ཨ་བྷི་ས་ནྣ་ཀཱ་ཡ་ཀ་ཐཱ

ཨ་བྷི་ས་ནྣ་ཀཱ་ཡ་ཀ་ཐཱ་ཡཾ ‘‘ཨ་ནུ་ཛཱ་ནཱ་མི, བྷི་ཀྑ་ཝེ, ཝི་རེ་ཙ་ནཾ པཱ་ཏུ’’ནྟི (མ་ཧཱ་ཝ. ༢༦༩) ཝ་ཙ་ན་ཏོ ཨ་བྷི་ས་ནྣ་ཀཱ་ཡ་སྶ བྷི་ཀྑུ་ནོ ཝི་རེ་ཙ་ནཾ པཱ་ཏུཾ ཝ་ཊྚ་ཏི. ཏ་ཏྠ ཨ་བྷི་ས་ནྣ་ཀཱ་ཡོཏི ཨུ་སྶ་ནྣ་དོ་ས་ཀཱ་ཡོ. ཨ་ཙྪ་ཀ་ཉྫི་ཡཱ ཨ་ཏྠོ ཧོ་ཏི, ‘‘ཨ་ནུ་ཛཱ་ནཱ་མི, བྷི་ཀྑ་ཝེ, ཨ་ཙྪ་ཀ་ཉྫི་ཡ’’ནྟི (མ་ཧཱ་ཝ. ༢༦༩) ཝ་ཙ་ན་ཏོ ཨ་ཙྪ་ཀ་ཉྫི་ཡཾ པཱ་ཏུཾ ཝ་ཊྚ་ཏི. ཏ་ཏྠ ཨ་ཙྪ་ཀ་ཉྫི་ཡནྟི ཏ་ཎྜུ་ལོ་ད་ཀ་མ་ཎྜོ. ཨ་ཀ་ཊ་ཡཱུ་སེ་ན ཨ་ཏྠོ ཧོ་ཏི, ‘‘ཨ་ནུ་ཛཱ་ནཱ་མི, བྷི་ཀྑ་ཝེ, ཨ་ཀ་ཊ་ཡཱུ་ས’’ནྟི (མ་ཧཱ་ཝ. ༢༦༩) ཝ་ཙ་ན་ཏོ ཨ་ཀ་ཊ་ཡཱུ་སཾ པཱ་ཏུཾ ཝ་ཊྚ་ཏི. ཏ་ཏྠ ཨ་ཀ་ཊ་ཡཱུ་སནྟི ཨ་སི་ནི་དྡྷོ མུ་གྒ་པ་ཙི་ཏ་པཱ་ནཱི་ཡོ. སཱ་ར་ཏྠ་དཱི་པ་ནི་ཡཾ (སཱ་ར་ཏྠ. ཊཱི. མ་ཧཱ་ཝ་གྒ ༣.༢༦༩) པ་ན ཝི་མ་ཏི་ཝི་ནོ་ད་ནི་ཡ་ཉྩ (ཝི. ཝི. ཊཱི. མ་ཧཱ་ཝ་གྒ ༢.༢༦༧-༢༦༩) ‘‘ཨ་ཀ་ཊ་ཡཱུ་སེ་ནཱཏི ཨ་ན་བྷི་ས་ངྑ་ཏེ་ན མུ་གྒ་ཡཱུ་སེ་ནཱ’’ཏི ཝུ་ཏྟཾ. ཀ་ཊཱ་ཀ་ཊེ་ན ཨ་ཏྠོ ཧོ་ཏི, ‘‘ཨ་ནུ་ཛཱ་ནཱ་མི, བྷི་ཀྑ་ཝེ, ཀ་ཊཱ་ཀ་ཊ’’ནྟི (མ་ཧཱ་ཝ. ༢༦༩) ཝ་ཙ་ན་ཏོ ཀ་ཊཱ་ཀ་ཊཾ པཱ་ཡེ་ཏུཾ ཝ་ཊྚ་ཏི. ཏ་ཏྠ ཀ་ཊཱ་ཀ་ཊནྟི སོ་ཝ དྷོ་ཏ་སི་ནི་དྡྷོ. སཱ་ར་ཏྠ་དཱི་པ་ནི་ཡཾ (སཱ་ར་ཏྠ. ཊཱི. མ་ཧཱ་ཝ་གྒ ༣.༢༦༩) ཝི་མ་ཏི་ཝི་ནོ་ད་ནི་ཡ་ཉྩ (ཝི. ཝི. ཊཱི. མ་ཧཱ་ཝ་གྒ ༢.༢༦༧-༢༦༩) ‘‘ཀ་ཊཱ་ཀ་ཊེ་ནཱཏི མུ་གྒེ པ་ཙི་ཏྭཱ ཨ་ཙཱ་ལེ་ཏྭཱ་ཝ པ་རི་སྶཱ་ཝི་ཏེ་ན མུ་གྒ་ཡཱུ་སེ་ནཱ’’ཏི ཝུ་ཏྟཾ. པ་ཊི་ཙྪཱ་ད་ནཱི་ཡེ་ན ཨ་ཏྠོ ཧོ་ཏི, ‘‘ཨ་ནུ་ཛཱ་ནཱ་མི, བྷི་ཀྑ་ཝེ, པ་ཊི་ཙྪཱ་ད་ནཱི་ཡ’’ནྟི (མ་ཧཱ་ཝ. ༢༦༩) ཝ་ཙ་ན་ཏོ པ་ཊི་ཙྪཱ་ད་ནཱི་ཡཾ པཱ་ཏུཾ ཝ་ཊྚ་ཏི. ཏ་ཏྠ པ་ཊི་ཙྪཱ་ད་ནཱི་ཡེ་ནཱཏི མཾ་ས་ར་སེ་ན.