༢. ཝ་ཛྫ་པ་ཊི་ཙྪཱ་དི་ཀ་སི་ཀྑཱ་པ་ད་ཝ་ཎྞ་ནཱ

༦༦༦. དུ་ཏི་ཡེ པུ་རི་མེ་ནཱཏི་ཨཱ་དི སུ་ནྡ་རཱི་ན་ནྡཱ་ཡ ཝ་ཛྫ་པ་ཊི་ཙྪཱ་ད་ནེ པ་ཉྙ་ཏྟ་ཏཾ ས་ནྡྷཱ་ཡ ཝུ་ཏྟཾ. ‘‘ཨ་ཊྛ་ནྣ’’ནྟི ཝུ་ཏྟ་ཏྟཱ ཝ་ཛྫ་པ་ཊི་ཙྪཱ་ད་ན་སྶཱ་པི པ་ཊི་ཙྪཱ་ད་ནེ པཱ་རཱ་ཛི་ཀ་མེ་ཝཱ་ཏི ད་ཊྛ་བྦཾ. ‘‘དྷུ་རཾ ནི་ཀྑི་ཏྟ་མ་ཏྟེ’’ཏི ཝུ་ཏྟ་ཏྟཱ པ་ཎྞ་ཏྟིཾ ཨ་ཛཱ་ན་ནྟི་ཡཱ་པི ‘‘ཨི་དཾ ཝ་ཛྫཾ ན པ་ཀཱ་སེ་སྶཱ་མཱི’’ཏི ཚ་ནྡེ་ན དྷུ་རཾ ནི་ཀྑེ་པ་ཀྑ་ཎེ པཱ་རཱ་ཛི་ཀ་ནྟི ད་ཊྛ་བྦཾ. ཏཾ པ་ན པ་ཊི་ཙྪཱ་ད་ནཾ ཡ་སྨཱ ‘‘པེ་ས་ལཱ ཉ་ཏྭཱ ག་ར་ཧི་སྶ་ནྟཱི’’ཏི བྷ་ཡེ་ནེ་ཝ ཧོ་ཏི, བྷ་ཡ་ཉྩ ཀོ་དྷ་ཙི་ཏྟ་ས་མྤ་ཡུ་ཏྟཾ, ཏ་སྨཱ ཨི་དཾ ‘‘དུ་ཀྑ་ཝེ་ད་ན’’ནྟི ཝུ་ཏྟཾ. ཡཾ པ་ན སཱ་ར་ཏྠ་དཱི་པ་ནི་ཡཾ (སཱ་ར་ཏྠ. ཊཱི. པཱ་རཱ་ཛི་ཀ་ཀ་ཎྜ ༣.༦༦༦) ‘‘ཀི་ཉྩཱ་པི ཝ་ཛྫ་པ་ཊི་ཙྪཱ་ད་ནཾ པེ་མ་ཝ་སེ་ན ཧོ་ཏི, ཏ་ཐཱ་པི སི་ཀྑཱ་པ་ད་ཝཱི་ཏི་ཀྐ་མ་ཙི་ཏྟཾ དོ་མ་ན་སྶི་ཏ་མེ་ཝ ཧོ་ཏཱི’’ཏི ཨེ་ཝཾ པ་ཎྞ་ཏྟི་ཝཱི་ཏི་ཀྐ་མ་ཙི་ཏྟེ་ནེ་ཝ ཚཱ་ད་ནཾ དོ་མ་ན་སྶ་ཏྟེ ཀཱ་ར་ཎཾ ཝུ་ཏྟཾ, ཏཾ ཨ་ཀཱ་ར་ཎཾ པ་ཎྞ་ཏྟི་ཝི་ཛཱ་ན་ནཾ ཝི་ནཱ་པི ཨཱ་པ་ཛྫི་ཏ་བྦ་ཏོ་ཝ.

ཝ་ཛྫ་པ་ཊི་ཙྪཱ་དི་ཀ་སི་ཀྑཱ་པ་ད་ཝ་ཎྞ་ནཱ ནི་ཊྛི་ཏཱ.

༦༦༩. ཏ་ཏི་ཡཾ ཨུ་ཏྟཱ་ན་མེ་ཝ.