པ་ཋ་མ་གཱ་ཐཱ་ས་ངྒ་ཎི་ཀ་ཝ་ཎྞ་ནཱ

ས་ཏྟ་ན་ག་རེ་སུ པ་ཉྙ་ཏྟ་སི་ཀྑཱ་པ་ད་ཝ་ཎྞ་ནཱ

༣༣༥. ཝ་ཙ་ན་ས་མྤ་ཊི་ཙྪ་ན་ཏྠེ ཝཱ ནི་པཱ་ཏོ་ཏི ཨ་ཏྠོ. ཨ་ཌྜྷུ་ཌྜྷ་ས་ཏཱ་ནཱིཏི ཏཱི་ཎི ས་ཏཱ་ནི, པ་ཉྙཱ་སཱ་ནི ཙ. ཝི་གྒ་ཧནྟི མ་ནུ་སྶ་ཝི་གྒ་ཧཾ. ཨ་ཏི་རེ་ཀཾ ཝཱཏི ད་སཱ་ཧ་པ་ར་མཾ ཨ་ཏི་རེ་ཀ་ཙཱི་ཝ་རཾ. ཀཱ་ལ༹་ཀནྟི ‘‘སུ་དྡྷ་ཀཱ་ལ༹་ཀཱ་ན’’ནྟི (པཱ་རཱ. ༥༥༢-༥༥༤) ཝུ་ཏྟ་ཀཱ་ལ༹་ཀཾ. བྷཱུ་ཏནྟི བྷཱུ་ཏཱ་རོ་ཙ་ནཾ. པ་ར་མྤ་ར་བྷ་ཏྟནྟི པ་ར་མྤ་ར་བྷོ་ཛ་ནཾ. བྷི་ཀྑུ་ནཱི་སུ ཙ ཨ་ཀྐོ་སོཏི ཡཱ པ་ན བྷི་ཀྑུ་ནཱི བྷི་ཀྑུཾ ཨ་ཀྐོ་སེ་ཡྻ ཝཱ པ་རི་བྷཱ་སེ་ཡྻ ཝཱ (པཱ་ཙི. ༡༠༢༩). ཨ་ནྟ་ར་ཝཱ་ས་ཀནྟི ཨ་ཉྙཱ་ཏི་ཀཱ་ཡ བྷི་ཀྑུ་ནི་ཡཱ ཙཱི་ཝ་ར་པ་ཊི་གྒ་ཧ་ཎཾ. རཱུ་པི་ཡནྟི རཱུ་པི་ཡ་ས་བྦོ་ཧཱ་རཾ. སུ་ཏྟནྟི སཱ་མཾ སུ་ཏྟཾ ཝི་ཉྙཱ་པེ་ཏྭཱ ཏ་ནྟ་ཝཱ་ཡེ་ཧི. ཨུ་ཛ྄ཛྷཱ་པ་ན་ཀེཏི ཨུ་ཛ྄ཛྷཱ་པ་ན་ཀེ ཁཱི་ཡ་ན་ཀེ. པཱ་ཙི་ཏ་པི་ཎྜནྟི བྷི་ཀྑུ་ནཱི་པ་ཨ་པཱ་ཙི་ཏ་པི་ཎྜ་པཱ་ཏཾ. ཙཱ་རི་ཏྟནྟི ནི་མ་ནྟི་ཏོ ས་བྷ་ཏྟོ ས་མཱ་ནོ ས་ནྟཾ. ཙཱི་ཝ་རཾ ད་ཏྭཱཏི ས་མ་གྒེ་ན ས་ངྒྷེ་ན ཙཱི་ཝ་རཾ ད་ཏྭཱ. ཝོ་སཱ་ས་ནྟཱིཏི བྷི་ཀྑཱུ པ་ནེ་ཝ ཀུ་ལེ་སུ ནི་མ་ནྟི་ཏཱ བྷུ་ཉྫ་ནྟི (པཱ་ཙི. ༥༥༨), ཏ་ཏྠ ཙེ་སཱ. གི་ར་གྒ་ཙ་རི་ཡཱཏི ‘‘ཡཱ པ་ན བྷི་ཀྑུ་ནཱི ན་ཙྩཾ ཝཱ གཱི་ཏཾ ཝཱ’’ཏི (པཱ་ཙི. ༨༣༤) ཙ, ‘‘ཨ་ནྟོ་ཝ་སྶཾ ཙཱ་རི་ཀཾ ཙ་རེ་ཡྻཱ’’ཏི (པཱ་ཙི. ༩༧༠) ཙ ཝུ་ཏྟ་དྭ་ཡཾ. ཚ་ནྡ་དཱ་ནེ་ནཱཏི པཱ་རི་ཝཱ་སི་ཀ་ཚ་ནྡ་དཱ་ནེ་ན སི་ཀྑ་མཱ་ནཾ ཝུ་ཊྛཱ་པེ་ཡྻ (པཱ་ཙི. ༡༡༦༧). པཱ་རཱ་ཛི་ཀཱ་ནི ཙ་ཏྟཱ་རི, བྷི་ཀྑུ་ནཱི་ནཾ ས་ཉྙཱ་ཙི་ཀ་ཀུ་ཊི་ཉྩ ཀོ་སི་ཡ་མི་སྶ་ས་ནྠ་ཏ་ཉྩ སེ་ཡྻཱ ཙ ཨ་ནུ་པ་ས་མྤ་ནྣེ་ན ས་ཧ པ་ཐ་ཝཱི་ཁ་ཎ་ནཾ. ག་ཙྪ དེ་ཝ་ཏེཏི བྷཱུ་ཏ་གཱ་མ་པཱ་ཏ་བྱ་ཏཱ ས་པྤཱ་ཎ་ཀ་ཨུ་ད་ཀ་སི་ཉྩ་ན་ནྟི ཨ་ཏྠོ. མ་ཧཱ་ཝི་ཧཱ་རོཏི མ་ཧ་ལླ་ཀ་ཝི་ཧཱ་རོ. ཨ་ཉྙནྟི ཨ་ཉྙ་ཝཱ་ད་ཀཾ. དྭཱ་རནྟི ཡཱ་ཝ་དྭཱ་ར་ཀོ་སཱ. ‘‘ཨ་ནཱ་ད་རི་ཡ་པཱ་ཙི་ཏྟཱི་ཏི ཙ ས་ཧ་དྷ་མྨི་ཀཾ ཝུ་ཙྩ་མཱ་ནོ’’ཏི པཱ་ཋོ. པ་ཡོ་པཱ་ནནྟི སུ་རུ་སུ་རུ་ཀཱ་ར་ཀཾ. ཨེ་ལ༹་ཀ་ལོ་མཱ་ནི པ་ཏྟོ ཙཱཏི ཨེ་ལ༹་ཀ་ལོ་མ་དྷོ་ཝཱ་པ་ན་ཉྩ ཨཱུ་ན་པ་ཉྩ་བ་ནྡྷ་ན་པ་ཏྟོ ཙ. ཨོ་ཝཱ་དོ ཙེ་ཝ བྷེ་ས་ཛྫནྟི བྷི་ཀྑུ་ནུ་པ་སྶ་ཡཾ ཨུ་པ་ས་ངྐ་མི་ཏྭཱ ཨོ་ཝཱ་དོ ཏ་དུ་ཏྟ་རི་བྷེ་ས་ཛྫ་ཝི་ཉྙཱ་པ་ན་ཉྩ. སཱུ་ཙི ཨ་ར་ཉྙ་ཀོཏི ‘‘ཨ་ཊྛི་མ་ཡཾ ཝཱ ད་ནྟ་མ་ཡཾ ཝཱ ཝི་སཱ་ཎ་མ་ཡཾ ཝཱ སཱུ་ཙི་གྷ་ར’’ནྟི (པཱ་ཙི. ༥༡༧) ཙ ‘‘ཡཱ་ནི ཁོ པ་ན ཏཱ་ནི ཨཱ་ར་ཉྙ་ཀཱ་ནི སེ་ནཱ་ས་ནཱ་ནི སཱ་ས་ངྐ…པེ… པ་ཊི་དེ་སེ་ཏ་བྦ’’ནྟི (པཱ་ཙི. ༥༧༠) ཙ. ཨོ་ཝཱ་དོཏི ཡཱ པ་ན བྷི་ཀྑུ་ནཱི ཨོ་ཝཱ་དཱ་ཡ ཝཱ སཾ་ཝཱ་སཱ་ཡ ཝཱ ན ག་ཙྪེ་ཡྻ (པཱ་ཙི. ༡༠༥༥). པཱ་རཱ་ཛི་ཀཱ་ནི ཙ་ཏྟཱ་རཱིཏི་ཨཱ་དི དྭཱི་སུ ན་ག་རེ་སུ པ་ཉྙ་ཏྟ་ས་མྤི་ཎྜ་ནཾ.

ཙ་ཏུ་ཝི་པ་ཏྟི་ཝ་ཎྞ་ནཱ

༣༣༦. ཨེ་ཀ་ཏིཾ་སཱ ཡེ ག་རུ་ཀཱཏི ཨུ་བྷ་ཏོ ཨ་ཊྛ པཱ་རཱ་ཛི་ཀཱ, བྷི་ཀྑཱུ་ནཾ ཏེ་ར་ས, བྷི་ཀྑུ་ནཱི་ནཾ ད་ས ཙ ས་ངྒྷཱ་དི་སེ་སཱ. སཱ་དྷཱ་ར་ཎཱ་སཱ་དྷཱ་ར་ཎ་ཝ་སེ་ན ཨ་ཊྛ ཨ་ན་ཝ་སེ་སཱ ནཱ་མ པཱ་རཱ་ཛི་ཀཱ་ནི. ཏ་དེ་ཝཱཏི སཱི་ལ་ཝི་པ་ཏྟིཾ་ཡེ་ཝ. ཝི་ཏྠཱ་ར་ཏོ ད་སྶེ་ཏུཾ ‘‘པཱ་རཱ་ཛི་ཀ’’ནྟི་ཨཱ་དི་ནཱ ཨ་པུ་ཙྪི་ཏ་མེ་ཝ ཝི་སྶ་ཛྫི་ཏཾ. ‘‘ཏ་ཏྠ ཡོ ཙཱ་ཡཾ, ཨ་ཀྐོ་ས་ཏི ཧ་སཱ་དྷི་པྤཱ་ཡོ’’ཏི པཱ་ཋོ. དུ་ཊྛུ་ལླ་ཝི་བྷཱ་ཝ་ན་ཝ་སེ་ནཱ་ག་ཏ་ཝི་པ་ཏྟིཾ ཋ་པེ་ཏྭཱ པུ་ཙྪཱ་པ་ཊི་པཱ་ཊི་ཡཱ ཡཱ་ཝ་ཏ་ཏི་ཡ་ཀ་པ་ཉྷཾ ཝི་སྶ་ཛྫི་ཏུ་མཱ་ར་བྷི. ཨུ་ཀྑི་ཏྟཱ་ནུ་ཝ་ཏྟི་ཀཱ བྷི་ཀྑུ་ནཱི ཨ་ཊྛ ཡཱ་ཝ་ཏ་ཏི་ཡ་ཀ་ས་ངྒྷཱ་དི་སེ་སཱ ཨི་དྷ པུ་ཙྪི་ཏ་ཏྟཱ ཨ་ན་ནྟ་ར་པ་ཉྷཱ ནཱ་མ ཛཱ་ཏཱ.

ཚེ་ད་ན་ཀཱ་དི་ཝ་ཎྞ་ནཱ

༣༣༧. པ་མཱ་ཎཱ་ཏི་ཀྐ་ནྟ་མ་ཉྩ་ནི་སཱི་ད་ན་ཀ་ཎྜུ་པ་ཊི་ཙྪཱ་དི་ཝ་སྶི་ཀ་སཱ་ཊི་ཀཱ་སུ་ག་ཏ་ཙཱི་ཝ་ར་པྤ་མཱ་ཎཾ བྷི་ཀྑུ་ནཱི་ནཾ ཨུ་ད་ཀ་སཱ་ཊི་ཀཱ་ཏི ཚ ཚེ་ད་ན་ཀཱ་ནི. ཙཱི་ཝ་ར་ཝི་པྤ་ཝཱ་ས་ས་མྨུ་ཏི་ཨཱ་ད་ཡོ ཙ་ཏ་སྶོ ས་མྨུ་ཏི་ཡོ. ‘‘ཨ་ཡཾ ཏ་ཏྠ སཱ་མཱི་ཙཱི’’ཏི ཨེ་ཝཾ ཨཱ་ག་ཏཱ ས་ཏྟ སཱ་མཱི་ཙི་ཡོ.

ཨ་སཱ་དྷཱ་ར་ཎཱ་དི་ཝ་ཎྞ་ནཱ

༣༣༨. པུ་བྦེ ཝུ་ཏྟ་ཙུ་དྡ་ས་པ་ར་མཱ་ནེ་ཝ ཨ་ནྟ་ར་པ་ཉྷེ ནི་ཊྛ་པེ་ཏྭཱ པུ་རི་མ་པ་ཉྷཾ ཝི་སྶ་ཛྫེ་ནྟོ. དྷོ་ཝ་ན་ཉྩ པ་ཊི་གྒ་ཧོཏི གཱ་ཐཱ ཨ་ཊྛ་ཀ་ཐཱ་ཙ་རི་ཡཱ་ནཾ. དྭེ ལོ་མཱ་ནི ཨེ་ལ༹་ཀ་ལོ་མ་ཏི་ཡོ་ཛ་ན་པ་ར་མཱ་ནི.

དྭེ་ཝཱི་ས་ཏི ཁུ་དྡ་ཀཱཏི –

‘‘ས་ཀ་ལོ བྷི་ཀྑུ་ནི་ཝ་གྒོ, པ་ར་མྤ་ར་ཉྩ བྷོ་ཛ་ནཾ;

ཨ་ན་ཏི་རི་ཏྟཾ ཨ་བྷི་ཧ་ཊཾ, པ་ཎཱི་ཏ་ཉྩ ཨ་ཙེ་ལ་ཀཾ;

ཛཱ་ནཾ དུ་ཊྛུ་ལླ་ཚཱ་ད་ནཾ.

‘‘ཨཱུ་ནཾ མཱ་ཏུ་གཱ་མེ་ན ས་དྡྷིཾ, ཡཱ ཙ ཨ་ནི་ཀྑ་ནྟ་རཱ་ཛ་ཀེ;

ས་ནྟཾ བྷི་ཀྑུཾ ཨ་ནཱ་པུ་ཙྪཱ, ཝི་ཀཱ་ལེ གཱ་མ་པྤ་ཝེ་ས་ནཾ.

‘‘ནི་སཱི་ད་ནེ ཙ ཡཱ སི་ཀྑཱ, ཝ་སྶི་ཀཱ་ཡ ཙ སཱ་ཊི་ཀཱ;

དྭཱ་ཝཱི་ས་ཏི ཨི་མཱ སི་ཀྑཱ, ཁུ་དྡ་ཀེ་སུ པ་ཀཱ་སི་ཏཱ’’ཏི. –

པཱ་ཋོ. ‘‘ཀུ་ལེ་སུ ཙཱ་རི་ཏྟཱ་པ་ཏྟཱི’’ཏི པཱ་ཋོ ན ག་ཧེ་ཏ་བྦོ སཱ་དྷཱ་ར་ཎ་ཏྟཱ ཏ་སྶ སི་ཀྑཱ་པ་ད་སྶ. ཚ་ཙ་ཏྟཱ་རཱི་སཱ ཙི་མེཏི ཚ་ཙ་ཏྟཱ་རཱི་ས ཨི་མེ. ‘‘པཱ་རཱ་ཛི་ཀཱ་ནི ས་ངྒྷཱ་དི་སེ་སོ’’ཏི ཨེ་ཝཾ ཝུ་ཏྟ་སི་ཀྑཱ་པ་དེ ཨེ་ཝ ཝི་བྷ་ཛི་ཏྭཱ ཝུ་ཏྟ་ཏྟཱ ཝི་བྷ་ཏྟི་ཡོ ནཱ་མ. སཱ་དྷཱ་ར་ཎནྟི ཨ་ཊྛ་ནྣ་མྤི སཱ་དྷཱ་ར་ཎཾ. པཱ་རཱ་ཛི་ཀ་བྷཱུ་ཏཱ ཝི་བྷ་ཏྟི་ཡོ པཱ་རཱ་ཛི་ཀ་ཝི་བྷ་ཏྟི་ཡོ. སཱ་དྷཱ་ར་ཎེ ས་ཏྟ་ཝ་ཛྫོ ས་ངྒྷཱ་དི་སེ་སོ. ཨ་ཉྙ་ཏ་ར་སྨིཾ ག་ཎྛི་པ་དེ ‘‘ཨ་ཐ ཝཱ ‘དྭེ ཨུ་པོ་ས་ཐཱ དྭེ པ་ཝཱ་ར་ཎཱ ཙ་ཏྟཱ་རི ཀ་མྨཱ་ནི པ་ཉྩེ་ཝ ཨུ་དྡེ་སཱ ཙ་ཏུ་རོ བྷ་ཝ་ནྟི, ན་ཉྙ་ཐཱ’ཏི པཱ་ལི༹ཾ ཨུ་དྡྷ་ར་ནྟི. ཏ་ཏྠ ‘ཙ་ཏྟཱ་རི ཀ་མྨཱ་ནཱི’ཏི ཝི་སེ་སཱ་བྷཱ་ཝཱ ཨུ་དྡྷ་རི་ཏ་པོ་ཏྠ་ཀ་མེ་ཝ སུ་ནྡ་རཾ, པུ་བྦེ་པི ཝི་བྷ་ཏྟི་མ་ཏྟ་ད་སྶ་ན་ཝ་སེ་ནེ་ཝ ཙེ་ཏཾ ཝུ་ཏྟཾ. ‘ན ས་མ་ཐེ་ཧི ཝཱུ་པ་ས་མ་ན་ཝ་སེ་ནཱ’ཏི ཝ་ཏྭཱ ཙ་ཏྟཱ་རི ཀ་མྨ་ཝི་བྷ་ཛ་ནེ ‘ས་མ་ཐེ་ཧི ཝཱུ་པ་ས་མྨ་ཏཱི’ཏི ན ཝི་སེ་སི་ཏཾ ཨུ་པོ་ས་ཐ་པྤ་ཝཱ་ར་ཎཱ་ནཾ་ཡེ་ཝ ཝི་བྷཱ་ག་ཏྟཱ. ཀ་སྨཱ? ཨེ་ཏྠཱ་པི ‘ཨུ་པོ་ས་ཐ་པྤ་ཝཱ་ར་ཎཱ་ནཾ་ཡེ་ཝ ཝི་སེ་སེ་ཏྭཱ ན་ཡཾ དེ་ཐཱ’ཏི ཝུ་ཏྟ་ཏྟཱ, ཨ་དྷ་མྨེ་ན ཝ་གྒཱ་དི་ཀ་མྨེ་ན ཨཱ་པ་ཏྟི་ཡོ་པི ཝཱུ་པ་ས་མྨ་ནྟཱི་ཏི ཨཱ་པ་ཛྫ་ན་ཏོ་ཏི ཝེ་དི་ཏ་བྦ’’ནྟི ཝུ་ཏྟཾ, ཝི་ཙཱ་རེ་ཏ་བྦཾ. དྭཱི་ཧི ཙ་ཏཱུ་ཧི ཏཱི་ཧི ཀི་ཙྩཾ ཨེ་ཀེ་ནཱཏི དྭཱི་ཧི ཝི་ཝཱ་དཱ་དྷི་ཀ་ར་ཎཾ, ཙ་ཏཱུ་ཧི ཨ་ནུ་ཝཱ་དཱ་དྷི་ཀ་ར་ཎཾ, ཏཱི་ཧི ཨཱ་པ་ཏྟཱ་དྷི་ཀ་ར་ཎཾ, ཨེ་ཀེ་ན ཀི་ཙྩཱ་དྷི་ཀ་ར་ཎཾ ས་མྨ་ཏཱི་ཏི ཨ་ཏྠོ.

པཱ་རཱ་ཛི་ཀཱ་དི་ཨཱ་པ་ཏྟི་ཝ་ཎྞ་ནཱ

༣༣༩. ནི་བྦ་ཙ་ན་མ་ཏྟནྟི ཝེ་ཝ་ཙ་ན་མ་ཏྟཾ. སེ་སེཏི ཨཱ་དི་ཏོ སེ་སཱ མ་ཛ྄ཛྷ་ནྟཱ. པ་དནྟི སི་ཀྑཱ་པ་དཾ. ས་དྡྷཱ་ཙི་ཏྟཾ པ་ས་ནྣ་ཙི་ཏྟ་ནྟི ཨ་ཏྠོ, ‘‘ས་ནྟཱ་ཙི་ཏྟ’’ནྟི ཝཱ པཱ་ཋོ. ཨ་ནཱ་ལི༹་ཡནྟི ད་ལི་དྡཾ. ཀི་ཉྩཱ་པི ཨི་དཾ ནི་བྦ་ཙ་ནཾ ‘‘ག་རུ་ཀཾ ལ་ཧུ་ཀ་ཉྩཱ’’ཏི་ཨཱ་དི་པ་ཉྷེ ན་ཏྠི, ‘‘ཧ་ནྡ ཝཱ་ཀྱཾ སུ་ཎོ་མ ཏེ’’ཏི ཨི་མི་ནཱ པ་ན ཝ་ཙ་ནེ་ན ས་ངྒ་ཧི་ཏ་སྶ་ཏྠ་སྶ དཱི་པ་ན་ཏྠཾ ཝུ་ཏྟ་ནྟི ཝེ་དི་ཏ་བྦཾ. ‘‘ཨཱ་ཀཱ་སོ པ་ཀྑི་ནཾ ག་ཏཱི’’ཏི ཙ པཱ་ཋོ ཨ་ཏྠི, སོ ཛཱ་ཏི་ཝ་སེ་ན ཡུ་ཛྫ་ཏི. པ་ཀྑཱི་ནནྟི ཨུ་ཛུ་ཀ་མེ་ཝ.

པ་ཋ་མ་གཱ་ཐཱ་ས་ངྒ་ཎི་ཀ་ཝ་ཎྞ་ནཱ ནི་ཊྛི་ཏཱ.