ས་ནྟ་རུ་ཏྟ་ར་ཀ་ཐཱ

༦༡. ས་ནྟ་རུ་ཏྟ་ར་ཀ་ཐཱ་ཡཾ ཨ་ནྟ་ར-ས་དྡོ མ་ཛ྄ཛྷ་ཝཱ་ཙ་ཀོ. ཝ་ས་ཏི སཱི་ལེ་ནཱ་ཏི ཝཱ་ས་ཀོ, ‘‘ཨ་ནྟ་རེ ཝཱ་ས་ཀོ ཨ་ནྟ་ར་ཝཱ་ས་ཀོ’’ཏི ཝ་ཏྟ་བྦེ ‘‘རཱུ་པ་བྷ་ཝོ རཱུ་པ’’ནྟི་ཨཱ་དཱི་སུ ཝི་ཡ ཨུ་ཏྟ་ར་པ་ད་ལོ་པཱི་ས་མཱ་ས་ཝ་སེ་ན ‘‘ཨ་ནྟ་རོ’’ཏི ཝུ་ཏྟོ. ཨུ་ཏྟ་ར་ས་དྡོ ཨུ་པ་རི་ཝཱ་ཙ་ཀོ, ཨཱ་བྷུ་སོ ས་ཛྫ་ཏཱི་ཏི ཨཱ་ས་ངྒོ, ‘‘ཨུ་ཏྟ་རེ ཨཱ་ས་ངྒོ ཨུ་ཏྟ་རཱ་ས་ངྒོ’’ཏི ཝ་ཏྟ་བྦེ ཝུ་ཏྟ་ན་ཡེ་ན ‘‘ཨུ་ཏྟ་རོ’’ཏི ཝུ་ཏྟོ, ཨ་ནྟ་རོ ཙ ཨུ་ཏྟ་རོ ཙ ཨ་ནྟ་རུ་ཏྟ་རཱ, ས་ཧ ཨ་ནྟ་རུ་ཏྟ་རེ་ཧི ཡོ ཝ་ཏྟ་ཏཱི་ཏི ས་ནྟ་རུ་ཏྟ་རོ, ས་ཧ་པུ་བྦ་པ་ད་བྷི་ནྣཱ་དྷི་ཀ་ར་ཎ་དྭི་པ་ད་བ་ཧུ་བྦཱི་ཧི་ས་མཱ་སོ. ཨ་ཐ ཝཱ ས་ཧ ཨ་ནྟ་རེ་ན ཙ ཨུ་ཏྟ་རེ་ན ཙ ཡོ ཝ་ཏྟ་ཏཱི་ཏི ས་ནྟ་རུ་ཏྟ་རོ, ཏི་པ་ད་བ་ཧུ་བྦཱི་ཧི་ས་མཱ་སོ. ས་ངྒྷཱ་ཊིཾ ཋ་པེ་ཏྭཱ ཨ་ནྟ་ར་ཝཱ་ས་ཀ་ཨུ་ཏྟ་རཱ་ས་ངྒ་མ་ཏྟ་དྷ་རོ ཧུ་ཏྭཱ གཱ་མོ ན པ་ཝི་སི་ཏ་བྦོ་ཏི ཨ་ཏྠོ. ‘‘པ་རི་བྦཱ་ཛ་ཀ་མ་ད་ཀྑི ཏི་ད་ཎྜ་ཀེ་ནཱ’’ཏི་ཨཱ་དཱི་སུ ཝི་ཡ ཨི་ཏྠ་མྦྷཱུ་ཏ་ལ་ཀྑ་ཎེ ཙེ་ཏཾ ཀ་ར་ཎ་ཝ་ཙ་ནཾ, ཏ་སྨཱ ཨ་ནྟ་ར་ཝཱ་ས་ཀཾ ཏི་མ་ཎྜ་ལཾ པ་ཊི་ཙྪཱ་དེ་ནྟེ་ན པ་རི་མ་ཎྜ་ལཾ ནི་ཝཱ་སེ་ཏྭཱ ཀཱ་ཡ་བ་ནྡྷ་ནཾ བ་ནྡྷི་ཏྭཱ ས་ངྒྷཱ་ཊི་ཉྩ ཨུ་ཏྟ་རཱ་ས་ངྒ་ཉྩ དི་གུ་ཎཾ ཀ་ཏྭཱ པཱ་རུ་པི་ཏྭཱ གཱ་མོ པ་ཝི་སི་ཏ་བྦོ.