༢. དུ་ཏི་ཡ་ནི་སྶ་གྒི་ཡ་པཱ་ཙི་ཏྟི་ཡ་སི་ཀྑཱ་པ་ད་ཝ་ཎྞ་ནཱ

༧༤༠. ཝ་ཏྠུ་ས་མྤ་ཏྟ་ཏྟཱ ཝཱ ན ཏ་སྶཱ ཨ་ནཱ་པ་ནྣ་ཀཱ་མ་ཏཱ་ཡ ཝཱ ཨ་ནཱ་ཎ་ཏྟི་ཀ་ཏཱ་ཡ ཝཱ ཨ་ཀཱ་ལ་ཙཱི་ཝ་ར་མ་དཾ་སུ. ཡ་ཐཱ་དཱ་ནེ ཨེ་ཝ ཨུ་པ་ནེ་ཏ་བྦཾ, ན བྷཱ་ཛེ་ཏ་བྦཾ པུ་གྒ་ལི་ཀ་ཏྟཱ་ཏི ཨ་དྷི་པྤཱ་ཡོ. ཨ་ཏྠ་ཏོ ཧི ཨི་ཏ་ར་མྤི ཡ་ཐཱ་དཱ་ནེ ཨེ་ཝ ཨུ་པ་ནེ་ཏ་བྦ་མེ་ཝ. ག་ཎྛི་པ་དེ པ་ན ‘‘ཨ་ཡྻཱ་ཡ ད་མྨཱི་ཏི ཨེ་ཝཾ པ་ཊི་ལ་དྡྷ་ནྟི ནི་སྶ་ཊྛ་པ་ཊི་ལ་དྡྷཾ. ཡ་ཐཱ་དཱ་ནེཏི དཱ་ཡ་ཀེ་ཧི པ་རི་ཙྩ་ཏྟ་ཝི་དྷཱ་ནེ་ན. ཨུ་པ་ནེ་ཏ་བྦནྟི ཨ་ཀཱ་ལ་ཙཱི་ཝ་ར་བྷཱ་ཝེ་ན བྷཱ་ཛེ་ཏ་བྦ་ནྟི ཨ་དྷི་པྤཱ་ཡོ. ཨི་དྷ བྷཱ་ཛཱ་པི་ཏཱ་ཡ ལ་དྡྷ་ཙཱི་ཝ་ར་མེ་ཝ ནི་སྶ་གྒི་ཡཾ ཧོ་ཏི, ཏཾ ཝི་ན་ཡ་ཀ་མྨཾ ཀ་ཏྭཱ་པི ཨ་ཏྟ་ནཱ ན ལ་བྷ་ཏཱི’’ཏི ལི་ཁི་ཏཾ. ཡ་དི ནི་སྶ་ཊྛ་པ་ཊི་ལ་དྡྷཾ ས་ནྡྷཱ་ཡ ཨི་དཾ ཝུ་ཏྟཾ སི་ཡཱ, ‘‘ནི་སྶ་ཛྫི་ཏ་བྦཾ ས་ངྒྷ་སྶ ཝཱ ག་ཎ་སྶ ཝཱ པུ་གྒ་ལ་སྶ ཝཱ ད་དེ་ཡྻ, ད་དེ་ཡྻུཾ, ཨ་ཡྻཱ་ཡ ད་མྨཱི’’ཏི ཝུ་ཏྟ་ཏྟཱ ཏཱི་ཎི་པེ་ཏཱ་ནི པ་དཱ་ནི ཝ་ཏྟ་བྦཱ་ནི སི་ཡུཾ, ཏ་སྨཱ ན ཀེ་ཝ་ལཾ ནི་སྶ་ཊྛ་པ་ཊི་ལ་དྡྷ་མེ་ཝ ཡ་ཐཱ་དཱ་ནེ ཨུ་པ་ནེ་ཏ་བྦཾ, ཨ་ཉྙཱ་ཧི བྷི་ཀྑུ་ནཱི་ཧི ལ་དྡྷ་ཀོ་ཊྛཱ་ས་མྤི ཡ་ཐཱ་དཱ་ནེ་ཡེ་ཝ ཨུ་པ་ནེ་ཏ་བྦཾ.

༧༤༡. ‘‘ཨ་ཀཱ་ལ་ཙཱི་ཝ་རེ ཀཱ་ལ་ཙཱི་ཝ་ར་ས་ཉྙཱ་ཡ ཨ་ནཱ་པ་ཏྟཱི’’ཏི པ་ན བྷཱ་ཛ་ན་པ་ཙྩ་ཡཱ ཨཱ་པ་ཛྫི་ཏ་བྦཱ་པ་ཏྟིཾ ནཱ་པ་ཛྫ་ཏཱི་ཏི ཨེ་ཏྟ་ཀ་མེ་ཝ དཱི་པེ་ཏི, ན པ་ཊི་ལ་དྡྷཾ, ན ཡ་ཐཱ་དཱ་ནེ དཱ་ཏ་བྦ་ནྟི ཨི་མ་མ་ཏྠཾ དཱི་པེ་ཏི. ལེ་སེ་ན པ་ན ག་ཎྷཱ་ཏི ཙེ, བྷ་ཎྜ་གྒྷེ་ན ཀཱ་རེ་ཏ་བྦཱ.

དུ་ཏི་ཡ་ནི་སྶ་གྒི་ཡ་པཱ་ཙི་ཏྟི་ཡ་སི་ཀྑཱ་པ་ད་ཝ་ཎྞ་ནཱ ནི་ཊྛི་ཏཱ.