ཁི་པི་ཏ་ཀ་ཐཱ

༤༨. ཁི་པི་ཏ་ཀ་ཐཱ་ཡཾ ཁི་པཱི་ཡི་ཏྠཱ་ཏི ཁི་པི་ཏོ. ཁི་པི ཨ་བྱ་ཏྟ་ས་དྡེ་ཏི དྷཱ་ཏུ. བྷཱ་ཝེ་ན་བྷཱ་ཝ་ལ་ཀྑ་ཎ་ཏྟཱ ཏ་སྨིཾ ཁི་པི་ཏེཏི ཝི་བྷ་ཏྱ་ནྟཾ. ‘‘ཡ་སྨིཾ ཀི་སྨི་ཉྩི པུ་གྒ་ལེ’’ཏི ལ་ཀྑ་ཎ་ཝ་ནྟ་ཀ་ཏྟཱ ཨ་ཛ྄ཛྷཱ་ཧ་རི་ཏ་བྦོ. ཛཱི་ཝཱཏི ཛཱི་ཝ པཱ་ཎ་དྷཱ་ར་ཎེ་ཏི དྷཱ་ཏུ, ཝི་བྷ་ཏྟི་ལོ་པོ. ཡ་སྨིཾ ཀི་སྨི་ཉྩི པུ་གྒ་ལེ ཁི་པི་ཏེ བྷི་ཀྑུ་ནཱ ‘‘ཛཱི་ཝཱ’’ཏི ཝ་ཙ་ནཾ ན ཝ་ཏྟ་བྦཾ, བྷི་ཀྑུ་སྨིཾ ཁི་པི་ཏེ གི་ཧི་ནཱ ‘‘ཛཱི་ཝ་ཐ བྷ་ནྟེ’’ཏི ཝུ་ཙྩ་མཱ་ནེ ས་ཏི ‘‘ཙི་རཾ ཛཱི་ཝཱ’’ཏི བྷི་ཀྑུ་ནཱ ཝ་ཏྟུཾ ཝ་ཊྚ་ཏཱི་ཏི ཡོ་ཛ་ནཱ. ‘‘ཝུ་ཙྩ་མཱ་ནེ’’ཏི ཨེ་ཏྠ པ་ན ལ་ཀྑ་ཎ་སྶ ཀ་མྨ་ཝཱ་ཙ་ཀ་ཏྟཱ ཏེ་ན ས་མཱ་ནཱ་དྷི་ཀ་ར་ཎཾ ཀ་མྨ་བྷཱུ་ཏཾ ‘‘བྷི་ཀྑུ་སྨི’’ནྟི ལ་ཀྑ་ཎ་ཝ་ནྟ་ཀ་མྨཾ ཨ་ཛ྄ཛྷཱ་ཧ་རི་ཏ་བྦཾ ཡ་ཐཱ ཀིཾ ‘‘གོ་སུ དུ་ཡ྄ཧ་མཱ་ནཱ་སུ པུ་རི་སོ ཨཱ་ག་ཏོ’’ཏི. ཨ་པ་རེ པ་ན ཨཱ་ཙ་རི་ཡཱ ཨཱི་དི་སེ་སུ ཋཱ་ནེ་སུ ‘‘ས་ནྟེ་སཱུ’’ཏི པ་དཾ ཨ་ཛ྄ཛྷཱ་ཧ་རི་ཏྭཱ ཨི་ད་མེ་ཝ ལ་ཀྑ་ཎ་པ་དཾ, ‘‘གོ་སུ དུ་ཡ྄ཧ་མཱ་ནཱ་སཱུ’’ཏི པ་ད་དྭ་ཡཾ པ་ན ‘‘ས་ནྟེ་སཱུ’’ཏི ཨེ་ཏྠ པ་ཀ་ཏི་ཝི་ཀ་ཏི་ཝ་སེ་ན ཀ་ཏྟཱ ཨེ་ཝཱ་ཏི ཝ་ད་ནྟི, ཝཱི་མཾ་སི་ཏྭཱ ག་ཧེ་ཏ་བྦཾ.