མ་ཧཱ་ས་ངྒཱ་མཾ

ཝོ་ཧ་ར་ནྟེ་ན ཛཱ་ནི་ཏ་བྦཱ་དི་ཝ་ཎྞ་ནཱ

༣༦༨-༣༧༤. མ་ཧཱ་ས་ངྒཱ་མེ པཱ་ལི༹་ཡཾ ས་ངྒཱ་མཱ་ཝ་ཙ་རེ་ནཱཏི ཨ་ནུ་ཝི་ཛྫ་ཀཾ ས་ནྡྷཱ་ཡ ཝུ་ཏྟཾ. ཝ་ཏྠཱུཏི མེ་ཐུ་ནཱ་དི་ཝཱི་ཏི་ཀྐ་མོ. ནི་དཱ་ནནྟི ཝེ་སཱ་ལི་ཨཱ་དི་པ་ཉྙ་ཏྟི་ཊྛཱ་ནཾ. པུ་གྒ་ལོ ཨ་ཀཱ་ར་ཀོ ཛཱ་ནི་ཏ་བྦོཏི ཨེ་ཏྠ ས་ངྒྷེ ཝཱ ག་ཎེ ཝཱ པ་རི་ཎཱ་ཡ་ཀ་བྷཱུ་ཏོ པུ་གྒ་ལོ་ཏི ད་ཊྛ་བྦཾ.

༣༧༥. ཝི་སྶ་ཊྛི་སི་ཀྑཱ་པ་དནྟི ནཱི་ལཱ་དི་ད་ས་ནྣཾ སུ་ཀྐཱ་ནཾ མོ་ཙ་ན་ཝ་སེ་ན ཝུ་ཏྟཾ སུ་ཀྐ་ཝི་སྶ་ཊྛི་སི་ཀྑཱ་པ་དཾ. ཏ་ཉྷི ཏེ་ལཱ་དི་མ་ནྡ་ཝ་ཎྞཱ་ནཾ ནཱི་ལཱ་དི་པ་ཙུ་ར་ཝ་ཎྞཱ་ནཾ ཝ་སེ་ན ‘‘ཝ་ཎྞཱ་ཝ་ཎྞཱ’’ཏི ཝུ་ཏྟཾ. པ་ཙུ་ར་ཏྠེ ཧི ཨི་དྷ ཨ་ཝ་ཎྞོ་ཏི ཨ-ཀཱ་རོ.

༣༧༩. ཡཱ་ཝ ཨ་ཀ་ནི་ཊྛ་བྲ་ཧྨཱ་ནོ དྭི་དྷཱ ཧོ་ནྟཱིཏི ཨེ་ཏྠ ཨ་ཝི་ཧཱ་དི་སུ་དྡྷཱ་ཝཱ་སི་ཀཱ ཨ་ཉྙ་བྷཱུ་མཱི་སུ ཨ་རི་ཡཱ དྷ་མྨ་ཝཱ་དཱི་པ་ཀྑཾ ཨེ་ཝ བྷ་ཛ་ནྟི, ཨི་ཏ་རེ དུ་ཝི་དྷ་མྤཱི་ཏི ད་ཊྛ་བྦཾ.

ཝོ་ཧ་ར་ནྟེ་ན ཛཱ་ནི་ཏ་བྦཱ་དི་ཝ་ཎྞ་ནཱ ནི་ཊྛི་ཏཱ.