སེ་ད་མོ་ཙ་ན་གཱ་ཐཱ
ཨ་ཝི་པྤ་ཝཱ་ས་པ་ཉྷཱ་ཝ་ཎྞ་ནཱ
༤༧༩. སེ་ད་མོ་ཙ་ན་གཱ་ཐཱ་སུ ཨ་ཀ་པྤི་ཡ་ས་མྦྷོ་གོཏི ཨ་ནུ་པ་ས་མྤ་ནྣེ་ཧི ས་དྡྷིཾ ཀཱ་ཏུཾ པ་ཊི་ཀྑི་ཏྟོ ཨུ་པོ་ས་ཐཱ་དི་སཾ་ཝཱ་སོ ཨེ་ཝ ཝུ་ཏྟོ. པ་ཉྷཱ མེ་སཱཏི ཨེ་ཏྠ མ-ཀཱ་རོ པ་ད་ས་ནྡྷི་ཀ་རོ. ཨེ་སཱཏི ཙ ལི་ངྒ་ཝི་པ་ལླཱ་ས་ཝ་སེ་ན ཝུ་ཏྟཾ, པ་ཉྷོ ཨེ་སོ་ཏི ཨ་ཏྠོ. པ་ཉྷ-ས་དྡོ ཝཱ དྭི་ལི་ངྒོ ད་ཊྛ་བྦོ. ཏེ་ནཱ་ཧ ‘‘ཨེ་སཱ པ་ཉྷཱ’’ཏི་ཨཱ་དི.
ག་རུ་བྷ་ཎྜཾ ས་ནྡྷཱ་ཡཱཏི ག་རུ་བྷ་ཎྜེ་ན ག་རུ་བྷ་ཎྜ་པ་རི་ཝ་ཏྟ་ནཾ ས་ནྡྷཱ་ཡ. ད་སཱཏི ད་ས ཨ་ཝ་ནྡི་ཡ་པུ་གྒ་ལེ. ཨེ་ཀཱ་ད་སེཏི ཨ་བྷ་བྦ་པུ་གྒ་ལེ. སི་ཀྑཱ་ཡ ཨ་སཱ་དྷཱ་ར་ཎོཏི ཁུ་ར་བྷ་ཎྜཾ དྷཱ་རེ་ཏུཾ ཨ་ནུ་ཉྙཱ་ཏ་སི་ཀྑཱ་པ་དེ་ན བྷི་ཀྑཱུ་ཧི ཨ་སཱ་དྷཱ་ར་ཎ་སི་ཀྑཱ་པ་དོ་ཏི ཨ་ཏྠོ.
ཨུ་བྦྷ་ཀྑ་ཀེ ན ཝ་དཱ་མཱིཏི ཨ་ཀྑ་ཏོ ཨུ་དྡྷཾ སཱི་སེ ཋི་ཏ་མུ་ཁ་མ་གྒེ་པི པཱ་རཱ་ཛི་ཀཾ ས་ནྡྷཱ་ཡ ན ཝ་དཱ་མི. ཨ་དྷོ་ནཱ་བྷིནྟི ནཱ་བྷི་ཏོ ཧེ་ཊྛཱ ཋི་ཏ་ཝ་ཙྩ་པ་སྶཱ་ཝ་མ་གྒེ་པི ཝི་ཝ་ཛྫི་ཡ ཨ་ཉྙ་སྨིཾ ས་རཱི་ར་པྤ་དེ་སེ མེ་ཐུ་ན་དྷ་མྨ་པ་ཙྩ་ཡཱ ཀ་ཐཾ པཱ་རཱ་ཛི་ཀོ སི་ཡཱ་ཏི ཨ་ཏྠོ.
ཚེ་ཛྫ་ཝ་ཏྠུནྟི པཱ་རཱ་ཛི་ཀཾ.
ཨ་ཝི་པྤ་ཝཱ་ས་པ་ཉྷཱ་ཝ་ཎྞ་ནཱ ནི་ཊྛི་ཏཱ.
པཱ་རཱ་ཛི་ཀཱ་དི་པ་ཉྷཱ་ཝ་ཎྞ་ནཱ
༤༨༠. དུ་སྶ་ཀུ་ཊི་ཨཱ་དཱི་ནཱིཏི ཨཱ་དི-ས་དྡེ་ན ཨ་ཙྪ་ཏ་ར་ཏི་པུ་པ་ཊྚཱ་དཱི་ཧི, ཏི་ཎ་པ་ཎྞཱ་དཱི་ཧི ཙ པ་ཊི་ཙྪ་ནྣ་ཀུ་ཊི་ཡོ ས་ངྒ་ཎྷཱ་ཏི. ཏཱ་དི་སཱ་ཡ ཧི ཀུ་ཊི་ཡཱ བ་ཧི ཋ་ཏྭཱ ཨ་ནྟོ ཋི་ཏཱ་ཡ ཨི་ཏྠི་ཡཱ མ་གྒེ དུ་སྶཱ་དི་ནཱ ས་ནྠ་ཏཾ ཀ་ཏྭཱ པ་ཝེ་སེ་ནྟོ་པི པཱ་རཱ་ཛི་ཀོ སི་ཡཱ. ལི་ངྒ་པ་རི་ཝ་ཏྟཾ ས་ནྡྷཱ་ཡ ཝུ་ཏྟཱཏི ལི་ངྒེ པ་རི་ཝ་ཏྟེ པ་ཊི་གྒ་ཧ་ཎ་སྶ ཝི་ཛ་ཧ་ན་ཏོ པུ་ན ཨ་པྤ་ཊི་གྒ་ཧེ་ཏྭཱ པ་རི་བྷུ་ཉྫ་ནཱ་པ་ཏྟིཾ ས་ནྡྷཱ་ཡ ཝུ་ཏྟཾ.
པཱ་ལི༹་ཡཾ བྷི་ཀྑཱུ སི་ཡཱ ཝཱི་ས་ཏི་ཡཱ ས་མཱ་ག་ཏཱཏི ཝཱི་ས་ཏི་ཡཱ ས་ངྑཱ་ཏཱ་ཡ བྷི་ཀྑཱུ ས་མཱ་ག་ཏཱ, ཨེ་ཏེ་ན ས་བྦ་ཀ་མྨཱ་ར་ཧ་ཏཾ ས་ངྒྷ་སྶ ད་སྶེ་ཏི.
ནི་ཝ་ཏྠོཏི གཱ་ཐཱ་ཡ ཨ་ནྟ་ར་ཝཱ་ས་ཀེ་ན ནི་ཝ་ཏྠོ ཨུ་ཏྟ་རཱ་ས་ངྒེ་ན དི་གུ་ཎཾ ཀ་ཏྭཱ པཱ་རུ་ཏ་ས་ངྒྷཱ་ཊི་ཡོ. ཨི་ཏི ཏཱ་ནི ཏཱི་ཎི་པི ཙཱི་ཝ་རཱ་ནི ཀཱ་ཡེ ག་ཏཱ་ནེ་ཝ བྷི་ཀྑུ་ནི་ཡཱ བི་ནྡུ་མ་ཏྟཾ ཀཱ་ལ༹་ཀཾ ཨུ་ད་ཀེ་ན དྷོ་ཝི་ཏ་མ་ཏྟེ ནི་སྶ་གྒི་ཡཱ་ནི ཧོ་ནྟཱི་ཏི ཨ་ཏྠོ.
ཨི་ཏྠིཾ ཧ་ནེཏི གཱ་ཐཱ་ཡ ན མཱ་ཏུ་བྷཱུ་ཏཾ ཨི་ཏྠིཾ ཧ་ནེ་ཡྻ, ན པི་ཏུ་བྷཱུ་ཏཾ པུ་རི་སཾ ཧ་ནེ་ཡྻ. ཨ་ན་རི་ཡནྟི ཏ་ཉྩ ཨ་ན་ར་ཧ་ནྟ་མེ་ཝ ཧ་ནེ་ཡྻ, ཨེ་ཏེ་ན ཨ་ར་ཧ་ནྟ་གྷཱ་ཏ་ཀོ་པི ན ཧོ་ཏཱི་ཏི ད་སྶེ་ཏི. ཨ་ན་ནྟ་རཾ ཕུ་སེཏི ཨཱ་ན་ནྟ་རི་ཡཾ ཕུ་ས་ཏཱི་ཏི ཨ་ཏྠོ.
༤༨༡. སུ་པྤ་ཏི་ཊྛི་ཏ-ནི་གྲོ་དྷ་ས་དི་སནྟི ཡོ་ཛ་ན་ཝི་ཏྠ་ཏཾ རུ་ཀྑཾ ས་ནྡྷཱ་ཡ ཝུ་ཏྟཾ.
ས་ཏྟ་ར་ས་ཀེ་སཱུཏི བྷི་ཀྑུ་ནཱི་ནཾ པ་ཉྙ་ཏྟ་ས་ཏྟ་ར་ས་ས་ངྒྷཱ་དི་སེ་སེ་སུ.
པཱ་རཱ་ཛི་ཀཱ་དི་པ་ཉྷཱ་ཝ་ཎྞ་ནཱ ནི་ཊྛི་ཏཱ.