གྷ་ར་དི་ནྣ་ཀཱ་བཱ་དྷ་ཀ་ཐཱ

གྷ་ར་དི་ནྣ་ཀཱ་བཱ་དྷ་ཀ་ཐཱ་ཡཾ ‘‘ཨ་ནུ་ཛཱ་ནཱ་མི, བྷི་ཀྑ་ཝེ, སཱི་ཏཱ་ལོ་ལི༹ཾ པཱ་ཡེ་ཏུ’’ནྟི (མ་ཧཱ་ཝ. ༢༦༩) ཝ་ཙ་ན་ཏོ གྷ་ར་དི་ནྣ་ཀཱ་བཱ་དྷ་སྶ བྷི་ཀྑུ་ནོ སཱི་ཏཱ་ལོ་ལི༹ཾ པཱ་ཡེ་ཏུཾ ཝ་ཊྚ་ཏི. ཏ་ཏྠ གྷ་ར་དི་ནྣ་ཀཱ་བཱ་དྷོཏི ཝ་སཱི་ཀ་ར་ཎ་པཱ་ཎ་ཀ་ས་མུ་ཊྛི་ཏ་རོ་གོ. ཊཱི་ཀཱ་ཡཾ (སཱ་ར་ཏྠ. ཊཱི. མ་ཧཱ་ཝ་གྒ ༣.༢༦༩) པ་ན ‘‘གྷ་ར་དི་ནྣ་ཀཱ་བཱ་དྷོ ནཱ་མ ཝ་སཱི་ཀ་ར་ཎ་ཏྠཱ་ཡ གྷ་ར་ཎི་ཡཱ དི་ནྣ་བྷེ་ས་ཛྫ་ས་མུ་ཊྛི་ཏོ ཨཱ་བཱ་དྷོ. ཏེ་ནཱ་ཧ ‘ཝ་སཱི་ཀ་ར་ཎ་པཱ་ཎ་ཀ་ས་མུ་ཊྛི་ཏ་རོ་གོ’ཏི. གྷ་ར-ས་དྡོ ཙེ་ཏྠ ཨ་བྷེ་དེ་ན གྷ་ར་ཎི་ཡཱ ཝ་ཏྟ་མཱ་ནོ ཨ་དྷི་པྤེ་ཏོ’’ཏི ཝུ་ཏྟཾ. ཝི་མ་ཏི་ཝི་ནོ་ད་ནི་ཡ་མྤི (ཝི. ཝི. ཊཱི. མ་ཧཱ་ཝ་གྒ ༢.༢༦༧-༢༦༩) ‘‘གྷ་ར་དི་ནྣ་ཀཱ་བཱ་དྷོ ནཱ་མ གྷ་ར་ཎི་ཡཱ དི་ནྣ་ཝ་སཱི་ཀ་ར་ཎ་བྷེ་ས་ཛྫ་ས་མུ་ཊྛི་ཏོ ཨཱ་བཱ་དྷོ’’ཏི ཝུ་ཏྟཾ. སཱི་ཏཱ་ལོ་ལི༹ནྟི ན་ངྒ་ལེ་ན ཀ་ས་ནྟ་སྶ ཕཱ་ལེ ལ་གྒ་མ་ཏྟི་ཀཾ ཨུ་ད་ཀེ་ན ཨཱ་ལོ་ལེ༹་ཏྭཱ པཱ་ཡེ་ཏུཾ ཨ་ནུ་ཛཱ་ནཱ་མཱི་ཏི ཨ་ཏྠོ.