༡༠. ད་ས་མ་ནི་སྶ་གྒི་ཡ་པཱ་ཙི་ཏྟི་ཡ་སི་ཀྑཱ་པ་ད་ཝ་ཎྞ་ནཱ

༧༧༩. ད་ས་མེ པ་ན ‘‘ཡཱ པ་ན བྷི་ཀྑུ་ནཱི ཨ་ཉྙ་ད་ཏྠི་ཀེ་ན པ་རི་ཀྑཱ་རེ་ན ཨ་ཉྙུ་དྡི་སི་ཀེ་ན པུ་གྒ་ལི་ཀེ་ན ཨ་ཉྙཾ ཙེ་ཏཱ་པེ་ཡྻ, ནི་སྶ་གྒི་ཡཾ པཱ་ཙི་ཏྟི་ཡ’’ནྟི ཨེ་ཝཾ་ཝི་དྷེ་ན བྷ་ཝི་ཏ་བྦཾ, ‘‘པུ་གྒ་ལི་ཀེ་ན སཾ་ཡཱ་ཙི་ཀེ་ནཱ’’ཏི ཨི་མི་ནཱ ཨེ་ཀཱ་ད་ས་མེ་ན བྷ་ཝི་ཏ་བྦཾ སི་ཡཱ ཡ་ཐཱ་ཀྐ་མེ་ན ས་མྦྷ་ཝ་ཏོ. ཀཱ་མ་མེ་ཝ ཙེ་ཏཾ ཨ་ཊྛུ་པྤ་ཏྟི་ཡཱ ཨ་བྷཱ་ཝ་ཏོ ན ཝུ་ཏྟཾ, ཨ་ཏྠ་ཏོ པ་ན ག་ཧེ་ཏ་བྦ་མེ་ཝ. ཨེ་ཏྠ པ་ན ས་ངྒྷ་ག་ཎ་པུ་གྒ་ལཱ་ནཾ པ་ཝཱ་རི་ཏ་ཊྛཱ་ནེ, པུ་གྒ་ལ་སྶེ་ཝ ཉཱ་ཏ་ཀ་ཊྛཱ་ནེ ཙ ཨ་ནཱ་པ་ཏྟི་ཚཱ་ཡཱ དི་སྶ་ཏི, ཨི་དཾ ས་བྦཾ ཨ་མྷཱ་ཀཾ ཏ་ཀྐཱ་ནུ་སཱ་ར་ཝ་སེ་ནེ་ཝ ཝུ་ཏྟ་ནྟི ཀ་ཏྭཱ ན སཱ་ར་ཏོ ད་ཊྛ་བྦཾ. ཝི་ཙཱ་རེ་ཏྭཱ ཡ་ཐཱ ནི་ཙྩ་ལ་ཀཱ་ར་ཎཾ དི་སྭཱ ཡཾ ཝཱ ཝི་ན་ཡ་ཀྐ་མ་ཀོ་ཝི་དཱ ཨ་ནུ་ཛཱ་ན་ནྟི, ཏཾ ཏ་དེ་ཝ ག་ཧེ་ཏ་བྦཾ. པོ་རཱ་ཎ་ག་ཎྛི་པ་དེ པ་ན ‘‘ཨཱ་པ་དཱ་སུ་པི ཨ་ཉྙཾ ག་རུ་བྷ་ཎྜ་མེ་ཝ ཙེ་ཏཱ་པེ་ཏ་བྦཾ, ཨི་ཏ་རཾ ན ཝ་ཊྚ་ཏི, བྷི་ཀྑུ་སྶ པ་ན ཝ་ཊྚ་ཏཱི’’ཏི ཝུ་ཏྟཾ.

ད་ས་མ་ནི་སྶ་གྒི་ཡ་པཱ་ཙི་ཏྟི་ཡ་སི་ཀྑཱ་པ་ད་ཝ་ཎྞ་ནཱ ནི་ཊྛི་ཏཱ.