གུ་ལ༹་ཀ་ཐཱ

གུ་ལ༹་ཀ་ཐཱ་ཡཾ ‘‘ཨ་ནུ་ཛཱ་ནཱ་མི, བྷི་ཀྑ་ཝེ, གི་ལཱ་ན་སྶ གུ་ལ༹ཾ, ཨ་གི་ལཱ་ན་སྶ གུ་ལོ༹་ད་ཀ’’ནྟི (མ་ཧཱ་ཝ. ༢༨༤) ཝ་ཙ་ན་ཏོ གི་ལཱ་ནོ བྷི་ཀྑུ གུ་ལ༹་པི་ཎྜཾ ཝི་ཀཱ་ལེ་པི ཁཱ་དི་ཏུཾ ཝ་ཊྚ་ཏི. ཨ་གི་ལཱ་ནོ པ་ན ཨུ་ད་ཀ་ས་མྦྷི་ནྣཾ ཀ་ཏྭཱ གུ་ལོ༹་ད་ཀ་པ་རི་བྷོ་གེ་ན པ་རི་བྷུ་ཉྫི་ཏུཾ ཝ་ཊྚ་ཏི. ‘‘གི་ལཱ་ན་སྶ གུ་ལ༹ནྟི ཏ་ཐཱ་རཱུ་པེ་ན བྱཱ་དྷི་ནཱ གི་ལཱ་ན་སྶ པ་ཙྪཱ་བྷ་ཏྟཾ གུ་ལ༹ཾ ཨ་ནུ་ཛཱ་ནཱ་མཱི་ཏི ཨ་ཏྠོ’’ཏི ཨ་ཊྛ་ཀ་ཐཱ་ཡཾ (མ་ཧཱ་ཝ. ཨ་ཊྛ. ༢༨༤) ཝུ་ཏྟཾ. ‘‘ཏ་ཐཱ་རཱུ་པེ་ན བྱཱ་དྷི་ནཱ’’ཏི ཝུ་ཏྟ་ཏྟཱ ཡ་ཐཱ་རཱུ་པེ་ན བྱཱ་དྷི་ནཱ གི་ལཱ་ན་སྶ གུ་ལོ༹ པ་རི་བྷུ་ཉྫི་ཏ་བྦོ ཧོ་ཏི, ཏ་ཐཱ་རཱུ་པེ་ན ཨེ་ཝ བྱཱ་དྷི་ནཱ གི་ལཱ་ན་སྶཱ་ཏི ཝུ་ཏྟཾ ཝི་ཡ དི་སྶ་ཏི, ཝཱི་མཾ་སི་ཏྭཱ ག་ཧེ་ཏ་བྦཾ.

ཨེ་ཏྟ་ཀཱ་སུ ཀ་ཐཱ་སུ ཡཱ ཡཱ སཾ་ཝ་ཎྞེ་ཏ་བྦ་པྤ་ཀ་ར་ཎེ ན དི་སྶ་ཏི, སཱ སཱ ཨ་མྷེ་ཧི པེ་ས་ལཱ་ནཾ བྷི་ཀྑཱུ་ནཾ ཀོ་ས་ལླ་ཏྠཾ པཱ་ལི༹་ཏོ ཙ ཨ་ཊྛ་ཀ་ཐཱ་ཏོ ཙ ག་ཧེ་ཏྭཱ ཊཱི་ཀཱ་ཙ་རི་ཡཱ་ནཾ ཝ་ཙ་ནེ་ཧི ཨ་ལ་ངྐ་རི་ཏྭཱ ཋ་པི་ཏཱ, ཏ་སྨཱ ནི་ཀྐ་ངྑཱ ཧུ་ཏྭཱ པ་ཎྜི་ཏཱ ཨུ་པ་དྷཱ་རེ་ནྟུ.