ཚི་ནྣ་ཙཱི་ཝ་ར་ཀ་ཐཱ

ཚི་ནྣ་ཙཱི་ཝ་ར་ཀ་ཐཱ་ཡཾ ཏཱི་སུ པ་ན ཙཱི་ཝ་རེ་སུ དྭེ ཝཱ ཨེ་ཀཾ ཝཱ ཚི་ནྡི་ཏྭཱ ཀཱ་ཏ་བྦནྟི ཨེ་ཏྠ ‘‘ཨ་ནུ་ཛཱ་ནཱ་མི, བྷི་ཀྑ་ཝེ, ཚི་ནྣ་ཀཾ ས་ངྒྷཱ་ཊིཾ ཚི་ནྣ་ཀཾ ཨུ་ཏྟ་རཱ་ས་ངྒཾ ཚི་ནྣ་ཀཾ ཨ་ནྟ་ར་ཝཱ་ས་ཀ’’ནྟི (མ་ཧཱ་ཝ. ༣༤༥) ཝ་ཙ་ན་ཏོ པ་ཉྩ་ཁ་ཎྜ་ས་ཏྟ་ཁ་ཎྜཱ་དི་ཝ་སེ་ན ཚི་ནྡི་ཏྭཱ་ཝ ཀཱ་ཏ་བྦཾ, ན ཨ་ཙྪི་ནྡི་ཏྭཱ་ཏི ཨ་ཏྠོ. ས་ཙེ ན་པྤ་ཧོ་ཏི, ཨཱ་ག་ནྟུ་ཀ་པ་ཊྚཾ དཱ་ཏ་བྦནྟི ཨེ་ཏྠ ཡ་དི ཚི་ནྡི་ཏྭཱ ཀ་ཏེ ཏི་ཎྞ་མྤི ཙཱི་ཝ་རཱ་ནཾ ཨ་ཏྠཱ་ཡ སཱ་ཊ་ཀོ ན་པྤ་ཧོ་ཏི, དྭེ ཙཱི་ཝ་རཱ་ནི ཚི་ནྣ་ཀཱ་ནི ཀཱ་ཏ་བྦཱ་ནི, ཨེ་ཀཾ ཙཱི་ཝ་རཾ ཨ་ཙྪི་ནྣ་ཀཾ ཀ་ཏྟ་བྦཾ. དྭཱི་སུ ཙཱི་ཝ་རེ་སུ ཚི་ནྡི་ཏྭཱ ཀ་ཏེ་སུ སཱ་ཊ་ཀོ ན་པྤ་ཧོ་ཏི, དྭེ ཙཱི་ཝ་རཱ་ནི ཨ་ཙྪི་ནྣ་ཀཱ་ནི, ཨེ་ཀཾ ཙཱི་ཝ་རཾ ཚི་ནྣ་ཀཾ ཀཱ་ཏ་བྦཾ. ཨེ་ཀ་སྨི་མྤི ཙཱི་ཝ་རེ ཚི་ནྡི་ཏྭཱ ཀ་ཏེ སཱ་ཊ་ཀོ ན་པྤ་ཧོ་ཏི, ཨེ་ཝཾ ས་ཏི ཨ་ཙྪི་ནྡི་ཏྭཱ ཨཱ་ག་ནྟུ་ཀ་པ་ཊྚཾ དཱ་ཏ་བྦ་ནྟི ཨ་ཏྠོ. ཏ་མ་ཏྠཾ པཱ་ལི༹་ཡཱ སཱ་དྷེ་ཏུཾ ‘‘ཝུ་ཏྟ་ཉྷེ་ཏ’’ནྟི་ཨཱ་དི་མཱ་ཧ. ཏ་ཏྠ ཨ་ནྭཱ་དྷི་ཀ་མྤི ཨཱ་རོ་པེ་ཏུནྟི ཨེ་ཝཾ ཨ་པྤ་ཧོ་ནྟེ ས་ཏི ཨཱ་ག་ནྟུ་ཀ་པ་ཊྚ་མྤི ཨཱ་རོ་པེ་ཏུཾ ཨ་ནུ་ཛཱ་ནཱ་མཱི་ཏི ཨ་ཏྠོ.