ད་ས་བྷཱ་ག་ཀ་ཐཱ

༦༥. ད་ས་བྷཱ་ག་ཀ་ཐཱ་ཡཾ ས་ངྒྷི་ཀཱ་ནཱིཏི ས་ངྒྷ་ས་ནྟ་ཀཱ་ནི བཱི་ཛཱ་ནི. པུ་གྒ་ལི་ཀཱ་ཡཱཏི པུ་གྒ་ལ་སྶ ས་ནྟ་ཀཱ་ཡ བྷཱུ་མི་ཡཱ. བྷཱ་གཾ ད་ཏྭཱཏི མཱུ་ལ་བྷཱ་ག་ས་ངྑཱ་ཏཾ ད་ས་མ་བྷཱ་གཾ བྷཱུ་མི་སཱ་མི་ཀཱ་ནཾ ད་ཏྭཱ. པ་རི་བྷུ་ཉྫི་ཏ་བྦཱ་ནཱིཏི ཏེ་སཾ བཱི་ཛཱ་ནཾ ཕ་ལཱ་ནི རོ་པ་ཀེ་ཧི པ་རི་བྷུ་ཉྫི་ཏ་བྦཱ་ནཱི་ཏི ཨ་ཏྠོ. སེ་སཾ སུ་ཝི་ཉྙེ་ཡྻ་མེ་ཝ. ཨི་དཾ ཀི་ར ཛ་མྦུ་དཱི་པེ པོ་རཱ་ཎ་ཀ་ཙཱ་རི་ཏྟནྟི ཨཱ་དི་ཀ་པྤ་ཀཱ་ལེ པ་ཋ་མ་ཀ་པྤི་ཀཱ མ་ནུ་སྶཱ བོ་དྷི་ས་ཏྟཾ མ་ཧཱ་ས་མྨ་ཏཾ ནཱ་མ རཱ་ཛཱ་ནཾ ཀ་ཏྭཱ ས་བྦེ་པི ཨ་ཏྟ་ནོ ཨ་ཏྟ་ནོ ཏ་ཎྜུ་ལ་ཕ་ལ་སཱ་ལི་ཁེ་ཏྟ་ཏོ པ་ཝ་ཏྟ་ཏ་ཎྜུ་ལ་ཕ་ལཱ་ནི ད་ས ཀོ་ཊྛཱ་སེ ཀ་ཏྭཱ ཨེ་ཀཾ ཀོ་ཊྛཱ་སཾ བྷཱུ་མི་སཱ་མི་ཀ་བྷཱུ་ཏ་སྶ མ་ཧཱ་ས་མྨ་ཏ་རཱ་ཛི་ནོ ད་ཏྭཱ པ་རི་བྷུ་ཉྫིཾ་སུ. ཏ་ཏོ པ་ཊྛཱ་ཡ ཛ་མྦུ་དཱི་པི་ཀཱ་ནཾ མ་ནུ་སྶཱ་ནཾ ཙཱ་རི་ཏ་ཏྟཱ ཝུ་ཏྟཾ. ཏེ་ནེ་ཝ སཱ་ར་ཏྠ་དཱི་པ་ནཱི་ནཱ་མི་ཀཱ་ཡ་མྤི ཝི་ན་ཡ་ཊཱི་ཀཱ་ཡཾ (ཝ་ཛི་ར. ཊཱི. མ་ཧཱ་ཝ་གྒ ༣༠༤) ‘‘ད་ས་བྷཱ་གཾ ད་ཏྭཱཏི ད་ས་མ་བྷཱ་གཾ ད་ཏྭཱ. ཏེ་ནེ་ཝཱ་ཧ ‘ད་ས ཀོ་ཊྛཱ་སེ ཀ་ཏྭཱ ཨེ་ཀོ ཀོ་ཊྛཱ་སོ བྷཱུ་མི་སཱ་མི་ཀཱ་ནཾ དཱ་ཏ་བྦོ’ཏི’’ ཝུ་ཏྟཾ.