༢. ཨ་ཉྙ་ཝཱ་ད་ཀ་སི་ཀྑཱ་པ་ད་ཝ་ཎྞ་ནཱ

༩༤. དུ་ཏི་ཡེ ཨ་ཉྙཾ ཝ་ཙ་ནནྟི ཡཾ དོ་ས་ཝི་བྷཱ་ཝ་ན་ཏྠཾ པ་རེ་ཧི ཝུ་ཏྟ་ཝ་ཙ་ནཾ ཏཾ ཏ་སྶ ཨ་ན་ནུ་ཙྪ་ཝི་ཀེ་ན ཨ་ཉྙེ་ན ཝ་ཙ་ནེ་ན པ་ཊི་ཙ་ར་ཏི.

༩༨. ཡ་དེ་ཏཾ ཨ་ཉྙེ་ན་ཉྙཾ པ་ཊི་ཙ་ར་ཎ་ཝ་སེ་ན པ་ཝ་ཏྟ་ཝ་ཙ་ནཾ, ཏ་དེ་ཝ པུ་ཙྪི་ཏ་མ་ཏྠཾ ཋ་པེ་ཏྭཱ ཨ་ཉྙཾ ཝ་ད་ཏི པ་ཀཱ་སེ་ཏཱི་ཏི ཨ་ཉྙ་ཝཱ་ད་ཀ་ནྟི ཨཱ་ཧ ‘‘ཨ་ཉྙེ་ན་ཉྙཾ པ་ཊི་ཙ་ར་ཎ་སྶེ་ཏཾ ནཱ་མ’’ནྟི. ཏུ་ཎྷཱི་བྷཱུ་ཏ་སྶེ་ཏཾ ནཱ་མནྟི ཏུ་ཎྷཱི་བྷཱ་ཝ་སྶེ་ཏཾ ནཱ་མཾ, ཨ་ཡ་མེ་ཝ ཝཱ པཱ་ཋོ. ཨ་ཉྙ་ཝཱ་ད་ཀཾ ཨཱ་རོ་པེ་ཏུནྟི ཨ་ཉྙ་ཝཱ་དེ ཨཱ་རོ་པེ་ཏུཾ. ཝི་ཧེ་ས་ཀནྟི ཝི་ཧེ་ས་ཀ་ཏྟཾ.

༩༩. པཱ་ལི༹་ཡཾ ན ཨུ་གྒྷཱ་ཊེ་ཏུ་ཀཱ་མོཏི པ་ཊི་ཙྪཱ་དེ་ཏུ་ཀཱ་མོ.

༡༠༠. ཨ་ནཱ་རོ་པི་ཏེ ཨ་ཉྙ་ཝཱ་ད་ཀེཏི ཝུ་ཏྟ་དུ་ཀྐ་ཊཾ པཱ་ལི༹་ཡཾ ཨཱ་ག་ཏ་ཨ་ཉྙེ་ན་ཉྙ་པ་ཊི་ཙ་ར་ཎ་ཝ་སེ་ན ཡུ་ཛྫ་ཏི, ཨ་ཊྛ་ཀ་ཐཱ་ཡཾ ཨཱ་ག་ཏ་ན་ཡེ་ན པ་ན མུ་སཱ་ཝཱ་དེ་ན ཨ་ཉྙེ་ན་ཉྙཾ པ་ཊི་ཙ་ར་ནྟ་སྶ པཱ་ཙི་ཏྟི་ཡེ་ན ས་དྡྷིཾ དུ་ཀྐ་ཊཾ, ཨཱ་རོ་པི་ཏེ ཨི་མི་ནཱ་ཝ པཱ་ཙི་ཏྟི་ཡཾ. ཀེ་ཙི པ་ན ‘‘མུ་སཱ་ཝཱ་ད་པཱ་ཙི་ཏྟི་ཡེ་ན ས་དྡྷིཾ པཱ་ཙི་ཏྟི་ཡ་དྭ་ཡ’’ནྟི ཝ་ད་ནྟི, ཝཱི་མཾ་སི་ཏ་བྦཾ. ཨཱ་དི་ཀ་མྨི་ཀ་སྶ་པི མུ་སཱ་ཝཱ་དེ ཨི་མི་ནཱ་ཝ ཨ་ནཱ་པ་ཏྟཱི་ཏི ད་ཊྛ་བྦཾ. དྷ་མྨ་ཀ་མྨེ་ན ཨཱ་རོ་པི་ཏ་ཏཱ, ཨཱ་པ་ཏྟི་ཡཱ ཝཱ ཝ་ཏྠུ་ནཱ ཝཱ ཨ་ནུ་ཡུ་ཉྫི་ཡ་མཱ་ན་ཏཱ, ཚཱ་དེ་ཏུ་ཀཱ་མ་ཏཱ་ཡ ཨ་ཉྙེ་ན་ཉྙཾ པ་ཊི་ཙ་ར་ཎཾ, ཏུ་ཎྷཱི་བྷཱ་ཝོ ཙཱ་ཏི ཨི་མཱ་ནེ་ཏྠ ཏཱི་ཎི ཨ་ངྒཱ་ནི.

ཨ་ཉྙ་ཝཱ་ད་ཀ་སི་ཀྑཱ་པ་ད་ཝ་ཎྞ་ནཱ ནི་ཊྛི་ཏཱ.