་པ་རི་ཀྑ་ནྟཱ. པ་ཊྚ་ཎྞུ་དེ་སེ ས་ཉྫཱ་ཏ་ཝ་ཏྠཾ པ་ཊྚུ་ཎྞཾ. ‘པ་ཊྚུ་ཎྞཾ ཀོ་སེ་ཡྻ་ཝི་སེ་སོ’ཏི ཧི ཨ་བྷི་དྷཱ་ན་ཀོ་སེ ཝུ་ཏྟཾ. ཙཱི་ན་དེ་སེ སོ་མཱ་ར་དེ་སེ ཙ ས་ཉྫཱ་ཏ་ཝ་ཏྠཱ་ནི ཙཱི་ན་སོ་མཱ་ར་པ་ཊཱ་ནི. པ་ཊྚུ་ཎྞཱ་དཱི་ནི ཏཱི་ཎི ཀོ་སེ་ཡྻ་སྶ ཨ་ནུ་ལོ་མཱ་ནི པཱ་ཎ་ཀེ་ཧི ཀ་ཏ་སུ་ཏྟ་མ་ཡ་ཏྟཱ. ཨི་དྡྷི་མ་ཡཾ ཨེ་ཧི་བྷི་ཀྑཱུ་ནཾ པུ་ཉྙི་དྡྷི་ཡཱ ནི་བྦ་ཏྟ་ཙཱི་ཝ་རཾ, ཏཾ ཁོ་མཱ་དཱི་ནཾ ཨ་ཉྙ་ཏ་རཾ ཧོ་ཏཱི་ཏི ཏེ་སཾ་ཡེ་ཝ ཨ་ནུ་ལོ་མཾ. དེ་ཝ་ཏཱ་ཧི དི་ནྣ་ཙཱི་ཝ་རཾ དེ་ཝ་ད་ཏྟི་ཡཾ, ཏཾ ཀ་པྤ་རུ་ཀྑེ ནི་བྦ་ཏྟཾ ཛཱ་ལི་ནི་ཡཱ དེ་ཝ་ཀ་ཉྙཱ་ཡ ཨ་ནུ་རུ་དྡྷ་ཏྠེ་ར་སྶ དི་ནྣ་ཝ་ཏྠ་ས་དི་སཾ, ཏ་མྤི ཁོ་མཱ་དཱི་ནཾ་ཡེ་ཝ ཨ་ནུ་ལོ་མཾ ཧོ་ཏི ཏེ་སུ ཨ་ཉྙ་ཏ་ར་བྷཱ་ཝ་ཏོ. དྭེ པ་ཊཱ་ནི དེ་ས་ནཱ་མེ་ན ཝུ་ཏྟཱ་ནཱིཏི ཏེ་སཾ ས་རཱུ་པ་ད་སྶ་ན་མ་ཏྟ་མེ་ཏཾ, ནཱ་ཉྙ་ནི་ཝ་ཏྟ་ན་པ་དཾ པ་ཊྚུ་ཎྞ་པ་ཊྚ་སྶ་པི དེ་ས་ནཱ་མེ་ནེ་ཝ ཝུ་ཏྟ་ཏྟཱ. ཏུ་མྦཱཏི ཏཱི་ཎི བྷཱ་ཛ་ནཱ་ནི. ཕ་ལ་ཀ་ཏུ་མྦོ ལཱ་བུ་ཨཱ་དི. ཨུ་ད་ཀ་ཏུ་མྦོ ཨུ་ད་ཀུ་ཀྑི་པ་ན་ཀུ་ཊ་ཀོ. ཀི་ལ་ཉྫ་ཙྪ་ཏྟནྟི ཝེ་ལུ༹་ཝི་ལཱི་ཝེ་ཧི ཝཱ་ཡི་ཏྭཱ ཀ་ཏ་ཚ་ཏྟ’’ནྟི སཱ་ར་ཏྠ་དཱི་པ་ནི་ཡཾ (སཱ་ར་ཏྠ. ཊཱི. མ་ཧཱ་ཝ་གྒ ༣.༣༠༥) ཝུ་ཏྟཾ.

‘‘ཡཱ་ཝ་ཀཱ་ལི་ཀ་པ་ཀྐཱ་ནནྟི པ་ཀྐེ ས་ནྡྷཱ་ཡ ཝུ་ཏྟཾ. ཨཱ་མཱ་ནི པ་ན ཨ་ནུ་པ་ས་མྤ་ནྣེ་ཧི སཱི་ཏུ་ད་ཀེ མ་དྡི་ཏྭཱ པ་རི་སྶཱ་ཝེ་ཏྭཱ དི་ནྣ་པཱ་ནཾ པ་ཙྪཱ་བྷ་ཏྟ་མྤི ཀ་པྤ་ཏི ཨེ་ཝ. ཨ་ཡ་ཉྩ ཨ་ཏྠོ མ་ཧཱ་ཨ་ཊྛ་ཀ་ཐཱ་ཡཾ ས་རཱུ་པ་ཏོ ཨ་ཝུ་ཏྟོ་ཏི ཨཱ་ཧ ‘ཀུ་རུ་ནྡི་ཡཾ པ་ནཱ’ཏི་ཨཱ་དི. ཨུ་ཙྪུ་ར་སོ ནི་ཀ་ས་ཊོཏི ཨི་དཾ པཱ་ཏ་བྦ་ཏཱ་སཱ་མ་ཉྙེ་ན ཡཱ་མ་ཀཱ་ལི་ཀ་ཀ་ཐཱ་ཡཾ ཝུ་ཏྟཾ, ཏཾ པ་ན ས་ཏྟཱ་ཧ་ཀཱ་ལི་ཀ་མེ་ཝཱ་ཏི ག་ཧེ་ཏ་བྦཾ. ཨི་མེ ཙ་ཏྟཱ་རོ ར་སཱཏི ཕ་ལ་པ་ཏྟ་པུ་པྥ་ཨུ་ཙྪུ་ར་སཱ ཙ་ཏྟཱ་རོ’’ཏི ཝི་མ་ཏི་ཝི་ནོ་ད་ནི་ཡཾ (ཝི. ཝི. ཊཱི. མ་ཧཱ་ཝ་གྒ ༢.༣༠༠) ཝུ་ཏྟཾ. ‘‘དྭེ པ་ཊཱ དེ་ས་ནཱ་མེ་ནེ་ཝཱཏི ཙཱི་ན་པ་ཊ་སོ་མཱ་ར་པ་ཊཱ་ནི. ཏཱི་ཎཱིཏི པ་ཊྚུ་ཎྞེ་ན ས་ཧ ཏཱི་ཎི. ཨི་དྡྷི་མ་ཡཾ ཨེ་ཧི་བྷི་ཀྑཱུ་ནཾ ནི་བྦ་ཏྟཾ. དེ་ཝ་ད་ཏྟི་ཡཾ ཨ་ནུ་རུ་དྡྷ་ཏྠེ་རེ་ན ལ་དྡྷ’’ནྟི ཝ་ཛི་ར་བུ་དྡྷི་ཊཱི་ཀཱ་ཡཾ (ཝ་ཛི་ར. ཊཱི. མ་ཧཱ་ཝ་གྒ ༣༠༥).