ཀ་ཐི་ན་བྷེ་དཾ
ཀ་ཐི་ན་ཨ་ཏྠ་ཏཱ་དི་ཝ་ཎྞ་ནཱ
༤༠༤. ཀ་ཐི་ནེ ཨ་ནཱ་ག་ཏ་ཝ་སེ་ནཱཏི ཨུ་ད་ཀཱ་ཧ་ར་ཎཱ་དི་པ་ཡོ་གེ ཨུ་པྤ་ནྣེ པ་ཙྪཱ དྷོ་ཝ་ནཱ་དི་པུ་བྦ་ཀ་ར་ཎ་སྶ ཨུ་པྤ་ཏྟི་ཏོ ཏ་པྤ་ཡོ་ག་སྶ ཨ་ནཱ་ག་ཏ་ཝ་སེ་ནེ་ཝ ཨ་ན་ནྟ་ར་པ་ཙྩ་ཡོ. པ་ཙྩ་ཡ་ཏྟ་ཉྩ་སྶ ཀཱ་རི་ཡ་བྷཱུ་ཏ་སྶ ཡ་སྨཱ ནི་པྥཱ་དེ་ཏ་བྦ་ཏཾ ནི་སྶཱ་ཡ པ་ཙྩ་ཡཱ པ་ཝ་ཏྟཱ, ན ཝི་ནཱ ཏེ་ན, ཏ་སྨཱ ཏེ་ན པ་རི་ཡཱ་ཡེ་ན ཝུ་ཏྟཾ, ན ས་བྷཱ་ཝ་ཏོ ས་བྦ་ཏྠ. ཏེ་ནཱ་ཧ ‘‘པ་ཡོ་ག་སྶ ཧཱི’’ཏི་ཨཱ་དི. ཏ་ཏྠ པ་ཡོ་ག་སྶ ས་ཏྟ་ཝི་དྷ་མྤི པུ་བྦ་ཀ་ར་ཎཾ པ་ཙྩ་ཡོ ཧོ་ཏཱི་ཏི ས་མྦ་ནྡྷོ. ཀཱ་ར་ཎ་མཱ་ཧ ‘‘ཡ་སྨཱ’’ཏི་ཨཱ་དི. པུ་བྦ་ཀ་ར་ཎ་སྶ་ཏྠཱ་ཡཱཏི པུ་བྦ་ཀ་ར་ཎ་སྶ ནི་པྥཱ་ད་ན་ཏྠཱ་ཡ. པུ་རེ་ཛཱ་ཏ་པ་ཙྩ་ཡེཏི པུ་རེ་ཛཱ་ཏ་པ་ཙྩ་ཡ་སྶ ཝི་ས་ཡེ. ཨེ་སཱཏི པ་ཡོ་གོ. དྷོ་ཝ་ནཱ་དི་དྷ་མྨེ་སུ ཨེ་ཀ་མྤི ཨ་ཏྟ་ནོ པུ་རེ་ཛཱ་ཏ་པ་ཙྩ་ཡ་བྷཱུ་ཏཾ དྷ་མྨཾ ན ལ་བྷ་ཏི, ཨ་ཏྟ་ནོ ཨུ་པྤ་ཏྟི་ཏོ པུ་རེ་ཛཱ་ཏ་སྶ པུ་བྦ་ཀ་ར་ཎ་སྶ ཨ་བྷཱ་ཝཱ་ཏི ཨ་ཏྠོ. ལ་བྷ་ཏཱིཏི པ་ཙྪཱ་ཛཱ་ཏ་པ་ཙྩ་ཡཾ པུ་བྦ་ཀ་ར་ཎཾ ལ་བྷ་ཏི, པ་ཙྪཱ་ཛཱ་ཏ་པ་ཙྩ་ཡོ ཧོ་ཏཱི་ཏི ཨ་ཏྠོ.
པཱ་ལི༹་ཡཾ པ་ནྣ་ར་ས དྷ་མྨཱ ས་ཧ་ཛཱ་ཏ་པ་ཙྩ་ཡེ་ན པ་ཙྩ་ཡོཏི ཨེ་ཏྠ པུ་བྦ་ཀ་ར་ཎ་སྶཱ་ཏི ཝཱ པ་ཡོ་ག་སྶཱ་ཏི ཝཱ ཨ་ཉྙ་སྶ ཀ་སྶ་ཙི པ་ཙྩ་ཡུ་པྤ་ནྣ་སྶ ཨ་པ་རཱ་མ་ཊྛ་ཏྟཱ པ་ནྣ་ར་ས དྷ་མྨཱ ས་ཡཾ ཨ་ཉྙ་མ་ཉྙ་ས་ཧ་ཛཱ་ཏ་པ་ཙྩ་ཡེ་ན པ་ཙྩ་ཡོ་ཏི ཨེ་ཝ་མ་ཏྠོ ག་ཧེ་ཏ་བྦོ, ཏེ་ཧི ས་ཧ ཨུ་པྤ་ཛྫ་ན་ཀ་སྶ ཨ་ཉྙ་སྶ ཨ་བྷཱ་ཝཱ. ཨེ་ཝཾ ཨུ་པ་རི ས་བྦ་ཏྠ. ཏེ་ནཱ་ཧ ‘‘ས་ཧ་ཛཱ་ཏ་པ་ཙྩ་ཡཾ པ་ནཱ’’ཏི་ཨཱ་དི. མཱ་ཏི་ཀཱ ཙ པ་ལི་བོ་དྷཱ ཙཱཏི ཨེ་ཏྠ ཙ-ས་དྡེ་ན པ་ཉྩཱ་ནི་སཾ་སཱ་ནི ག་ཧི་ཏཱ་ནཱི་ཏི ད་ཊྛ་བྦཾ. ཨེ་ཝཾ མཱ་ཏི་ཀཱ་ན་ཉྩ པ་ལི་བོ་དྷཱ་ན་ཉྩཱཏི ཨེ་ཏྠཱ་པི. ཏེ་ཧི་པི ཨ་ཏྠོ ཨ་ན་ནྟ་ར་མེ་ཝ མཱ་ཏི་ཀཱ་དཱི་ཧི ས་ཧ ཛཱ་ཡ་ནྟི. ཏེ་ནེ་ཝ ‘‘པ་ནྣ་ར་ས དྷ་མྨཱ ས་ཧ་ཛཱ་ཏ་པ་ཙྩ་ཡེ་ན པ་ཙྩ་ཡོ’’ཏི ཝུ་ཏྟཱ. ཨཱ་སཱཏི ཙཱི་ཝ་རཱ་སཱ. ཝ་ཏྠཱུཏི ཨཱ་སཱ་ཡ ནི་མི་ཏྟ་བྷཱུ་ཏཾ ཨ་ནུ་པྤ་ནྣ་ཙཱི་ཝ་རཾ. ‘‘ད་སྶཱ་མ ཀ་རི་སྶཱ་མཱ’’ཏི ཧི དཱ་ཡ་ཀེ་ཧི པ་ཊི་ཉྙཱ་ཏ་ཙཱི་ཝ་རཾ ནི་སྶཱ་ཡ ཨ་ན་ནྟ་རཾ ཨུ་པྤ་ཛྫ་མཱ་ནཱ ཙཱི་ཝ་རཱ་སཱ ཨ་ན་ནྟ་ར་པ་ཙྩ་ཡཱ་དི་བྷཱ་ཝེ་ན ཝུ་ཏྟཱ. ཨཱ་སཱ་ན་ཉྩ ཨ་ནཱ་སཱ་ན་ཉྩཱཏི ལ་བྦྷ་མཱ་ན་ཀ་ཙཱི་ཝ་རེ ཨུ་པྤ་ཛྫ་ན་ཀ་ཙཱི་ཝ་རཱ་སཱ་ན་ཉྩེ་ཝ ཨ་ལ་བྦྷ་མཱ་ནེ ཙཱི་ཝ་རེ ཨུ་པྤ་ཛྫ་ན་ཀ་ཨ་ནཱ་སཱ་ན་ཉྩ, ཨཱ་སཱ་ནཾ, ཏ་བྦི་ག་མཱ་ན་ཉྩཱ་ཏི ཨ་ཏྠོ. ཁ་ཎེ ཁ་ཎེ ཨུ་པྤ་ཏྟི་བྷེ་དཾ ས་ནྡྷཱ་ཡ ‘‘ཨཱ་སཱ་ན’’ནྟི བ་ཧུ་ཝ་ཙ་ནཾ ཀ་ཏཾ, ཨཱ་སཱ་ཡ, ཨ་ནཱ་སཱ་ཡ ཙཱ་ཏི ཨ་ཏྠོ. ཏེ་ནཱ་ཧ ‘‘ཨཱ་སཱ ཙ ཨ་ནཱ་སཱ ཙཱ’’ཏི.
ཀ་ཐི་ན་ཨ་ཏྠ་ཏཱ་དི་ཝ་ཎྞ་ནཱ ནི་ཊྛི་ཏཱ.
པུ་བྦ་ཀ་ར་ཎ་ནི་དཱ་ནཱ་དི་ཝི་བྷཱ་ག་ཝ་ཎྞ་ནཱ
༤༠༦-༧. ཚ ཙཱི་ཝ་རཱ་ནཱིཏི ཁོ་མཱ་དཱི་སུ ཚ་སུ ཨ་ཉྙ་ཏ་རཾ ས་ནྡྷཱ་ཡ ཝུ་ཏྟཾ. ས་བྦ་ས་ངྒཱ་ཧི་ཀ་ཝ་སེ་ན པ་ན ‘‘ཙཱི་ཝ་རཱ་ནཱི’’ཏི བ་ཧུ་ཝ་ཙ་ནཾ ཀ་ཏཾ. པཱ་ལི༹་ཡཾ པ་ནེ་ཏྠ ཝ་ཏྠུ, ཨཱ་སཱ ཙ ཨ་ནཱ་སཱ ཙཱཏི་ཨཱ་དཱི་སུ ཨ་ཏྠ་ཏེ ཀ་ཐི་ནེ ཨཱ་ནི་སཾ་ས་ཝ་སེ་ན ཨུ་པྤ་ཛྫ་ན་ཀ་པ་ཙྩཱ་སཱ་ཙཱི་ཝ་རཾ ‘‘ཝ་ཏྠཱུ’’ཏི ཝུ་ཏྟཾ. ཀ་ཐི་ན་ཙཱི་ཝ་རཾ ཧེ་ཏུ་པ་ཙྩ་ཡ-ས་དྡེ་ཧི ཝུ་ཏྟ་ནྟི ཝེ་དི་ཏ་བྦཾ.
༤༠༨. པ་ཙྩུ་དྡྷཱ་རོ ཏཱི་ཧི དྷ་མྨེ་ཧཱིཏི་ཨཱ་དི ཀ་ཐི་ན་ཏྠཱ་ར་ཏྠཱ་ཡ ཏི་ཙཱི་ཝ་ར་ཏོ ཨ་ཉྙཾ ཝ་སྶི་ཀ་སཱ་ཊི་ཀཱ་དིཾ པ་ཙྩུ་དྡྷ་རི་ཏུཾ, ཨ་དྷི་ཊྛ་ཧི་ཏྭཱ ཨ་ཏྠ་རི་ཏུ་ཉྩ ན ཝ་ཊྚ་ཏཱི་ཏི ད་སྶ་ན་ཏྠཾ ཝུ་ཏྟཾ. ‘‘ཝ་ཙཱི་བྷེ་དེ་ནཱ’’ཏི ཨེ་ཏེ་ན ཀེ་ཝ་ལཾ ཀཱ་ཡེ་ན ཀ་ཐི་ན་ཏྠཱ་རོ ན རུ་ཧ་ཏཱི་ཏི ད་སྶེ་ཏི.
པུ་བྦ་ཀ་ར་ཎ་ནི་དཱ་ནཱ་དི་ཝི་བྷཱ་ག་ཝ་ཎྞ་ནཱ ནི་ཊྛི་ཏཱ.
ཀ་ཐི་ནཱ་དི་ཛཱ་ནི་ཏ་བྦ་ཝི་བྷཱ་ག་ཝ་ཎྞ་ནཱ
༤༡༢. ཡེ་སུ རཱུ་པཱ་དི་དྷ་མྨེ་སཱུཏི ‘‘པུ་རི་མ་ཝ་སྶཾ་ཝུ་ཏྠཱ བྷི་ཀྑཱུ, པ་ཉྩ་ཧི ཨ་ནཱུ་ནོ ས་ངྒྷོ, ཙཱི་ཝ་ར་མཱ་སོ, དྷ་མྨེ་ན ས་མེ་ན ས་མུ་པྤ་ནྣཾ ཙཱི་ཝ་ར’’ནྟི ཨེ་ཝ་མཱ་དཱི་སུ ཡེ་སུ རཱུ་པཱ་རཱུ་པ་དྷ་མྨེ་སུ. ས་ཏཱིཏི ས་ནྟེ་སུ. མི་སྶཱི་བྷཱ་ཝོཏི སཾ་ས་གྒ་ཏཱ ས་མཱུ་ཧ་པ་ཉྙ་ཏྟི་མ་ཏྟཾ. ཏེ་ནཱ་ཧ ‘‘ན པ་ར་མ་ཏྠ་ཏོ ཨེ་ཀོ དྷ་མྨོ ཨ་ཏྠཱི’’ཏི.
༤༡༦. ཨེ་ཀ་ཏོ ཨུ་པྤ་ཛྫ་ནྟཱིཏི ཀ་ཐི་ནུ་དྡྷཱ་རེ་ན ས་ཧ ཨུ་པྤ་ཛྫ་མཱ་ནཱ་ར་ཧཱ ཧོ་ནྟཱི་ཏི ཨ་ཏྠོ. ཀ་ཐི་ན་ཏྠཱ་ར་ཏོ ཧི པ་བྷུ་ཏི ས་བྦེ ཀ་ཐི་ནུ་དྡྷཱ་རཱ ཏཾ ཏཾ ཀཱ་ར་ཎ་ནྟ་ར་མཱ་ག་མྨ ཨུ་པྤ་ཛྫ་ནྟི, ཏ་སྨཱ ས་བྦེ ཨེ་ཀུ་པྤཱ་དཱ ནཱ་མ ཛཱ་ཏཱ. ཏེ་སུ ཨ་ནྟ་རུ་བྦྷཱ་ར་ས་ཧུ་བྦྷཱ་རཱ དྭེ ཨེ་ཝ ཏཾ ཝི་ཧཱ་རཾ ཨ་ན་ཏྠ་ཏ་ཀ་ཐི་ན་ཝི་ཧཱ་ར་ས་དི་སཾ ཀ་རོ་ནྟཱ ས་ཡཾ ས་ཀ་ལེ་ན ཀ་ཐི་ན་ཏྠཱ་རེ་ན ས་ཧ ནི་རུ་ཛ྄ཛྷ་ནྟི ཨུ་དྡྷཱ་ར་བྷཱ་ཝཾ པཱ་པུ་ཎ་ནྟི. ཨ་ཝ་སེ་སཱ པ་ན ཏཾ ཏཾ པཱ་ཊི་པུ་གྒ་ལི་ཀ་མེ་ཝ ཀ་ཐི་ན་ཏྠཱ་རཾ དྭི་ནྣཾ པ་ལི་བོ་དྷཱ་ནཾ ཨུ་པ་ཙྪི་ནྡ་ན་ཝ་སེ་ན ནི་རོ་དྷེ་ནྟཱ ས་ཡཾ ཨུ་དྡྷཱ་ར་བྷཱ་ཝཾ པཱ་པུ་ཎ་ནྟི, ན ས་ཀ་ལཾ ཀ་ཐི་ན་ཏྠཱ་རཾ. ཀ་ཐི་ནུ་དྡྷཱ་རཱ་ན་ཉྩ ནི་རོ་དྷོ ནཱ་མ ཏཾ ཏཾ ཀཱ་ར་ཎ་མཱ་ག་མྨ ཨུ་དྡྷཱ་ར་བྷཱ་ཝ་པྤ་ཏྟི, ཨེ་ཝ་ཉྩ ཨུ་པྤ་ཏྟི ནཱ་མ ཀ་ཐི་ནུ་དྡྷཱ་རོ ཨེ་ཝ. ཏེ་ནཱ་ཧ ‘‘ས་བྦེ་པི ཨ་ཏྠཱ་རེ་ན ས་དྡྷིཾ ཨེ་ཀ་ཏོ ཨུ་པྤ་ཛྫ་ནྟཱི’’ཏི་ཨཱ་དི. ཏ་ཏྠ པུ་རི་མཱ དྭེཏི ‘‘ཨེ་ཀུ་པྤཱ་དཱ ཨེ་ཀ་ནི་རོ་དྷཱ’’ཏི པཱ་ལི༹་ཡཾ པ་ཋ་མཾ ཝུ་ཏྟཱ ཨ་ནྟ་རུ་བྦྷཱ་ར་ས་ཧུ་བྦྷཱ་རཱ དྭེ. ཏེ་སཱུཏི པ་ཀྐ་མ་ན་ནྟི་ཀཱ་དཱི་སུ. ཨུ་དྡྷཱ་ར་བྷཱ་ཝཾ པ་ཏྟེ་སཱུཏི ཨུ་དྡྷཱ་ར་བྷཱ་ཝ་པྤ་ཏྟི་ས་ངྑཱ་ཏ་ནི་རོ་དྷཾ པ་ཏྟེ་སཱུ་ཏི ཨ་ཏྠོ. ཨ་ཏྠཱ་རོ ཏི་ཊྛ་ཏཱིཏི ཀ་ཏ་ཙཱི་ཝ་རཾ ཨཱ་དཱ་ཡ པ་ཀྐ་ནྟཱ་དི་པུ་གྒ་ལཾ ཋ་པེ་ཏྭཱ ཏ་ད་ཝ་སེ་སཱ་ནཾ པ་ལི་བོ་དྷ་ས་བྦྷཱ་ཝ་ཏོ ཀ་ཐི་ན་ཏྠཱ་རོ ཏི་ཊྛ་ཏི.
ཀ་ཐི་ནཱ་དི་ཛཱ་ནི་ཏ་བྦ་ཝི་བྷཱ་ག་ཝ་ཎྞ་ནཱ ནི་ཊྛི་ཏཱ.
པ་ཉྙ་ཏྟི་ཝ་གྒ་ཝ་ཎྞ་ནཱ་ན་ཡོ ནི་ཊྛི་ཏོ.